君滬鍋貼大王

Open Now

Now Closed

食食吓，廚房好大聲‘’啪‘’，隨即有個男人講得好大聲咁話 ‘’又一隻‘’！ 企喺廚房出食物位嗰個阿嬸話 ‘’今日第幾隻？‘’ …… 唔知係咪我想像力豐富，我真係覺得佢係講緊曱甴🪳🤮🤮 因為間嘢都好污糟吓，啲餐牌立次次，好油。 唔知係見天氣凍慳皮唔開冷氣定點， 叫咗嘢之後仲開始聞到陣陣酸宿味，係間舖頭嗰種酸宿味(嘢食未黎)。以$30嚟講，份量係好足，夠大碗，亦夠熱，但味精好重，又偏咸，麵有點硬，食完味精料理口渴左好耐！原本叫左菜肉雲吞麵配油菜，但嬸嬸們只係掛住不斷傾計，落單落漏左油菜，發覺後提醒其中一個補返，佢只係望一望我，完全冇回應，冇補返單！慳返！中伏一次，冇下次了！

嘩！係呢家店嚟個飽嘴之旅真係值得！👑 佢嘅招牌鍋貼，簡直係一流嘅。厚身皮係我預料之內，但你話咁啱，煎得金黃香脆，咬落去豬肉餡漏油，口感豐富，滿口脂香，滴滴豆瓣醬添上去，正到爆燈！🤤熱豆漿我揀咗無糖嘅，嘩，豆香浮滿整杯，溫暖每一口，感覺就好似喺家裏嘅溫馨。雲吞水餃大隻又實在，每一啖都充滿驚喜。當然少不了嘅係我嘅頭號植物伙伴－稻米！我嘅青菜飯碟頭大到離晒譜，飯粒一粒粒分明，入口既有嚼勁又不失軟糯，每咬一口都似遊走於田野間嘅悠閒。最後，個蠔油生菜亦都整得好夾，雖然份量唔算多，但啲菜都新鮮嫩綠、簡單得嚟唔平凡，係絕配！哩度食物搭配得宜，幾款小菜都得體得嚟平民價格，肚仔開心，心情都好晒！🍽️ 小店形象唔洗理，講真，食物質素先係王道！

記得以前成日會去幫襯食鍋貼嘅一間以平價親民主打嘅上海野，少食左油膩食物，今次轉一轉口味叫左個粢飯做晚餐回家品嚐。一隻手掌size嘅粢飯，唔知係咪放耐左，糯米開始變硬，唔夠軟糯熟，油炸鬼唔脆，肉鬆份量算多，菜甫反而少左d, 加返多d口感會豐富好多。唔知堂食係咪會幫我切開一半🤣

離遠見到鍋貼大王咁大個燈牌。一心諗住主打食鍋貼，點知咁麻麻地。叫左碟鍋貼同炸豬扒菜飯個鍋貼一睇就唔夠火候，煎得唔夠脆，白雪雪咁！咬落係一D都唔脆☹️又唔夠熱反而炸豬扒菜飯就ok , 炸得夠脆亦大塊

今天去新蒲崗聽講座，開始前本想去附近食點心，但見到這店後便改變了主意，因為對鍋貼有大愛，叫了5只鮮肉鍋貼，炸豬扒麵和凍豆漿，豬扒可能是剛炸好，外表金黃好看，而且是厚切，大約有1cm厚，味道淡了些，咬落比較鬆軟而多肉汁推薦，但其他所有食物很一般的，特別是上海麵的湯底，食落好似有少少酸，因為食到中段才想起未拍照，所以食物相片欠奉，最後是店內服務員態度很好，語氣很有禮貌，讚

16蚊五隻鍋貼， 都算十分便宜。 雖然唔算特別美味， 但係都非常之夠飽。 再叫埋酸辣湯十分暖胃。 我另外叫咗個炸醬麵佢嘅炸醬同平時唔同係好大粒肉粒， 味都有少少分別， 並唔係普通個種。

下午茶時間黎到唔係好多人未黎到之前已經想食擔擔麵碗麵黎到個賣相係OK既有D蔥花0係面頭麵質都幾好少少淋果隻(我鍾意呢個質感)不過略嫌麵少左DD擔擔麵既肉碎都略嫌肥左DD好多都係細豬肉所以我就麻麻地但豆漿反而幾好有豆味得黎唔會話勁甜(我好怕好甜果D)而且都算大杯下次再黎唔食擔擔麵就好試下其他呀

