八章軍 (啟岸) (Closed)

放工口痕想搵啲嘢食👅 行過見到呢間新開嘅章魚燒。 呢度裝飾到好似成條日本街咁 周圍都係一啲特色舖頭 小店。佢專做章魚燒 ,所有比起一般店舖多好多口味 。除左原味,佢仲有明太子,芥末 ,粟米 ,松露之類嘅特別口味 。今次揀咗明太子章軍同埋 至尊蝦章軍~~至尊蝦章軍就係有蝦係面。呢度嘅章魚燒個皮做得好脆 入面有兩粒大嘅章魚 醬汁都覺得啱啱好估唔到平時明太子鹹鹹哋同章魚燒都好夾 比起至尊蝦 我更加鍾意明太子 果然係店裏面嘅人氣之選

開心土瓜灣終於開咗一間章魚丸店咁啱今日行過一於試試佢！佢嘅口味都幾多選擇，而且可以加兩蚊雙併兩個口味中午一點黎到唔算太多人，因為即叫即整嘅關係大概等咗5-10分鐘都幾快👍🏻蟹子將軍 併 蜜糖芥茉將軍叫咗雙拼八粒，旁邊放咗好多木魚碎木魚碎既口感比出邊食嘅厚身硬正💕平時出邊食開嘅都比較軟身蟹子將軍章魚丸都幾足料😍👍🏻超多蟹子咬落去章魚丸外脆內軟，不過章魚丸外層做得有點脆身😆😂😆感覺好似有點硬身，但入面就好軟熟，形成強烈對比🆚如果鍾意食外脆內軟既感覺一定要試試但係想食軟身既都可以同職員request，佢地都可以做到❤️蜜糖芥末將軍，醬汁都比較多，不過個人覺得芥末漿味道唔算太重，食落偏甜，但整體都唔錯👌🏻兩個口味我個人推介蜜糖芥末將軍🤤偏甜野岩晒我口味

聽講過啟岸呢條日本街好耐，自上次食完串燒店後都無再黎過，朋友潮童話有間章魚丸子好好食，咁就去試吓。條日本街真係幾有風味，仲要有好多日本風文青咖啡店、拉麵店、小食店等等，係紅磡黎講，都幾有特色。五點幾黎到，好彩無乜人排隊，點了個雙拼章魚丸，食完當自己去左日本。眾多口味中，店方推薦有原味、蜜糖芥茉、明太子，我選了明太子，又真係幾好，唔會係好濃味嘅明太子醬，食完唔會太飽。其他仲有好多隻味都幾吸引，芝士粟米青蔥我都想食，我點了黑松露章軍，黑松露味好香，入味嘅章魚肉勁大粒，而且個軟硬度好煙韌，又唔係太大粒，有機會嚟紅磡掃下街就可以試下。

八章軍 （土瓜灣） (紅磡)紅磡馬頭圍道63號啟岸地下22號舖今日專登去最多人排隊等食唧八爪魚🐙章軍嘅日本小食店，等燒小丸子🍡嘩，品種繁多，款式又靚，配搭又好，我都揀咗兩款嚟食，雙拼八粒$43牛油粟米🌽章軍4粒大大粒，圓咕碌，燒得好乾爽脆卜卜，外脆內軟滑，口感豐富，超好食😋😋😋芝士蝦章軍🐙四粒又係一款超好食嘅小丸子，燒得紅卜卜，芝士香滑，加埋啲會喐唧木魚，一啖一丸子，正呀，外皮香脆，內肉鮮甜，蝦，章魚🐙粒咬口彈牙，好好味😋超好食，我加單，再配其他兩款，食到停唔到口，極力推介👍👍👍

