呦呦鹿鳴布丁燒

Open Now

Now Closed

葵廣連儂牆在2020年12月31日壽終正寢，早排趁放假去走了一趟。現在只能成為回憶了。連儂牆位於葵涌廣場2樓。文宣大多被撕走，只剩下壁畫。壁畫內看到很多熟悉的人物，令人會心微笑。上次來荃灣區，要數到2019年了。衝衝一遊，根本無時間食餐好。這裡選擇實在太多，迷失在葵廣這個迷宮好一陣子泰讚了旁邊的呦呦鹿鳴布丁燒更是人氣店。布丁有凍有熱，可以即食或外賣。諗住臨走前買去做宵夜，但布丁快便賣得七七八八了......節日限定的Bailey's口味夠晒sweet，奶味與布丁很夾。布丁本身也超軟綿、滑溜，食一個略嫌不夠喉呢~年紀大了，在商場遊走吃東西對我來說有點累XD 其他黃店，留待下次幫襯，再同大家分享吧。如果有推介，記得話我知，等我慳番d腳骨力啊~

🇭🇰呦呦鹿鳴布丁燒·忘憂唂布丁燒(朱古力)$38最後我哋就食咗呢一個我個朋友仔想食好耐嘅布甸黎完結呢個掃街😌佢整體黎講都幾好食嘅 個布甸都幾滑 而且底下個蛋糕朱古力味都重既 不過就未到話好驚艷咁 不過都可以一戰既🙊😂佢係會將個布甸反轉之後入邊啲焦糖就會流出嚟 視覺效果都幾好 不過佢整得太快我影唔切相😂😂·📍葵涌廣場3樓TOP世界3069-T5-T6號舖·#rbyeat #rby好去處#rby葵芳#rby甜品飲品

人氣店舖！葵廣咁多食店 但係佢人氣依然高企🌟今次第二次食再試一試佢🤣.椰爺布丁燒 $38⬇️布甸燒即係上層係布甸下層係芝士蛋糕🍮🧁上層布甸嘅椰子味好淡因為椰青個味原本都唔係濃味係屬於清甜將椰青加入布甸 其實唔係好食到椰青味但食到有少少椰青肉 🌟🌟建議可以選擇其他味 會濃啲🌟🌟下層嘅芝士蛋糕 比較濕冇咗原本芝士蛋糕嘅口感.成個布甸燒我覺得其實普通唔係唔好食但有啲啲overated🙊.不過佢係黃店💛💛💛大家經過可以食其他味支持下👍🏻⭐️多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️

呢間葵廣裡面既甜品好有驚喜‼️ 雖然係小店但係味道幾乎有酒店既質素⚜️只埋布丁燒一種甜品🍮但係無論賣相到味道都十分出色❤️ 各種口味同樣好夾😋 第一啖咬落去布丁震下震下 🤪口感QQ的 蛋味好香濃🥚內裡好Creamy同幼滑 唔會太甜 加上面頭既焦糖醬🍬甜度適中 底下有一層薄薄的蛋糕🍰 非常濕潤👍🏻 試左幾種口味🌈⭐️ 抹茶 🍵 用左日本小山園抹茶粉 💚食得出好重料 有抹茶的回甘味 反而可以輕手DD 口感唔會咁粉😅⭐️ 椰爺 🥥好鍾意佢既清甜🌴 淡淡地更能凸顯布丁蛋香 有粒粒椰子口感☀️好有夏天的感覺⭐️ 忘憂咕 🍫朱古力味好濃厚 但係唔會苦😌 中和左焦糖既甜度⭐️ 鐵觀音 ⛩比起抹茶 茶香更加清幽💚 個人偏好淡D既口味😅⭐️ Bailey 🥃甜甜地既百利酒好易入口🍸 酒精其實都揮發曬所以唔會好濃

呢間布丁燒喺葵廣一早已經好出名~所以就專程去試吓佢每一個特定時間都有唔同味道嘅布丁燒出爐，想試吓熱辣辣嘅布丁燒就可以趁佢出爐嘅時間去啦✨所有味道統一一個都係$38，對我來講其實有少少貴🙈因為佢份量比較少，但係味道來講係可以值$38嘅！我叫咗一個鐵觀音同埋培茶味布丁燒，兩個都係茶味非常之重，鍾意飲茶嘅人一定要去試❤️佢嘅布甸燒布甸同埋蛋糕嘅份量係一比一，所以一啖可以食晒蛋糕嘅柔軟同埋布甸嘅順滑～蛋糕軟綿綿唔會太甜，而佢個布甸真係非常好食🖤茶味非常之重，而且好滑，接近入口即溶程度，配埋佢小小嘅焦糖就對我來講甜到啱啱好啦同埋佢係良心小店，所以大家一定要支持呀！

