光榮冰室 (深井村) (Closed)

經過深井，唔係太肚餓，就入咗呢間試吓，可能因為街坊生意，所以性價比都幾高。熱狗：常餐連嘢飲，size絕對係加大碼，最緊要係有誠意，因為佢係有放酸瓜！本人勁鍾意食漢堡包呢類嘅西包入面有酸瓜，即刻加分。而且係用司華力腸，surprised!炸雞亦：23蚊連飲品，雖然唔似係即叫即炸，但都餣得夠味，都ok。

去親光榮都係食蔥油雞扒、叉燒炒蛋同埋早餐嘅沙嗲嘔麵，今次試吓佢哋7月中推出嘅抗疫快餐先！😋 粟米肉粒飯 外賣自取$30 30蚊真係超級抵！啲肉粒有兩種，一種係紅紅地鬆鬆地平時食開嗰啲，呢啲肉就一般。另一種係豬扒切粒，都佔大部分係靚肉，所以好有口感同埋會食食吓食到豬扒側邊啲筋同脂肪。呢個餐只係中午12點後先有㗎！

去過荃灣店幾次，次次都滿意，今日喺深井，雖然過咗午餐時間，不過我仲未食晏，咁就入去支持下呢啲有心小店。已經係下午茶時間，但係我想食啲辣辣哋開胃啲嘅嘢，咁就叫咗佢嘅快餐「咖喱牛腩飯」。好快就嚟到，黃淦淦一碟賣相就一般啦，但係食一啖咖喱先，好好味喎，有濃郁嘅咖喱香又唔係好辣，配白飯食真係好正；再食嚿牛腩，炆得非常軟熟兼好好牛味，雖然每一件牛腩唔算好大，但係總體份量都好多😊食得我飽飽非常開心滿足😋嗰杯凍檸茶有好多片檸檬，清涼好飲😊

曾經喺裝修前食過一次午餐，味道非常麻麻。記得係食乾炒牛河，係之前一大盤炒起然後𢳂俾你，並唔係即刻炒。唔夠熱兼且冇鑊氣。另外杯熱奶茶亦唔夠熱，一飲之下好唔舒服，驚肚痛，飲咗兩啖就放棄。見係黃店，都想支持多幾次。後尾見佢裝修，加上有疫情，都希望等到佢開可以試吓。最近裝修咗，終於有機會去試。即刻叫個開心浩園餐。$49非常之抵食。飲品係冷熱同價。蔥油雞扒配三隻太陽蛋，見到三隻太陽蛋雖然有少少驚膽固醇，但係煎得剛剛好，好靚仔。蛋汁配埋啲白飯同埋蔥油，仲有雞扒，非常之滿足。另外，又有一次試咗蔥油豬頸肉飯。蔥油調味唔錯，配白飯食未算太鹹，豬頸肉就正常質素啦，未算好驚喜。如果可以配返幾條菜就好啦。同行嘅朋友仔叫咗常餐，出前一丁唔使加錢，非常罕見。常餐選擇同配搭比其他茶餐廳多，唔錯。朋友仔覺得呢間嘅常餐非常豐富，非常滿意。其他朋友仔同我講，試過咖喱牛腩飯，仲有叉燒炒滑蛋飯，都話唔錯。有機會可以試吓。支持黃店

今日一早去食光榮個早餐，之前嫌呢間光榮地方太污糟，平時都好少去，今日見新開張冇耐就入去睇睇環境試下有冇分別。今日發現嗌早餐凍熱飲同價，另外辛辣麵米粉出前一丁都同價，平時好少會見到，都令我幾驚訝香煎雞扒出前一丁 $31雖然叫咗出前一丁但係個一丁麵上碟已經太琳了，已經完全冇咬口，煎雞扒還算可以只係唔夠juicy。整體一般。個面抵佢係跟清湯，需要自己落調味粉同埋麻油，可以自己控制份量都係一件好事。另外嗌咗一個火腿米粉煎雙蛋同跟麵包一般般無乜驚喜。

擁有咁多間分店嘅茶餐廳，仲要係黃店大家唔係唔幫襯呀，又抵食，又好味，又有良心，入店內食野仲一定要探左熱先，確保好大家冇發燒先比入去食係而家呢個時勢嘅指定動作，今次叫呢個豉油雞扒飯多飯，塊雞扒仲大過大家塊面😳😍🤤雞皮仲炸到好脆🤣正所謂食雞唔食雞皮等於侮辱隻雞

