尖沙咀山林道有間間黎巴嫩餐廳“RUE DU LIBAN”，藍色花花門口好有藝術氣息，儼如店名“Rue Du Liban”(意指黎巴嫩街) 好似去咗外國街頭咁啊。
2025年最新優惠
即日起，逢星期日至四單點餐牌即享8折優惠 |
“RUE DU LIBAN”法文意指黎巴嫩街道，藍色花花門口好有藝術氣息。
新鮮健康食材！一嚐地中海健康飲食文化
黎巴嫩料理強調新鮮健康食材，喺“RUE DU LIBAN”唔止食到地道風味，更感受到地中海健康飲食文化嘅吸引力。當地人好鍾意用鷹嘴豆、扁豆、新鮮蔬菜等食材，所以“RUE DU LIBAN”菜式有好多高質蔬菜、豆類、穀物同瘦肉蛋白入饌，好味又有營養㗎。
“RUE DU LIBAN”展現地中海健康飲食文化，以高質蔬菜、豆類、穀物同瘦肉蛋白入饌，好味又有營養。
融合多種食材香料 打造異國饗宴
黎巴嫩料理一向以大膽融合多種食材香料而聞名，所以一入到“RUE DU LIBAN”店內，就好似畀各種香料、草本植物香味包圍。好似用香味嚟提醒大家嘅味蕾，準備迎接一場異國饗宴啊。
以黎巴嫩沙律(Tabbouleh) 為例，就係一道以番茜、番茄同粗粒小麥製成，係一款富含維他命同礦物質嘅清爽沙律。當然，不得不提當地人最鍾意嘅經典鷹嘴豆蓉(Hummus)，混合鷹嘴豆、芝麻醬、大蒜同檸檬汁，係一道好好味嘅沾醬，好啱配彼得包或脆片㗎，滿足追求健康蛋白質同纖維嘅大家。
貝魯特鷹嘴豆蓉(Hummus Beriruti) 係黎巴嫩經典料理之一，質地順滑又重豆香。
健康煮法 依然惹味滿足
“RUE DU LIBAN”一直堅持健康煮法，包括燒烤、烤焗、蒸煮而非油炸。呢啲健康煮法不但保留食材營養價值，仲可以增強天然風味。顛覆健康料理等如淡而無味嘅刻板印象，反而食到輕盈又惹味滿足嘅異國料理。
肉控/素食者都會愛上！
無論你係肉控定素食者，喺“RUE DU LIBAN”都搵到你鍾意嘅料理。一系列菜式由香料醃製嘅juicy燒烤肉類；到慶祝地中海豐收嘅豐盛素食都有。
原隻烤釀燒雞。燒雞下層鋪滿紫椰菜、栗子，吸滿雞油精華。
焗開心果仁脆皮羊架。外層開心果碎碎，做出外脆內嫩口感。
炸茄子薄脆紅石榴醬沙律。多種新鮮蔬菜夾雜核桃、薄脆片、炸茄子等，清爽又香口。
雜錦蔬菜煲配印度香米。蔬菜煮得軟嫩甘甜，用嚟配飯好開胃。
如果你想要輕食，黎巴嫩前菜拼盤(Mezze Platter) 係絕佳選擇。集合一系列各式小食，輕鬆試勻多種地道風味，包括中東茄子蓉(Baba Ghanoush)、地中海葡萄葉包飯、烤蔬菜等，異國風味都好震撼感官。
中東茄子蓉有煙燻香味，撈埋芝麻醬幾有層次。
感受黎巴嫩人熱情氣氛
黎巴嫩人都好熱情好客，而“RUE DU LIBAN”正正由黎巴嫩人開設，所以員工態度好親切之餘，用餐環境都好舒適溫暖。無論你想同朋友一嚐異國美食，又或想享受浪漫晚餐，呢度都好適合㗎。
(左)主理人Imran Khaleel、(右)埃及總廚Maged Makram
二人憑豐富經驗，打造滿足視覺同味覺嘅“RUE DU LIBAN”。
店內掛滿色彩繽紛嘅花花，夢幻唯美。
有時出街想食得健康啲，可能會發覺選擇有限。而“RUE DU LIBAN”就將黎巴嫩健康滋味帶嚟無限可能性，憑藉對新鮮食材、健康煮法、多樣化料理，為大家提供多個開飯選擇，原來健康都可以好食惹味!! 無論你對黎巴嫩料理已經好熟悉，又或渴望探索未食過嘅異國料理，都可以去“RUE DU LIBAN”試吓啊。
RUE DU LIBAN
地址: 尖沙咀山林道22-26號地下A號舖
電話: 23102922