合興旺茶餐廳

Open Now

Now Closed

之前去都仲係播緊tvb依家改左港台利申: 有聽過老闆爆seed鬧「人」 紅湯有少少辣 好足料煲出黎以前飲過正宗既 就飲唔返出邊既紅湯呢個係我飲過最貼近!!豬手飯其實仲有個白飯但我食唔落就退返比老闆娘了豬手好乾淨 無毛! 無毛! 無毛!好重要所以要講三次佢煮得好入味 而且炆得好淋! 好似啖啖都食緊骨膠原咁啲醬汁都多到瀉 好抵食 印尼炒飯睇到呢顏色都知 炒得好入味而且好夠火喉配料又多 不過對我黎講就有少少濃味

難得早起身老公係甘扭計要出街食早餐都係既放暑假食返個good morning sin老公中意沙嗲牛肉麵他話返工前食過呢間好食牛肉足料湯又好飲沙嗲汁很惹味他中意麵質爽口，話呢度都出名好快有得食到我的雪菜肉絲米粉我覺得算唔錯雪菜肉絲應該是罐頭但米粉好彩無碎濕濕仲可以夾起黎食白麵包有厚厚的牛油有火腿及煎蛋蛋就半熟太陽蛋老公的是火腿奄列有兩塊方包夾包食一流見到有好多火腿絲正我們飲阿華田，好立克加一匙糖就岩岩好仍舊有傳統的瓦杯因為人流多，所以要坐得親密的同埋餐廳算出餐出得快

深水埗舊式典形茶餐廳，都係早餐=常餐=特餐、午餐食頹飯嗰啲，當然唔少得嘅係港式咖喱啦~~ 而佢嘅咖喱又的確係啱我食，有朋友覺得好咸，我就認為甜咸辣香都剛剛好，係一味值得推薦嘅「港式咖喱」！食肉獸一定要食咖喱什扒，雞豬牛任配搭，正！咖喱雞亦出色，而配菜嘅薯仔件件都炸過，份外香口😋😋

原本見其他人講到咁好個椒鹽豬扒飯講到咁完美,我專程去試點知好普通首先,服務真係差,完全無服務可言椒鹽豬扒飯豬扒好普通,就普通椒鹽豬扒咁椒鹽豬扒飯係炒飯少見個炒飯好食,但我主要係去食椒鹽豬扒,你個炒飯好食無咩意義10分滿分味道:7/10(主要係個炒飯幫個椒鹽豬扒飯加分,如配白飯個椒鹽豬扒只值5分)香味:7/10樣貌:5/10抵食度:7/10服務:0/10本篇食評是在豬肉有問題前食,本人並不推介任何人食豬肉

真係估唔到，深水埗竟然有一間咁筍嘅餐廳，當日我放假唔使返工，就去咗深水埗黃金嗰邊睇電腦，正當準備撘車返屋企煮飯之際，就距離我不遠處，我睇到一間餐廳，門外嘅餐牌寫住各式嘅什扒餐同午餐，而且價錢真係幾吸引，四十幾蚊就有一個什扒餐，反正我當時都未食飯，於是我就決定入去開餐，一坐低~我睇餐牌，我當時其實有幾個餐都好鍾意，嗰一刻真係令到我患上選擇困難症，到最後~我決定叫個黑椒什扒餐，當所有食物到齊時，真係嚇我一跳，份量多到我愕然，除咗主菜什扒外，什扒下面還鋪滿勁多椰菜同薯角，一大碗嘅忌廉湯，再加一碟白飯及一杯凍奶茶，total落樓價只係$47元，勁抵！味道方面鹹咗少少，但可以接受，黑椒汁微辣真係幾惹味，幾經辛苦終於將所有食物放哂入肚，好滿足呀！

