八福 (Closed)

話說同娘親去食晚飯，第一次嘗下八福。座位算闊，相比旺角其他日式餐廳舒服好多！當日我地叫左個二人前，包括一個熱食烏冬、一個冷烏冬、日式煎餃子、辣汁燒雞扒、天婦羅炸蝦，同兩杯飲品 ($119+$4凍飲)坦白講，其實份量已經會令你飽了，但因為我午餐沒食所以外加了一份小的冷烏冬($12)。份量：細食的人叫一份烏冬，加一個小點就ok啦。大食的就叫一份定食或是先叫一個餐，看情況多加一個烏冬。價錢：跟同一條街比，價錢算平。市面上算合理。味道：烏冬嘅韌度good，彈牙，好食！小食不會太鹹太甜，可算是合香港人口味嘅食物。飲品方面就有D甜，不過尚可。

同朋友想搵個低消費又就腳又啱口味的餐廳。依家出街食飯$50—$60走唔甩🙈旺角又四通八達👍日本野又係我倆至愛😍所以就揀左呢間。某星期五的晚上，七點半後先去到，無須等位👏 睇左menu有dinner set同二人餐，決定各自叫一份set，有兩個小食可以share😜 天氣甘熱叫個冷烏冬就最啱，雖然話食甘多凍澱粉質會易肥啲(好似係)，但真係慾罷不能啊😂🍣🍣🍣🍣🍣 我就叫左menu上最貴既沙律烏冬來降降溫有好多配菜： 海帶、粟米、蕃茄、三文魚淋上柚子醋，酸酸冷冷的 好開胃好味又飽肚哈哈！呢一個dish好容易就可以係屋企整到😇 我要去試下呢💪我個餐有埋八爪魚丸，味道都唔錯架。朋友的，滑蛋配烏冬第一次見 仲要似足茶樓啲xx羹甘👽 感覺好一般餐配的蟹鉗，平平餐飲望落去樣樣都好伏，樣樣都應該係糖水開水問過原來連加錢轉普通檸茶奶茶咖啡都冇所以最safe就係熱柑桔，朋友揀左荔枝(人工甜味)overall: 係價錢上location上都唔會expect甘多，烏冬又的確幾好食回頭率：高，再戰冷烏冬🙋

晚餐時間，一黎到旺角通菜街，就見到不同種類嘅餐廳可謂中西日韓任君選擇！由於太多選擇，當晚同朋友係通菜街兜左幾個圈最尾都係決定左食 八福自家製烏冬 ，果然無令的地失望！由於我地食飯嘅時間比較早，所以唔洗等位就可以即刻入去喇！地方都算幾寬敞，而且我地嘅時間人流唔算多，係旺角有個闊落嘅地方都算幾難得嫁喇。三個女仔，食量唔算大，所以嗌一個二人餐就岩岩好喇。價錢合理，百幾蚊 3個小食兩個烏冬 仲有成杯飲品！ 旺角嘅晚市黎講的確係一個非常唔錯嘅選擇，呢個亦都係我地選擇八福嘅其中一個原因啦！炸帶子由於人流唔多，所以好快就有得食。首先有炸帶子，呢個真係值得一試！賣相吸引之餘，外跪又食到帶子嘅鮮味，一試難忘。再配上沙律酱簡直一流，不可不試！大蝦天婦羅大大隻，啖啖肉，一啖咬落去真係好滿足！炸雞翼香口得黎帶少少辣味，好好味試左咁多小食，雖然全部都係炸嘅，但係完全唔會覺得油膩，值得一讚。由於我地咩都想試下，諗住有多啲選擇，所以我地除左跟餐嘅兩個烏冬之外，仲另外加多左一個飛魚子冷烏冬。先講湯烏冬清清地，個湯底唔會太濃，加埋小食食就岩岩好。而且個湯唔會太熱，所以二三月食都幾岩。到冷烏冬，首先賣相都幾好，配合埋日本

通常落得去旺角女人街附近食嘢，當然一心以「平靚正」為標準，今日心血來潮，重臨呢間以手打烏冬著稱嘅八福，因為好耐以前已經食過，印象中味道都唔錯的。既然佢以打手烏冬做生招牌，又咁耐冇食，當然點都叫返個烏冬嚟試下係咪仲係咁架勢啦！晚餐時分，見到又有二人餐可以叫，貌似幾抵食，於是就順利成章叫咗個二人套餐。套餐包兩個正食（冷/熱烏冬），另外可以揀三款小食，包一杯熱飲（如果凍飲就要加$1）。我地今晚叫左熱烏冬，清清地。至於小食方面，我地以炸物為主，揀咗炸帶子、炸雞翼同汁燒金菇牛柳卷。只可以淡然講一句：平平無奇。又唔係好難食，但係又完全算唔上好食 。如我開頭所講，我期望嘅係「平靚正」俱備，但呢度只係做到「平」一樣咁大把，因為呢一餐只係需要$118

