名悅點心 (Closed)

小弟已經食過唔少次起呢到，真係好開心自己住得咁近，可以經常走黎呢到嘆茶，所以都開始同老闆熟了今晚都係自己一個黎食，叫佐5樣野，大部分水準都係中上水平，我準備開始囉😂😂呢間野真係冇得頂,每次食完都係笑住走，而且店員又好招待，唔知下次又食咩好呢..............................下次再黎，8～

夜晚突然諗住想食下啲點心，之前食過附近籠太子的點心，但總覺得水準冇之前好，所以試下經常經過但又唔算顯眼的舖頭—名悅 由於小弟饑饉八十，所以都食佐唔少野雙喜餃，滿足哂我呢啲一個人的慾望，蝦餃皮唔算薄但係好q彈，餡都ok，燒賣都可以👌🏽煎白菜餃： 呢個真係真心正，唔知係唔係因爲乍皮較薄，同埋啲餡入面肥肉比例多啲，食到個油脂香，再加埋有馬蹄粒，口感味道真係冇得輸，我覺得如果中2食薄皮，咁佢係一個更好的選擇，比起美味餃子店呢個都係ok好食最後叫埋佢黎埋尾，呢個真係好食，好香，又唔乾，排骨又嫩，足夠兩個人share

今日等男友收工，好晏先至晚飯，心血來潮想飲夜茶，見呢間門口咁啱有位泊車，就係度食。舖仔細細，坐位都幾舒適，唔會有迫嘅感覺。我地兩個人，叫咗5樣野…香辣排骨飯 - 呢個推介，直接用蒸籠，放一塊荷葉墊底蒸，所以有葉香味，排骨嘅醬汁帶辣，好食。雙喜餃❨蝦餃燒賣各兩粒❩ - 比預期好食，蝦餃嘅蝦都幾大粒、彈牙。另外仲叫咗豉汁鳳爪、煎蘿蔔糕、牛柏葉，呢幾款就普普通通。價錢方面唔貴，就算1個人去食，試下個蒸飯都可以。

二個人叫咗海蝦陳村粉、炸兩腸、灌湯餃、川芎白芷燉魚頭湯、一碟菜。海蝦好新鮮，份量多。燉湯足料夠藥材味，才$32蚊。小店用心制作，性價比高，服務都好好，真心接介俾大家。二个人食咗$140。下次再去試下佢個荷葉臘味蒸飯。Two of us ordered steamed flat noodles with garlic shrimp, spring rolled wrapped in vermicelli roll, soup dumping, vegetable and herbal Chinese soup. Shrimps are really fresh and the portions are big. Overall, I recommend everything except the soup dumpling. we paid $70 each and it was really good value for the money. I will come back to try the preserved meat rice.

OT 完見時間差唔多就去深水埗同爹娘食飯，爹話岩岩見到開左間新點心舖就行左去試下。去到 9 :15 都全院滿座😂不過好快有人走，坐低剔剔剔，好快有得食~炸両好正，腸粉算軟滑，入面夠脆，我食左三粒🙈我同娘都鍾意煎藕餅所以無得唔叫，不過呢個似炸多 d 🤔我鍾意咁樣兩塊夾住 d 肉，比例平衡 d，但我娘鍾意平時果種蓮藕碎包係肉入面，睇你係邊派既粉絲啦 💁🏻佢有個點心拼盤係抵既，有叉燒包、蝦餃、粉果同翡翠餃都係$40~ $38 一個燉湯有三款，我地飲左蟲草花燉土雞，足料但可惜我係唔食渣既，我剩係想飲湯😂 不過不失啦個味。其他都 ok，會再去食🙆🏻

加班完，在家附近正式試下這間點心，開業好耐都無幫襯過，上一次試過買蒸飯外賣，愛人食過都話好食，所以，我地今晚決定要認真坐低試一試。愛人都係食佢最愛的北菇滑雞荷葉蒸飯，緊係同連鎖店無得比，佢都話好食！我呢就試左蒜蓉海蝦陳村粉，因為好想知陳村粉係咩野，大約都有6隻海蝦開邊，好多蒜蓉加點豉油，好入味呀！呢個蒸陳村粉又唔算太貴，絕對會再幫襯。

其實太子唔係得嗰一兩間點心店好食嘅食過籠太x、一點x、名點x 同埋名悅之後，佢已經變成我食點心嘅首選😁 呢間點心店其實我已經食過幾次，由開張無耐到𠵱加水準都keep住穩定，所以暫時都未試過失望。我同男朋友最鍾意食佢呢度嘅腸粉，煙韌、剔透、足料同滑！每次嚟親都必定會食其餘我哋仲嗌咗牛栢葉、鳳爪、馬拉糕、春卷同埋新加入嘅金錢肚。牛栢葉同金錢肚係我好鍾意食嘅點心，去親邊間點心店或者酒樓都一定會食😁 呢間嘅牛栢葉我覺得唔錯，醬汁較得好味之餘又唔會油淋淋，更加唔係嗰啲韌到𡁻唔爛嘅牛栢葉。至於鳳爪、春卷同馬拉糕都一樣唔差鳳爪同金錢肚個醬汁又係較得好，唯一美中不足嘅係金錢肚無紋路而且唔夠厚肉。馬拉糕甜度適中又香軟（本人唔鍾意食好甜嘅馬拉糕），春卷新鮮炸起卜卜但一啲都唔油，而且每件都包住隻蝦，絕不欺場呢度嘅點心食完都無勁想飲水嘅feel同埋係即叫即整，如果多人嘅時候就會等得耐啲。而茶方面就有普洱同水仙揀，唔似其他點心店無得揀茶飲🤣

飲茶唔一定要去酒樓。太子呢間點心店開咗幾個月，餐廳細細，兩三個人又想飲茶可以一試，叫個蒸飯，幾籠點心就飽飽🍚價錢同一般酒樓差唔多，但就比較靜，傾計都方便啲。呢度蒸飯比點心吸引，一籠都有幾多🦐🦐🦐～蒸出嚟好香荷葉味，加埋蒜香真係香噴噴。同樣好香荷葉味，啲雞好滑，加埋甜鼓油，係家鄉風味！藕餅外面炸都好香脆，夾住肉同蝦非常豐富。不過就有啲油，要同飯一齊食先得！

屋企附近突然開左間新店幾日見佢做緊水餃優惠價$20碗我甘仲意食，所以特登想去試吓！但我忘記左影相！水餃食落口🥟個皮好滑勁仲意食仲有佢水餃有好多粒嫁，我勁仲意食！其後叫左鳳爪排骨飯、鹹魚肉餅飯！個飯超大個！男仔一個食就岩，我地女仔一個人食唔哂😂🤣我老公可以自己食哂！啲飯冇硬，好味👍🏻排骨同鳳爪都好新鮮！覺得個廚師做得幾有心！我家小朋友最愛食呢個好似係翅餃，幾甜幾好味👍🏻蘿蔔糕好有驚喜，超鬆軟個雞翼飯，原來係炸雞翼飯，幾吸引！見我朋友食我都勁想試！呢個腸粉好特別岩哂我女女食，好似炸倆甘但又有蝦！我女又係好仲意食！趁熱食勁好味，致愛❤️食左勁多！