北海道十勝豚丼 (Closed)

星期五晚餐時間見無人等位所以試下叫咗厚燒豬扒套餐同朱古力咖啡豚肉飯，先講厚燒豬扒，豬扒零脂肪燒到過晒時又老又柴皮，仲衰過隔夜燒肉番煎再番煎，成個餐最入得口只有白飯及麵鼓湯朱古力咖哩汁淡而無味，無朱古力味無咖哩味求其加幾片白烚豬肉就收四五十蚊，買包即食咖哩都有heart過佢食咗垃圾嘅一餐，呢d咁嘅質素真係遺害人間！

我地今日行超級城行到肚都餓啦，見到呢間個名好似唔錯咁，所以就入咗去食。點知………………店內環境偏黑，而且menue也是黑色的底色，所以令本人睇起上嚟有啲困難。首先，我地叫咗個叉燒麵豉湯拉麵，一個北海道辣味拉麵同一個薄燒豬扒。講下個麵先，麵質好淋，湯又咸，令人覺得佢嘅湯係用味精做嘅。此外，麵內嘅紫菜嚟到嘅時候已經跌咗入碗麵到，俾啲湯索哂，所以完全冇咬口。辣味嘅湯底都好咸，但辣度就ok啦。但個豬扒就真係哂掂啦。首先，雖然係薄燒，但係因為肉質太hai，加上燒嘅時間有啲長(塊豬扒燒到long哂），所以好硬。其次係個汁，個汁都幾好味，甜甜地咁。喺大埔入面搵間所謂嘅日本餐廳，而價錢又平嘅，如果無任何要求，只為求填飽個肚嘅就去食啦。

這天一田購物節,一早來到大埔超級城,打算食飽再購物。可能時間尚早,幾間食店都還有很多位。來到這間十勝豚丼，見門面ＯＫ，也不考慮太多，食完先算。我點了個朱古力咖喱吉列海鮮飯，為何賣相和我太太的烤豚肉飯相差咁遠？講返我個飯，咖喱ＯＫ，飯就有少少過淋，至於海鮮。。。不提也罷。總括來說，如果只求飽肚，一份定食＄５０有找，是可接受的。不太差。

今日下午想食日式拉麵。走到公司附近大埔超級城中的十勝。點左叉燒拉麵同凍柚子蜜。等左五分鐘就有得食。碗麵好似半碗滿。加上所謂叉燒只有五六片。好薄切。叉燒好食但太薄。男人食完唔飽肚。有兩片紙菜。加入半只老水蛋。D麵好彈牙，湯底好似中式鼓油味。我好難食得出有日式醬油味。杯凍柚子蜜好好飲，杯底有菓肉。係鮮菓肉。整體算好食但唔飽肚。埋單$45。

門面是一貫日式食店格局，內裡木製椅桌與吊燈，是平民化和風小店設計，不拘謹也坐得舒適天時暑熱還是等待黃昏時份才出動吧，路經大埔區，各商場都是"搵食男女"，在沒有太多選擇下望見北海道十勝豚丼，就像曙光初現般興奮，日式丼飯也是討好的心水食物，二話不說就直奔舖內。如店名所述，這裡主打就是網燒豚丼，單看餐牌的相片真不禁令我垂涎豚丼大致分薄烤、豬肩脥位置和厚燒三種，汁料和煮法有原味網燒汁、火地獄辣汁和海鹽白風燒肚子很餓啦，幸好店內售賣的就是清一式網燒豚肉，故不需花太多時間在菜式選擇上，選一份十勝烤豬肩脥飯套餐(海鹽白風燒) HK$45及十勝厚燒豬扒飯套餐 (原味網燒汁) HK$55，同時也點了南瓜沙律 HK$30 與巨峰梳打 HK$18。在等候食物期間不時聞到陣陣肉香，的確令饑腸轆轆的筆者更心急如焚，幸好不是等得太久，兩客套餐和其他食品已陸續呈上，先來的是南瓜沙律，炎熱天氣吃一些清新的最適合不過。沙律份量十足，以生菜片墊底，中層大堆頭鮮橙色南瓜蓉上再鋪上新鮮菜蔬和炸過的蓮藕片，是一道清新鮮爽又帶點點香口的前菜，南瓜蓉沒有下太多調味更能吃出清甜，因水份較多，質地是偏濕，惟筆者喜歡口感粉綿實在再加上日