/港式脆卜卜小丸子📣📣今日發現咗紅磡啟岸多咗好多新餐廳/充滿住日本嘅風味🙋🏻‍♀️今日專程嚟到八章軍🐙見到好多唔同特色口味嘅小丸子😝章魚燒即叫即整/口感外脆內軟👍🏻今日我地特別叫咗日式青芥末章軍同明太子章軍🔥老闆聲稱佢哋嘅Wasabi係會超攻鼻真係食到先好叫😂聽到真係忍唔住要試吓！結果每食一粒小丸子都感動落淚🥲真係好正！另外明太子都辣/配合小丸子嘅口味真係好夾！勁有驚喜😍真心推介大家😊勁有日本感覺而香港風味嘅多款小丸子🥰！32蚊有6粒40蚊有8粒《可以雙拼架！▶️好味程度😋4/5▶️環境⭐️4.2/5▶️服務4.8/5▶️回頭率5/5📍八章軍 （土瓜灣） (紅磡)📣紅磡馬頭圍道63號

🐙呢間章魚燒咬落好有驚喜！比起其他的更脆更有嚼口～外皮唔會好厚，吃到外脆內軟的層次。但如果你本身比較喜歡軟一點的口感，可以在下單時講聲，就可以吃到專屬的口感啦～今次叫了原味及明太子味雙拼，明太子味道充滿鹹香，而原味就一向出色！仲落左好多木魚花同醬汁添。.Takoyaki was one of my favourite street food! Try the mentaiko and original flavour, love the salty flavour with tons of sauces and the bonito flakes.

本身住係紅磡，聽講呢個章魚燒店開左分店，就過黎試下。店舖裝修好新淨，牆上放左唔少裝飾，別具日式風味。店內有兩張凳，等外賣時可以坐值休息。當日去既時候好多人等緊外賣，睇黎好多人都慕名而來！叫左兩款口味，分別係芝士同明太子，每款8粒。首先講芝士味先，作為芝士控見到咁厚既芝士鋪係上面，真係好感動。咬落去既時候，芝士會拉絲，芝士味好重好香，個人本身中意芝士所以唔會覺得好膩。另一款口味明太子，同樣有驚喜！明太子醬意外地同章魚燒好夾，每粒章魚燒都被濃濃既醬汁包住。章魚燒好足料，入面有大大粒章魚，唔會好厚粉，食完8粒非常滿足！

是日去土瓜灣做運動，運動前打算食少少野，行左去新樓盤附近，聽講呢間章魚燒由荃灣開到黎土瓜灣，做到開分店既話 咁一定要試啦😆試左2款味道、揀左至尊蝦章軍同明太子章軍！以往食章魚燒既感覺係軟林林既口感，但呢個完全顛覆左我以往對章魚燒既觀感，佢地係做到即使有好多醬淋係章魚燒面頭，但依然可以保留到脆卜卜既口感😻😻而且用料都唔孤寒，每粒章魚燒都有 章魚肉架，同手指甲大細一樣，唔係細細粒迷你個d、仲有🌽黎粒架🤣同埋有好多木魚碎 好有口感最欣賞佢既至尊蝦章軍，粒粒蝦都冇腥味同雪味，外層仲有芝士 經過炙燒同章魚燒融為一體😻明太子章魚燒味道鹹香，鍾意食重口味既朋友唔好錯過🥰

啟岸呢個充滿日本風格既地方最近又多左唔少新餐廳進駐!!咁日本風既地方當然要配日本食品,呢間新既章魚燒店既口味同款式都好多而且又吸引,口痕就買左2款試試.今次試左明太子同經典原味,佢地既章魚燒即叫即製,外層章魚丸起脆身.外脆內綿而且內裏唔會空心,味道好香.內裏既八爪魚煙韌彈牙 明太子章軍係章魚燒上加滿大量既明太子醬,味道鹹香中帶點辛香.經典原味章軍經典原果加上燒汁,沙律醬同鰹魚片,味道經典得黎又唔會過鹹膩.

