力奇四季火鍋 (Closed)

今次一行五人！之前一直聽聞呢間啲野食全部都大大份，所以就黎見識下😜我地卜左6:30pm, 所以黎到時都未有太多人，但係食到中途都開始多人入座而且坐滿晒。店內都有幾部電視機而且有超強勁冷氣，唔洗怕食到出汗🤡我仲食到有啲凍tim。Menu紙佢有分一張係你自己填數量，可以填1/2去揀一半份量。呢張紙就無價錢既，要睇另一張過左膠既menu先有價錢。我哋揀咗蕃茄薯仔煲。入面有超多蕃茄同粟米（超甜），薯仔另上。肥牛有分大/中/小size, 我地五個人揀左大碟，岩岩好食晒。肉質好鮮嫩，唔鞋口。醉雞有半只同一只揀，我地揀左半只，份量都唔少！而且仲有幾條人參鋪喺面頭。佢俾咗雞脾肉我哋，肉質非常滑溜！而且烚完之後仲keep到好香酒味好好食！白栢葉就麻麻地，太大塊之餘而且咬唔開。雙拼墨魚滑/蝦滑。佢完全唔係蝦滑係蝦仁😑唔係我想食既口感😭但墨魚滑係好食既！叫左雙蚌！又係大大條！無乜鮮味，要靠點辣豉油吊一吊味。叫咗咁多嘢食埋單最後都係每人$310，都算好抵食。

🥢大角咀足料豬骨煲🥢如果要食的這間火鍋，首先要具備三個條件，第一要夠麻甩，因為地方地踎不鏽鋼檯加圓凳坐得麻麻，第二唔怕嘈，因為好似大排檔咁嘈，第三要夠多人，因為這間店的份量超大，所以得兩三個人只食個煲都飽🥢豬骨煲$260大大一個鍋，整個鍋都是配料，有羅白，粟米，番茄，冬瓜，馬蹄，蓮藕，南瓜，豬筒骨，雞腳，豬軟骨，所以這個價錢超多料好抵，而且湯底豬骨味香濃，真正用豬骨煲出來的味道，食完不會口渴🥢大肥牛 $328 牛味香濃而且滑，切得厚薄剛剛好有口感 🥢豬柳$248 豬肉很韌個人不喜歡🥢活南非鮑魚 $68/ 隻隻隻都有一隻配咁大，全部現撈出來，新鮮生猛，食落軟熟可口有鮮味，大大一隻超滿足🥢大花竹蝦 $30 / 隻好大一隻花竹蝦，蝦肉爽脆，啖啖肉，但不是游水的🥢桶蠔（大） $280 約12隻次次來食都必食的一樣配料，size 超大夠曬蠔味，隻隻都飽滿新鮮🥢粟米餃 $85 / 10 隻 又是size 大大隻的，一隻約bb 拳頭咁大，入面有很多粟米，令豬肉更鮮甜🥢脆腩 $90真正是脆的，厚切魚腩很有

未食過既朋友, 1定要知道力奇每份, 最好逐D叫~朋友約左夜晚, 如果唔熟大角咀可能要搵路先識黎~ 門口普通, 入到去好佬feel, 似街市大樓擺設, 掛牆大風扇, 搭高左既圓凳, 每張枱上有電磁爐+menu~ 好多野食選擇, 每樣都想食D. 上菜超慢, 等左好耐先上湯, 又等左1段時間先上第1碟菜. 因為大家愈黎愈肚餓, 叫多左野食. 點知黎到放滿全枱, 每份都好似係平時出面餐廳既2倍咁多大份, 而且牛肉又大碟又厚切~ 嚇到我地之後要cut單, 真係唔好意思, 但係廚房已經準備好大部份. 為左惜食, 大家都拎D返屋企~*其實落單姐姐都應該提下客人, 尤其眼見我地有幾多人VS叫左幾多餸, 然後上菜哥哥見我地食唔哂黑哂面

