劉興記生煎包專門店

Open Now

Now Closed

餐廳：劉興記生煎包專門店地點：上環永樂街菜式：上海菜餐牌：生煎包類、新品推介、皇牌套餐、菜飯類、湯麵類、拌麵類、蟹粉類、小食類、涼拌類、小籠包、飲品。落單掃QR code。糖醋炸排骨湯麵 $48糖醋炸排骨另上，一開9件入口size，炸得外脆內嫩，有豬味，糖醋味夠，味道酸酸甜甜好醒胃，面頭灑上白芝麻粒。麵一大底有咬口，味道清淡，好味得黎又健康。伴有小棠菜一條同蛋絲。個湯好似係雞湯，好夠味。雞湯小雲吞 $36雞湯小雲吞熱辣辣上枱，個湯超熱，好厚身。小雲吞一客12粒，皮薄滑溜，餡料就細細粒，伴有小棠菜一條同蛋絲。麻醬青瓜雞絲粉皮 $45麻醬青瓜雞絲粉皮好大碗。粉皮份量最多，質素正常。加有幼條青瓜絲同雞絲，面頭加上白芝麻粒。叫左麻醬另上，自己加最好。招牌炸豬扒 $28招牌炸豬扒一開7件，炸得外脆內嫩，啖啖肉，都好香口。可以加枱上既豬扒汁同食，味道更好。仲有豆漿送。豆漿夠濃厚滑溜，豆味剛好又唔太甜。除咗生煎包，呢度其他食物質素都唔錯，價錢實惠冇加一。平日午市遲過12:45到要等位。

今次喺劉興記食lunch 排好多龍 好多外國人黎食 但都唔洗等好耐就有位 食咗佢哋嘅皇牌午市套餐 加埋幾款特色野食 正呀🥢 皇牌1號招牌炸豬扒菜飯 + 生煎包 炸豬扒外脆內嫩 粉唔會太厚配埋香氣十足嘅菜飯 簡單但有誠意 生煎包底部煎得香脆 咬落去爆汁 肉餡鮮甜🥗 皇牌5號 麻醬青瓜雞絲粉皮 + 生煎包 粉皮爽滑 麻醬香濃但唔會太膩 青瓜清新 雞絲嫩滑 好開胃生煎包依都係好正 脆底爆汁🧃 豆漿任飲 午餐包埋既豆漿香濃滑口 唔會太甜 仲要任飲 抵到爆🦐 加點：瀨尿蝦生煎包 瀨尿蝦餡料鮮甜 肉質彈牙 包底香脆 咬落去熱辣辣 同樣鮮味十足🥟 加點：小籠包 小籠包皮薄餡靚 湯汁豐富 一咬爆湯 要小心燙口同彈左汁去對面位 好食

上海嘢向來係小女子嘅comfort food，劉興記生煎包專門店可以話係最正宗嘅味道，放工咁啱經過就揀咗佢做晚餐，整體除咗食物高質之餘，仲有得任飲無糖凍豆漿，超抵！蟹黃生煎包一啖咬落去爆晒汁！蟹黃嘅鮮味配豬肉湯汁激正，個皮煎得啱啱好，底脆面軟，蟹粉份量都算足料，記得要趁熱食招牌生煎包必食菜式！皮薄餡多，湯汁鎖得幾好，肉餡調味鹹鮮適中。最正係個黃金脆底，咬落外脆內軟，肉汁爆晒出嚟原味上海小籠包皮夠薄唔會一夾就穿，湯汁清甜唔油膩，肉餡口感紮實。點埋浙醋同薑絲一齊食，更加吊出鮮味招牌炸豬排拌麵豬排真心抵讚！炸粉薄脆唔油膩，肉質鬆化唔韌，食落juicy。麵條掛汁力強，醬油底帶微甜，撈埋蔥油好香口

