光榮冰室 (鴻威大厦)

Open Now

Now Closed

以前食光榮，出名抵食又大份，味道又唔差。。。 可惜再次幫襯，幾失望下叫左個雞扒公仔麵常餐，配火腿奄列，多士，HK$51老實說，而家好少茶記會保留奄列，所以呢到仲有呢個選擇，係值得一讚；另外公仔麵餐其實可以免費轉出前一丁或者係辛辣麵，係值得再讚奄列+ 多士正常，算係成個餐最OK 既部分😅😅😅雞扒 略有雪味，加可能係翻煎定點，肉質偏乾，公仔麵（普通味）失望🌚 就係水加埋公仔麵，食到一半已經唔想食🥲🥲🥲🥲🥲以呢個價黎講，至少應該唔會encore 呢個了….

話說有日朝早個活動去唔成，就諗住想搵個地方醫下肚，突然記起有gp友之前食左個牛油多士，睇落幾正，上網搵邊度有，就search到尼間，於是轉行程去左尼度食，個地方都屬於多遊客行既，見到出面餐牌平平無奇，入去搵位坐，d位通常用隔板隔住，方便人搭枱，跟住睇餐牌，問伙記要個牛油多士，落完到上菜大概五至八分鐘，見到兩塊多士，睇落大大份，中間夾住邪惡滋味既牛油，全程都食得好滋味，而家仲好抵食添，下次經過再點尼個~！

叫左雞扒三蛋飯 但個雞扒感覺怪怪地 有少少宿味的感覺1蚊1隻雞翼 無上限於是叫左3隻感覺味道就係豪大大的感覺 2隻都好多雞毛 只可以話證明佢好新鮮🫣葱油感覺咸左少少 不過都ok接受到的

油髀煲仔飯，餐廳係幾有特色 基本上喺香港想食嘅小菜同埋晚餐咩都有，問題在於鴨髀太過鹹 食完之後淨係想飲水沖淡味蕾 建議食肉餅或者其他特色小菜算數 作為旅客嚟食都可以嘅👋🏻

最近食緊低糖飲食，尤其是和同事一齊食午飯，喺街食唔係咁容易，好多食物都要揀嚟食，但係茶餐廳裏面都有好多選擇，咁我今日就係推介好多人都好鍾意嘅茶餐廳光榮冰室，佢出名嘅係抵食夾大件！而當中佢最出名嘅係秘製豉油加蔥油汁，但係因為食緊低糖飲食，所以我就放棄咗食我最愛嘅三蛋飯，咁我主要係想推介呢個巨型叉燒奄列真係好大份，仲有中間切開牛油方包，如果係生酮飲食嘅朋友就唔好食個麵包啦，可以同職員講唔需要個包，一般人其實就咁食一份就會飽肚，但係我貪心少少叫多個炸雞髀佢可以跟薯條或者沙律，由於低糖飲食，所以我都係避開薯仔，飲品當然都要無糖啦，所以叫唔到我最鍾意嘅鴛鴦，而我選擇咗凍檸茶走甜，一樣都係香港人嘅最愛

近呢一年手打檸檬茶開到成行成市不過我本人一次都冇試過，因為始終都係偏愛港式紅茶底+黃檸檬🍋’一直都諗緊點解冇乜餐廳出港式凍檸茶外賣今日路過旺角光榮冰室終於俾我見到！！！即刻買嚟試吓‘$25一升裝兩個人share啱啱好不過都飲咗好耐先飲得晒😂‘茶底可以揀少甜或者走甜，茶好正宗，清清地唔濁👍🏼一次過飲成lite真係好滿足🫡🫡推薦所有鍾意港式凍檸茶嘅人類快啲去試$25真係抵到爛個人覺得好飲過手打檸檬茶太多

我哋一家人行到攰就搵間茶餐廳入去坐低食嘢，入到去我哋嗌咗兩個餐，一個係豬扒飯，一個係乾炒叉燒河粉。估唔到兩個餐都夠我哋三個人食，仲要食到好飽，個餐嘅食物真係幾大份，而且亦都比想像中好食，仲有我哋另外加多$13要咗杯超大嘅檸檬茶，真係超級大杯☺️雖然間餐廳唔係乜嘢特別嘅裝飾，係一間普通嘅茶餐廳，但係職員態度比我想像中好，亦都比我想像中親切，喺旺角鬧市有一間咁嘅茶餐廳我覺得性價比好高，值得一試！👍🏻

旺角茶餐廳推出一蚊一隻雞翼優惠 吸引咗我去試試 睇吓可以食咗幾多隻.望返佢哋優惠 每日兩點後開始 需要點一份快餐咁就可以無上限任點一蚊一隻雞翼如果有備而來 食返十隻八隻應該冇咩難度真係仲平過自己整 好誇張.味道方面 雞翼炸粉唔厚 有少少咖喱味👍🏻店員出餐好快 應該本身已經炸好 雞翼入面都仲少少juicy👍🏻一蚊一隻嚟講 超級抵食 值得一試.但今日成個體驗其實都幾差今次叫左⭐️滑蛋牛飯 ⭐️菜遠炒牛河兩個快餐調味都偏淡 唔可以話佢伏 但只可以話老人家口味凍檸檬茶俾咗紙飲筒 篤一篤已經爛咗好彩堂食可以拎金屬匙羹再篤如果外賣檸檬茶 我真係唔知點飲點知望望旁邊 朋友杯凍奶茶俾咗膠飲筒 激死我😨.最後食食吓中埋冷氣機滴水 個天係咪玩我？.#hkfunfoodrecord窮遊香港#hkfunfoodrecord_旺角.#光榮冰室 (鴻威大厦) (旺角)地址：旺角花園街3-5號鴻威大廈地下12-13號舖.⭐️評分：味道：3/5 雞翼 3分 快餐唔太鐘意環境：2/5 小迫 加中冷氣機滴水🥲服務：3/5抵食：3.5/5..#飲食 #美食 #抵食 #hk #hkfood #hkfoodie #foodiehk

