叉燒大王

Open Now

Now Closed

做嘢做到好夜 好餓( ･᷄ὢ･᷅ ) 想食野上網搵吓邊啲餐廳收夜啲搵到沙田有間開到凌晨兩點 即刻同朋友齊齊過去食第一次食叉燒大王 之後先知原來佢好出名叉燒咁就一定要試真啲(*≧ω≦)叉燒例牌 $118由於可能因為凌晨去食宵夜 叉燒不太熱不過唔太熱嘅情況下 半肥瘦嘅叉燒都keep到好食(｡･ω･｡)肉質好嫩 又多汁 肥瘦均勻值得一讚係蜜汁 又真係幾好味(⁎⁍̴̛ᴗ⁍̴̛⁎) 甜度適中鐵板黑椒牛仔骨$108上枱嘅時候好香 啲汁卜卜聲( ´▽｀)黑椒汁夠濃 夠香肉軟身 不過啲牛就有啲韌 有時咬唔斷(´･ω･`)椒鹽九肚魚 $98熱辣辣好香口 冇熱氣嘅感覺外邊啲炸皮唔厚 唔會食落去一啖炸粉咁入邊啲肉好滑 外脆內軟 配埋啲炸蒜食 正(*≧ω≦)客家梅菜扣肉扣肉肥而不膩 食落口軟綿綿 入口即溶嘅感覺 送飯一流夾埋啲梅菜一齊食 又幾夾(*≧ω≦)金銀粉絲蒸勝瓜 $79呢個粉絲就唔係幾入味 不過配埋啲蒜蓉食都OK勝瓜好淋 冇苦澀味 岩晒我 唔鍾意食苦野(´･ω･`)

靭因不是住沙田，特登入來食的今次沒叫叉燒，只叫了滑蛋蝦仁+鐵板黑椒牛仔骨，但D牛仔骨靭咗DD，見隔離枱燒腩雙倂飯幾靚，於是叫個燒腩飯吧皮脆肉香！正！正！正！👍👍👍🥰下個月再來！

今次嘅客人住河畔哩一區，原本只係上去佢屋企睇睇風水，預計中午已經走得，點知隔離屋知道有人嚟睇風水，又想順便睇埋，最慘係遇上櫻桃小丸子一名，問題天天都多! 結果攪到夜晚先走得.肚餓啦! 中午飯都未食.我哩D燒味鐵粉，見到叉燒大王四隻字，其他餐廳已經唔考慮了.入場已經成8點鐘，食頭一輪嘅客人已經開始散場，有位清出嚟被我哩D第二輪食客.點咗燒味併盤，粟米蟹肉羹同炸大腸.優點:1, 粟米羹份量足，食到有蟹肉無偷工減料.2, 炸大腸雖然有膏但唔多，外脆內軟.3, 燒味併盤有油雞脾同燒鴨，都係俾脾位，油雞皮滑肉嫩，燒鴨皮脆，滿意.4, 當然要重點講吓我嘅大愛蔥油啦! 味道唔會過鹹，合格!缺點都唔少!1, 冷氣不足啦!2, 炸大腸唔夠熱凍冰冰，另外點嘅甜酸汁質感好水.3, 忘記要求燒味併盤要肥叉，結果出事俾瘦叉! 口感硬咗D唔夠鬆軟，慶幸味道夠甜. 4, 燒味併盤有叉燒油雞燒鴨海蜇同燒腩仔, 燒腩仔皮脆但過厚，同樣口感硬咗D，再加上燒腩肉肉質結實，無哂鬆軟感!5, 粟米蟹肉羹雖然有蟹肉，不單無蟹味，仲要被胡椒味蓋過! 明明已經無落胡椒粉，點解咁重胡椒味? 有咩作用呢?6, 我嘅大愛蔥油，味道合格，但