呢間邊爐真係無令我失望，好味兼抵食！今次我地BOOK左台食晚上7:30，7:30去到時未算好FULL，仲有唔少空台，不過愈晏就愈多人黎食啦，成場爆滿呀！餐廳既格局係舊式火鍋店，唔好預坐得超舒服，但勝在好有FEEL！湯底我地叫左蕃茄薯仔拼沙嗲，蕃茄薯仔湯底一上台嚇親，勁多料，佢係用新鮮材料即時煲個湯底，但由於料太多，要等佢煲起個入味既湯底都要幾耐下，所以我地一開始都係專心食沙嗲湯底。沙嗲湯底好香，又唔會太辣又唔會太咸，而且佢又唔會有煲燶既問題，由頭食到落尾都係咁濃味，一絕！蕃茄薯仔湯底都唔輸蝕，雖然等得耐，但係值架！個蕃茄勁甜，而且目測佢落左兩大個蕃茄落半煲，勁有誠意！佢既材料，基本上想食既都有齊。特別推介下Ｄ肉呀，好新鮮！牛方面我地叫左本地牛同雪花肥牛，兩款都好有牛味呀！本地牛就有口感Ｄ，煙韌Ｄ，不過相對瘦Ｄ。雪花肥牛賣相己經岩打卡，每片既雪花都勁靚呀，肥瘦岩岩好！其他食材我就唔特別講啦，都係基本野，不過款款都係份量多，而且質素唔差！唯一想講係蝦滑同墨魚滑麻麻，下次可以唔叫。另外，每款肉底都有大量菜托底，仲要係唔同款又新鮮既，可以慳返叫菜既錢，勁貼心！唯一缺點就係餐廳地點遠左Ｄ，係旺角

力奇可以話係由細食到大，食材新鮮，湯底足料無添加。呢度有坐到16人的大檯，啱晒家庭聚會或大夥朋友，熱鬧非凡，正宗港式大排檔風格，氣氛非常好😆最正都是豬骨煲，但是日為咗試新湯底，我哋另外order了豬骨，原來呢度的麻辣湯底都好正，夠晒香，卻不會刺激，啱香港人口味👍🏻美國肥牛都是必叫，圖中為大碟，份量非常之驚人呢，價錢300左右，非常合理，其他食材亦十分新鮮，大部分配料下面都有新鮮蔬菜墊底，可以唔駛額外order蔬菜。

2019年5月12日星期日今日約埋大學同學一齊去食咗個豐富嘅火鍋諗住去奧海城裏面一樣中餐廳食不過615去到已經爆曬人冇得食突然醒起呢幾年前食過一間幾好嘅火鍋餐牌上面都係普通大路打邊爐野食最重要食辣嘢所以成個豉油碟差唔多全部都係辣椒豬骨煲大得好誇張。非常足料。有四五舊大嘅豬骨有好多蕃茄粟米。仲有冬瓜，啱晒打邊爐下火肥牛非常非常大碟牛味也唔錯。 四個大男人食嘢一個豬骨煲再加一碟大肥牛，再加少量嘢食就夠飽了我哋叫完肥牛就再加左些少嘢食，山根、油麥菜、雲吞、同埋些少嘅丸我哋就冇叫到手打丸，味道對比起其他嘢食就相對失色。其他嘢食唔錯埋單四個人唔使$1000。食到好飽。感覺上呢一個份量應該足夠五至六個人食

5月仲係涼涼地想抓住火鍋的尾巴你可以試下呢間佬味十足既火鍋店.大排擋既格局最招牌既係豬骨鍋🐷滿滿新鮮既蔬菜會舖滿整個鍋底係豬骨鍋獨有既💁🏻‍♀️可以叫少啲蔬菜其他既肉類、丸類、餃子類既價錢都無好詳細咁寫係牆角既餐牌要特登問店員拎黎睇既而且係好好好大份🤗細食既記得半份重要既係價錢唔算好貴🙌🏻.總括黎講 唔怕環境嘈一啲呢間既食材都好新鮮抵食👍🏾.人均消費：$150推介指數：👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10）

