吉祥冰室 (Closed)

今日去了屯門曾咀拜祭先人，之後搭西鐵返元朗，在朗屏站落車，再步到到俊賢坊。本來我想去幸運來餐廳，但二哥推介呢間唔錯就試下。入到去兩邊係四人卡位，中間都係四人普通位，但兩種枱都好細張，坐四個人都感覺好逼夾。最後都係坐四人卡位，但真係相當逼夾。坐低冇一杯清水或清茶，呢樣我幾著重就唔係咁滿意。我哋叫嘢食都相當之有禮貌，唔該前、唔該後，但叫落柯打女侍應比較冷漠，而且顯得有少少唔耐煩。最後其中兩位家人叫下午茶餐，一位食菠蘿油 + 凍奶茶。另一位叫餐蛋麵 + 凍朱古力，凍飲每杯另加 $3元，總共 $68元。我同大哥因未食午飯，怕下午茶餐粉麵飯唔夠飽，所以就叫一般午餐。大哥叫梅菜抬扣肉飯 $55元，我就叫土魷蒸肉餅飯 $55元，另各叫共兩杯凍奶茶，凍飲每杯另加 $3元，其實比元朗一般茶餐廳、凍飲要另加 $2元都貴。講真心，我同大哥都覺得碟飯唔錯，但唔係叫非常好食只係合格，不過如果大飯量可能唔夠飽。但午飯 $55元都算稍貴，凍飲仲要另加 $3元，又係比元朗大部份茶記貴，不太值得囉 ! 午餐有例湯跟送，我同大哥都係中式例湯，湯上枱已明顯見好多凝結油脂浮面，已知道碗湯溫度唔夠熱。先飲一啖約只有攝氏三十幾度

耐不耐就會嚟元朗，不過始終對呢區唔係好熟悉，呢日又嚟咗元朗，肚餓要搵嘢食，隨便亂咁行吓，路過呢間冰室，睇落企理四正，呢日又想簡簡單單食啲嘢，咁就決定入去試吓😆呢喺度食物種類非常之多🤩，有勁多選擇，揀咗 $79 嘅「椒鹽豬扒」，加 $6 轉套餐，包括「白飯、例湯、熱奶茶☕️」😋「椒鹽豬扒」切成一小塊一小塊，好容易入口，椒鹽得好香口，份量又好多😋；白飯大大碗😋；熱奶茶☕️夠熱又幾滑😋。街坊價錢，食得非常飽嘅一餐🤩

🚩吉祥冰室聽聞元朗有間好有特色嘅冰室，採用左舊香港主題，都幾古色古香嫁～呢度嘅小菜好多都可以原煲上，keep住熱辣辣，誠意十足〰️〰️〰️〰️〰️〰️〰️〰️〰️〰️〰️〰️〰️〰️〰️🌈魚香茄子龍利腩煲 $83魚魚加茄子正中我個範🤤唔知大家會唔會同我一樣茶餐廳食飯，如果有茄子一定會叫因為屋企煮茄子始終都係健康版，唔夠出面咁多油但茄子就係要多油油泡先好食‼️😆龍脷魚肉處理得好好，肉質緊實，唔會唔會鬆散裏面仲有蝦米真增香，名副其實嘅白飯小偷🌈咖喱牛腩煲 $89出面太多餐廳整到太水，好容易變咖喱湯飯原煲上嘅咖喱一上枱已經滾下滾下，食到最尾都keep住好熱而且係我鍾意嘅咖喱質感，稀杰程度啱啱好呢個汁撈飯一流牛腩都有好多舊，牛肉有嚼勁，但唔會硬薯仔亦都已經煮得粉粉的，舌頭輕輕一壓已經爛左🌈紅豆奶茶 $8茶底香濃，紅豆粒粒分明，甜度適中🌈阿華田夠薑熱飲 $5夠曬薑，啱晒呢啲濕氣咁重嘅天時飲

今日嚟開附近 想簡簡單單食個快飯 就行咗入依間吉祥冰室係典型茶餐廳嘅裝修上面 都加咗啲小裝飾特別係啲圓櫈 ho cute cute食物方面 真係咩選擇都有小菜定係焗飯 或者炒粉麵 全部都齊 真係要啲時間揀早餐同下午茶嘅menu都好吸引 茶餐廳真係勝在多選擇蒜蓉牛仔骨 $89最後揀咗一個小菜 配白飯牛仔骨份量都唔少應該都有成10舊8舊 件件都好大塊 啖啖肉重點係個蒜蓉汁 好惹味配肉一流 用嚟送飯都好正一大碗白飯食到飽飽 再配埋可樂 好滿足另外仲有一碗老火湯

