一番日本料理店 (Changed Hand)

又是一人在元朗搵食開餐，鍾情日本餐，元朗教育路有好幾間日本餐廳，經常排長龍，這間一番是其中一間，好難得這晚不用等位，立即閃入去，睇到䣓離台，叫了一碟燒蠔！最愛燒蠔！餐牌有蒜蓉蠔，芝士蠔，北海道蠔（唔知係乜）一碟六隻（$66），都好抵！不過一人食唔到咁多，問下waiter，原來最少叫兩隻，每隻$13，都ok!因為一般都要20蚊隻左右！叫了兩隻芝士蠔！加上天氣有些秋涼，叫了一個豬軟骨餃子鍋$53！再叫了一客三文魚子壽司！不到5分鐘.先來的竟然是芝士燒蠔！燒物咁快，已知道不能存厚望！芝士蠔外一層簿芝士，外面好乾，食落，裡面全是芝士水！一點芝士口感都無！好明顯只係煮熟了，就上台！只外面一層乾了就算！芝士味好少！失望呢！猪軟骨餃子鍋，有八隻餃子，𥚃面是菜，豆腐，料超多！都只$53，價錢又係勁抵，不過湯底超咸！食完口渴了成粒鐘！最后三文魚子壽司ok!不過唔明，飯團size, 是正常的兩倍，一看好像超大壽司感覺，當然三文魚子無超多，只係飯多！埋單只120蚊！真係好平，不過野食唔你一味量多，一味平就ok!如果真係想食飯，不如叫碗白飯！

上網睇左好多評語, 見到很多人寫到好差. ... 諗起當年它開的時候, 個個人都會排晒隊黎食. ....心想係咪真係差左咁多???尋晚很夜收工....我又黎食左一次....上星期又有一日好放收工黎過一次兩次都係為10點先入到黎坐低, 因此沒有等位, 職買態度唔好既問題...相反. 入黎可以自己揀位坐, 職員態度仲唔錯添~~ 我同同事兩個人...都叫左好多野食三文魚刺身, 蝦刺身, = 刺身不嬲都係大件抵身, 夠厚身, 夠新鮮, 比起係出面貴價餐廳食仲更加好; 不足之處係的蝦拆得唔好, 6隻入面有3隻無左條尾.八爪魚壽司, 帶子壽司 = 一樣係件刺身好味, 特別係帶子真係好正, 好好味. 但係八瓜魚無味, 唔好食, 另外飯太大舊, 食兩件其實好足夠. 螺肉小食. 十幾蚊一大碟, 好抵食. 牛油金菇, 好大碟, 太多牛油, 太甜, 食食下好飽. 章魚小丸子8 粒, 同街邊既野差唔多 叫左一個比較少人試過既冷面. 因為個人鐘意食冷面. 反而覺得呢個做得唔錯. 多送係面. Sesame 醬混埋好食.兩個人食咁多野真係超飽...最後係食唔晒的~overall, 呢度碟碟都係超大碟, 又平,

今晚係第一次光臨此日本餐廳因不用等位...叫蠔食出現了嚴重嘅問題.Menu 寫明$66 有6隻.落單時已說明此$66 嘅蠔.店員說可3隻焗3隻燒. 後來發現還有蒜蓉燒..本人已問了可否各食法x2.店員說可以.收費時..初初沒有check 單就付款了.後取回單一睇，發現了亂收錢.$25x3. 再同三個男店員投訴但沒有一個能處理及跟進此亂收費.只說落單是新人可能表達錯了. 又講menu 寫每隻$13(2隻以上），現收$25兩隻係抵咗：（ 因為相差銀碼不大所以沒有再爭論了....所以請大家不要光顧此收費不實之食店！!!吞拿魚壽司：飯多蟹子沙律：只有一價錢(大份量價)牛仔骨：肉質硬難咬開

元朗人一定識一番日本料理店, 皆因佢d壽司出名大大件又好味!刺身好新鮮!!其實食完呢個都好飽><"推介一定要食呀!!冇乜邊到有d咁大件夾抵食既壽司當然, 咁抵食, 自然對比板長那些壽司店就失色一點。要求唔係太高的就真係大力推介.......其中黃金魷魚壽司, 略嫌咸了一點其他都不過不失三文魚好長,好肥美。滑蛋鰻魚飯..味道可以蛋真係好滑!!配埋d飯濕濕地咁好開胃鰻魚好彈牙好爽口而且d燒汁又唔會好鹹 又係大大碗,好抵食,good!!!!炸蝦天婦羅有4隻蝦同埋一些炸蔬菜..蝦口感幾彈牙,不過出面炸個塊略嫌粉太多過厚!唔算十分好食....!