放假去拍拖，選擇去深井逛逛，這裏勝在近海邊，人又不算多，在海邊吹吹風，兩個人靜靜地都是不錯的選擇。一直想試試光榮冰室，，原來深井也有分店，還不用等位，我們便在這吃個下午茶。下午茶當然要有凍飲，這樣才是享受☺️紅豆冰是多豆兼奶味香濃，很久都沒有嚐過這麼高品質的紅豆冰！平常在大字頭的快餐店通常都淡而無味豆又少，這杯差很遠呢。而奶茶就是一杯茶餐廳水準，有港式茶香👍🏼這是叉燒炒蛋飯！原來我們想吃的是滑蛋叉燒飯😢但都已經上枱了就沒有為難侍應了，唯有下次再試。其實這個也不錯的，叉燒肉嫩易咬，只係蛋與汁融合了，嚐不到滑蛋的口感。都怪我們沒問清楚。厚多士不太厚，但很脆口還加了牛油在中間，把滑蛋夾在中間，簡直是人間美食☺️滑滑的蛋配上香脆的牛油多士，好滿足呢！

行完元荃古道，原來想去深井吃燒鵝，但時候尚早。於是，走到深井村的《光榮冰室》吃頓午餐。想在市區見到《光榮冰室》大排長龍，但在深井卻沒有此情況無論早餐和午餐的價錢，都相當廉宜。另外，午市提供快餐和碟頭飯餐，40幾蚊都算比市區定價便宜。最後，小弟也選擇了快餐D - 蔥油雞扒飯配熱華田蔥油雞扒飯賣相一般，但味道甚佳。背後有段不為人知的故事，小弟等待個飯約45分鐘，請問快餐的「快」在哪裏呢？當日如果廚房出現問題，應及早通知食客和公布要等待的時間，希望該店能夠好好改善。蔥油雞扒飯賣相像個碟頭飯，雞扒炸成金黃色的，都頗香脆，配上蔥油、炸蒜，份外香口。而且雞肉什香滑，又幾大塊，加分啦

唔係住深井嘅人會入嚟食深井燒鵝，但住深井人其實唔會食，寧願幫襯其他小鋪頭簡簡單單又一餐。我哋一行五人，叫咗一個二人套餐+1個小菜+1個炒粉。 二人套餐120蚊咁上下，有兩碟小菜兩碗白飯之外，仲有一碟菜，兩杯野飲，都幾抵食。我哋一於唔客氣叫咗餐牌上較貴嘅小菜-金沙蝦球同椒鹽鮮魷。金沙蝦球非常鹹香味，炸得夠乾身唔會油淋淋，而且份量不錯，不錯不錯！椒鹽鮮油就略嫌太多炸粉，但落炸蒜極度慷慨，一大碟送白飯！菠蘿咕嚕雞球尚可，汁略嫌太甜，肉有啲乾身得滯。炒米粉都還可以略嫌太濕。但不但份量多，只係50蚊包杯嘢飲，晚市尼講算相當抵食。

好味又有人情味，平日去深井，今日去咗荃灣試，但openrice未有荃灣分店所以呢道分享下。餐好味，坐位唔迫，蔥油鴛鴦扒飯冇得頂，焗豬扒飯等得耐咗少少，不過好正。Normally I visit the branch in Sham Tseng but I tried the new Tsuen Wan branch today and had a tea time set with a friend. It was very substantial and taste was really great!

深井 光榮小廚 二人套餐 $138芥末一口牛估不到芥末一口牛會配西芹菜！牛肉比較有咬口，但尚算有牛肉味，份量不多！口水雞分量十足，雞件軟滑，醬料惹味閈胃。介菜套餐還包括兩杯冷熱飲品或加$5 轉特飲及啤酒🍻

＄138的二人晚餐，扺係好扺，大件夾抵食！套餐包兩個小菜，白飯兩碗大大碗，油菜一碟大大碟，冷熱飲品2杯，佢好大方，仲係自選餐牌上任何小菜，連98蚊半隻吊燒雞都得，蝦球幾好食！不過⋯⋯隻雞未熟，中間不停出血！個菜勁鹹。只求食得飽，冇乜要求可考慮！