何富記麵家

Open Now

Now Closed

食咗好多次，食完都唔會口干，原汁原味真材實料👍一定要嚟試下佢哋嘅牛腩，精選進口牛腩肉，肉質軟糯彈牙，仲有燉得好入味😍搭配一碟小菜或者飲品七八十蚊，夠飽！性價比真係好高🉑鍾意食辣嘅千祈唔好錯過佢屋企嘅自製辣椒醬，放少少就已經好開胃～

呢間嘅粉麵按頭安利！新鮮大蝦雲吞🦐每粒都係乒乓球 size！！雲吞皮薄到透光，皮入面包住原隻彈牙大蝦同秘制豬腿肉！！✌🏻啖咬落去鮮甜汁水好香😋牛三寶河粉🐮料畀得好足👌🏻一次過食到牛腩 / 牛筋 / 牛肚‼️ 牛腩軟爛入味牛筋 duang 到似果凍牛肚吸滿鹵香😋炸魚皮🐟魚皮即炸到超酥脆停唔到口🤣更正嘅係泡入雲吞湯半脆半軟吸滿鮮湯！！

唔知幾耐冇食過咁有誠意嘅早餐，包括餐肉、炒蛋、公仔麵、麵湯、沙爹牛，全部都熱辣辣，仲係焫晒口嗰隻。炒蛋夠晒滑，公仔麵唔會煮得過淋，時間掌握啱啱好，沙爹牛沙爹味唔算太濃，但蒜香味卻特別出眾，牛肉肉質又冇話用食粉夾硬乸得佢太淋，保持肉本身應有嘅彈性。絕對係有驚喜🤩🤩🤩。真心推介👍🏻。

荃灣區新開麵店呢間何富記麵家原來是第二分店開在人來人往的眾安街人流也不錯呢類牛腩雲吞面店在旺區少見左好多通常要在舊區先見到打工仔晚餐想少於$60也是難甘難得遇到 決定一試環境光亮整潔 ，人少少可以揀坐卡位，自成一角睇完menu 決定食金錢肚拼牛腩面新張優惠包埋熱飲，決定叫豆漿金錢肚爽腍入味是我喜愛的味道牛腩也出色，是潮式五香牛腩蔥蒜很香口，牛肉湯底配上我最愛幼麵一流埋單 $60 有找，$53勝價比高下次再嚟想食埋雲吞麵