那天和友人特地遊大埔，走到很累、很餓了，便踏進了這日式餐廳。我點的是朱古力咖哩餃子飯。那咖哩雖然有一粒粒小薯仔在內、挺有口感，但真的咸到不得了!友人吃的是北海道豬軟骨石鍋烏冬。我也嘗過那豬軟骨，夠軟身，不錯的。另一友人吃的是鯖魚定食。燒得剛好的鯖魚配上檸檬汁，味道清新。其實以這價錢而言，有這樣的食物質素，已是可接受的了。

之前吃過mega box的分店覺得不錯，今日路經大埔店就試一下吧。可能是午市關係，差不多滿座的。這裡冷氣不夠，很侷促。1。燒豬脥肉(小食）老公不大肚餓，只點了一個淨豬頸肉，侍應覆單時也重覆問我們是否單點豬頸肉，我們也確認了。之後她再用聽不懂的廣東話問我們要甚麼配汁，她前前後後重覆數次我們才聽明白她說甚麼。怎料來的是豬頸肉飯，我們當然叫經理替我們換掉，可惜經理卻召來替我們下單的侍應跟我們對質。老公提她當時自己也說單點豬頸肉，這時該侍應才說:原來你們想要小食! 實在無法跟她溝通。說回味道，豬頸肉燒得甜甜的，也沒有燒得過火，ok的。2。麻胡吉列豬扒定食這定食只能用3個字形容:好。。難。。食。。首先，豬扒外觀上雖滿佈麻胡，但卻一點味道也沒有的，虛有其表。豬扒炸得一點也不脆，亦看不出吉列。一咬開，豬扒內是白白的，竟然連最基本的豬味也沒有，淡而無味，既“鞋”且老，配汁也跟豬扒不夾，實在大為失望。總括來說，$50這樣的質素真的不敢恭維，無下次！

叫左兩個餐，真是非常普通，味道一般，豚足烏冬只得豬皮，又好肥，結果冇肉食，只食左烏冬，個飯比較好啲，但不一定要試！食完唔飽，再出去食糖水！大家真係自己諗下值唔值得試喇！

我自己叫了厚切豬扒飯+配菜+麵鼓湯, 塊豬扒好鞋同乾, 除左肥少少有肥膏個舊入得口, 其他都唧得好辛苦。完全無晒胃口。雖然我唔知佢用了什麼部位 (肩至腰部肉質嫩滑), 個人覺得係雪藏之後唔夠足夠時間解凍就拎來煮, 又無落咩功夫, 食得出廚師好求其。而男友叫了炸豬扒, 直程拆晒D外面個層炸粉, 慢慢享受舊瘦肉。總之...揀無可揀先好去

用日本APPS 食べラ分享食物就多，很久沒有在香港OPENRIICE分享喇！十勝烤豬肩脥飯﹕成個套餐包括左前菜(醃芽菜)味僧湯及十勝烤豬肩脥飯一客。開動喇！いただきます！！在肩脥肉上配特色醬汁，十分醒胃。醬汁帶有甜味及小許清新的柚子味，如果在夏天食的話感覺會更好。豬肩脥都算不錯，肉質夾口。唯一美中不足的就是食到其中一件韌到吃不掉的根。在吃的途中想好似日本人食飯方式(夾飯送嘴)是有一點困難，因為飯的黏度不足，當在夾飯時米飯好易出現一夾就散的情況。好在有美味的醬汁及肩脥肉補回缺憾。整體來說算是不錯，因為價錢不貴及味道都值回票價。如果大家有機會到大埔的話可以一試！

第一次和媽媽試吃這間北海道十勝豚丼我選擇了十勝烤薄豬扒飯配原味網燒汁由於薄的關係,本來也擔心會否烤得太乾幸好烤得不過不失,肉質方面OK薄豬扒份量也挺多烤薄豬扒飯配上甜甜的網燒汁,味道不錯同行的媽媽不太愛吃偏瘦肉的口感所以她選擇了十勝烤豬肩脥飯配火地獄辣汁~我沒有拍照也沒有試吃,媽媽說那些烤豬肩脥口感味道都不錯的還說比我那些瘦瘦的薄豬扒惹味得多了但就認為那火地獄辣汁一點兒都不辣(也可能是她本人對辣的定義怎樣)總括來說是不錯的

