合興旺茶餐廳

Open Now

Now Closed

網上多位食評家，都對此店嗰個，雜扒餐內嘅，肉類食物份量，評為重量級，有見及此，每餐無肉不歡嘅，揾食肥華，在10月21日就拖埋靚媽到此店，踩場，會一會呢個，重量級雜扒餐，睇吓傳言是否屬實？果然名不虚傳，此店呢個雜扒餐上枱情況，尤如一座肉山，由上而下喺由，半條雞肉腸，一塊火煺，一件豬扒，一件牛扒，一塊雞扒，層疊而成，再如上一碗羅宋湯，一碟意粉及一杯凍檸茶，單從外觀呢個扒餐，己經吸引到食客眼球，而食物味道亦對得住，顧客所付出嘅$6O有餘。而今餐另一個食品，白汁魚柳焗飯套餐，亦喺一個味道及份量，肥華和靚媽都一致認為，用$55就食到，咁嘅質量飯餐，亦喺超值之選。今餐👍👍👍👍👍

合興旺茶餐廳 (深水埗)今日好想去食肉！行完深水埗就好上網搵間食肉好地方去試試就上網睇到有間叫合興既茶餐廳🥸坐底就叫左個雜扒飯，我就叫左走汁🤣所以無試到個汁不過整體見到個份量真係好驚人！🤣因為58蚊有湯加2蚊有凍飲都真係好抵好飽！牛扒半塊，一塊豬扒，一塊雞扒，半條腸仔，一塊火腿仲有小小薯仔同菜做個底，個盤就用鐵盤上仲有溫度保存到比我地慢慢食🤤質素想講就係好抵食 好好食就未必係，但就抵食無疑！環境就唔算太乾淨同整理，抽風都無做得好好，食完都無有小小油煙味。不過主打價錢平份量大取贏😋可以接受再食🤣地點：深水埗青山道23號華盛大廈地下23C號舖🔸味道：8/10🔸環境服務：7/10🔸推薦：8/10

久違嘅傳統茶餐廳🍴依家周圍都係連鎖餐廳.. 想搵間有傳統特色嘅都難🥹 仲要性價比高?!我地係深水埗就搵到一間又好食 價錢超值😚我地食左幾樣😍😍 新鮮即叫即炸 👉🏻炸雞翼薯條🍟 $43薯條係波浪紋薯條😍😍 雞翼超出色仲要係全翼~ 外皮香脆嫩滑嘅肉質😋 真係忍唔住想再encore 🤤好有份量既鐵板雜扒餐都只係$58😍味道一d都唔差架!! 上枱仲係si 哩sa la~配埋白飯/意粉, 湯同野飲😌仲叫左個即叫即炒既豬扒公仔麵🤤$44唔好以為價錢平左 就會細細碟份量一d都無減少🤫 大大碟😮真係估唔到🫢🈺不過大家留意返每日營業時間去到6點，逢星期二休息🫢要去既記得mark低喇😉♥ ♥ ♥ ♥ ♥ ♥ ♥ ♥ ♥ ♥ ♥ ♥合興旺茶餐廳地址: 深水埗青山道23號華盛大廈地下23C號舖*地鐵站D2出口 （嘉頓斜對面）#地道茶餐廳 #香港美食 #香港茶餐廳 #鐵板餐 #傳統 #懷舊#深水埗美食 #炸雞翼薯條 #茶餐廳

家鄉銀針粉味道不錯可惜過淡凍檸茶更加淡，真是可惜，舊老闆娘已經沒有做了，換了新老闆，新老闆的茶真是淡，我希望他加價也保持食物和飲品質素，現在的合興旺已經變天了，大家不用再懷念以前

叫咗碟廈門炒米應該落咗半支茄汁又濕又酸中湯仲要有啲酸宿味冇以前咁好食啦個阿姐嘅態度都差咗好多冇下次囉細個食嘅時候好鍾意㗎由佢早餐$15開始食搬走咗之後就冇再食經開深水埗特登嚟食本身鍾情佢嘅廈門炒米因為佢會用酸瓜味道好好但係最近兩次食都真係唔得啦同阿姨反映佢話不嬲都係咁🙄🙄真心好失望

