元朗鄉村小廚 (Closed)

我早幾日第一次去呢間野食，服務態度好好，因為我唔小心打瀉野，即時有人幫我抹又問我有冇整濕添，碟海南雞飯d雞原來起埋骨架，我覺得噤樣好好囉，我走果時同企係門口果個女人講話d飯好似小左d，她即時同一個幾後生既男人講，之後個男人同我講話會同返廚房講，後來就係噤多謝我反影返比佢知，仲話下次過黎食如果d食物有咩問題記住話返比佢地聽，仲係噤講唔好意思添，到左今日我又去過碟飯真係大碟左，我唸我果日同佢講野果個應該係老細掛，如果唔係點會噤又校律呀？不過呢間野d海南雞飯真係好好味呀！埋單40都算ok

我都係上黎呢度睇先知元朗開左間噤既野，所以今日同屋企人去試下，我之前係度睇完，都好驚會好似你地噤，但入到去d態度都ok喎，等緊野食果時，我果幾個細係度大叫仲爬高爬低添，佢地經過仲叫個小朋友小心d，比起其他餐聽一早比人鬧左9世喇，我叫在3個海南雞飯，肉絲抄面，可能佢地見到我噤多小朋友啦d面仲幫我剪埋添，海南雞飯到左e我睇一睇原來起埋骨喎，之前仲怕有骨唔敢叫比d細路食添=.=不過d飯就小左dd，不過面就好大碟囉，d細路食飽又係度玩仲攪到倒瀉杯野添，不過好彩我冇比人鬧，佢地即刻搵毛巾幫我抹，之後我仲問有冇紙巾佢地仲行去整野飲果到囉成塌比我添，埋單二百都唔洗>o<我聽日又會帶埋班化骨龍落去攪事架喇kekeke

我未幫襯過,已經好憎呢間o野! 我住o係佢對面樓,佢臨開張之前o個排,可能趕開張啦, 晚晚裝修到半夜一兩點, 仲係大模斯樣o係到鑽牆打鐵o個隻, 完全唔駛理d街坊o既感受, 次次等我報o左警, 差人黎到先停手, 有時差人走o左仲搏哂懵做多陣. 我覺得間o野d老細真係好冇品, 所以住得咁近都唔會幫襯, 唔想比錢d衰人賺!

裝修不錯,不過味道麻麻...試了牛肉米線,紅咖哩班塊...米線湯底味精味濃,咖哩一般...由於雞飯聽說多油,沒試...餐廳整體印象一般

睇完以上食評後，嗰位熟客真係好熟鄉村小厨運作，熟到係老細都唔定，應該係(腦細)、、、、佢話排長龍等位，係有、只係星期六、曰晚市，但己和開張差很遠了，伙記態度不算差也不算十分好，如果話個老細用這樣多人去招呼客人係一流嘅，這班老細真係(腦部真係好Q 細)一個係有心及用心去做好自己食店嘅人，唔會成日念番起開張個時幾多人等位，幾巴閉，而係去留意客人口味、及意見！曾經你哋 都留意到客人覺得雞飯D 飯太少，後來D 飯加多咗，這樣才是做生意的人，但點解你哋 見到人哋 食評，會有這樣惡的反應，我家人每星期都會幫嚫兩1三次，如果話貴與平係每個人都唔一樣，你哋 何必价懷，但係希望你哋 做生意亦都要留意客人意見，唔好話自己D係什麼貨，人哋又收幾多錢，這樣做係十分之差，請保重啦！

其實間野好唔好食同值唔值你地睇係人地個晚市就知道啦!日日都排實隊拎飛仔入去架!唔知d人係有心抺黑定係咩?!我去果度食過好多次,咁岩去幾下都見到幾班成日係果度食野既熟客,我地都真係唔覺得係度做既待應有d咩唔禮貌!有一次,我去食野,個待應拎d野黎我唔小心整到佢隻手,明明係我唔岩既,佢整跌左少少西蘭花,佢同我足足講左二十幾次唔好意思,仲要即刻叫廚房補幾多d比我!你地去話人地兇神惡殺之前,可唔可以留心少少去睇,我諗去過既人一定會留意度一樣野,人地得13-15但係足足有11個樓面,你淨係見著6色衫既員工都起碼7-8個,仲有經理同主任幾個,差唔多一個人招呼一張台仔!如果老闆比得起錢咁樣去請咁多人去招呼客人,你估下佢又會唔會種容佢地既員工對人兇殺惡殺呢?!係度見到有人話覺得唔抵食,如果40蚊一個餐食個用新鮮雞做既雞飯,我真係覺得已經係平到覺得人地仲賺唔賺到錢!翠華一個用冰雞做既都要賣47,仲要唔包野飲!街市依加買隻新鮮雞都要百幾蚊!佢仲係賣緊150蚊一隻,又幫你斬埋又去骨又成!我以前食開大排檔既,食過既人一定知大排檔一定唔會平過依間野!我覺得食野好睇個人口味,如果有人話覺得mama,我覺得都還可接受

雞味十足,雖然油飯淡左少少價錢都算合理一個雞飯加凍飲都係40蚊^0^但係我覺得好奇怪既就係點解下面2個評語都係話小廚無紙巾提供呢???仲好強調咁話《紙巾要3元》好似有d古怪啵.......

