可可店 (聯威新樓)

Open Now

Now Closed

這間店未搬之前(係後一條街), 糖水好味, 但搬左之後, 我覺得唔好食, 我有問過係咪換左師父, 佢話唔係, 唔知點解, 我試左吱喳, 腐足(試過一次有頭髮) 合桃胡(以前食係手磨, 現在食好似係溝出來, 又甜) 唔會再買糖水食.

其實我幫襯左可可店好耐，明顯唔係貪佢好食，係貪佢就腳又開得夜，賣既食物款式都好多，夜晚落街想食宵放真係好方便。不過我覺得可可既野食唔可以叫做好好食，不過不失啦，炸雲吞係我最愛，糖水腸粉都好一般，有時仲唔太好味；不過可可店夠街坊，我喜歡。上次兩條友去食，一人一碗粥再加炸雲吞，粥味精好重，雲吞就好正，埋單都係五十蚊有找。

我宜家去親呢度, 都唔係志在食糖水, 糖水係次要... 佢既腐足雞蛋糖水好稀!!反而佢d 小食ok, d 咖喱幾野味, 同埋勝在夠平!!佢間鋪有兩邊, 我食開果邊個姐侍應好好, 會同d 客吹下水, 態度殷勤!

前晚開完餐, 心思思想食糖水. 黎咗呢度叫咗一碗湯圓一碗芝麻糊外賣(外賣盒都要收一蚊個, 吾值. 五毫呢). 先講芝麻糊, 夠熱, OK滑, 唔係好甜, 但無咩芝麻香味. 湯圓似係外邊交黎既貨. 但阿姐唔係比羗糖水底, 而係比蕃薯糖水底... ??? 有無搞錯呀, 同埋D糖水都唔係熱, 暖既.. 哎, 真係. 我未試過係可可店食湯圓, 所以唔知佢地D湯圓係唔係唔用羗糖水既. 我自己就唔係咁中意呢個湯圓蕃薯糖水底呢.

如果要說它好味，我都不會否認！但都是以前的事，真不會是現在的可可店。不知怎的，我每次吃的糖水喝的豆漿都是很稀的，稀－－不是加糖就能夠補償，即使加番足料也是未夠，糖水舖...最重要的還是那份心意，情。易手後不再由「肥姐」主理的可可店，唉...!相信很快會被附近幾家新興的甜品店所取代。

i go there at 2am this morning 'cause i wish to hv dessert..i love the sweet walnut soup much....this time... oh NO....poor...it's too starchy...but ...no choice in the mid-nite....

23 May,06很久沒有寫食評,想不到再寫竟是因為遇到極不好的服務!! 其實幫襯了很多次,也寫過數次好食評。約了二家姐在這裏食糖水。我要綠豆沙+芝麻糊(味道不錯,綠豆有海帶亦有臭草味),二家姐要豆腐花+芝麻糊。兩個糖水也是要熱的。落單的是新人,連價錢不太清楚,不要緊,沒關係。她把單遞給另一個資深的阿姐。過了一會,新人對我們說豆腐花是凍,我們說沒問題,芝麻糊是熱便可。再過了一會,她再對我們說豆腐花是凍,我們再說一遍沒問題,芝麻糊是熱便可。又再過了一會,那位資深阿姐走來,再說多次豆腐花是凍,我們亦只好再說之麻糊是熱便可。糖水終於來了。二家姐吃了一口,是凍的,連芝麻糊也是凍!!我們對落單的新人說,她拿起了那碗凍糖水,說我們吃過,不能換!!剛好那資深阿姐經過,亦說吃過不能換。我們當然跟資深阿姐據理力爭,而新人在她身旁。落單時我們是要熱,她們也沒說不能。現在還很有道理說當然是凍,冷熱不能一起吃,要不然會肚痛。我們說凍不是問題,但落單時你們沒有說清楚,我們亦說了3次要熱。她指著我那碗綠豆沙+芝麻糊說:"這碗是熱的呀!!" 我真的沒話可說!!資深阿姐還推說她是新人,所以不清楚。那時我更嬲!!!首先

屋企附近d野食到厭, 行遠d去左可可店叫左腸粉加蛋, 腐皮角, 干炒牛河, 紅豆沙, 同薄餅腸粉加蛋係信心保證, 香口好味腐皮角更出奇地好食, 比腸粉加蛋更有口感, 推介干炒牛河雖然唔係抄得好平均, 但都唔差, d牛都唔會老紅豆沙略甜, 但起沙薄餅熱先好食, 一凍就好難食

新店俾舊嘅大幾多, 又乾淨一D. 佢嘅淨北茹我好喜歡. 炒米我幾喜愛, 因為炒得乾身, 唔太油, 有口彈牙感. 我成日會要碗凍綠豆沙. 我細佬係hku學生, 最鐘意食咖哩魚蛋, 牛河同埋涼粉. 佢話好多學生去食, 有時或者有折. 佢價錢算幾便, 食物又好食, 都去得過!!

店仔細細，但係冇諗過佢啲野係咁好食．．．．蘿蔔糕啦，咖哩魚蛋，豬皮嗰啲都好好味，咖哩汁好夠濃，夠辣，好味另外最好味既就係乾炒牛河加咖哩汁，真係好好味，糖水方面，我就覺得一般，未有驚喜服務一般，始絡係細店仔，唔可以要求咁高，況且價錢平，好抵食架

去完吉利，對面就係可可，好耐冇o黎，今次冇食佢極出名的雞蛋煎腸粉，只係要了一碗芝麻糊。賣相不俗，稠度適中，但芝麻味不夠香濃，而且越食越甜，男友吃完後仲話佢應該係開粉，但我覺得唔係。

31 Dec,2005 星期日和男友逛完旺角,他提議到這裏食dinner。男友選了:魚片艇仔粥$22。很大碗,料足,但卻愈食愈"水",但味道不差。我選了淨菜肉雲吞$16:雲吞是自家包製,餡料有冬菇粒、白菜及豬肉碎。味道有別於一般粉麵店,不太濃味,很有家的感覺,只是皮厚了一些。伴著有頗多生菜。湯有淡淡的麻油味。埋單: HK$38,抵食。

今日同二家姐shopping完返到屋企附近, 同佢去呢度食糖水。我食咗合桃+芝麻糊$10 - 大碗d,價錢一樣,抵!!香濃而不甜, 很好味!!!二家姐食咗我强力推介o既合桃糊$10 - 佢都覺得好正!食食吓先記得影相佢請,多謝晒!!!^_^

尋晚同媽咪兩個食完飯後到這店食糖水....搬咗去新店(隔一條街)後第一次幫襯。點了:合桃糊$10 - 我同媽咪都食呢款糖水。很"糊",很有口感!!!!必食!!!!煎腸粉$7 - 不錯。蘿蔔糕$7(2件) - 有一條條蘿蔔絲係裏面,正!!咖理魚旦$7(10粒) - 不錯。埋單$27。做孝順女,我請!!^_^下次試吓芝麻糊先!!!!

老實說, 不明白此店受歡迎的原因...地方簡陋..有點于不潔....除了糖水較好味...其他不吃..沒有遺憾推介合桃糊..相信..大部份喜歡它....因為記憶...學生的歷史..無數沒有壓力的片段...我也懷念