今天終於把收藏了半個月的“劉興記”安排上了！點單的時候直接把想吃的全勾✅ 先沖蟹黃小籠包！皮薄得像層紗，夾的時候得用勺子托著，不然稍不注意就漏湯。咬開一個小口先吸汁，那股鮮勁兒直往喉嚨里竄，蟹黃的香混著肉餡的嫩，一點不腥，連吃三個都沒覺得膩，就是吃完得趕緊舔舔嘴角的湯汁😍 接著是炸豬排菜飯配生煎包，炸豬排外層裹的粉特別薄，咬下去“咯吱”一聲脆，蘸不蘸醬都好吃。一口飯一口豬排，香到跺腳！直接把幸福感拉🈵🈵 吃到一半想起還有豆沙煎餅，本來以為會膩，沒想到煎餅皮煎得有點韌勁，里面的豆沙給得超足 最後靠一杯豆漿收尾，磨得特別細，喝不到一點渣，滿口都是純純的豆香，甜度也剛好，一口下去暖胃又解膩☺️

上環呢個地方，真係臥虎藏龍，由摩登嘅咖啡店到歷史悠久嘅老字號，應有盡有。喺呢啲新舊交替嘅街道入面，有間上海菜館「劉興記」一直都係我嘅口袋名單。今日終於的起心肝，唔係為佢嘅小籠包，而係為咗一個聽講好驚喜嘅組合：炸雞扒拌麵同招牌生煎包！招牌生煎包：一啖爆汁，皮脆肉嫩嘅真功夫 🥟嚟得上海菜館，點可以唔試佢嘅生煎包？我叫咗個餐跟一隻，再額外追加兩隻，可見我對佢嘅期望有幾高。個包一上枱，賣相已經好吸引，底部煎到金黃香脆，面頭灑滿芝麻同蔥花，白白胖胖咁好可愛。一啖咬落去，個包底「卜」一聲，真係脆到無朋友！跟住個皮雖然薄，但好有彈性，完全冇被入面嘅湯汁浸到腍晒。最精彩嘅部分嚟喇，就係入面滿滿嘅肉餡同埋熱辣辣嘅湯汁！個肉餡鮮甜得嚟唔會太油膩，啲湯汁瞬間喺口腔爆發，嗰種滿足感，真係非筆墨所能形容。$20兩隻，絕對係物超所值，淨係為咗呢個包都值得專程嚟一次。招牌炸雞扒拌麵：估唔到嘅驚喜配搭 🍗🍜本來以為生煎包已經係主角，點知呢個「招牌炸雞扒拌麵」先係戲肉！成個餐有齊炸雞扒、拌麵、一隻生煎包，仲包一杯（凍）豆漿，盛惠$54，喺中上環嚟講，呢個價錢真係好親民。塊雞扒嘅份量一啲都唔馬虎，炸到金黃色，外皮酥脆，但

中上環打工仔對劉興記應該唔陌生。餐廳主打上海風味小食，出名平靚正，50幾蚊就食到有主食又有生煎包嘅套餐，仲有豆漿任飲，所以午市嚟要有心理準備要排一陣隊。🥇招牌生煎包底部煎到金黃酥脆，外皮厚薄適中，內餡使用新鮮豬肉，肉汁豐富，一咬即爆汁！建議咬一小口啜下啲肉汁，再倒入醋一齊食😋🥈手工豆沙鍋餅外皮兩面煎至金黃香脆，中間夾住綿密紅豆餡餅皮煙韌唔硬，外脆內軟，紅豆餡甜度適中即叫即煎，唔會覺得油膩，好有驚喜😛🥉炸雞扒雞扒炸得酥脆，外脆內嫩午市套餐可以揀配菜飯/湯麵麻醬青瓜雞絲粉皮份量極大方，兩個人share都夠食粉皮煙韌，麻醬香濃，夏天食開胃上海小籠包又係一咬即爆湯汁不過生煎包實在太出色，眼闊肚窄建議先點招牌生煎包😆

店舖近地鐵站，細細間。店員有禮。餐牌算多選擇，食物質素高。難怪每次經過都有人排緊隊。 ✦ 招牌生煎包果然係招牌。枱面寫住小心爆汁，原來係真，真係會一身都係。湯汁同肉餡都十分鮮甜、非常juicy, 生煎包外皮煎成金黃香脆。 ✦ 經典咸肉菜飯私心推薦。非常咸香、油香味濃郁嘅咸肉，口感結實。油脂香帶埋落菜飯度，再加些少菜嘅清香，飯身偏硬有口感。非常值得試。 ✦ 招牌擔擔麵有蝦米仔、花生粒同蔥等點綴，麵條帶蛋香，湯底濃郁有層次。 餐廳免費添加麻醬、糖醋汁、擔擔麵醬，生煎包唔夠熱可以更換，而且餐廳滿60蚊送免費豆漿。