一間勁地道既打邊爐😳真心！lee個絕對係我出世以黎，飲過最最最甜同鮮既豬骨湯❤️🤩😍係未落野既情況下，個湯底係如上圖貢一樣貢多料！所以你可能見到個湯底要成290蚊，但淨食個湯底都抵番曬，因為佢用既料係極其新鮮，個粟米就算煲到最後，都重係甜到一個超級點❤️😍❤️所以第一啖飲個湯既時候係幾貢驚喜🥳🥳🥳佢有好多疏果既清新鮮甜味～包括粟米、蕃茄、南瓜、東瓜、馬蹄同白蘿蔔！而肉方面當然落左好多豬骨，而且佢仲加埋雞腳同埋豬手，令到湯既味道更加充滿層次😗👍🏻🤪😆🤩飲左絕對係一試難忘！既然個湯底都鮮到貢，佢既菜更加係鮮到一個點😗而且超級大份～估唔到上面既lee碟肥牛，9個人先岩岩好食得曬😳🧐😂佢既蠔係大隻到一個爆點小貼士係未落餸時要飲足個湯先，因為其後加落既餸菜會有損湯既鮮味🤪而且可以唔洗特登叫菜，因為每碟餸下面都有幾塊好新鮮既菜可以淥，因為佢每碟野既份量係異常既多，所以可以分開幾輪點，千企唔好眼闊肚窄，浪費左食物

星期五晚一班人黎咗幫襯好岀名嘅力奇火鍋！多人就梗㗎啦，好彩都bk到，唔洗等就有得食！黎個蕃茄大鍋先，認真驚嚇咗見到個蕃茄鍋，人少好難食到！牛肉:有牛味，肥瘦適當，打邊爐ok魚:脆身，新鮮，中意食魚唔好錯過鮑魚片：好新鮮，切得較薄，好處係淥一淥好快食得，但個煲太大，好難搵得番，等你搵番，佢已經係橡膠黑牛柏葉: 好食，大塊有咬口，前提係唔好淥咁耐虎蝦：好大隻，啖啖肉，脆身爽口響鈴：正常皇帝菜&西洋菜: 新鮮無渣蠔: 大隻，味道正常，無沙總括黎講，嘢食無咩太大驚喜，單價唔平，但勝在大碟大件，多人食係ok嘅！溫馨提示，最好一round 叫曬d嘢食，如果唔係再加單要等到天長地久！

最近眾人打算聚舊，苦思進餐地點之時，有一位上年紀的朋友極力推介此火煱店，指其十多年來始終如一的高質，竟既然如此，我們就決定到大角咀一試！餐廳設於大角咀的舊區之中，門外裝修並不顯眼，室內裝修感覺就有如時光倒流，格仔設計的地板和緣色膠質圓凳，室內環境有如停留在八九十年代，不過保養得宜，除了風扇沾上了一些灰塵外，內部還是十分整潔。我們點了好多款菜，今次主要想講美國肥牛肉同本地鮮牛肉。豬骨煲湯底送來時已經感覺到其份量，配料多得快要滿瀉。除了豬骨外，還有粟米、蕃茄、蘿蔔、南瓜、蓮藕等配料。豬骨大大件，用猛火煲至半融化，入口有膠質，除了入口即融的口感，更混合了多種蔬果的味道，令人非常期待之後的味道。美國肥牛肉美國肥牛肉有大中小份可以選擇，我地人多當然寫大份。待應上菜時視覺震撼，大碟牛肉大大份，一圈一圈叠在大碟上，份量十足，較其他菜大了整整兩圈，美國牛脂肪較多，配上十分足料的豬骨湯底，肌肉和在火煱中稍稍融化的脂肪，滿布了湯底的精華，用筷子夾把牛肉挾出火煱，再沽上一口打邊爐必備的醬油，每一口都是一分的感動。本地鮮牛肉本地鮮牛肉則只有例牌大小可選。肉質明顯和美國肥牛肉不同，本地牛脂肪比例明顯較低，取而代