在网上睇到影片介绍专登从深圳过来食，铁板杂扒餐54蚊，鸡猪牛扒都有，仲有白饭，饮料，例汤，可能系香港最平，深圳都难寻咁平嘅扒餐。而且味道都唔错，好过萨莉亚等一众连锁店介绍比朋友都话质素几唔错。去时十一点几，人唔多，店里装修老旧但干净，老板娘也几热情，入去就问你要饮咩汤（有中汤，西汤）同介绍菜品，有机会再来帮衬另外椒盐猪扒炒饭亦唔错，猪扒不少，炒饭多点镬气会更加好食。两个人食两份套餐（110蚊）真系好饱肚。

___________🏖餐廳狀況🏖___________ 位於深水埗地標----嘉頓麵包廠附近的合興旺茶餐廳，給人的感覺有著懷舊的味道。12點左右到達，顧客不算多，可以直接入座 😆裝修是老派冰室無誤，硬邦邦的卡座，門口餐牌是七彩色紙配黑色Marker的手寫字，盡顯老派感覺。-_____________🍽食物🍽_____________🐤 雲耳蒸滑雞(是日午餐) $45推介指數 ■■■□□滑雞件大約有七件，下面用雲耳鋪底😊蔥花灑滿面，上枱時新鮮熱辣辣，味道不俗，有點像媽媽煮的感覺。今日餐湯是節瓜湯，比起西湯那種杰達達的芡汁 🌶📝更喜歡中式湯🥰，味道略為淡淡的，但不覺得有加入味精。這個價錢有主餐，飲品及湯，很滿意了。-_____________🥂飲品🥂_____________凍檸茶(走甜) $0推介指數 ■■□□□茶味濃澀，應該是走甜的關係，所以茶底比較混濁，正常一般的檸茶。-_________🌶辣椒紙總結📝__________整體：🌶🌶🌶 環境：🌶🌶🌶員工：🌶🌶🌶 食物：🌶🌶🌶(滿分為五隻🌶) - 總結，正常茶餐廳食物，通常比較多是附近的上班一族或居民來吃。當然這樣並不會有很驚豔的菜式

平民既我好鍾意行深水埗電子特賣城買平野，更加鍾意係深水埗搵啲平民食店，今日就去左合興旺食鐵板餐😊叫左雜扒餐，要蒜蓉汁。忌廉湯同中湯，我揀左中湯，節瓜紅蘿蔔豬骨湯，可惜個日冇羅宋湯啦。雜扒一黎到一座山咁，有半塊牛扒，一塊豬扒，一塊雞扒，半塊火腿，半條腸仔，薯條同埋雜菜，仲可以要飯同埋意粉。味道就係茶餐廳快餐味道，以呢個價錢黎講絕對係合格。雜扒餐52蚊，有湯，有飯或者意粉，有野飲，凍飲都係加2蚊。食到最尾勁飽，呢個價錢絕對係超值🤗

深水埗多平野食, 但係平得黎又有質素既係唔多.呢間合興旺茶餐廳真係要推介一下.餐廳係黃金電腦商場後面附近, 唔難搵.雖然餐廳環境一般, 但都乾淨企理, 係做開街坊生意, 冇問題啦.所有午餐, 套餐價錢約$40-50, 有埋餐飲.要值得推介既就係鐵板雜扒餐, 有齊牛扒, 豬扒, 雞扒, 火腿, 腸仔, 雜菜同薯仔.$52仲要有埋白飯, 餐湯同餐飲, 呢個質素呢個價錢真係邊度搵.沙嗲牛肉炒公仔麵都唔錯, 落枱時仲熱辣辣, 牛肉好味.

大埔道嘉頓隔離, 今午從沙田踏車上大埔道出九龍, 見合興旺門口有位, 即刻泊架單車在門口牆轉角, 吃個雜扒餐.這店我吃過很多年了因朋友住石硤尾村, 我又不時踏車從大埔道出九龍經過.味道一般, 價錢便宜大件抵食.