碗仔翅＄18蚊，勝在料夠多，無味精味，雖則吃到一半有點汪河(變湯水)。油菜(小棠菜)＄17蚊，烚的健康，大口菜，正氣、過癮、暢旺。無糖豆漿＄10蚊，無糖只供應熱的，沒有凍。沒有了糖，大口喝的話，有點像在喝熱開水，但細口淺嚐的話，淡淡的黃豆味道卻的確在散發着。為何特意點了無糖？萬惡以糖為首！糖，坊間一直廣泛使用着，甚而已經到了泛濫的地步，包括了許多隱藏的狀況，例如各種鹹/甜的加工食品(processed product)、聲稱健康的低脂(low fat)醬料(卻大手加糖來彌補口感)、有/無糖(人工甜味一樣係糖)汽水及偽果汁，甚或乎是豉油和鹽，全部都是混入了糖的產物。糖糖糖，零營養，只有許多熱量，身體消耗不了，便一一化成脂肪。也不僅限於致肥，長期把自己浸在糖裡，吃到病也很合情理吧！BTW，糖是滋養和孕育癌細胞的好材料。是時候培訓我們的味覺，不要再浪費在這種錯覺的甜美上，讓我們重新體驗食物(whole food)的味道來。祝君健康！

食過幾次，不過唔同分店今次黎係食早餐，一坐低就聞到成間鋪都好臭！食都食得唔舒服😓先講餃子，皮厚又唔脆，好在夠大隻另外炒麵無味無道，醬又無皮蛋瘦肉粥算正正常常不過十幾廿蚊一個早餐係咁上下

以前同老豆成日黎食，一入門口就臭臭地，係d醬料味。係一間平價上海小食店，點平法、生煎鮮肉鍋貼$15有5隻，豆漿$9碗。傳統飲豆漿用碗載住，唔知點解豆味都好似濃d，佢仲有比較少有嘅咸豆漿$16，都幾好嘅。鍋貼最正係煎到外面脆，皮厚所以有dd硬，但係餡料肉汁豐富，點埋豆瓣醬就仲正。不過豆瓣醬嘅味道聞落係有d臭臭地，未必個個鍾意嘅。碗筷清潔程度同大牌檔差不多，我都要抹抹先會用。裡面環境一般，快食或者外賣都唔錯！

前幾日同男朋友行左去新蒲崗食飯，因為黃大仙的嘢都食到厭，所以就行遠少少食，鍋貼大王見佢都幾多人食，由細個已經見佢開到呢家，係一間老字號，所以我地就揀左呢間。佢呢間主打食上海嘢，我就叫左一個擔擔麵，佢有得加14蚊有一杯豆漿同兩隻鍋貼。先講下擔擔麵方面先，呢間的擔擔麵唔算太辣，太辣我係食唔到的，麵都ok，似壽x牌的擔擔麵feel，但同我一般出去食的擔擔麵有啲唔同，無左個種粉粉地漿漿地的質感，令我無咁鍾意食，同埋無花生碎粒，但係23蚊算係咁，大碗且飽肚。豆漿都ok，豆味未算太濃太特出。而鍋貼令我有少少失望，佢叫得做鍋貼大王當然主打係鍋貼，但佢未至於係脆卜卜的底，而且鍋貼未算很熱，但味道正常。呢間餐廳唯一吸引之處就係平，廿幾蚊可以食得飽。以下評分以5⭐️為滿分推介⭐️⭐️

之前朋友介紹呢間既炸饅頭和鍋貼今次經過就試一試叫左炸饅頭，鍋貼和蔥油餅炸饅頭即叫即炸熱到辣手外脆内饀鬆軟唔油膩確實唔錯蔥油餅外皮金黃，好香芝麻味反而鍋貼一般冇乜驚喜

今晚嚟到君滬食宵夜，游完水之後，胃口特別好，望住餐牌，有好多嘢想食，眼闊肚窄，最後叫咗碗擔擔麵。唔使五分鐘，擔擔麵立即送上。擔擔麵係上海幼麵同清湯底，麵上有肉醬，肥瘦有致，但佢同傳統擔擔麵唔同，完全無花生醬，麵旁仲有幾條菜同蔥粒。味道方面一般，肉醬味道適中，少辣，不過由於碗麵冇花生醬，相對冇咁香，但係就冇咁油膩。幼麵好淋，冇牙都食得。價錢方面，性價比高，大大碗麵只係$23，食完飽飽。環境方面，由於客人唔多，唔算好嘈，亦唔擠迫。總括嚟講，性價比高，宵夜選擇。

酸辣湯仍是兒時味道，夠酸夠辣夠多料，啲阿姐都係果種鄉音勤力style。好可惜豬扒同雞翼都炸得太干身，另外紅豆鍋餅簡直係難食，外干內醬，入面太多粉糊了，好似食緊麵粉咁。全部炸物都唔算合格。#test_sanpokong______________________________🏠 君滬鍋貼大王📍新蒲崗仁愛街44-46號💸 Total $124‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

入到去鋪頭，叫咗我最鍾意嘅上海豬扒粗炒，一份鍋貼，加多杯凍豆漿，鍋貼最早到，味道同以前一樣都唔錯，入邊都一樣好多汁、同埋個皮煎得好香口，但就油左少少。之後主角豬扒粗炒就黎啦，豬扒好大塊差唔多鋪滿晒成個碟，豬肉好彈牙 又入味，烏冬 炒 得略嫌有小小燶，但整體都係好食既。