#搞串個pantry如果你問我哋，喺香港🇭🇰有咩一定要食嘅話，其中一樣一定會係#燒味 🍖。燒味喺香港隨處可見👀，街市又有，茶餐廳又有，酒樓又有。今次就同大家去到#沙田 🚣‍♀️一間餐廳，去試吓佢哋嘅嘅燒味💕！！今次我哋分別嗌咗碗燒味雙拼河粉、米線($58)🍜。一碗係油雞🍗、燒鴨，一碗係叉燒、燒腩仔🔥。燒味可以另上，咁就唔洗浸住啲湯啦。同埋燒味嘅份量都好多😍！！試完四款燒味，按最好食咁排，會係1️⃣叉燒、2️⃣油雞、3️⃣燒鴨、4️⃣燒腩仔。 叉燒偏肥，食落去油脂感豐富😝，味道偏甜，口感非常腍，非常出色🤤！！油雞嘅雞肉非常嫩滑，唔會有雞嘅腥味，有淡淡嘅豉油香味🫗。而燒鴨就一般般🧐，幾件燒鴨嘅皮都唔脆，食落口仲有啲乾爭爭。最後，個燒腩仔就真係麻麻啦😕，雖然外皮夠脆，但肉質比較老柴，食唔出有豬腩嘅油脂感，而且同時食到有豬嘅腥味🐽。

平時偶然都係餐廳食下，食物質素一向唔錯。今日去買叉燒外賣，同咗收銀姐姐講想要腍啲，佢都應咗我，點知番到屋企先發現又燶又乾又硬，燶到發苦食唔到嗰種🌚🌚🌚好失望，外賣同堂食一個天一個地🌚🌚

Self-claimed as “the King of Char-siu”, I did have certain expectations for their char-siu, especially for a char-siu lover like me 🤪Honestly their char-siu worth the price ($54) for lunch! The pork was not too fat nor too thin, adequate lipid content with nice honey sauce and slightly roasted crunchy skin (燶邊). Recommend their char-siu to all of you!However, my friends ordered their 豆腐火腩飯 and 黑椒豬軟骨煎蛋飯 and found them disappointing. These were too salty. So remember to make a wise choice 🤪

今晚特登揸車去叉燒大王買外賣，佢之前已經電話落咗order, 去到同收銀員講，我剛剛打嚟叫咗兩碗瀨粉，跟住收銀個姐姐俾咗張單我，我見有兩碗瀨粉已經放咗出嚟，想問收銀員係咪呢兩碗呀？ 點知佢大大聲咁話我"你打左電話黎你又唔講？"我話我有講我打嚟落咗order, 但佢堅持話我冇講， anywayssss跟住我再問佢放咗喺度嗰兩碗粉係咪我㗎，佢唔睬我， 我再問多次，個收銀姐姐只係大大聲同斬叉燒嘅師傅講頭先嗰張單取消呀。。。。好彩之後有個好nice 嘅肥姐姐出黎幫我，仲幫口話個收銀係新黎，佢都好唔好意思。。。但當我轉身走嗰陣，個收銀員亦隨即繼續鬧。。。咩事呢而家？我唔知嗰個滿有口音嘅收銀員（望落最年輕但態度最差的一個）係咪其實聽唔明廣東話，但咁嘅服務態度，實在太趕客。。。（之後先知原來我家人同朋友都俾同一個人激過）， 如果叉燒大王繼續有咁嘅員工。。。只能祝好運講番d 燒味， 燒鴨d 肉實在太梅啦，有幾嚿仲要有好多毛D 燒腩仔反而幾好，經過15分鐘車程後個皮仲脆，d 瀨粉都唔錯，係比較幼身的，所以好吸到湯👌🏼不過收銀嗰個真係攪到我冇乜胃口， 沒有下次了！

