卓越食品餅店 (Moved) New Location

睇完食評, 專登放工行過去買糯米糍食. 買咗3粒花生芝麻糯米糍($2@)同2個豆沙燒餅($2@). 糯米糍真係好好味, 雖然皮唔算薄, 但真係好軟好滑! 燒餅個皮甜甜地都幾好味. 糯米糍, 一定要試!

1. 花生芝麻糯米滋﹕超級好味，糯米皮勁軟熟，真的好像另一位食家所說的，幾乎是入口即溶。而內裡的花生芝麻亦有些似流出來般。2. 紅豆砵仔糕﹕迷你形，味道OK。3. 豆沙燒餅﹕可能不是剛剛出爐，不覺特別好味，旺角奇趣餅家的"正" 好多。3. 光酥餅﹕OK。4. 老婆餅﹕麻麻地，較硬身，都是恆香的鬆化。當然，相信後者是用上很多油!

今次試左糯米池（紅豆＆花生芝麻），買左花生芝麻，因為間鋪位亞姐勁推介，所以我由買燒餅轉為糯米池，亞姐話有ｓ客突登黎一盒盒咁買走架～好似係＄２粒！哇．．．ｄ皮入口好似會自動溶化咁，平時ｄ糯米池ｄ皮要0趙，但呢個既口感係勁軟熟，好得，佢地ｄ糯米池無"椰ｃ"0係面，只係ｄ糕粉!買左一隻細細既黃色砵仔糕$1，幾煙ｕｎ，好！再次買埋光酥餅$5/4個中型or2個大ｄ型既，依然係咁鬆化，好味～下次再買紅豆糯米池試下先個亞姐勁好人，係咁同我傾，全程笑笑口，好好人，我唔駛搭車佢重揾埋間鋪位伯伯一齊教我路tim!

燒餅$2/件(豆沙／齋)豆沙既size較mini,$18/磅!我買左$10有6個，第二日食都依然軟熟，好得！我覺得好食過奇趣tim!光酥餅$5/袋(一大個／４個裝)好鬆，又唔太甜，有ｄ煙韌，好食呀～

尋日黎買左豆蓉酥3.5--- 一般!皮不夠鬆化!豆蓉餡過硬;砵仔糕$1---細細個,不錯,幾煙韌!冇餡燒餅$2---一咬落口,非常煙韌!而且不過甜;同太子"奇趣"一樣咁有水準!

同類型既中式餅店唔多,而呢間亦成日有好多人買,有豆沙餅, 棋子餅, 光酥餅, 老婆餅.....我只係食過光酥餅, $5有一包, 唔同size,好好味, 唔太甜, 有口感! 絕對係平靚正,而呢度最出名應該係豆沙餅(好軟個隻),因為好多人都係專程黎食呢個, 搵日試下先

上兩期飲食男女介紹呢間街坊小店, 推介豆沙燒餅. 咁o岩星期一有事要去西環, 就順道行過去試下. 見到餅櫃裡面o既豆沙燒餅所剩無幾, 最後幾個都俾個太太要埋,以為會空手而回, 點知老闆娘話有一批o岩o岩出爐o既o係後面, 真係好彩. 本身諗住要四個($2@),拎返屋企同屋企人一人一個, 老闆娘話$10就俾6個我, 就要$10啦! 既然多左兩個, 又新鮮出爐, 梗係即場解決左佢地啦! 果然係正野! 燒餅熱辣辣, 糯米皮外面脆, 裡面就煙煙韌韌, 而豆沙餡幼滑又唔太甜, 而且因為脆皮係用烤爐烤製唔係煎成, 所以一d都唔膩!雖然佢o既size比坊間o既細一個碼, $2 一個唔算平, 但係我都會再幫趁.夜晚返到屋企再與家人一人一個當飯後甜品, 糯米皮依然柔韌度十足, 不過就梗係無我當時新鮮出爐熱辣辣o個下咁好食啦! 家人都稱讚好好味而且唔膩>.<