嚟到深水埗呀梗係要食啲平靚正啲嘢啦，47蚊一個大雜扒又點睇呀？原來平時食街福榮街再行過一條街 有合興旺依間外表普通嘅茶記，認真抵食。平時一般嘅雜扒有豬扒雞扒就冇牛扒，但係呢度呢樣三樣見晒之餘仲有埋其他腸仔、煙肉等等。 仲要又餐湯又有嘢飲，碗湯仲要大大碗都真係做開街坊生意。不過唔嚟開深水埗嘅朋友就不得不承認環境係冇咁好㗎啦，啲枱面呀，地下可能有啲污糟，牆面呀可能比較殘舊，唔及而家嗰幾間雪山呀老鳳呀，新裝修之餘又玩情懷。但老實講如果佢開依頭我都係食開呢啲舊茶記，平平地一餐有咩唔好。🤣

《香港深水埗 合興旺》深水埗是平民美食天堂，選擇多，餐廳大多平靚正。已經吃過很多次合興旺，決定要介紹給大家。合興旺是一間傳統茶餐廳，看到餐廳的木面和環境已經知道是一間有歷史的茶餐廳。坐低看餐牌，意想不到的是，一間小小的茶餐廳，餐點項目卻多不勝數！牆壁上全是選擇，讓人眼花撩亂。因為如有人吃過數次，所以向大家真心推薦以下幾款食物。1. 椒鹽豬扒炒飯：到合興旺一定要是他的炒飯炒麵，鑊氣十足，在家中真的很難做到2. 馬來咖喱：咖喱大大碗，毫不吝嗇，而且肉類亦10分入味，可以選擇自己想要的肉類/海鮮/蔬茶3. 鐵板雜扒餐： $49的鐵板集扒餐，份量大得驚人，兩個人食都夠飽，超級抵食，還可以選擇自己想要的醬汁，而且味道不錯除了主食，餐湯和餐飲質素亦不錯。點菜後，老闆會先端上餐湯，可選擇羅宋湯或中湯。我每次都點羅宋湯，湯很濃郁，而且用料不吝嗇，啖啖都是蔬菜。餐飲方面，合興旺用黑白淡奶，沖的奶茶和咖啡都很香，很合我口味！雖然環境一般，但食物的質素，平民的價錢絕對會讓大家一直光顧！

深水埗最平價的扒餐，非合興旺莫屬😘有牛扒、豬扒、雞扒，連同火腿和香腸熱辣辣上台，仲包例湯和熱飲。白飯亦夠大碟，確實性價比比一般餐廳高😛而且埋單都係四十幾元合興旺茶餐廳 (深水埗)深水埗青山道23號華盛大廈地下23C舖

之前去都仲係播緊tvb依家改左港台利申: 有聽過老闆爆seed鬧「人」 紅湯有少少辣 好足料煲出黎以前飲過正宗既 就飲唔返出邊既紅湯呢個係我飲過最貼近!!豬手飯其實仲有個白飯但我食唔落就退返比老闆娘了豬手好乾淨 無毛! 無毛! 無毛!好重要所以要講三次佢煮得好入味 而且炆得好淋! 好似啖啖都食緊骨膠原咁啲醬汁都多到瀉 好抵食 印尼炒飯睇到呢顏色都知 炒得好入味而且好夠火喉配料又多 不過對我黎講就有少少濃味

難得早起身老公係甘扭計要出街食早餐都係既放暑假食返個good morning sin老公中意沙嗲牛肉麵他話返工前食過呢間好食牛肉足料湯又好飲沙嗲汁很惹味他中意麵質爽口，話呢度都出名好快有得食到我的雪菜肉絲米粉我覺得算唔錯雪菜肉絲應該是罐頭但米粉好彩無碎濕濕仲可以夾起黎食白麵包有厚厚的牛油有火腿及煎蛋蛋就半熟太陽蛋老公的是火腿奄列有兩塊方包夾包食一流見到有好多火腿絲正我們飲阿華田，好立克加一匙糖就岩岩好仍舊有傳統的瓦杯因為人流多，所以要坐得親密的同埋餐廳算出餐出得快