君滬鍋貼大王

Open Now

Now Closed

今日食鰦 鎮江排骨菜飯$24，加熱豆漿$3。好似比之前貴鰦 兩蚊，應該加鰦 價。當豬肉響街市都賣到四、五十蚊斤時，廿七蚊食一餐都咪話唔抵。食物水準都唔差，一鱓 都無張貨就價。係羅，成本貴咪加小小價囉，真係做唔住就唔好做。最怕鱓 又話成本貴，又唔加價，但錢又要照賺，攪到鱓 食物不知所謂。服務都唔差，咁平就無特別要求，不過繁忙時間明顯人手唔夠，張䒷 抹完好似無抹咁。不過都係個句，咁平就不能要求過高，所以一定會再幫襯。

鎮江排骨麵+凍豆漿$19~雖然排骨不太入味,但OK啦牛肉包+鍋貼+豆漿$10~包內凝聚芡汁隨時流出,但鍋貼較遜色

又平又好味,一定要食嘅鍋貼,$2隻,大大隻!!

十幾蚊已經可以食到好飽，味道又唔錯～鍋貼2蚊隻,抵到爛,朋友極鍾意,貪佢夠多汁,我就略嫌多左少少油~牛肉飽,唔記得2蚊定2.5,大大件,有肉汁,但由於係煎,感覺都係有少少太油,但朋友依然超愛～擔擔面同雞翼，都幾惹味～鹹豆漿清清地，幾好味～甜豆漿都ｏｋ，唔會無豆味～埋單三個人29蚊,食到飽~抵!

聖誕節前夕,同老公食咩好呢?人多既地方又唔想去, 經過長沙灣呢間鍋貼大王,決定二話不說就走咗入去食嘢啦!! 仍然有我好鍾意食既酸辣湯($13) 同五隻鍋貼($10) ! (老公已經好快手咁食咗一隻...)老公就叫咗個「北菇滑雞蒸飯」($13),而我就叫咗碗「菜肉餃麵」($15), 今次我醒啦! 第一時間襯熱食咗啲鍋貼先, 個底仲脆架!!個酸辣湯唔駛講都知好味啦! 不過唔知係咪老公有少少喉嚨痛, 所以覺得好辣喎!埋單$51, 食到我哋兩個都好飽, 好食又抵食! 正!!

呢間"鍋貼連鎖店"，差不多遍佈全港。有時行行下街想食件鍋貼或牛肉包，有呢D舖頭，總幫到手...呢d連鎖店，水準不會太差，亦不會如何標青。鍋貼皮薄，餡算鮮，但肉汁不算澎湃，底亦煎得不脆口；牛肉包有半隻碟咁大，但內容空空洞洞，無甚特別...豆漿普通...ABC餐、粥加炸両...來來去去都係呢d。間唔中嚟兩隻鍋貼、牛肉包加豆漿，亦不失為一選擇...

11月19日, 一行三人走咗嚟呢間「君滬鍋貼大王」食嘢,我叫咗碗「担担麵」, 老公叫咗「鎮江排骨菜飯」,朋友就叫咗「餃子担担麵」, 另外加咗六隻鍋貼、一份炸豬扒同一碟菜芯, 埋單都係$99, 幾抵食!! 食到我哋三個飽到頂點呀!! 最低係個油菜, $6 碟咋!! 另外個担担麵都幾抵食, 只係$13, 不過就多油咗少少...最好味當然係個「鍋貼」啦!! 嚟呢度食嘢點可以唔食鍋貼呀! 至於個「鎮江排骨」我同老公都覺得幾好味, 不過朋友就話啲肉嚡咗少少。但呢度既嘢真係幾得! 絕對會再嚟食過啦!

我係度第三次寫食評~雖然呢間係食鍋貼,但我又係寫食粥~鍋貼超好味,好多肉,好鮮~粥唔係佢嘅主打,而且只係得皮蛋瘦肉粥一款,但都唔應該咁難食粥係屋企電飯煲煲到未綿嘅狀態,隱約見到約半粒米,完全淡口,皮蛋切到不規則大大舊,瘦肉應該用"勁幼細",見到啡色一點點先道佢係瘦肉(因為完全冇味)去到都係叫返鍋貼算,勸各位唔好食粥,等佢地冇人食收番來專心做鍋貼吧

入去試一試，$2隻鍋貼，$3隻牛肉包，想點先~加多杯豆漿都係$12，食得飽之餘又好味~鍋貼都幾油不過，牛肉包係推介~包軟餡熱，好味呀!!!

新蒲崗呢D老工業區, 食野唔會好貴(D日本菜除外), 合符價錢合理食物好的原則. 君滬可算其一.鍋貼-- $2/隻, 必食, 入口有汁,肉有香味, 外皮煎得脆, 注意要一上即食, 否則會變得好淋同好油担担麵-- 有花生,但有很多肉碎唔正宗, 食味尚可. 牛/豬肉包-- 肉有香味, 外皮煎得脆, 但牛肉略硬其餘可以不理, 普通貨色三隻鍋貼加碗担担麵是我的黃金組合

又是一間以價錢為主打的食堂，已食過很多次，但未有在這裡評分，現在來一個小總結吧。菜肉包- 大得可怕，但也難食得可怕，只問如果身上只剩五元的話又餓得發瘋的話，也夠買下兩個填滿你的肚子。豬肉/牛肉包- 比起清蒸的菜肉包，這個生煎包算是不錯的選擇。鍋貼- 鎬貼大王的招牌菜，但要想到不是即叫即煎的，凍了是不能入口的。排骨飯- 以十三元驚喜的價錢真的會帶來驚喜，其容器竟是上班族帶飯的那些膠盒，又是一好蒸定的，但其實味道也不太差，如果能接受膠盒的話，其實也不錯的。吉列豬扒菜飯- 這裡的菜飯實在做得和白飯沒有太大分別，倒不如做白飯更佳，豬扒激油，味道也普通，只能勝在份量上。上海粗炒- 也是油得可怕，味道也是十分普通的作品總括，如果只為填飽肚子的話，這裡是一個不錯的選擇。

前排偶然經過新蒲崗，見到一間鍋貼大王，小第生平最鐘意的食物之一就係鍋貼，咁啱又幾肚餓，無理由唔試啫，於是就入咗去幫襯。入到去一睇，嘩，唔係呀，$2隻鍋貼，唔係咁平呀!!見隔離位的鍋貼又唔細隻喎，嗱嗱聲叫5隻試試，再順手叫埋牛肉包同蔥油餅+豆漿。鍋貼都幾大隻，味道亦唔差，點埋豆板醬更加正!!至於蔥油餅同豆漿就普通，冇乜特別。牛肉包個人覺得有些少硬，可能已經擺咗一段時間，感覺麻麻。總之呢度的鍋貼一定要試試，記得加埋豆板醬呀!!^^

鮮肉鍋貼$6三隻: 大隻之餘,豬肉餡夠多,也多肉汁,等了四分鐘左右才上桌,可惜仍不夠熱担担麵$13: 醬料不夠濃,味道不像正宗的担担麵; 豬肉碎夾雜一些肥膏,且不太新鮮,有少少變味(反而鍋貼內的豬肉碎新鮮得多)雖然餐牌寫担担麵是辣的,但不覺得辣

無見過鍋貼咁大隻！入面肉汁都幾多今次另外要了一個鎮江排骨麵麵一般，但排骨好好味！連豆漿埋單25

鍋貼大大隻、多汁又好吃！酸辣湯足料、味道剛剛好！牛肉包夠熱、新鮮又抵食！