光榮冰室 (兆和街)

Open Now

Now Closed

下午3點嚟到光榮冰室，已經坐滿晒人。等左一陣個有位，食番個常餐。鮮牛肉湯意粉$45配火腿奄列、多士（+$1）熱華田個湯意粉超大碗，鮮牛肉都幾多。個湯冇咩味精，唔咸，簡單好味。火腿奄列，外面煎熟，裡面仲有好多蛋汁同火腿絲。

每次嚟 都一定要食佢嘅招牌三眼仔飯 😌完全就係超級豪華版嘅茶記叉燒蛋飯💓三隻流心煎太陽蛋🍳蛋漿再加豉油汁 就咁食晒成個飯 已經好正✨再配埋啲軟淋嘅叉燒 分量十足 超級抵食🤑

💛光榮Tea Time💛生炸大雞髀配薯角 $35大雞髀🍗都幾大隻🤤炸到金黃色very nice🤗外皮好脆～咬落會索索聲😬而雞肉我覺得有少少鞋～少少囉～而薯角係林林地既～配粗薯會更適合🥰 35蚊仲送凍飲熱飲一杯～絕對夠誠意啦😉P.S. 雞髀都幾快買哂，我地落完單，就話淨返2-3隻，想食就早啲去啦😛味道：⭐️⭐️⭐️🌜 （3.5/5）環境：⭐️⭐️⭐️ （3/5）服務：⭐️⭐️⭐️ （3/5）衛生：⭐️⭐️⭐️⭐️ （4/5）抵食：⭐️⭐️⭐️ （3/5）總分：❤️❤️❤️🤍 （3.5/5）📍 光榮冰室 (兆和街) (荃灣)荃灣兆和街18號地下

1-5-2022 (Sun)朝,同老公去買餸前食個飯,落雨絲(正字係上雨下鮮)濕去邊喥食?老公話光榮啦,咁嚟啦,嚟到都冇人等位可即刻坐低,睇完menu,老公見有$58.00嘅鴛鴦牛滑蛋飯就想要,而我見到$52.00嘅乾炒雞扒河就想要,於是問亞姐有飯未?佢答有,咁就叫呢兩樣同各加$6.00要熱檸水同熱咖啡.等咗一陣,老公嘅鴛鴦牛滑蛋飯率先到嚟,原來鴛鴦牛係沙爹牛肉加白烚牛肉,由於我前一晚食咗幾多牛,所以呢日唔食,咁就冇試佢.之後兩杯嘢飲到嚟,熱檸水正常冇問題,我亦冇試亦冇問老公嘅熱咖啡點.味道:3分好耐,我嘅乾炒雞扒河到嚟,無他,須要時間炒嘛,睇見顏色好夠,食落夠味又唔太鹹,切開嘅雞扒都幾厚,口感到正常,唔錯嘅味道:4分呢篇食評嘅味道分只計我嗰份.抵食係2.5分上次食評係2022年3月13日刊登嘅呢篇: https://www.openrice.com/zh/hongkong/review/yeah-%E6%85%8B%E5%BA%A6%E6%9B%B4%E5%8A%A0%E5%A5%BD-e4339109

.📍 光榮冰室📍#饅頭去荃灣 #饅頭的港味道好耐冇出街食飯🙈。------------------------------1️⃣ 叉燒炒蛋飯 ($50)光榮絕對係大份夾抵食嘅代表餐廳，所謂嘅「少飯」其實就係平時我喺屋企食一碗飯嘅飯量😂，餸嘅份量都足以令小編飽到夜晚，protein也滿滿的😍。嘢食質素以呢個價位嚟講都幾滿意，叉燒調味偏甜冇異味，雖然係瘦叉居多，但肉質竟然唔乾硬，仲有少少彈牙，呢點其實超考功夫🥺；飯炒蛋口感滑溜，唔會過生，整淋啲飯，蛋香同微微蔥香混合，每一啖都好香口💕，用嚟配飯簡真冇得輸。最緊要嘅係落佢哋嘅甜豉油，落佢哋嘅甜豉油，落佢哋嘅甜豉油！！！2️⃣ 熱檸水 (跟餐)------------------------------🔸整體評分：8.0/10🔸小編回頭率：7.5/10