第一次去食晚飯，一入門口就知不妙，侍應無禮貌，想走時比其中2個侍應用眼神好惡甘望著，只好硬著頭叫野食。好戲在後頭，我叫海南雞飯，個侍應好好好大力放低，d海南雞仲跌左一d落地，好過份，個侍應好惡話換比我，我即刻話吾洗，（只是因為我怕他加料），在這種心情下，我也食之無味，心中說一定無下次！！

名大於實食過都唔係咁好食d雞比較"鞋"同乾d豉油唔好食份量太少40蚊個碟飯完全唔夠食雞又少~飯又少兩個人食要食半隻既份量先夠但要70蚊油飯8蚊個(量又係少)唔抵食又唔好食....地下油林林..好sin...d service唔好d地方又窄試過去多次食第二d野質素一般但價錢貴態度差唔會再去!!!!!!!!!

i came to yuen long and met my friends today.my friend suggested to try this restaurant coz of the "new face".we waited to entry the shop for quite long time. we were share the dining table with the others unknown customers. it is not convenience for chatting with my friends.let's talk about the food: BAD conditions!the shop's highly recommended dish - fresh chicken rice. it wasn't really fresh, oily, not tasty enough....compare to the quantity and quality with selling price, it is not a worthy

出國工幹前，途經元朗千色廣場，看到這間店鋪正左進行裝修工程。看到它掛著一個banner，如圖(圖是在網上找到的)。出國1個多月，一直想念香港的美食，想起美味的鹹焗雞、霸王雞、海南雞，突然回想起這間店鋪。今天剛下機回來元朗，剛放下行李便跑出來吃第一餐- 海南雞飯。因為剛才的飛機餐也是吃雞飯，令我再次回想這間店鋪。在門口等了好一段時間，終於有空位了，但是跟別人同桌，乜沒關系。店內的裝潢比我想像中華麗，欣賞完裝潢，再看看餐牌，海南雞飯配凍飲$40，跟華麗的裝潢成正比！滿心期待的雞飯來到，詢問待應提供紙巾，對方沒禮的說3元正，我當然拒絕了，對方便露出凶惡的表情，我立即趕快吃飯。那個飯，更令我沮喪。因為剛才的飛機餐雞飯還好吃。這種的飯洗有什麼味道，大概是油份沖淡了味道，而雞的肉質，不是滑的。份量方面，若我剛才沒吃過飛機餐，我需要多吃兩碟才足夠。華麗的裝潢理應配合優質的美食，以及友善的服務。這家新開的店鋪只符合一樣，所以我不會再來消費。有待改善。

之前上某討論區，見到極多反對聲音，起初以為網友們玩針對，所以親身黎試下求證。入到去覺得間鋪裝修得唔錯。賣點係用新鮮雞，鐘意食雞既我叫左海南雞飯加凍檸茶，$40。如果$40蚊食到靚既雞肉、適中油量同薑蒜既油飯，而且份量適中就會覺得價錢合理。(賣40蚊係元朗區屬於偏貴。)可惜，我食到既係海南雞絲、多油而無薑味既油飯，份量方面，我相信要食兩碟先夠飽。杯凍檸茶反而夠大，但唔係特別好飲。連賣點都做得唔好，其他食物都唔需要再試。店內提供既服務亦一般。想不到紙巾賣3蚊！下面的好評真古怪......

出品過得去，但服務態度好一般而且吾抵食。

日日都見到好多人食,終於今日入去試一試.雖然種類唔係話好多(比起一般茶餐廳的5,6頁既menu),不過食物都幾吸引.我地下午去食叫左:雙併泰式米粉(雞絲+墨丸)配凍檸茶$26-雞絲係用海南雞飯既雞,又滑又有雞味,墨丸都幾好味,有墨魚味,絕對唔係麵粉feel果d.****而個凍檸茶真係強烈推介,茶夠香,飲入口淡淡清新感覺~正!****海南雞飯配中湯$30-雞又滑又有雞味,不過份量夠細,女仔食就岩岩好.-中湯飲得出係老火湯冇味精香芧豬扒飯配凍檸茶$32- 豬扒入味又鬆化~正!價錢唔算貴,明顯廚房做野有d heart.唯一問題係大台太多,細台冇哂就要搭台,不過還好的是....就算搭台都唔係迫,坐得都算舒服,好過去茶餐廳污糟食埋d冇水準的行貨!奇怪的是....點解樓下有人彈成咁?有古怪!

我有日係夜晚１１點幾入去食，可能係就快收舖，所以Ｄ雞反好多油，一個冇蒜香味淨係得油既蒜香海南雞飯。Ｄ雞同反都好淡，可能我比較鐘意濃味掛，不過個份量都幾大碟。