不嬲見到呢間嘅煲仔飯都好出名 收工就去咗試吓同朋友一人嗌咗一個 有一個係土魷肉餅煲仔飯，另一個係鮮牛肉煲仔飯魷魚比較細隻，但係勝在肉餅夠入味 仲要個煲底有啲飯焦👍🏻加埋煲仔飯豉油個鹹香夠出味另外鮮牛肉煲仔飯，不過不失牛肉夠嫩 加埋豉油一流

店舖外觀唔係太吸引，不過價錢好吸引一份大大碟嘅叉燒滑蛋份大大份食到我好飽😂仲要送熱飲！超值！蛋夠滑，顏色靚，但叉燒就一般般，以尼個價錢嚟講，唔要求太高！奶茶係傳統茶餐廳嘅奶茶味，正正常常！下次會再來！

路過本身想食西多最後揀咗飽肚啲嘅馬拉炒貴刁原來係咁嘅樣 似星洲炒米d fd 惹味有啲辣同熱 要$3買紙巾抹下下午茶價錢$40 但係正餐份量大大份 有啲後悔冇叫佢少麵聽到後面枱嘅人叫多飯😂

用餐日期：2024/03/14用餐時段：午餐用餐費用(每人）：$92餐廳環境：冷氣足 室內不少座位 人多時可能要搭檯 服務：服務員服務態度正常 點菜上菜都快 點餐時也有提醒煲仔飯是即叫即整要預等20分鐘 是服務加分的地方味道：點了窩蛋牛肉煲仔飯+菜心1-窩蛋牛肉煲仔飯$82*2: 份量足 上檯時個煲超級熱 煲算中等尺寸 煲入面有很有飯 飯上有很多牛肉+1粒雞蛋+蔥粒 服務員有提供一樽甜醬汁 把適量甜醬汁倒入煲仔中 如像我不太好黑飯焦的記得落完醬汁後立即把飯+牛肉+蛋+蔥撈得徹底平均 這樣飯夠熱夠香夠味也少飯焦 和蛋+蔥一起食味道好 這家煲仔飯上的牛肉沒怎調味 牛肉新鮮不咸不肥有牛味也不乾硬 整體味道好 推薦 希望店方未來會推出羊肉煲仔飯 2-菜心$20: 份量足 味道正常好味 上菜時發現醬汁分開放在一邊 是服務細心加分的地方 總結：這家的煲仔飯份量足味道好 即叫即做上檯時熱辣辣 價錢合理 是值得推薦的食煲仔飯本地茶餐廳 希望店方未來會推出羊肉煲仔飯 煲仔飯餐牌：

之前在亞金南洋𣲙室吃了一份劣評多士，有個疑問就係香港做飲食難，但坊間大部分都係劣食為主，有心去經營嘅可遇不可求😞一直有搵份好食多士嘅懸念，早排出旺角經過光榮冰室食個Tea，亳不猶疑叫咗油占多同熱鴦少奶。份多士端上來見到金黃帶微焦的顏色就知對辦，打開份多士再看看，見到牛油跟果醬塗抹均勻，最重要份多士夠熱夠脆，麵包厚度和鬆軟度適中，終於食到高質多士有一份興奮，呷着熱鴦不禁覺得幸福滿滿，呢啲係有heart 嘅港式味道。

全日特餐招牌香煎豬扒公仔麵 $49配火腿奄列 牛油方包 熱飲好味指數 3.5/5 🍭🍭🍭🍬{豬扒好大塊 煎得好香口 公仔麵係出前一丁可以自己加配料 特餐還配有火腿奄列 奄列有很多火腿絲 蛋既熟度亦剛剛好 還有厚厚既牛油方包 這個餐真係好飽肚}

天寒地凍諗住去食個煲仔飯暖下肚, 旺角近家樂嗰邊得返一間有煲仔飯食,之前未試過諗住幫襯下,睇張餐牌煲仔飯都好少選擇, 基本上已經唔記得有乜嘢食, 全程八十幾蚊, 最後叫咗個滑雞煲仔飯, 啲雞冇乜肉搭多兩條菜, 食到尾飯焦刮唔甩, 一般貨色, 凍檸茶完全唔掂, 冇茶味, 好似飲冰水咁, 同佢講佢又係咁已加返啲茶底都係淡茂茂, 人生從未飲過咁差嘅凍檸茶, 呢次真係第一次, 人係多, 搭枱都已經冇乜所謂, 坐低咗又叫人轉去第二張枱, 態度衰到乜, 服務態度係0, 四個字超級唔掂, 冇裝修冇服務乜差都冇, 啲嘢又唔好食, 不喜歡可以隨便插。