係網上聽過呢間餐廳好耐今日終於有幸一試餐廳位置唔算難搵離地鐵站出口約五分鐘腳程餐廳裝修比較舊式但卡位唔太迫一入門口未坐低店員就問「飲咩湯？」中西湯隨你喜歡環顧四周所有食物均於3x-4x點左個雜扒餐一牛扒一豬扒半雞扒半條腸仔半塊火腿仲有適量椰菜伴底其實仲有個飯跟不過太多食唔晒所以冇要鐵板上啲汁仲彈彈下味道方面正常牛扒好大塊，唔韌豬扒又唔太薄wo！有骨"損"下雞扒得半塊，唔評論了總之，同連鎖快餐店既質素差唔多連埋凍飲埋單$47呢個價錢我唔知邊度仲有

$45 雜扒餐連凍飲唔好講質素 剩係性價比已經高到無法理解女人真係隨時食唔晒認認真真三大塊扒唔係迷你型諗起連鎖快餐d早餐扒仲細過隻手掌就覺得今時今日$45食到飽都算難得不過唔做晚市 要食唯有專程去深水埗

呢間野地置偏僻，外表超唔起眼，但其實內有乾坤，除左 椒鹽豬扒飯，咖哩都幾好味，蒸野食過一次麻麻地，而平時lunch time呢度 都坐無虛席。叫左個馬來咖哩豬排飯$39，份量又係好多，豬扒起碼有5塊，扒煎過幾香口，但美中不足的是薯仔唔夠多，有4小塊薯仔，實在唔夠，食咖哩，薯仔先係重點。 咖哩不辣，都算香，有一大碗，送飯一流，好難可以食到一啲辣都冇既馬來咖哩。 。評分： 8.5/10 另外，佢既中湯都不錯，今次有兩舊豬骨，味道唔似雪左好耐，我飲完又唔會好口干，不錯 ！

去茶餐廳食飯全因貪佢多食品選擇又經實惠，但係老實講，店內唔係每樣嘢都好味，所以要識得揀，做個聰明食客。醒！今日叫左個椒鹽豬扒飯炒底。先由個炒飯講起，好多蛋，有葱花，飯粒炒得乾身但唔油，粒粒分明又煙靭，好有鑊氣同香口。椒鹽豬扒有4件，份量算係多。豬扒有蒜蓉丶辣椒丶芹菜一齊煮，好香口惹味。肉質方面，軟硬度適中，唔會過份林，無咩骨，入味又可口。$40蚊唔洗就有碟咁大份量又好味嘅飯，深水涉區真係搵食嘅好地方

層層疊雜扒餐($43)-之前有朋友仔推薦過司令去食合興旺，奈何一直都搵唔岩時候去😂，今次係附近做野終於得閒啦喂😍。一入到去即刻叫返個鐵板雜扒餐，$43包湯、野飲、一大碟飯，抵到爛。份扒仲誇張，雞扒、牛扒、豬扒每樣一大塊，雖然唔算厚但塊塊都長過我部iPhone Plus😨，當然唔好追求係靚料啦，都係一般貨仔。不過同場仲有半塊火腿同腿仔，底下仲有薯仔粒同菜，加埋一大碟飯，女仔分分鐘食唔曬，食肉獸一定要去試試佢啦💪🏻。

呢間茶餐廳位置偏僻，門面毫不起眼，唔會令人有衝動想入去食，菜式亦唔係好特別。但係原來有意想不到的驚喜。一入到去，夥計就即刻送上湯，佢哋有中通或西湯俾你揀，之前飲過忌廉湯，唔好飲，所以今次就揀中湯，味道好好多，雖然只係一般來湯，但入邊都有湯料，建議揀中湯。今次揀咗椒鹽豬扒飯炒底，呢度嘅椒鹽豬扒飯真係好出色，先講個炒飯底，勁多蛋，炒得勁香，唔似出邊啲炒飯底毫無鑊氣，加上佢有好多蔥油，令到成碟飯唔會好乾，豬扒有三塊左右，雖然唔算大舊，但都好夠飽，因為個炒飯真係好大碟，我食到好飽都仲有三分之一碟飯淨，我見其他人啲炒粉麵飯都好大碟好足料。而啲豬扒有咬口唔會好似出邊啲茶餐廳放左勁多鬆肉粉搞到林晒，唔會有浸唔新鮮嘅凍肉味。強烈推薦呢碟椒鹽豬扒飯。 評分： 9/10

