冠豐野生生魚煲

Open Now

Now Closed

酸菜魚，水煮魚，烤魚吃得多，今天竟然在香港試到別俱風格的魚煲，愛魚之人，可以一探究竟👍餐廳很小，環境一般，但最少沒見到任何小動物😂為了美食，這個程度可以接受🤭❤ 野生魚煲 $359上桌滿滿的一大盤🤩非常實在的材料，魚肉超多，建議最少三個人來吃 😂啖啖魚肉夠鮮甜，還帶有煙韌的魚皮，愛吃魚的表示很滿足！配菜用了大量的洋蔥，加點芹菜，要了小辣，味道保持清新，多喝幾口湯也沒有感覺口乾👍是沒吃過的配搭，好吃💋❤ 台山生蠔 $200超。巨。大！一共有九大隻，吃得很爽！肥美嫩滑，清新鮮甜，煮在魚湯中真的很好吃！❤ 新鮮雞腸 $59必點！新鮮的確實不同！還帶有肥膏的雞腸，雞味香濃，甜美倍增 🤤❤藥膳雞腳 老闆贈送的藥膳雞腳💕炆的超腍，入口即化，骨膠原如啫喱般滑進口裡，讚耶！👍 自制菊花茶味道偏淡，菊花味不濃，但應該沒怎樣添加糖，還是不錯的健康飲料。

第一次黎，一家大細比老闆叫坐出邊叫左半隻雞，黎到變左咖哩雞煲…好難食啲餸同啲雞溝埋一齊好似食緊盆菜咁。。小朋友唔食得辣叫左個炒飯比小朋友等左20分鐘先話無曬啲飯要再煲過啲飯，個老闆仲要怪返我話「無曬啲飯咪再煲比我，叫你轉烏冬又唔轉」我叫炒飯既時候又唔同我講無曬啲飯要我等左咁耐先話無飯，仲叫人轉其他野態度極差真係好唔理解點解咁多元朗人吹捧態度差都算，呢間冠豐， 一定係我食過最難食嘅雞煲。永不回頭！態度差，食物差，環境差！

每次去食到食魚煲都好好食...記住每次去食都要留湯飲...有魚既湯...突別好味又新鮮...仲有最特別既醉雞煲....真係幾好食...味道...同湯都好好飲...手切肥牛又好好味

個魚煲好好食，無咩味精，建議唔好食辣保留魚嘅原汁原味，基本上同打邊爐唔同，因為佢係你叫晒啲材料之後佢擺晒落去煲熟咗先俾你食，應該就冇乜落味精因為食完唔會口乾，但價錢就比較貴，一煲咁樣嘅都要五百幾蚊，但值。。

朋友推介，又近近的，咪過黎試吓！7點半度去到，仲未有咩客，坐多半個鐘已經陸陸續續坐滿咗，成間鋪都頗細，得一張六人大枱，同三五張2人，4人枱！家庭小店，事頭，事頭婆，呀仔都係度幫手！主要食雞煲同魚煲，我地嗌咗藥材雞煲，黎到即刻飲碗湯先，真係會飲到上癮，有d藥材味，又有d酒味咁，越飲越想飲，不過有少鹹！食曬雞，仲可以打邊爐，邊爐材料種類都多同新鮮！小食都幾好味，鳳爪青瓜都唔差！總括黎講，滿足嘅一餐，養生雞煲，怕熱氣飲支自家製菊花茶，小店經營，嘢食唔差，值得幫襯！

今次係鬲左兩三個月再黎呢到食，上次係被男友個朋友介紹藥饍雞煲(火煱式),食過返尋味，今次同另一班朋友再去食，完全冇失望，水準keep 住。佢最出名係魚煲同藥膳雞煲。（事關第二次幫襯小店係因為介紹朋友去食，所以係推薦翻我同男友食過嘅嘢，望你地試過都鐘意。）一坐低，先來個頭盤藥膳雞腳，仲有一啲碟野應該叫泰式雞腳。藥膳雞腳雖然望落有啲驚(有雞腳指),但係一試愛上，炆得好琳，藥材未夠入味，一放入口肉骨自然容易分離，好正好好味。而泰式雞腳，酸酸立立幾開胃，雞腳質感比較爽身身，幾開胃。頭盤過後正餐就黎，我哋今次有六人，叫左個大藥膳雞煲仲有其他餸料(係有湯個款!唔好叫錯！) 一黎到就聞到淡淡既藥材味，老闆娘提我地先食個雞，咁樣會比較滑身冇咁”鞋”,。老闆娘無呃我地!!仲提我地飲湯，我係咁飲湯❤️❤️❤️我仲有推介既配料肥牛，色澤幾靚，鮮紅,新鮮。淮山，枝竹，蘿蔔，木耳，芋絲，豆苗(老細話個晚豆苗新鮮靚) 反而，牛柏葉，有啲un...生腸有少少腥P.s仲有佢個招牌魚煲好想下一次試，試後再比食評大家。 希望大家鐘意今次介紹既小店。小店唔多位，建議早少少去。

被招牌"野生生魚"吸引了而幫襯，大大條的生魚，起了骨，主脊骨及魚頭魚尾會放回湯中，吃時不怕哽骨。湯底自選辣度，湯底很清，沒有油，不像水煮魚或烏江魚般油膩，沒有味精的口味，因此覺得很清新。魚肉爽口彈牙，魚味及鮮味OK不錯。另加$50加了雜菜底，有豆腐卜，洋葱，菇等襯托下更為美味。是水煮魚，烏江魚和酸菜魚外，一個不沖膩無味精的好選擇美中不足是點了中辣，的確辣，但不太吃到辣椒味，像是不是用辣椒令湯底辣，不過湯中是有煲至爛開的辣椒的，但不太多，可能用了其化材料加辣吧，令辣味有點奇怪，辣但不算出色據老闆娘說，廚房油兩父子打理，她負責樓面，她有點hard sell，頗長氣有點煩，打擾到吃飯氣氛。兒子有點執著，魚煲上枱後，我還在與友人談話，未開始吃，他便有點不滿說火喉剛剛好，要即刻吃，耐了會失色。或許這也算反映出他對煮食的誠意