Video
Telephone
26035668
Opening Hours
Today
07:00 - 21:00
Mon - Sun
07:00 - 21:00
Above information is for reference only. Please check details with the restaurant.
經過見到有新店，試下啦！下午茶時間，人唔多。牛雜雲吞河牛雜炆得軟淋（但味道就偏淡），草肚牛肺牛腸算入味，牛膀就一般，雲吞細粒，而且味道只算合格，可試可不試，河粉既份量好少，真係就番個碗（好淺），幼身河粉（似越式湯河粉）較淋及滑身。同另外三間粉麵比較份量真係最少。見另外幾個食評，都話牛腩/崩沙好食，如有機會再食，嗌撈麵應該穩陣d/我指份量。咖啡就大大杯，冇特別。光猛，地方乾淨企理。雙拼粉麵加凍飲$50（好似係下午茶包冷熱飲），反而飯餐都係$50＋$3。睇下係墟內有冇競爭力，呢條街同d食店，都轉得幾密。
continue reading
放飯諗唔到食乜通常會去二當家貪佢哋杯凍飲夠大杯粉麵餐一概加$8，印象中好似冷熱同價（我從不飲熱飲所以冇留意）牛腩都幾好食，唔過咸，又唔韌冇特別去數有幾多舊，但份量我覺得合理個人喜好係粗麵口感最好！$38凍飲 +$8又一餐紫菜四寶河都幾好魚片頭冇炸過火我幾鍾意都幾彈牙，唔錯加一匙佢哋嘅辣椒油寧舍好味聯和墟街坊會將呢度同水上人比較咁老實講句二當家份量係細少少但優點係又有常餐又有頹飯一班人放飯總有一款啱心水唔洗就得呢個又就唔到邊個…Btw啲呀姐幾熱情招呼黎得多佢已經知我哋食乜咁🤣
continue reading
有時冇乜胃口，會想食得清淡啲，粉麵係不二之選，睇返餐牌價錢合理，坐得算係幾舒服添😁崩沙腩飯~崩沙腩是牛腩中最矜貴的，表面有一層橫膈膜連住腩肉，筋膜連少少肉，軟腍味香，肥瘦適中，可謂牛腩中的極品。味道方面，都冇令我失望，非常入味！用嚟襯飯,簡直一流！牛丸河~本身湯底已經落咗少少牛腩汁，但係我極愛腩汁，所以要求店員拎啲畀我，佢哋非常樂意，令我有驚喜！河粉香軟嫩滑，牛丸彈牙夠味👍凍檸水、凍檸茶~都係用冰杯，夠曬大杯，味道正常！
continue reading
呢排好忙，已經積咗好多篇食評未打，但呢間啱啱食完覺得好驚喜，所以決定打咗呢篇先😂😂 呢間喺聯和墟開咗冇耐，一直都未試，最近食嚟食去都係食隔離間士多冰室😂 呢一日突然諗起呢間，於是就走咗去試。舖面都幾大，入邊有好多枱，星期六Lunch時間去坐滿晒。叫咗一碟 #崩沙腩飯 （$60）包嘢飲 有驚喜！好耐未食過咁淋嘅崩沙腩，又香牛味，仲要份量好足！呢個可以encore ！#牛雜米 $38 份量太少個湯OK，但牛雜份量少，雖然有幾舊牛肚，但其他牛膀、牛肺、牛腸得一件，連米粉都少，我已經算細食，我食完都唔飽🙊
continue reading