君戶鍋貼大王 (港晶中心)

Open Now

Now Closed

十幾年無食粢飯突然好想食，想食好耐，發現唔係好多地方有得食，想食番傳統細個陣味，知道唔係間間好食，聽聞呢間出名，經過試左呢間。夜晚買左兩個，好貴，$22/個，買左兩個返屋企做早餐，睇住阿姐包，諗起細個時候睇住人包，放好多陷，好好味咁🤪😋唔知係咪番蒸，有d散散地，嘩，超級好食，似細個陣味，糯米飯煙靭靭，有米香味，唔會硬，炸菜粒好多，唔鹹，甜甜地，味道好夾個飯，肉酥好多，啖啖肉咁，甜甜地，有哨口，油炸鬼，好香，脆脆地，成個都好正，只係散左少少，正。😋😚

成日經過尖東的君戶，但一直沒有機會試，今晚收工夜了，費事自己煮，入去試吓。嗰晚好爆，要等幾分鐘先有位。見到兩個阿姐都做到踢晒腳㗎，我哋都要等多一陣先叫到佢過嚟落單。環境一般，我哋坐的兩人枱有些逼夾，但小舖經營，不要要求太高。食物好快到。小店來說，食物質素比想像中好。我特別鍾意佢哋水餃同鍋貼啲餡，我食的幾件都冇乜肥。鍋貼皮厚度適中。煎得都幾脆和香口。我們特別欣賞他們的粢飯，糯米軟度適中。食埋呢個生煎牛肉包簡直飽到上心口！外脆、內裡啖啖肉，好滿意！環境、衛生和服務雖然有改善空間，但因為好抵食，味道亦幾好的，要求不高的話大家可以考慮試吓。如果只是評價食物味道，可以比個 「舔舔脷」好評佢，但最後被環境、衛生和服務拉低了個評價至「OK」。

收工肚餓又未到屋企食飯時間，想係去塔車之前食啲依間餐廳有人排隊等位就決定試下🤤鍋貼🥟大大隻，仲要新鮮出爐😋有辣醬同醋可以點16蚊5隻炸醬麵🍜麵身係上海粗麵，少少彈牙煙韌，上面再淋上炸醬（滿滿冬菇同豬肉）👍但係果底有啲水，可能係淥菜同麵啲水未整走晒🧐38蚊BTW食完都食飽晒，返屋企唔使食🤪

準備睇演唱會，最方便當然係喺尖東搵嘢食。由於想快，又唔想食得咁heavy，就入咗嚟呢間。點知，中！大！伏！ 我叫咗一份韮菜水餃，加一杯豆漿，同行友人叫咗一份鍋貼，同埋一個牛肉包。 我嗰碗韮菜水餃係清湯底，仲有啲椰菜，好似好健康咁喎。一放入口，嘩，除咗鹹，只有鹹，無論個湯同埋啲餃都係鹹，啲菜索晒湯就當然更鹹。都未食到一半已經渴死。鹹成咁，隻餃包成點都冇用啦，更何況佢撇開呢個問題都只係不過不失。友人亦都話佢啲鍋貼都有同樣嘅問題。 好可惜冇影低食物，但我哋離開咗都不忘要回頭影返嗰店面，警惕我哋千祈唔好再重蹈覆轍。

君戶鍋貼大王 君戶鍋貼 $16（5隻）豆漿 $12早餐成日食茶餐廳今個去食上海野🤭e間鍋貼我未食過去試試先+多一杯豆漿🙊好快店員就送來了係熱辣辣鍋貼😍皮薄鍋貼底煎得好脆而且咬開有肉汁好多D豬好滑🤤好好味😋📍:尖沙咀科學館道14號新文華中心商場地下8-11號舖

去尖沙咀唔係一定要食貴嘢嘅~今日就嚟到尖沙咀尖東附近呢間鍋貼大王~~首先我唔係好肚餓，所以我淨係嗌咗個鹹豆腐花，試一試下味嘅豆腐花，同埋嗌咗幾隻鍋貼已經夠曬，個豆腐花唔錯鹹鹹地又幾開胃，配埋個鍋貼食都幾夾

豬扒炸得幾好外脆入面又多汁炸得好香 下次可以encore我叫左麻辣湯底幼面個面幾好食 都有少少彈牙個湯就麻麻地唔夠香 都係叫返清湯會好食d呢度d鍋貼都又平又好食16蚊有5隻

今日飯腳放假，咁我自己食lunch, 由新文華搬過對面港晶，生意好似無以前咁好, 堂食啲位坐得唔太舒服，而且半開放廚房好大油煙，所以之前都唔太考慮堂食。今日食雞翼麵，lunch time落去買外賣，無乜人，好快就有，38個大洋。雞翼同麵係分開嘅，雞翼用紙袋裝，共三隻，炸得幾香脆😆，不過油咗啲，麵都幾大碗，有雪菜同椰菜喺個湯度，整體都可以，以前外賣好似要加1蚊而家唔使👍