吉祥冰室 (元朗)元朗俊賢坊15號權益大樓地鋪四川麻辣水煮魚$169大大碗，香噴噴，熱辣辣，紅噹噹嘅表面，擺滿雪白嘅魚肉，好吸睛，見到就胃口大開，魚肉鮮甜香滑，配料十足，牙菜爽甜，豆卜，腐竹，冧滑美味，超好食😋抵食，極力推薦👍👍👍千島脆皮蝦球 ＄89大大碟脆皮蝦球，蝦夠新鮮，肉質鮮甜彈牙，甜甜酸酸，好醒胃，再配翠綠鮮嫩嘅西芹，青爽新鮮，味佳極致，必食推介，😋😋😋仲有兩碗青紅蘿蔔豬骨例湯夠老火，清甜，清潤，真係春夏靚湯，正😄😄😄

菠蘿生炒骨，排骨🍖加入新鮮菠蘿、青椒等配料炒製而成的菜品。口感細膩、肉質軟嫩，(●´∇｀●)加上菠蘿的酸甜味道，👍讓整道菜品更加開胃美味。.薑蔥魚腩煲，🐟新鮮魚腩與薑蔥等蔬菜慢慢燉煮。魚腩味道鮮美，加上薑蔥的香味，❤讓整道菜品更加清新。.阿華田雪山，🧊阿華田口感綿密細膩，(´,,•∀•,,`)表面更有阿華田碎小山。甜味適中，🍽非常適合作為餐後飲品。.紅豆冰是茶餐廳常見的冰品，🥤以紅豆、淡奶等食材搭配而成。清涼、甜度適中，非常適合在☀炎炎夏日品嚐。

喺朗屏一間茶餐廳，見到有得叫餸食飯，一入去坐低裝修都幾古色古香，一嚟就先來兩碗例湯，幾鮮甜，老火湯嘅味道未叫嘢食都有嘢飲。好多菜式可以揀我哋揀咗啲小菜同埋煲嚟食。加幾蚊就有嘢飲。黑椒牛柳粒煲個煲勁夠熱，炸炸聲。牛柳粒份量都幾多，另外薯角份量都幾多，配埋個香甜嘅黑椒汁勁開胃瑤柱金菇扒豆苗豆苗非常多，配合埋金菇好易入口。送飯其實非常好80幾蚊都算OK。紅豆冰，紅豆勁多，椰汁紅豆味香濃，另外重點左茶餐廳凍檸茶。見到勁多外賣送，睇嚟都幾多人叫來食。

今日本身打算係朗屏天橋下面買餸返屋企煮，但望下手錶，發現煮Lunch太晏，於是決定醫左肚先，就黎左成日經過、但未試過嘅「吉祥冰室」。「吉祥冰室」裝修好企理，而且頗有懷舊特色，以懷舊冰室格局為主題。而呢度可以選的食物種類好多，有西式焗飯、中式小菜等等，最後我叫左個椒鹽豬扒飯（$58），跟餐加一杯紅豆咖啡（$8）。椒鹽豬扒飯，豬扒份量多而厚實，椒鹽味濃，十分惹味，好快就食完一碟。至於杯紅豆咖啡亦好有特色，咖啡本身帶苦澀，但加上甜甜的紅豆，配合得宜，值得一試。吉祥冰室地址：元朗俊賢坊15號權益大樓地鋪

午餐時間，叫外賣返公司食，叫左個粟米肉粒飯，但啲飯太硬，好彩夠多汁撈落啲飯度食，都可以食完全盒飯。杯熱奶茶茶味夠晒濃。係好正宗的茶餐廳奶茶。總括來說，要求唔高的就ok了。

中午就同公司同事一齊叫外賣，呢2年疫情，係元朗都叫過好多間外賣，打算試未叫過既。咁咁啱就見到呢個吉祥冰室，我就睇餐牌，覺得都係嗰啲嘢啦，應該唔會難食得去邊。羅到外賣返公司，一打開打開個飯盒，咖喱雜菜全部都係綠色菜，因為食開泰國菜，都會有啲紅蘿蔔調下色，所以係呢一方面我覺得要改進下，雜菜都可以有多色；講真無咩驚喜，咁既價錢元朗有更好食，同埋啲飯好生，如果個汁配飯嘅話，我覺得爭啲。*雜菜入面既西蘭花如圖