💝好開心有豆漿送，仲不斷任添💝✨招牌生煎包(4隻)💰35 📝手工製做，外層脆卜卜，咬開爆汁，仲寫明唔爆汁同唔夠熱可以免費換，超有要求💖✨原味上海小籠包（4隻）💰40📝熱辣辣上枱，鮮美肉餡同湯汁，點醋同薑 絲✨招牌炸豬排拌麵 💰45📝拌麵搭配酥脆排骨，再點排骨汁好香口！✨招牌擔擔麵💰45 📝湯底好特別加咗蝦米、花生碎、葱花，微辣，用偏粗身嘅麵條劉興記生煎包專門店 (上環)📍 香港上環永樂街139號地舖(上環🚇A2出口行3分鐘就到)📍仲有7間分店，分佈佐敦、旺角、大圍、荃灣、元朗💬有機會想試吓佢個瀨尿蝦生煎包同蟹黃拌麵，午餐可以有一個主食加任添豆漿同埋一個生煎包，好啱打工仔中午食，超實惠！

間唔中就會同同事來食生煎包！味道不錯又平。我最愛既配搭係麻醬手撕雞絲粉皮 + 生煎包1隻 $54粉皮份量最多，質素正常。麻醬好惹味生煎包好多汁，皮不算厚。 炸鷄扒湯麵+ 生煎包1隻 $54估不到鷄扒原來甘好食喔！好juicy好味道，值得食。豆沙鍋餅都不錯！不甜。豆漿就免費任飲既，正常野。但不需要另外加錢叫飲品所以好OK價錢好實惠，所有不斷都有人流。記得要早D去排隊先得啊！🥢劉興記生煎包專門店 🌏上環永樂街139號地舖

劉興記是一家讓人垂涎欲滴的餐館，以其獨特的美食而聞名。來到這裡，讓我特別推薦幾道必嚐的招牌菜😆首先，生煎包是這裡的明星菜品。外皮金黃酥脆，咬下去能聽到清脆的聲音，裡面的湯汁豐富，鮮香四溢。餡料選用新鮮的豬肉，調味恰到好處，讓人一口接一口，根本停不下來。豆漿任飲，豆漿的味道濃郁，搭配生煎包簡直是絕配。喝一口豆漿，感受到濃厚的豆香，真是一種享受。酸辣湯，湯頭酸辣適中，讓人感到一陣清爽，微微的辣味更是提振了食慾。裡面加入的豆腐、木耳和蔬菜，讓整碗湯更加豐富可口，既有營養又令人滿足。

劉興記生煎包專門店(上環)上環文咸東街2號地舖經開上環，老友想食生煎包，帶咗我去劉興記，果然冇介紹錯，有驚喜。😸招牌生煎包生煎包加了香蔥和黑芝麻，金黃色的外層香脆煙韌，一口咬落去爆汁，原來要飲曬生煎包內的肉汁先至可以一口咬落去😂。餡料新鮮，保留原材料的味道，調味做得好好，必食！下次去我會食六個，抵食好多。🤤麻醬手撕雞絲粉皮手撕雞新鮮嫩滑，青瓜絲清新爽口，捲狀的粉皮口感煙韌，將又香又滑的麻醬撈勻，好味道！🤤秘製上海炸排骨大廚即叫即炸，外層香脆，肉汁豐富，醃製得恰到好處，可以加甜酸辣醬提升層次，推薦！😍豆漿豆味香濃，甜度適中，健康有益。😽劉興記生煎包專門店 食材新鮮，招牌菜出色，侍應服務態度好，還會再來。😎🤘🏻