同朋友做完手作，成9pm先晚飯，不想吃太多，Order 左一個晚餐同散叫一個細冷烏冬($12)晚餐：冬菇鴨胸烏冬配日式魚餅配熱金桔($51)魚餅得一塊，現成貨味道不會差冬菇鴨胸烏冬賣相同味道都一般，茶餐廳果種散叫細冷烏冬好大碟，但朋友話烏冬汁冇乜味侍應總是囗黑面黑

去開旺角想食平宜扛食既烏冬, 就揀左呢間, 款式多, 雖然味道一般, 但平平地又飽肚.- 豚肉豬軟骨鐵鍋烏冬 : 烏冬分量多, 有3-4小碗, 3塊豚肉, 1件豬軟骨. 配料都好多, 有栗米, 海帶, 椰菜, 紅蘿蔔絲,,,,等等.湯底唔夠熱, 味道清清地唔太濃. 豚肉比較硬, 豬軟骨好入味又軟綿, 好味但只得1件.- 三文魚蓉飛魚子烏冬沙律, 柚子醋汁 :三文魚蓉太少啦, 魚子脆卜卜好夾烏冬, 柚子醋汁配烏冬, 清新唔膩好岩夏天食.配料有海帶之類, 係冇味既, 爽爽地增加咬口.

要係旺角平平地搵間餐廳而不論質素，八福係其中一個選擇。二人餐都係$116，仲要都幾多野食咖：1. 汁煮牛肉有埋金菇，味道都幾複雜，牛肉尚算滑身，不過再熱d就會更好2. 七味雞翼辣辣地幾好食，而且都幾嫩口，都唔錯。3. 燒茄子太咸，而且味道太濃，將本身茄子的鮮味蓋過了，個人覺得麻麻，唔係幾好食。4. 冷烏冬幾特別，出面亦都好少食到，不過烏冬可以彈牙少少，因為凍＋無配料＋唔夠彈牙，未必個個都會接受到。

其實，看到價錢如果還期望這店能吃到像樣的烏冬，只能說是明知故犯。當人家基本一碗豬骨拉面要65元，到citysuper差不多要50元才能吃到一碗淨手打烏冬，44元一個辣汁雞扒撈烏冬連面豉湯套餐，又怎可能會有預計的效果。44元你可以到阿信屋買三包急凍貨，都比這家聲稱手打的好吃。這家烏冬令我想起大家食的手攪麵，只是麵條略闊。真正的手打烏冬，應該有筷子的粗幼才像樣。我只能說，調味合格，烏冬欺場。其實自稱手打麵可能還過得去，但彈性和煙靭度都欠奉，實在不能借此欺世盜名。這種檔次，只能做學生餐的級數，有心吃烏冬，大可迴避。

分別點了滑蛋蟹枊烏冬、炸蟹鉗烏東及咖哩吉列三文魚飯。只有三文魚飯食得過，滑蛋蟹枊烏冬只有少量蛋花在糊狀湯底內，3條手指長的蟹柳，加杯淡味甘桔青檸水就是午餐，賣得平也不能這個質量及質素！蟹鉗也估到是冰鮮貨，沒什麼期望，當然服務員也不能有什麼期望！

「怎麼都靜悄悄的，沒有宣傳的？」這是Wing吃過這家餐廳以後的感覺~這家餐廳位於旺角的啦，雖然說是位於鬧市地區，但人流並不算多。Wing卻覺得這家餐廳又抵又好味的，所以要在這裡推薦給大家呢~!!!我們二話不說的點了一個二人餐，食物上菜的速度不錯，點了大概五分鐘就已經餐齊了~一個二人餐共有三份小食、兩個主菜跟兩杯飲品的~先來說說這個吧，這是蒲燒鯛魚腩。整塊魚是很厚的，肉質嫩滑，配上醬油，實在是味覺的一大享受~!!!玉子就不用說了，這是Wing很喜歡的食物啦~暖暖的，溫度剛剛好的啦，這片玉子是很簡單的食物，但不論是長度、厚度、溫度等各方面都是令人滿意的啦~這是和風炸帶子啦，是新鮮炸起的，但這個炸物並沒有損壞這個帶子應有的嫩滑，反而做到相輔相成的效果，成為外脆內鮮嫩的炸帶子，值得Encore的啦~!!日式咖喱蘑菇飯的咖喱好像比正常的辣一點點，香味更比平日吃的平價咖喱飯更勝一籌~飯、汁的份量剛好，拌勻以後，每一粒飯都沾有咖喱汁，吃過番尋味的啦~!!最後這個是冷烏東，很足料的啦，而且隨烏東的醬油跟蔥都很足夠的啦~這個烏東相信是自家製的啦~這個是扁烏東來的，入口十分彈牙，加上醬油跟蔥花，儘管淨原來