本來今日開開心心同女友&auntie一齊去元朗食日本菜。點知黎到一番一肚氣其實我地既第一選擇係酒泉,但係太多人啦!所以選擇左呢間一番食大舊壽司。一去到要等位(已經預左),問門口位女侍應拎飛個陣佢已經木口木面,我女友已經話佢好無禮貌我就覺得無所謂,咁我地就一路係門口等啦。一路等一路等,就問下位四眼既侍應"小朋友"幾時先有位佢勁無禮貌+勁串咁答"入面有張2人台,我地唔可以你地3個可以坐落去架!我地唔介意!仲可以比多張椅你添!"然後佢轉個頭走左!!!個張台根本無可能坐到3個人,要坐3個人既話一定無位擺野食之後我問佢你而家咩態度點解你可以咁無禮貌?佢應都冇應我就即刻入返舖頭!老土d講句 而家咁既服務態度唔夠不特止!直頭係不過接受!於是我直接走入間舖頭個收銀到同個呀姐投訴(不過睇佢都唔似係話事人)一路講完之後 個呀姐淨係識話誤會誤會,佢地會處理!算啦,我都冇諗住有咩實際作用,只係想發泄心入既不滿。所以之後有位我都唔食啦,食得唔開心之餘都唔放心啦!最尾3個人去左正記開開心心食小菜,抵食之餘又好食!呢個舖頭我一定black list,以後唔會再黎!有人請都唔會去元朗咁多間食日本菜 我洗怕無得揀?個位

住元朗區，其實已經幫襯過一番無數次了。仲好記得多年前第1次食一番既壽司，好驚訝點解可以咁大件!唔知係因為睇慣左，定係真係size縮水，而家覺得冇咁大件了一向最鐘意食鰻魚壽司，以前係$25一客，後來加到$28，而家竟然係$35，太貴了覺得味道大不如前，少左鰻魚既香味朋友點的黃金魷魚壽司，略嫌咸了一點平時鐘意叫三文魚壽司，但又覺得單叫一兩客三文魚壽司唔夠喉，於是點了三文魚反卷只能說：三文魚沒有三文魚味這個鍋湯底好味，不過餃子有點油，我鐘意入面d娃娃菜、粉絲同豆腐雖然食物不算太美味，雖然加價了不少，但依然覺得抵食，以這個價錢來食飽，算是不錯了。

明明叫哩吉豬，但上枱的只是吉豬。算，照食。味道是OK的！可樂唔可以走冰，少冰就得，算。但上枱的可樂竟然半杯係冰！好啦，請侍應攪攪佢，我係要少冰，轉頭倒走D冰就算，唉，唔通倒多50ml可樂俾我都會蝕本？到埋單，兩客飯加埋明明$69，收我$72？咁梗係好禮貌地問係咪凍飲加錢啦，侍應就幫我睇睇，噢，原來係計錯數，orz。順帶一提，堂食拎走，第一個盒free，第二個起$10。侍應包裝$10，客人自己包$5。

真係請我都唔黎！店員無禮貌不特止，一d招呼都無！食過咁多間壽司店，都未試過叫個蟹子沙律搵個洗菜盆黎上台！係唔係連碟都無呀？見到都已經唔想食！d壽司係大件呀！醋味好多添！d刺身就更加唔洗請！下午時段都咁差！好難想像晚飯時段會係點！

每次去一番都會好滿足。最吸引就係厚切刺身同埋重量級既蟹籽沙律！所以刺身係唔少得既，好肥美既三文魚，八爪魚鮮甜多汁，勁好味！今次試左巨型火灸三文魚（鹽味），超好味土佐豆腐又香又脆，淡淡既豆腐配上少少鹹既木魚同汁，食唔停！不過實在太大份啦，兩個人食好似太多。。。不過大件又抵食係一番既賣點黎既！芝士年糕。。。非常吸引既名字，但係味道就有點遜色。真係呢餐最美中不足既一個菜式!

一番絕對係我係元朗食壽司既不二之選除左大件夾抵食食物都有返咁上下質素架我最鐘意就係食芝士炸蠔卷佢既芝士真係落足料味道好好3文魚壽司又肥又新鮮另外佢既燒物例如3文魚水撥同焗蠔都好夠味道3文魚水撥好香又脆芝士焗蠔味道濃又唔會搶左蠔既鮮味真係要比足100分也

我都幾鐘意一番! 真係貪佢大伴抵食! 味道真係唔好要求太高啦!食宵夜嗌左一碗炸雞拉麵係唔係我幻覺？好似Ｄ價錢唔同左讚：好大碗好多炸雞兩個人都食唔哂炸雞很有肉汁拉麵湯底都叫濃郁彈：唔知係唔係有味精～食完好口渴咁抵食好難唔再去食O既!