放工嘅時候，舊同事話想食小籠包，OK，我地去咗永樂街嘅劉興記生煎包專門店。位置就超級方便㗎啦，中上環返工啱晒 🌟門口好多明星相，星光熠熠🌟 聽講依間餐廳最出名小籠包同埋生煎包，不過餐廳都有好多其他選擇。見到佢有王牌套餐，其實價錢非常之合理。🌟🌟🌟原味小籠包：新鮮熱辣整出嚟，皮薄餡多，湯汁豐富，每一口都充滿咗鮮美嘅肉香。可能係新鮮蒸起，佢哋嘅小籠包絕對係我食過最好嘅之一 👍🌟🌟🌟蟹黃生煎包同招牌生煎包：呢兩款生煎包都有金黃色嘅脆皮，內裡嘅餡料鮮美多汁。蟹黃生煎包嘅蟹黃味道濃鬱，而招牌生煎包嘅豬肉餡則非常鮮美。兩者都非常出色。相比較之下，原味比較多汁👍👍👍個人覺得好食過蟹黃。🌟🌟🌟低糖豆漿：天氣太熱，我哋叫埋嘢飲，豆漿真係好夾小籠包，呢杯豆漿口感細膩，甜度適中，非常清爽。劉興記，位置又超級方便，食物質量可以接受ga，價錢又合理，我哋兩個人食咗$160 ，店員熱情服務態度亦非常好。如果你咁啱去開嗰邊，真係可以食下既。

🥟 劉興記生煎包專門店初體驗｜即叫即煎，爆汁生煎包真係冇得輸！終於去咗朝思暮想嘅「劉興記生煎包專門店」！呢間係朋友大力推介嘅人氣小店，話佢哋嘅生煎包多汁到可以當湯包飲，今日親身試過，真係名不虛傳！🥟 招牌生煎包 一坐低就即叫即煎，已經聞到香味撲鼻～招牌生煎包外皮煎得金黃香脆，一咬開即刻爆汁，肉汁多到要小心唔好噴到衫！入面嘅餡料超足料，肉香濃郁，唔會太肥膩～ 🥗 麻醬手撕雞絲粉皮呢個真係驚喜之選！粉皮煙韌滑溜，雞絲嫩滑，麻醬香得黎唔會蓋過其他味～食落帶少少辣勁，好開胃，啱晒夏天食～🥤 任飲!!!!豆漿豆味香濃，唔會太甜，飲落去好順口，感覺好天然，配生煎包一流，啱晒解渴又解膩～ [📌] 上環文咸東街2號地舖—————————-—————————-Overall 💗💗💗💗

最近香港日日熱辣辣，同同事食Lunch真係冇乜胃口，成日唔知食咩好。經過劉興記見到佢哋有啲凉拌野又經濟即刻入去試全部套餐包括一個主食一個生煎包及無限添飲豆漿都係$54~真係上環lunch經濟之選凉拌雞絲粉皮~粉皮質地滑溜彈牙，一啖落去即时降温。雞絲份量足，够嫩滑唔嚡口。麻酱+醋汁调得剛剛好非常醒胃，加上青瓜絲嘅爽口係夏日必點嘅开胃主食招牌炸雞扒拌麵~雞扒即叫即炸熱辣辣、外皮金黄香脆，肉质Juicy生煎包 ~底部煎得香脆，包身鬆軟，要小心食一哎下湯汁滿瀉豆沙窩餅~ 外脆内軟，作為一餐嘅結尾都幾满足。

今天中午，我和朋友去咗位於上環嘅劉興記生煎包專門店食午餐。呢間店好有名，常常見到人排隊，今次終於可以親身嚐一嚐。一入到去，香味撲鼻而來，令我食指大動。我哋即刻點咗招牌擔擔麵、小雲吞湯面、招牌生煎包、手工豆沙窩餅，仲有兩杯豆漿。每樣都好吸引，特別係嗰碗擔擔麵，麻辣味十足，麵條Q彈，真係好味！小雲吞湯面嘅湯底清甜，雲吞餡料鮮美，食得令人心情愉快。最令人期待嘅係招牌生煎包，外脆內嫩，咬下去汁液噴出，真係好過癮。手工豆沙窩餅亦唔錯，外皮香脆，豆沙餡又唔會太甜，完美搭配。食完之後，我哋兩個都非常滿足，真係值得再來。劉興記真係名不虛傳，食物質素一流，下次一定要帶多啲朋友一齊來！