話說呢日原先係食另一間食店點知個間食店既員工太有性格，錯左都要我地另外搵日去先有得食咁當然我地都會唔食，搵其他野食話晒旺角，唔係會餓死人呀旺角勝在咩都有得食，平既、貴既咁係黑布街行行下見到有間八福食日式野，dinner set 都係$5X, $6X好似幾平(相對簡單晚市價)，咁就入左坐低左入到見到除左dinner set，仲有個二人前餐牌話都係$116，心諗咁抵!?老老實實二人前套餐，仲要有三個小食(每個都係三選一)再加一個飯、一個烏冬或者兩個烏冬都得仲要送埋特飲，呢個真係好抵雖然食之前都諗緊會唔會係好平，但野食真係麻麻因為七點左右個下真係無咩人係入面但都係叫左呢個套餐： 蒲燒鯛魚腩、厚燒玉子、和風炸帶子、日式咖喱蘑菇飯、冷烏冬茉香綠茶、柑桔青檸 蒲燒鯛魚腩 個燒汁幾好食、惹味，件魚腩入口唔可以話軟滑，但幾軟身 ；另外，件魚本身都係厚身。散叫原價要$4X，但係套餐入面又抵返晒。厚燒玉子厚燒玉子就唔算有咩特別，同埋就唔會甜玉子。 入口唔會散開，而且煮得唔錯，基本功係晒到，交到功課。和風炸帶子呢個食個陣要自己小心，因為佢係真係新鮮炸出黎；自己食個陣真係差D 整親條脷。 講返件帶子，唔算厚粉

和老婆仔在旺角看了<移動迷宮>這套電影很震撼但看完卻很累甚至有點暈所以在旺角找點熱食發現這間的烏冬價錢合理抱著一試心態進來我要了個38元的照燒汁煎雞扒烏冬老婆仔就要了45元的辛口咖哩金菇肥牛撈烏冬兩個烏冬同時送來我的照燒汁煎雞扒烏冬看起來也算大碗這間店用的烏冬是扁身的吃起來有點像米線沒有烏冬本身帶的那份微酸味但也可以接受而雞扒有一件煎黑了但其餘的味道算是不錯而老婆仔點的撈烏冬咖哩味很濃牛肉也算適中不過老婆仔說以撈烏冬來說這實在太濕了或許是因為是扁烏冬的緣故老婆仔吃完後說這間店算是OK確實, 以這價錢算是不錯若果不是太餓又想吃得便宜點可以來試試

等朋友嘅關係，自己摸吓摸吓就嚟到八福食烏冬，由於本人愛食烏冬，佢又講到手打又彈牙咁。。。我叫叫咗個午餐，煙鴨胸蛋湯烏冬，湯極之少，完全唔稱得上為湯，一pat咁，又咸喎，頂唔順叫侍應俾碗湯我啦，佢係俾碗熱水我囉，完全差勁囉！超無誠意！初初唔知加咗落去，搞到我食到口淡淡，好慶！

由於老婆仔說掛念我所以我便故意安排時間今天晚上和她相約吃晚飯在旺角市區, 沒有刻意預先找好想去的餐廳最後來到這間吃烏冬選擇的原因是價錢尚算便宜加上老婆仔牙痛, 只能吃軟的食物烏冬就最好不過我點了個35元的蟹柳烏冬老婆仔則要了37元的豚肉餃子烏冬另外老婆仔想要飲品本來因為牙痛我不許她喝最後在她苦苦哀求下我批准了她點抹香奶茶幸好還有熱的可以選擇這個蟹柳烏冬看起來非常頹只有3塊蟹柳, 幸好我不是太肚餓而且看著這個價錢我早有心理準備而事實上蟹柳吃起來也非常普通真的只能作充飢之用幸好烏冬口感尚算不錯單吃烏冬加上湯底也可以接受至於老婆仔的豚肉餃子烏冬沒想到原來豚肉竟然是放在餃子裡面所以其實配菜也不是很多吃起來豚肉餃子煎得也算香不過味道就跟超級市場買到自己煎的差不多老婆仔煎得甚至比這個更好所以也只是一般不過沒想到抹香奶茶會是這麼出眾沒有奶茶那種苦味又沒有奶那種飽肚的感覺喝起來十分清新抹香的味道竟是如此突出熱飲更能帶出那種味道淡淡的香味絕對值得加錢嘗試嘗過好喝的抹香奶茶後我們還坐著聊了好久這個時間竟然難得地還有位置讓我們坐這麼久在遠離鬧市一點的餐廳就有這個好處

平時間唔中都會離哩道食麫，水準唔差，D烏冬都幾彈牙。今日再離試下，誰知失望而回。入到去叫咗個牛肉烏冬配凍綠茶，杯茶略為濃，但係碗烏冬水準好差。1.牛肉overcooked,使肉較乾2.烏冬冇以前咁粗，冇咁彈牙比起幾個月前離食，水準差咗。希望短期內有改善。