同朋友第一次去食呢間日本野, 亦相信會係最後一次。是次叫了一個壽司盤, 唔知係唔係佢地生意太好, d反重係熱的.........我咁大過仔都唔知壽司飯可以係熱既, 失敬晒~壽司好大件, 不過係反多lor, 我想食壽司唔係想食反, 結果我食左3-4件已經夠晒, 唔想再食落去, 幾個人食10幾件壽司可以食剩幾舊反, 都係第一次=-=其他熱食........我諗同旁邊d小食店質數唔差好遠~都唔想多講....想食好野, 真係唔駛想呢間~入元朗食日本野, 其實仲有好多間都好過佢!真係唔明, 佢同酒泉等日本野點解重有人會花時間去等........莫非d人入元朗食壽司平就可以, 味道不是怪或大差都可以放進口?!!不過想食大舊反而唔重味道, 我誠意推介呢間!!

9點半黎到都要等位？真係好旺場等左10分鐘度d位真係太窄了迫住迫住咁食野我覺得元朗最迫既壽司店應該非1番莫屬唔理咁多叫左野食先叫左1客芝士炸蠔卷同2客3文魚壽司芝士蠔係每次黎1番既指定動作因為鐘意食舊芝士芝士有小小溶加埋個熱辣辣既炸蠔簡直係perfect match!!3文魚壽司今次個尾有小小白色既野我唔係咁鐘意聽人講係魚腩喎但我唔係咁鐘意梗係覺得怪怪地咁食完2樣野之後諗諗下我地想加個水撥就舉手講唔該啦但收錢個個以為我地叫埋單2話不說就遞張單埋黎點知我地係叫野食幾尷尬叫左個3文魚水撥都等左15分鐘算幾耐下我覺得水撥好lone我覺得唔太好食

同男友入左去南生圍影相，之後落番元朗食飯，當然係食日本野啦~去到一番門口既時候係5:45 pm，因為佢地6點先開門，門口已經有大約十數人排隊等緊，我同男友見只係等15mins，所以都決定等埋一份。入去之前已經睇過D 點餐紙，不過見個個都寫緊野，所以唔想迫D 侍應住。點左︰三文魚刺身( 8pc) ︰件件都係厚切，好新鮮，唔會太凍，亦唔會放暖左，有魚味，正~壽司︰北寄貝、鮮帶子、蟹子、海膽 ︰飯真係好大件，帶子唔算好大隻，海膽都算新鮮，不過每片都係細size。三文魚軟殼蟹卷︰都係大size，可能係o岩岩開鋪，D 軟穀蟹仲食到暖暖地。花之戀︰因為三文魚好味，所以好滿意。吉烈炸蠔(5pc)︰新炸既，不過D 蠔唔係大隻既蠔，炸炒都多左少少，不過好熱，都好味。D 位係好窄，不過我覺得服務唔算係非常差，lee 個價錢我唔會有太高既expectation 喎。P.S.如果女仔去食真係一定要叫少飯下次如果入元朗諗唔到食咩都會食番佢。

話說實習過後 大家都formal dress code咁去食飯搭左成個hr巴士入左黎呢間先醒起好耐之前食過!!呢度出名sushi飯大大舊 一行六人嗌左20件既拼盤一客海老天婦羅 三文魚沙拉 煎餃子 再叫左客三文魚刺身20件既sushi真係令我嘆為觀止 d飯都唔會鬆鬆散散既但好似有少少暖...."20件真係食到好辛苦 大家其實都飽左7成!!! x)海老天婦羅okay 睇落好大件 其實係炸粉大舊咋!!不過都算唔錯啦!!!反而最好係三文魚salad 好fresh好大兜餃子不吃也罷 麻麻地咋._.三文魚刺身好厚 好好味 點左好多wasabi 好味=D不過呢間野最大問題係服務態度 - -飲哂d茶好耐都冇人理 到我地出聲叫佢地佢地可以好cool咁話..等陣啦轉頭幫你!!!!同埋 我知門口講明只可以食1個鐘頭 我地都急急咁食到食到尾果陣 有個哥哥仔話 你地仲有幾分鐘...丫你地夠鐘喇 要埋左張單先"""好無奈@@ 要count既話我肯定唔夠1個鐘囉 但其實門口都未有人等 何必做到咁harsh- -?