今日同去土瓜灣朋友屋企睇吓佢個孫仔，行過去嘅時候完全被章魚燒嘅味道所吸引，停低望一望，見到店員即叫即製，價錢又合理，即刻買兩款口味試試！章魚燒整體來講都幾大粒，即叫即製，口感外脆內軟，蟹子味道配料十足，口感添上一份爽口，至尊蝦將軍有原粒蝦肉喺面頭，火炙咗芝士同埋沙律醬，食落超級香口又滋味😋😋配合埋大量的木魚絲，口味鹹而鮮，裏面的章魚粒唔算大粒，不過口感極為爽口。順帶一提，小店嘅附近有一排燈籠可以比大家打卡！

📍八章軍由荃灣開到過嚟土瓜灣既八章軍，今次終於經過有機會試到，估唔到真係幾有驚喜～👅櫻花蝦將軍拼牛油粟米將軍 $41每隻味有四粒，櫻花蝦數量勁多，如果唔鍾意好多醬汁既章魚燒嘅話可以試吓呢一個，至於牛油粟米味既章魚燒，牛油味勁香濃，反而食落去幾有驚喜，呢隻味道都幾新穎，熱辣辣，外層做到脆卜卜，咬落去會有聲果一種脆，出色😳舖頭不定時仲有其他期間限定既章魚燒味道，大家可以去碰下運氣睇下有咩特別既味～

紅磡啟岸最近開咗間專食章魚燒嘅外賣店，係區內少有嘅章魚燒舖頭！作為下午茶一流😍 味道有成15款咁多，有選擇困難症嘅我都揀咗一陣先揀到！店主態度好好，誠意推介左兩份味俾我試～ 而家仲有新開張優惠，憑單張可享每盒-$2，下次經過再試吓其他味！一試章魚燒味道相當驚艷！平日食嘅章魚燒，大部份都係比較淋身。呢間即是我返到屋企先食，外層仍然保持微脆口感！好特別，而且比起平日食到嘅更加鍾意❤️ 章魚燒入面仲有粒粒章魚，好足料🐙口感彈牙，非常高質！小編分別試左蜜糖芥末同蟹籽，前者酸酸甜甜，實屬穩陣之選😋 後者表面有大量蟹籽，更添口感。蜜糖芥末章軍（6粒$50/8粒$58）蟹籽章軍（6粒$53/8粒$61）

🥹睇完醫生口淡淡，行過啟岸諗住搵啲嘢食見到原來開咗間新嘅章魚燒，小店本身喺荃灣，近排先至過咗嚟開分店。無耐之前 mill milk都介紹過～ 望吓佢哋嘅Menu，款式都幾多。連埋原味，總共有成15款口味！🙂即叫即製，當日唔算多人大概等10分鐘左右～ Jac's Choice✅經典原味章軍 ✅至尊蝦章軍任何新嘗試必須試原味🤓咁先試到實力即叫即燒所以一拎上手熱辣辣！脹卜卜嘅章魚燒足料！章魚燒係偏脆，咬落去脆卜卜，跟住就食到八爪魚同埋粟米粒，口感都幾豐富，唔似平時食開嘅八爪魚咁重麵粉嘅感覺。醬汁方面，沙律醬燒汁比例啱啱好。有紫菜粉鋪面更加惹味。而至尊蝦章軍咬落就會食到爽口嘅蝦仔，口感同原味差唔多，最大嘅分別就係佢哋芝士味重啲。佢哋仲會間唔中有新嘅口味，下次真係要再嚟試吓其他味！

試了這間兩次第一次是黑松露口味的章魚丸章魚燒醬再加上黑松露汁，味道偏咸，如果燒醬少一點/或調淡一點，會吃得比較順口。章魚丸外層超級脆口，脆得像炸過一樣🫰我很喜歡這麼香口🥰每粒有2-3粒章魚粒，算足料🥰店內電視有介紹章魚丸裡面會放有粟米粒，我呢盒就唔係每粒丸子有粟米，而且醬汁味道較重，完全蓋過粟米的甜味。但口味上很合我意~ 我覺得可以再試其他口味第二天試了沙律蛋章魚燒完全沒有想過沙律蛋裏面有薯仔，薯仔沙律跟雞蛋比例是大約8：2。我個人喜歡雞蛋比例再多一點，現在感覺有點澱粉質過量，但相較黑松露，這個入口比較清，這次的丸子粟米量比較多，吃得出粟米的清甜。但沙律蛋醬是爆滿的！！吃起來是大滿足。吃過兩次之後，我覺得有保持到丸子外皮的脆度及用料品質！！值得再次幫襯🥰🥰味道：4/5分🥰🥰抵食度：4/5分