可能看門面，大家都認為是頹廢茶餐廳，未必會提起精神進店一試。但往往深水埗區最多人就是這種茶餐廳，大家都不愛連鎖或較大型冰室看餐牌，這家餐廳的午餐，選擇眾多。本人竟然愚蠢得，選了最不該選的一個餐。由於本人向來對免治牛肉蛋飯沒有抗拒能力，可能是由於大學時代在餐廳時常吃免治牛肉蛋飯的緣由😆，每次外出，看到餐牌上有這個，都喜歡點。連餐都未點，店員就問你要中湯還是西湯，這種親切態度還是可嘉， 所謂的茶餐廳人情味😌但中湯的確沒甚麽味道。然而這個免治牛肉蛋飯，飯不夠熱，上面的牛肉粒也不太多，汁醬比較多，本來看不見窩蛋，搬開肉粒肉醬後，才見到原來埋在飯的中央。熱奶茶面頭，又是看到奶茶面頭有點油光，不太乾淨，難免飲用時要先將面頭那層油去除，才敢喝下去，奶茶味道不濃，沒過人之處。

系依間餐廳食第三次，頭2次都系食常餐，今次食咖哩雞排飯，d汁少到乜甘，之後我好禮貌同個士應講可吾可以加d汁，點知佢叫我加錢。。。心諗，你比勁少汁再令人比錢加汁你咪好發？其後我用自己碗湯倒落去算

經朋友推介，同老婆去試下。舊餐廳關係，門面室內整潔一般(本人不嬲對環境冇要求，食物才是重點！)試咗椒鹽豬扒炒飯，星州炒米有飲品有埋中西湯，唔知平時有冇紅湯，今日係中湯同白湯，白湯認真麻麻(好稀，冇乜味)，選中湯較穩陣。椒鹽豬扒炒飯炒底好香，夠蛋，最緊要係會有少少椒鹽汁，食起上黎冇咁乾爭爭，如果同大圍間金城比較，我會揀呢間。星州炒米色香味俱全，足料，夠咖喱味，又係唔會好似出面其他餐廳咁炒到好乾，易入口。會有下次，試下其他款

今日朝早同老婆喺附近打完波，苦無頭緒食乜好之際，老婆突然醒起之前睇過飲食雜誌介紹過呢間茶餐廳的平價鐵板餐，碰啱做完運動餓餓地，一於黎試試。鋪面是很濃烈的茶記氛圍，地方淺窄加上下雨，對於帶著大大個球袋的我們來說，實在不是太方便……望望餐牌，選擇著實不少。當然，對於衝著鐵板扒餐而來的我們來說，什麼抵食下午茶餐､平價快餐，實在不值一提！於是乎，我點了個燒汁鐵板雜扒餐，老婆則要了個蒜茸鐵板雞扒拼石班餐。先來餐湯，我的是忌廉湯而老婆的是老黃瓜湯。這裡的忌廉湯不得不提，十分有Character，是中西fusion菜。隱藏在白湯內竟然有雪耳！對於一碗外表更像白果腐竹糖水的它白湯來說，吃得到有雪耳真不知道算不算得上驚奇……… 老婆的老黃瓜湯料很足，但卻飲不到湯料的味道，只是偏咸，普通茶記例湯貨色。主菜上場！先來的是我的雜扒餐。上餐時汁已淋上，事前做好準備迎接四周亂測的醬汁顯得沒用。賣相是對辦的，足料的雜扒亦堆叠得算是整齊。最面層的腸仔只有半條，沒有經過煎炸的它顯得有點格格不入。緊接著的半片火腿亦似乎沒有經過滾油的洗禮，不怕油膩吧。薄牛扒是茶記的一貫貨色，沒牛味也鬆化，大概是鬆肉粉的功勞吧。尾2一層