初春微風,好啱坐室外食嘢Chill吓。呢間中環手工Pizza店 “Abbraccio”有個大戶外用餐區,坐籘椅梳化眺望大館幾好Feel。
![](https://www.openrice.com/userphoto/CMSContent/0/8G/001O38C4ECAE5185D47E5Aj.jpg)
好天氣坐戶外真係特別正。
![](https://www.openrice.com/userphoto/CMSContent/0/8G/001O3957D6DC2ADF59618Bj.jpg)
開揚露天座位可眺望大館,有種異國氣氛。
行入“Abbraccio”先見到酒吧位,然後係一整排室內梳化卡位,有時仲會望到廚師手搓麵團整Pizza㗎。想邊食邊影吓靚相,好推薦坐室外有中環夜景。
![](https://www.openrice.com/userphoto/CMSContent/0/8G/001O3A1B87FF917A36936Aj.jpg)
室內軟皮卡位,係另一種浪漫情調。
晚餐可揀3 Courses $398/人(前菜/沙律 + 薄餅/意粉 + 甜品)、4 Courses $498/人(前菜/沙律 + 薄餅/意粉 + 肉扒 + 甜品);或者直接單點都得。每日4:00pm-6:00pm都有Happiest Hour,揀啱時間嚟仲有Live Music表演㖭,即睇詳情~
Happiest Hour優惠詳情
![](https://www.openrice.com/userphoto/CMSContent/0/8G/001O3BE213BF829DA49F91j.jpg)
每日4:00pm-6:00pm,惠顧紅/白酒、啤酒、雞尾酒、無酒精雞尾酒均享買一送一。 |
Live Music表演!
逢星期四、五、六(9:00pm-11:00pm)特設Live Music表演,現場聽歌飲酒更好Feel。 |
“Abbraccio”唔只得Pizza食,呢度嘅前菜、意粉同肉扒都幾高質,睇吓有咩選擇啦~
【前菜】
Polpetoni
好多熟客都會揀嘅Polpetoni,係意大利番茄汁肉丸灑滿帕馬森芝士。肉丸自家手打Dry Aged牛肉,肉味特濃,口感幾紮實。
![](https://www.openrice.com/userphoto/CMSContent/0/8G/001O3C98049EB451AB0FC0j.jpg)
Piovra
Piovra主角係彈牙八爪魚,配埋24個月帕馬森芝士、檸檬汁、柑橘沙律醬。酸酸地幾開胃,好啱食主菜前飲酒傾偈。
![](https://www.openrice.com/userphoto/CMSContent/0/8G/001O3D796B224EF8B4084Bj.jpg)
![](https://www.openrice.com/userphoto/CMSContent/0/8G/001O3E681D05D3A799D396j.jpg)
【沙律】
Insalata di Pollo
呢個沙律嘅雞胸肉超多!! 做Gym操肌人士必食呀。加埋24個月巴馬臣芝士、微辣香料洋蔥、香醋調味好有層次。
![](https://www.openrice.com/userphoto/CMSContent/0/8G/001O3F8552123475AFBEF4j.jpg)
Frisella
望落好似迷你Pizza嘅前菜,其實下層係脆麵包(Dough Crust),比Pizza批底更煙韌。食之前,戳開圓碌碌嘅流心水牛芝士(Burrata)好有儀式感。
![](https://www.openrice.com/userphoto/CMSContent/0/8G/001O3G5A85395253907B51j.jpg)
【白醬薄餅】
Cacio e Pepe
呢度全部Pizza都係手工製,搓麵團、新鮮出爐都可以透過玻璃見到。特製石窯爐高達450°C,高溫環境將Pizza焗到外脆內輕韌㗎。芝士控必食Cacio e Pepe~唔使多餘配料,成個Pizza都鋪滿馬蘇里拉芝士、車打芝士,一拎起即刻極量拉絲!! 鋪滿爆多芝士嘅批底軟綿綿啲,每啖都係芝士味勁滿足。
![](https://www.openrice.com/userphoto/CMSContent/0/8G/001O3H430F8D3C0564E720j.jpg)
![](https://www.openrice.com/userphoto/CMSContent/0/8G/001O3I17573477356A5F0Dj.jpg)
【創作薄餅】
Nduja di Manzo
如果你為Pizza而嚟,呢款Nduja di Manzo(晚市套餐+$48)好值得試,因為好難喺其他地方食到。主角係自家製牛肉Nduja腸,比一般香腸軟綿有肉感,一入口就好香辣,同時又有多種芝士、乳酪平衡吓。
![](https://www.openrice.com/userphoto/CMSContent/0/8G/001O3JC7B5858C0868A139j.jpg)
【意粉】
Alla Bolognese
“Abbraccio”由外籍大廚主理,意粉、肉扒都做得高質。呢道Alla Bolognese望落係普通肉醬意粉,實際上係用慢煮牛肉做,完全無混入豬肉,所以牛味特濃㗎。
![](https://www.openrice.com/userphoto/CMSContent/0/8G/001O3K1C91BA46A419D467j.jpg)
Salmone e Panna
想食啲海鮮解吓膩,Salmone e Panna有滿滿煙燻三文魚,用白酒、白蘭地煮製,富酒香又輕盈。
![](https://www.openrice.com/userphoto/CMSContent/0/8G/001O3L10A147576FC966D6j.jpg)
【肉扒】
Filetto牛柳
呢度有自己嘅熟成牛扒櫃,其實淨係嚟鋸扒都好吸引。Filetto牛柳有220g,輕鬆一刀切到底好軟嫩,入面仲係好粉紅。大廚用咗鼠尾草、迷迭香突出肉味,一上枱就聞到好香啦。
![](https://www.openrice.com/userphoto/CMSContent/0/8G/001O3MEC6D9B474CC344ABj.jpg)
【甜品】
Tiramisu Classico
點估到手工薄餅店,招牌之一係甜品—Tiramisu Classico。自家用意式軟芝士(Mascarpone)、可可粉、手指餅同Espresso製成,食落軟綿綿幾濕潤,仲好重咖啡香,女生必食呀!!
![](https://www.openrice.com/userphoto/CMSContent/0/8G/001O3N67C4EFFDE9A16FB4j.jpg)
Abbraccio
地址: 中環雲咸街75-77號嘉兆商業大廈5樓
電話: 26333878