開咗咁耐, 我一次都未去過食, 既然今日屋企冇飯食又唔想煮~ 就試吓佢啦!一睇餐牌, 咦? 午市套餐價錢咁款喎! 四十蚊鬆啲就有set! 好平喎! 十勝厚切豚肉飯對厚切好有興趣, 加上係餐牌上既必食推介, 冇理由唔叫既!嗯.. 又唔係乾既, 但唔juicy, 亦冇乜豬肉既香味... 甜甜地, 本身個汁唔係特別差既, 但其實呢個係辣汁, 但一啲都唔辣, 所以...    薄燒豬腩肉飯豬腩肉就預咗肥, 不過佢都真係肥咗啲, 冇乜"肉感"!但呢個明顯比厚切既豬肉味濃好多, 香好多!好彩佢又真係切得好薄, 所以雖然肥, 但好味~~可惜就少咗啲汁, 多少少撈吓飯會開心啲~  麵豉湯我好鍾意麵豉湯, 食完飯留到最後先飲~~味道正常都唔會差得去邊既, 都係咁既味啦...但係.. ?! 竟然有蜆? 咁平既set個麵豉湯都仲有蜆?! 加哂分!呢個價錢好抵食, 啲飯都食唔哂! 雖然唔係話特別好食, 但hae食個陣佢都係一個幾好既選擇~

突然好想食十勝, 費時出去旺角區, 所以就揀左大埔呢間之前都食過一次, 味道麻麻諗住今次再俾多次機會點知... 都係照舊食返十勝豬肩胛肉質感覺無以前咁鮮味而且賣相都唔得好心放得整齊D.. 人地都起碼覺得你地有認真咁整出黎我諗... 下次都係出返旺角區

找到機會嚐試。與朋友點了燒汁薄切豚肉飯套餐 (包括大豆芽菜前菜及麵豉湯)加配葡萄梳打，及朱古力芝士咖喱吉列海鮮飯(包括大豆芽菜前菜及麵豉湯)配熱柚子蜜。服務員很是友善及體諒，我與友人以往沒嚐過，服務員在很多方面也主動提供意見及給予幫忙，謝謝。飲品先來，葡萄梳打酸味得宜，是店舖自家製的，味道不錯；柚子茶用料不太多，雖清淡，但味道足。燒汁薄切豚肉飯套餐 (包括大豆芽菜前菜及麵豉湯)，先試前菜和湯，大豆芽菜爽口，微辣，挺開胃；麵豉湯夠濃，吃到蜆和紫菜，料足美味。燒汁香，薄切豚肉薄而有點實，味道算是不錯，如肉質軟會更合口味，飯的軟熟度達標。朱古力芝士咖喱吉列海鮮飯賣相美觀，以為朱古力芝士汁會很濃，原來是咖喱汁上放上一些朱古力醬和芝士溶，吃下咖喱汁，香而不辣，帶有很淡的朱古力和芝士味，味道很創新，不知道如更濃味會怎樣的，有點好奇想試，汁料有些馬鈴薯，好味道，令人感覺滿足。吉列海鮮有蟹蚶、帶子和魚。吉列層軟身脆口，微硬，有特色而美味。吉列魚肉質鮮嫩，加上吉列層，很是美味。至於蟹蚶和帶子，不懂得分辨是否真海鮮，但質素和味道還是不錯的。價錢中等，服務良好，但還是讓有感到滿足的一餐。

呢個都算係驚喜,因為價錢好平,午市套餐最貴先$48,無加一,又OK好食~吉豬定食,確實既名唔記得啦,豬扒加芝麻果隻.餐有吉豬+飯+湯+伴菜+飲品,不能要求更多啦豬扒新鮮炸起,好味又大塊,加上芝麻,唔錯!就係有D"鞋",但都唔會太干個湯有隻蜆,加唔少蔥,好有味,唔似一般送既湯只得咸字.凍朱古力,差,溝粉太少,令味道又啖又怪,完全係低級錯誤!