其實上次試過佢個下午茶已經覺得麻麻地，但係都係比多次機會佢，始終廚房都可能係有失手的可能。　不過試埋呢次真係不可一不可在。　叫左２個下午茶餐１）吉列豬扒配薯角薯角同上次體驗一樣，唔脆唔熱，無薯味。唯一好過上次係，今次薯角的温度比上次暖落柯打時本來叫左想炸燶啲（個人口味問題），但待應話無得咁柯打，話佢哋一批批咁炸，所以唔會特制比我哋咁我終於明點解次次柯打薯角都唔熱啦吉列豬扒都炸得ＯＫ嫩，但因為太薄切，咬落無咩口感之餘，有啲位就炸到好乾好柴。唯一可取係無咩豬羶味。２）西多士呢個西多士真係令我好失望，上次見到隔離枱食，好似幾吸引今次自己柯打試，點知得個樣。睇相好似炸到金黃色，應該係外脆內軟？我都以為係。。。但實情係個麵包已經係一大敗筆，包中間唔係軟熟而係淋，外皮亦都唔香脆成個包一個字可以形容＂淋＂睇得出佢有點蛋液，但食落亳無蛋味蛋香雖然無話西多中間一定要搽花生醬，但如果佢做個版本有花生醬，可唔可以專業啲，搽返多少少？食完用４個字總結件西多虛　有　其　表　紅豆冰，加＄５叫少冰無少冰，不過算，紅豆冰梗係要有冰啦但係紅豆個比例會唔會少得濟呢？？　紅豆夠綿，唔會太甜，上面椰汁唔會太重味。凍檸茶少甜少

食物新鮮，味道一流。太陽蛋做得出色、香滑。大大份，好低食！性價比極高，會再幫襯👍🏿服務態度友善，今次一男一女食會特登安排卡位👍🏿支持，一定會再幫襯👍🏿👍🏿

經典豬扒包配薯角諗住唔太餓就食個包仔 點知都好大個😂脆包仔熱辣辣豬扒 有啲蕃茄冇咁膩豬扒唔算好厚不過大塊 亦就唔硬👍🏻蔥油雞扒飯有蔥油係冇得輸 雖然真嘅變肥肥😂因為下午茶就冇食飽到喊既三眼仔但一樣攬住個肚好飽雞扒幾嫩 蔥油香 一貫水準跟餐有冷熱飲我地叫凍檸茶+凍華田叫凍華田最怕 有冰但飲落暖 真係試過🤦🏻‍♀️好彩呢度真係全凍🤣

今朝 (13-3-2022 Sun)同老公去買餸前食早餐,去邊喥食,咁早,黃絲嘅茶餐廳只有呢間開咗,於是走嚟等,等咗約8分鐘有位,我同樣要咗$34.00嘅金牌早餐,我要蜜汁叉燒湯意粉,要牛乳炒滑蛋,加$1.00要丹麥多士,飲熱檸水.老公要沙爹牛肉辛辣麵,要牛乳炒滑蛋配牛油方包,同樣飲熱檸水.冇耐,所有嘢都到齊,我試吓老公嘅沙爹牛肉,牛肉好嫩滑,沙爹醬有好香花生醬味;老公話佢嘅辛辣麵口感係彈,唔怪得佢咁鍾情佢嘅沙爹牛肉麵.味道:5分講返我嘅早餐,因為好耐冇食蜜汁叉燒湯意粉,所以要叫,睇見叉燒唔係瘀黑色,老公話放心.而佢有肥有瘦,食吓先,口感係爽彈亦唔係乾柴,不過覺得鹹咗啲啲;意粉亦都爽口,冇煮過龍,唔錯.而牛乳炒滑蛋呢,真係好嫩滑juicy嘅;丹麥多士甜甜地,烘得啱啱好.味道:4.63分熱檸水正常唔澀,正.味道:5分老公嘅牛油方包係厚切,我冇食到.服務:明顯比上次更好禮貌.上次食評係2021年11月30日刊登嘅呢篇: https://www.openrice.com/zh/hongkong/review/yeah-%E7%B9%BC%E7%BA%8C%E6%8A%B5%E9%A3%9F%