煲仔菜真係好抵食，😍會配湯、白飯、同埋飲品一杯，✨個套餐幾豐富。🍆醬爆茄子龍脷腩煲茄子厚肉，非常鮮嫩，🥢掛汁晶瑩剔透嘅外表，已經非常吸引。再加埋龍脷腩有好多件，性價比足。🐟食起身有幾實淨，夠新鮮。🔥啫啫滑雞煲夠有鑊氣，🧅而且洋蔥等配料，🐔更加可以凸顯雞肉嘅鮮味，用嚟撈飯最佳。餐廳出品低調，🥰但好高質。價格都好親民。除咗lunch我見個menu都有好多款下午茶供應，下次再同friend返嚟食過。

經網上外賣平台嗌咗個黑椒薯仔牛柳套餐，嚟到原來冇比到飯同埋湯😓打去問佢點解決，佢肯即刻送返個飯同湯上黎，咁算啦，繼續食。點知……食第一啖牛柳咬唔爛，以為有筋，第二嚿咬咗啖一睇🤮🤮🤮係生嘅，之後舊舊都係生嘅🤢🤢🤢唔會再叫第二次🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚🌚

吉祥冰室（元朗）📍地址：元朗俊賢坊15號權益大樓地鋪=================同朋友經過朗屏西鐵站附近，見到呢間餐廳裝修好特式，門面好靚，於是入去試試佢水準。佢連牙籤個樽都係整到好中式，幾特別！❤️店員安排坐卡位，都坐得幾舒服，餐牌選擇好多，選擇困難症嘅人應該有排揀🤓焗咖哩雞排意粉 ($59)咖哩味好出色，意粉亦煮得岩岩好，配合滑溜嘅雞排，真係幾出色！生炸雞髀配薯角（$43)明顯真係生炸雞髀，上碟時所有野都熱辣辣，唔似有d 餐廳會凍晒，加上薯角好脆，幾好食。

前晚媽咪喺屋企開大食會迎接幾年無見既舅母一家，乖乖女既我唔想媽咪一個人買野咁辛野咁辛苦，就陪佢去益街市，買完見餓餓地，見附近有開裝修特別既茶廳餐廳食個下午茶先。生炸雞骴配炸薯角雞脾超級大好起墜手、咬起燙口、雞皮脆卜卜、食到滿嘴油香和肉汁、熱氣到爆炸的感覺。薯角大大件, 炸到香噴噴, 一口咬落去, 濃濃薯仔味道, 薯仔外表微脆內裡軟腍雜果沙律用薯仔，雜果粒、青瓜、蘋果，醬汁也不會太酸，胃口也即時大開。吉列魚柳配雜果沙律魚柳好大塊是即炸的，炸到岩岩好熱騰騰唔會太乾身，魚柳肉質十分嫩滑，雜果沙律用薯仔，雜果粒、青瓜、蘋果，醬汁也不會太酸，胃口也即時大開。紅豆奶茶奶茶紅豆冰的紅豆煲至細滑起沙，入口香甜。冰粒大小與紅豆相若，可輕易咬碎，奶茶喝起來奶味香濃，入口絲滑且絕不苦澀極薑好立克滿滿鮮薑粒，第一飲落口有少少辣, 配合埋好立克的的甜甜的奶香味，一試回味。

今日突然晏左起身，求其近近地搵間餐廳食左去，去到兩點半，哇坐滿晒，店員同我地講五分鐘內有位，咁就等一等啦！下午茶時間選擇不少，打開餐牌絕對會花多眼亂！門口仲見有雞煲，真係多選擇👍🏻香煎豬扒芝士撈通（$42）芝士份量多到可以撈埋塊豬扒，但唔會好濃，食完唔漏。豬扒夠淋～唔想撈麵可以揀撈通，唔洗加錢，一樣掛汁👍🏻回頭指數：⧭ ⧭ ⧭ ⧭ ⧬瑞士雞翼太陽蛋蔥油飯（$60）上餐見到已經好開心，有兩隻太陽蛋🤤蔥油同一般唔同，呢度薑比例較多，反而覺得冇咁腥👍🏻同埋冇咁咸，撈勻同飯食晒冇問題～雞翼可能冇咁嫩滑，可能因為做到入面都好入味，咁嘅話又唔算鞋😋回頭指數：⧭ ⧭ ⧭ ⧭ ⧬順帶一提，凍飲係用保溫杯，所以冰唔會溶行快溝淡杯奶茶👏🏻茶餐廳黎講，都設計得幾靚，店員都後生，都有禮貌，唔知係唔係一班後生仔女開架呢？