串燒王 (Closed)

早排堂食去到12點嗰陣同兩個女仔朋友去食，真係深深咁體會到咩叫衰過大陸街邊燒烤檔，嘢食上齊要成兩個鐘頭！！我都算啦。食食吓見到天花板有幾隻老鼠跑來跑去好似玩捉伊人咁！隔離嗰幾台都見到之後嚇到全部人出晒去門口，之後個女侍應走出嚟話要埋單，我話想同你哋老細講吓之後個男同事打電話俾佢老細，跟住話老細話如果唔俾錢佢哋就要報警！我真係好想知道呢間老細究竟係大陸邊度落嚟影衰香港🇭🇰

依家天氣凍冰冰諗住食個麻辣燙暖下肚，叫咗個八個淨餸真係咁大個仔都未食過咁難食嘅嘢！好似飲豉油咁，碗嘢黑過涼茶餸又比少三個，真係俾個建議大家唔好食為妙，依間店負評都聽得多不過冇諗過真係咁差試咗一次

樓面幾靚女態度好，比起早一個月差好遠，雖然等候時間比較長但值得一試。串燒意外地好食，有種返咗大陸嘅感覺！不過好多外賣員出入比較嘈吵如果可以改善呢一點就Perfect

經常叫外賣，見到係apps度叫外賣有discount, 所以就叫黎試下，我諗呢間應該只仲外賣夜宵時間，每次宵夜時間想食野，打開個app都會見到佢做緊特價，如果飲酒🍻肚餓其實可以叫黎送下酒都得，不過缺點係最少要等1個小時，有時更多，所以要叫外賣真係要早啲叫！

係門口經過，冇員工係店入面，以為last order左。等左陣有員工出返個場到，入到去一句招呼都冇，然後又入返去廚房，都唔知啲人做緊咩..最緊要係間鋪入面成陣臭味。啲員工又串串貢咁，成支筆同menu掉落枱面，即係就想走。野食到筷子都冇對，又要等佢出樓面先得。叫佢個waitress只係識等等，以為佢哋好忙啦，到我買單嘅時候先發現佢喺入邊食緊野，完全唔明佢有幾咁忙，成日都等等先，究竟等啲乜？嘢食都還好既，但完全唔會吸引我唔會再返轉頭食

等外賣又等左1個鐘 明明舖頭得我一個客 我問個女職員 啲外賣齊5齊 佢又話check左齊最後樣樣都少 比少左我成2百幾蚊嘢 張單total5百幾我打翻過去 又冇人接聽電話 跟本吾係做生意😅

同朋友Staycation唔係食酒店自助餐就多數叫外賣。呢間響Foodpanda 叫有五折，好似好抵，但其實折後價錢先似番平時食串燒的價錢！宜家寫文上Openrice望下餐牌，驚覺餐廳食仲平過Foodpanda半價！當時唔識直接搵店家叫外賣真係蝕左，做唔到精明消費者添。（不過我叫Foodpanda果陣仲未有人上載餐牌上Openrice呢～）食物賣相唔錯，串燒唔會太乾或太焦。八餸麻辣燙相對划算，餸亦算多。鰻魚炒飯及芝士海鮮炒飯都好食。外賣黎講，食物夠熱，包裝唔會油冧冧，食物質素都幾高。下次有機會再叫可以直接Whatsapp店家啦！

夜晚經過想叫外賣，當時舖內得兩個人用餐。期間一位女職員攞住啲外賣嘢食出嚟，口罩就戴係下巴度。寫完外賣紙，入到去廚房門口，唔該個女職員三次，而該女職員掛住同另一個員工傾計完全無理過我。全程個女職員都係將口罩戴住係下巴度，期間用手整理一下口罩再徒手攞嘢食擺入爐入面煮。疫情期間咁嘅衛生意識真係見到都唔開胃。加上員工都無心接待客人，即走