上次食煲仔飯時，見到下午茶餐好抵食，今日有時間終於可以試試。美極生炒牛肉飯（$40）凍唂咕份量大，炒得夠乾身，啲飯粒粒分明，而且有鑊氣，好味道。好耐無飲唂咕，回憶的味道。生炸大雞脾配薯角（$35）紅豆冰（加$5）雞脾即叫即炸，皮脆肉嫩有肉汁，薯角正常。紅豆冰好多紅豆而且唔太甜。

Geo條👅評分：⭐️⭐️⭐️⭐️⭐️(5⭐️最高）臘味煲仔飯 $70好耐冇食過煲仔飯，喺荃灣去光榮買咗個外賣臘味煲仔飯，如果連煲外賣就加$12，但因為唔會點用個煲，所以唔加lu！雖然有煲好似原汁原味啲，但其實唔加煲一樣超好食，個飯加上啲煲仔飯專用嘅甜豉油，剩係個飯已經超正，仲要有飯蕉🤤好香脆卜卜🤤豉油味道啱啱好，唔太甜唔太鹹👍🏻講埋啲臘味，有臘鴨，臘腸，臘肉同潤腸，臘鴨同臘肉唔會太乾身，味道亦都幾出色，幾惹味，特別係個臘肉，我唔知點形容，總之好食😂臘腸味道都幾甘香同咬落去啲汁都咇出嚟👍🏻潤腸真係唔係我杯茶，我自己就不了😂🤣因爲佢係生米煮嘅煲仔飯，所以想食嘅朋友仔半個鐘前就打電話叫定喇😊

好難食， 叫蔥油雞扒飯，點知係薑茸黎， 好似食緊燒味飯咁，完全唔係果回事唔知點解可以令到塊雞扒乾成咁，條腸燶既雖然係黃店， 但係咁既質素點樣支持連對食物最基本尊重都無！！！

又一日嚟到荃灣工作，仲要晨早報道，未報到前，梗係要嚟光榮冰室食返個豐富嘅早餐，先可以有能量完成今日嘅工作！行到門口，簡簡單單的門面，有着一種懷舊嘅感覺！裏面都冇豪華嘅裝修，實而不華麗，簡單樸實！每張枱都有應有嘅距離，而且有隔板，防護意識足夠！餐牌亦冇多餘嘅修飾，簡簡單單列明食品同價錢！我叫咗沙嗲牛肉公仔麵，配炒滑蛋方包，凍檸茶走甜！沙嗲牛肉好香沙嗲，牛肉唔會乸到冇晒味，公仔麵軟硬適中，湯底就清清地，好適合配沙嗲，味道剛剛好！炒滑蛋好大份，非常滿足！凍檸茶茶底唔錯，唔會覺得苦澀，檸檬厚薄亦都合適！$34份個早餐性價比都可以，大大份又夠飽！食完充滿力量可以去返工！

抵食夾大件嘅午餐咖哩豬扒飯（連凍飲，唔洗加錢）味道唔係話好好食，但勝在勁大份，成年男仕肚餓情況下，都未必食得晒！其實之前食過好幾次，比較推介：叉燒炒旦飯/煲仔沙嗲牛肉公仔面/常餐

久聞光榮嘅煲仔飯之名，今日終於一嘗，果然名不虛傳。臘味煲仔飯（$70），打開煲蓋，首先聞到好香嘅臘味油香味；跟住用羹刮下有冇飯焦先，結果煲邊接近全部都係，而且仲係剛剛焦冇燶，成塊鏟起食脆卜卜勁正，混合埋豉油、臘味油，冇得輸。至於臘味有潤腸臘腸各1條（一開二）、臘肉4件、臘鴨髀1件，都算足料，味道亦都合格（最重要係唔會死咸）。另加$12有白烚油菜一碟。豉汁排骨煲仔飯（$70），食咗幾啖先記得未影相（失策）。大量排骨係面，飯焦嘅處理同樣出色。如果要二選一的話，絕對係會揀臘味煲仔飯。