Video
2-min walk from Exit A2, Sheung Wan MTR Station
continue reading
Telephone
36898678
Opening Hours
Today
12:00 - 20:00
Mon - Fri
11:00 - 20:00
Sat - Sun
12:00 - 20:00
Public Holiday
11:00 - 20:00
Public Holiday Eve
11:00 - 20:00
Above information is for reference only. Please check details with the restaurant.
朋友話帶我去食一間餐廳，去到先知我之前食過🤣但最後都照食✨餐廳貼咗好多同名人嘅合照👏🏻坐位好少，都要等一等先有位，好彩落單同上菜速度好快🫶🏽🌟皇牌1號餐 $54招牌炸豬扒菜飯＋生煎包1隻，套餐奉送豆漿，可無限添飲👏🏻🌟招牌炸豬扒菜飯炸豬扒果然係招牌，外皮係類似用吉列嘅煮法，金黃脆卜卜，啲麵包糠帶出香脆嘅口感，而且個醃料都好入味，超香口🌸菜飯本身都好夠味，但整體有啲乾😗🌟生煎包基本上每枱都會叫😚生煎包熱辣辣，皮薄餡嫩，湯汁多到咬開時熱氣同鮮甜肉汁噴發，令人回味😍個底部較厚身啲，食到個焦香嘅口感👏🏻🌟皇牌5號餐麻醬青瓜雞絲粉皮＋生煎包1隻，套餐奉送豆漿，可無限添飲🌸🌟麻醬青瓜雞絲粉皮 $54一嚟到原來都幾大碗，粉皮Q彈滑溜，啲麻醬濃郁帶花生同芝麻嘅香氣，青瓜清甜解膩，雞絲都有雞味，唔會好嚡🧡🌟凍豆漿味道偏淡，唔係好甜，但夠凍🫶🏽店員一得閒就會睇吓邊個得半杯豆漿，然後主動refill🤣-🌟蟹黃生煎包 $38同樣係皮薄，啲蟹黃份量都多😍鮮甜濃郁，內裡嘅肉餡中間再夾住蟹黃，嫩滑多汁，食落奢華又有深層嘅海鮮風味😙
continue reading
餐廳：劉興記生煎包專門店 地點：上環文咸東街 菜式：上海菜 餐牌：生煎包類、新品推介、皇牌套餐、菜飯類、湯麵類、拌麵類、蟹粉類、小食類、涼拌類、小籠包類、飲品。落單掃QR code。招牌炸雞扒拌麵 $45 招牌炸雞扒一開6件，炸得雞皮薄脆而雞肉夠嫩，啖啖肉，都好香口。面頭加上少少炸菜。麵一大底係上海面，有咬口，我叫左少醬，已經好夠味，甜甜哋好味道。雞湯小雲吞 $36雞湯小雲吞熱辣辣上枱，個湯超熱，好厚身。小雲吞一客12粒，皮薄滑溜，餡料就細細粒，伴有小棠菜兩條同蛋絲。麻醬青瓜雞絲粉皮 $45 麻醬青瓜雞絲粉皮好大碗。粉皮份量最多，質素正常。加有幼條青瓜絲同雞絲，面頭加上白芝麻粒。可以叫麻醬另上。糖醋炸排骨 $30糖醋炸排骨一開9件入口size，炸得外脆內嫩，糖醋味夠，味道酸酸甜甜好醒胃，面頭灑上白芝麻粒。有一兩舊骨仲有軟骨食。有豆漿送，豆漿夠濃厚滑溜，豆味剛好又唔太甜。除咗生煎包，呢度其他食物質素都唔錯，價錢實惠冇加一。座位有15個左右，一眼睇哂，平日午市遲過12:30到要等位。
continue reading
夏日炎炎連正常飯餐都無胃口食所以去左劉興記食生煎包今日要左麻醬青瓜雞絲粉皮＋招牌生煎包仲有我最愛嘅豆漿～真心超好味！生煎包包底煎得香脆皮薄餡靚！隻隻都爆汁一定要小心食如果唔夠熱仲可以即場換服務超貼心🫶🏻粉皮超爽滑配埋麻醬同雞絲入口芝麻香味撲鼻加上清新青瓜絲夏天食開胃又無負擔！豆漿係最大驚喜～豆味超香濃滑得黎唔會過甜只要消費滿$60就可以無限添飲好味又好飲超佛心！環境乾淨企理一人晚餐都可以好舒服
continue reading
最近我來到劉興記，之前已經黎過一次，今次lunch就再黎試下，這家餐廳因其美味的生煎包而聞名，無論是堂食還是外賣，總是能見到長長的排隊人潮招牌蟹粉生煎包，每位食客都不可錯過的經典，蟹粉生煎包一端上桌，就被那誘人的香氣吸引。每個包子外皮金黃酥脆，輕輕一咬，熱氣瞬間釋放，讓人垂涎欲滴。內餡則是多汁的蟹粉與肉餡混合，口感豐富，彈牙又不油膩，真是讓人一口接一口生煎包的外皮薄而脆，內餡卻是豐富多汁，蟹粉的鮮味與肉餡的鮮美相得益彰，讓人感受到層次感。每一口都充滿了蟹肉的鮮甜，加上微微的香料味道，讓整個味蕾都被喚醒享蟹粉生煎包絕對值得一試，不論是堂食還是外賣，都是一個不錯的選擇
continue reading
生煎包愛好者一定要試吓上環呢間劉興記 我食過好多次都仲係咁鍾意 每次行過聞到煎包香味就忍唔住要入去 佢哋嘅招牌生煎包真係無得頂 一咬落去熱辣辣嘅肉汁即刻湧出嚟 包底煎得金黃香脆 面頭灑滿芝麻 食落特別香口 仲有蟹黃生煎包都好好味 蟹粉同豬肉嘅配搭剛剛好 加少少醋一齊食更加開胃 小雲吞湯麵都值得一試 湯底清甜唔油膩 雲吞皮薄餡多 食落好舒服 最正係佢哋提供免費任飲豆漿 豆味香濃又唔會太甜 夏天飲真係透心涼 上環分店位置好方便 地鐵站行兩分鐘就到 無論係午餐定係放工想醫肚都係個好選擇
continue reading