成日經過叉燒大王見好多時段通常都keep住多人，都有幫襯過幾次，今次食算係好味返決定寫下。個場其實大同新淨但人多，所以有逼爆效果。呢度服務一向無咩，基本上台員唔得閒理你，最高記錄係舉咗十分鐘手想落單，行埋出去問人都無人理你今日幾分鐘落到單算好喇叫咗一個飯一個意粉，咖哩飯正常，好味過上次好多，上次唔知點解無味，今日有辣味同有椰汁味。呢個肉醬意粉第一次叫，有驚喜，去骨雞翼入面仲有芝士同菇，真心好味。呢度其實最有特色係大大碟，唔好話女人，男人都未必食得曬所以個場有好多男士，唔驚個餐唔飽。

夜晚口痕想食宵夜😽見到叉燒大王仲未閂門，就入咗去食！佢平時有宵夜餐，$50-$70左右一碟炒粉麵飯配野飲👍但係我哋今次冇嗌宵夜餐，嗌咗海鮮同埋雞粥。豉椒炒蜆 $88唔算好大碟但係好入味✌🏻但係一疊起碼有三至四隻係開唔到口🫠但係其他味道都算新鮮！雞粥 ~$70 (細)細雞粥已經夠兩至三人食，每人都食到兩碗😽但係佢啲雞係雞胸肉，但係煲出嚟都好入味好香😬賴尿蝦 2隻 $178 今次揀咗椒鹽味，但係隻蝦唔算好大隻，但好有鮮味😽

咁啱喺呢度附近住酒店就買個早餐外賣返到去準備食先發現無餐具唯有問酒店攞食物方面，味道好普通豬扒通粉塊豬扒好細塊通粉粉量足夠㗎啡無啡味只能講中伏係一不離二唯一好食係件多士完。

叫份早餐，個米粉好似食比人食個甘送到面前，全部系湯得少到離譜的米粉，同服務員講，佢的答案重精彩，話時多時少系甘架啦，我話好似比人食過甘架喎，她又系答，系甘架啦，我真系無言 我食左兩雙蛋同塊麵包就算，坐好耐飲品都未到，追服務員又冇反應，跟住唔等諗住出去比錢，又冇單，又問服務員又系話第等等，我跟住出門口個比錢位，問個姐姐我飲品未到我唔等了，我坐邊張枱，他跟住先唔知去邊度打包杯咖啡比我，最驚喜嘅系，杯凍咖啡入面系冇冰的😆

已經習慣外賣，要找適合外賣的美食，已經是每天的日常。好好味的半肥瘦叉燒，流心蛋，甜豉油，簡直係香港人的comfort food。外賣恩物，天天都大排長龍的燒味店！不過飯有啲硬，所以下次會只買叉燒😋

買兩斤叉燒外賣叫佢比多兜姜容，佢話唔肯俾話姜容好貴咁我話俾錢買得唔得佢都話唔得，啲叉燒又唔係有乜特別咁好食普通貨色仲要咁寸嘴唔會再幫襯,你哋話唔夠秤就梗嘅添㗎啦望埋去都知唔夠兩斤啦

叉燒大王係沙田河畔花園樓下附近一帶都比較多食店見佢掛出嚟嘅燒味叉燒油雞睇落去都幾靚不過份量爭少少同埋叉燒冇乜特別 正正常常今日食嘅係C餐 叉燒湯意粉🍝不過見佢晏晝都幾多人叫外賣熟客生意

今日約朋友喺麗豪酒店交收啲野，醒起喺好耐好耐好耐之前食過嘅叉燒大王。見今日出糧，就斬料返去加餸。如圖，價錢偏貴，不過唔算好離譜。平嘅食過，再貴嘅都食過。一分錢一分貨卦….肉質係好稔嘅，就算係好瘦嗰啲都唔鞋。所以稔度唔錯。但….切得非常大舊，只係略細於大圍小館嘅 size。至於味道，我哋食完晒成碟都覺得冇味。冇味係講緊，唔咸、唔淡、唔甜、唔香、冇肉味。只係比白烚熟一舊豬肉好少少….食到有少少懷疑人生。試吓無妨，但冇下次