已經是第三次到臨力奇了~第一次不知道份量比一般的大, 叫了一枱野食, 飽到企係度食第二次一大班朋友一齊食, 叫了更多野食, 又海鮮又大牛, 超級抵食今次人少少, 再認真睇MENU, 原來可以叫雙拼, 但依然食唔晒每次都食唔晒! 唔係唔好食, 而係我地每次都叫左招牌豬骨煲勁多蕃茄等配料, 豬骨又好好食, 單單係個煲都已經好足料而佢地每份配料又係好大份, 所以每次都會食淨超級適合一大班朋友齊齊食不過要留意的是...環境勁麻甩~女孩們要留意接唔接受到啦~

去開大角咀想食好西，問問個住大角咀既朋友有咩推介，佢介紹左力奇俾我，佢話環境唔好，但食物好掂。於是我就同一班朋友黎啤啤佢啦叫左一個招牌豬骨煲，嘩，好大煲，而且好多蔬果，等佢滾起左我即刻急不及待要試試個湯底，兩個字－ 鮮 甜！ 本來諗太多蔬菜，蕃茄會唔會酸呢？答案係唔會既。 豬骨湯好濃郁，係白色，加左大量蔬菜落去係令佢更加鮮甜，我開頭既擔憂係多餘！越滾得耐越好食，一開頭我同朋友們基本上只係沉醉係個湯到，後來開始叫d料。 嘩，好大盤，係用盤字先形容到，d鵝腸堆到成座山咁高，而且味道好好鮮！講真，我係第一次食鵝腸，因為呢到既鵝腸好好味，所以我之後我成日叫鵝腸。牛肉亦係好靚既牛肉，而且好大份，其他d蔬菜都係好新鮮，呢到d野真係全部都係大份夾抵食。反而如果太少人黎既話會無咁抵！因為你剩係食個煲已經9成飽。呢一間打邊爐我敢講係我係香港食過最好食的，我會俾8／10分～好想快d再約多d朋友一齊黎試

天氣凍左就適合打邊爐。力奇最出名嘅豬骨湯底。個湯好大盆入邊好多唔同嘅配菜，有蕃茄冬瓜蘿蔔蓮藕馬蹄粟米同埋好大舊嘅豬筒骨。個湯係好濃，打邊爐前要飲一啖豬骨湯，好好味好濃嘅豬骨味好甜。其實如果得兩個人個湯底都夠食飽啦。我哋叫咗一個大份嘅肥牛，上來好似一座山，呢度啲份量真係好足夠！我肥牛係手切，唔會太薄，好好味。

天氣開始涼，又到打邊爐既季節，最岩約埋班朋友去烚下烚下。呢度出名所有野都好大份！所以最好人多啲黎，先可以食到多啲唔同種類既食物。-環境就一般大排檔環境，啲枱櫈唔係太乾淨咁。如果對環境有要求既可能就唔太岩黎啦！不過環境都大，適合一班朋友聚會。-個煲一黎到已經好多料！粟米同蘿蔔都好甜！入面好多豬骨，煲出黎既湯底好入味！打邊爐點少得肥牛，又係好大份既牛肉，人少啲都食唔哂！-整體性價比高，唔介意環境無咁乾淨可以一試！

7:15 坐底落單， 7:35 先有湯底， 到7:50先得個炸魚皮。 餓到要飲湯底，藥材湯底 藥材味唔夠， 啤酒唔便宜。 無耐性或好肚餓千其唔好黎。杯杯碟碟都好污漕。 最後7:55 先黎個蝦滑同蠔。 等到冇心機食野食還可以， 個爐火力唔夠 。 要讚嘅有蠔同牛肉，真係好味