台灣ET鹽水雞

Open Now

Now Closed

尖東近樓梯口有一間賣鹽水雞既小店，店鋪細細好容易走漏眼。晏就時間都幾多人買排隊，大約有5-6個人，買完拎走返錢司食架啦。係紙度圈圈想要既配料交比收銀姐姐，製作時間大約10分鐘左右，等待期間仲有時間去第2間店度買野食😆 尖東美食誘惑多啊...雞胸/雞腿/雞翼3隻 + 3款配料，仲可以+$10要個麵。我揀雞胸肉+3款配菜 $44 加蔥加蒜雞肉份量算多，唔會太靭咬唔開，雞皮中間仲有啫喱係度😛。一大棵西蘭花切開細細粒、蓮藕咬落超爽口、百頁豆腐有香濃既豆腐味，內裡滑溜溜。味道方便較濃味，蒜蓉味道強烈，食完飲咗2升水到夜晚都仲有蒜蓉味，好彩唔洗見客😂下次都係走蒜蓉好啲

熱騰騰的天氣，無乜胃口！同事話不如去同鹽水雞食！初初都麻麻地下食雞的我，都俾我同事引左去買因為其實都要行到好遠，係尖東個邊的！位置不顯眼，鋪頭比較細間！我就選擇左一人餐，有雞胸或雞腿或雞翼（3隻)再加配料三款（$44）可以加$10有個冷麵呢到D配料都多選擇，而我就揀左皮旦，小黃瓜，黑木耳！比想像中好味既，而且無骨，我呢種懶人至愛份量都算多，同埋D雞好嫩口，唔(鞋)！少辣，加蔥加蒜好惹味！如果食得辣可以食中辣會好D!但一個午餐成五十幾都幾貴下！

今日叫左5配菜加冷麵份量不算多也不算平價(total$49)當然預左不可以好似係台灣咁$250台幣一大包但女仔食也可以有8分飽(當晚餐)味道還可以但同係台灣食的不1樣比較濃烈作為台灣鹽水雞愛好者(每次去都要食2-3晚)ET的口味不錯但有些感覺和味道可更好

天氣熱到咁，只係想食冷盤作午餐，誠品書店內的 ET 鹽水雞可以推介，一份雞，3份菜，我點左秋葵，石榴同黃瓜，中辣，好醒胃，如果唔大食，份量是足夠作午餐的，如果想飽D可以配冷麵，不過今日戒澱粉，所以冇加。都已經好飽了。店員服務極之有禮。

去台灣旅行夜市必食嘅掃街小之一一定係鹽水雞雞件去骨切絲再撈埋其他配料一齊食最重要嘅係個醬汁 酸酸辣辣非常開胃將所有材料融合一齊正！而我今次介紹嘅就係唔使去台喺香港都可以食到嘅ET鹽水雞觀塘葵芳尖沙咀旺角深水埗都有分店揀咗雞腿 啲肉幾滑 連皮都食埋配料方面就叫咗甜不辣丶豬耳同埋招牌洋蔥招牌洋蔥比我想像中硬同埋比較生嘅味甜不辣同豬耳都幾好調味揀左小辣 配埋啲調味粉又真係幾惹味整體味道10分我會俾7分但老實講價錢有啲貴因為三款配料再加雞胸或者雞腿或者三隻雞翅就已經＄44 一人份量而已當正餐食應該唔夠飽再加個麵撈已經要多＄10

台灣出名鹽水雞每次去台灣都係必食之選返到香港終於可以成日有得食啦呢間店鋪在尖東在準備睇演唱會之前 揾下小食呢間真係唔錯的選擇店鋪雖然冇得堂食 但環境乾淨凍櫃整潔 材料睇落好新鮮唔太餓 所以點了 小辣 貢丸 金菇 青瓜 雞腿肉$44 份量足 大大盒 配料有大量細䓤增加左不少香味睇見職員丫姐手勢熟練 把材料和味粉調和夠辣 唔會太咸 和台灣的風味接近雞腿肉夠香滑 有薄雞皮 爽爽的 大讚青瓜切角 薄薄 大細剛剛好 金菇吸汁之選 細心切開一半整體味道中上 乾淨衛生下次一定要挑戰中辣加冷麵

唔想出街食？想買啲嘢返屋企食？路過尖東見到ET鹽水雞，二話不說買返個外賣先！A-D餐4個餐，分別在於雞嘅份量，我就要左B餐-半隻雞，加三款配料（百頁豆腐、粟米芯、蓮藕），及招牌洋蔥。（共$75）店員撈左一大盤比我地，多蒜少辣，返屋企途中已經聞到香味。叫左小辣，辣味唔算強，配料主要係爽脆類，有咬口又索汁；百頁豆腐好台式，有種QQ煙靭嘅口感；雞肉口感比平常食開嘅脆而滑口，基本上已經去骨，除左雞翼位外。呢味鹽水雞，彷彿將我帶到臺灣夜市咁！

鹽水雞翅2隻+冷麵+自選配菜2款（$32）👅呢個係下午茶餐😆2:30pm開始就有啦😎😎之前去台灣都好似未試過鹽水雞🤔鹽水雞翼好滑😃我以為鹽水會好咸，點知又唔係喎😗😗同啲冷麵一齊撈左啲醬汁好惹味👍🏻係有啲咸香好重胡椒香😋有啲似沙薑既味😜幾驚喜👍🏻冷麵係硬身彎彎曲曲咁幾有咬口🙂🙂配菜有好多款嫁😍我地簡左爽甜既粟米芯🌽同埋薯仔片🥔啲薯仔片唔知係米生生地呢🤔食落爽口又唔錯喎👍🏻

ET鹽水雞曾在灣仔落腳，當時路過無數次都沒有想買的意慾。怎料上午在外工作的同事說為了報小人的一飯之恩，自己買了之餘亦給小人一盒共同分享。手撕雞都是雞髀，一配芭樂、豆干及蓮藕：芭樂有輕輕的酸味，豆干真的很乾，而蓮藕亦不夠爽。二配冷麵、玉米荀、小黃瓜及蓮藕：所有配料質感都是太腍，食味亦不突出。最重要的是那醬汁，同事要的是小辣，卻是咸到無朋友，吃完要喝大量開水。重口味之選！😓

今次叫咗個B餐試下 $72，跟餐有半隻雞+招牌洋蔥，任選三款配菜，點咗百頁豆腐、小黃瓜、花椰菜，新張期內送冷麵，如果唔要麵可以揀多個配菜，朋友叫咗西蘭花。整體味道唔會太咸，口感清新。主角鹽水雞又夠滑，我同朋友都覺得好好食。值得推薦係百頁豆腐，好滑。感覺好抵食，又大碗。