今次介紹既係係葵廣數一數二既人氣小食店，店鋪由2018年7月開業至今，主打芝士蛋糕配上唔同味既布丁燒。店主靠自己一手一腳研究製作布丁燒既口味，出爐既布丁燒會印上店鋪小鹿嘜頭，布丁燒只有岩岩出爐15-20分鐘可以熱食，過後就會放入雪櫃，所以有緣既可以食到布丁燒既熱食，都可以外賣買走。-1️⃣ 椰爺布丁燒💰38（👅: 8/10）椰爺係店鋪招牌口味，同時係最多人叫。每個布丁燒係按步將焦糖、布丁漿、芝士蛋糕粉糊放入模具入面，再係焗爐焗一個鐘。首先布丁面頭會有一層焦糖醬，甜甜地帶小小苦，焦糖醬會會越食越濕潤口腔，但同時唔會蓋過布丁既味道。上層既布丁有椰青肉同加左新鮮椰青水，未食已經聞到好香既椰青香味，布丁燒整體味道清新香甜，食落奶滑，有D似mousse，而椰青肉令到呢個口味比其他更有豐富既口感，椰青肉味清甜。而下層既芝士蛋糕係用北海道芝士，非常濃滑，有芝士香，食落鬆軟，熱食會更加之鬆軟。-2️⃣ 鐵觀音布丁燒 💰38（👅: 7.5/10）鐵觀音既布丁會食到茶味，但茶既苦澀味會重D，而唔係食落好甜個種味。所以布丁同芝士蛋糕一齊食先中和到個種苦澀味，係唔錯既味道不過個人鍾意椰爺多D。-🌟以30幾蚊食到高質既

之前去葵廣覓食, 臨走前決定買啲手信返屋企突然諗起之前都幾火紅嘅呦呦鹿鳴布丁燒, 一於買兩件試一試<椰爺(左) 及Baileys (右)>聽講椰爺係呦呦鹿鳴布丁燒嘅招牌口味, 大食妹當然要一試另外再買左個Baileys口味只要輕輕搖一搖, 布丁燒就輕鬆上碟大食妹呢個酒鬼就食左個Baileys口味, Baileys酒味唔夠呀布丁口味偏實, 蛋糕部分少鬆軟, 做飯後甜品都唔錯屋企人話椰爺口味好食好多, 椰香十足, 可以encore

📍呦呦鹿鳴布丁燒 (葵芳) 𝐼𝓉𝑒𝓂𝓈 𝑜𝓇𝒹𝑒𝓇𝑒𝒹:💛 聖誕特別版 - 濃醇朱古力布丁燒 ($38)呢個係熱嘅布丁燒 啱晒係冬天食 而且仲要撞正新鮮出爐 食落去即刻成個人都暖粒粒 ☺️ 之前一直都冇試過食熱嘅布丁燒 熱既話蛋糕好好食 可以feel到蛋糕有少少膨漲感 空氣感滿滿 食落去非常鬆軟 🍰 而蛋糕下面嘅布丁燒朱古力味道非常香濃 🍫💛 Tiramisu布丁燒 ($38)Tiramisu味係佢哋嘅招牌味道 🎉 呢個布丁燒就係凍食嚟嘅 凍嘅同埋熱嘅都別有一番風味 💗 呢個既布丁味道係咖啡味 而上面鋪滿左滿滿嘅可可粉 食落去口感非常軟滑 🍮𝒜𝒹𝒹𝓇𝑒𝓈𝓈:📍葵芳葵富路7號葵涌廣場3樓TOP世界3069-T5-T6號舖Shop 3069 T5-T6, Top World, 3/F, Kwai Chung Plaza, 7 Kwai Foo Road, Kwai Fong

位於葵芳的 呦呦鹿鳴布丁燒 🔸，是在葵芳廣場數一數二的人氣小食店。店舖在2018年7月開業至今，人氣依然旺盛，當天光顧，不斷有客人購買呢～店內所有的布丁燒均是店主一手一腳研製和調配，用心製作，用心經營，受過各大傳媒報道，💓同時亦深得青年人的歡心哦。布丁燒有多個口味🥰，令人目不暇給，包括: 咖啡、雲尼拿、朱古力、鐵觀音、提拉米蘇、抹茶、椰青、伯爵茶和Balieys等等。小店不時會有期間限定口味供應，不要錯過啦～每天售賣的數量有限，售完即止。布丁燒分多層製作，按次序將焦糖、布丁漿、芝士蛋糕漿放入模中👅，然後焗製一小時，出爐時印上小鹿嘜頭🦌即成，非常可愛。全部口味的芝士蛋糕🍰，均採用北海道芝士製作，濃香幼滑，熱食感覺更佳，鬆軟香甜。抹茶口味布丁🍵，則用上若竹抹茶粉，真材實料，質感像慕絲，香濃不苦。兩款味道都不錯，下次要試試其他口味啦! 不過服務有待改善🙈

▪️ 伯爵茶布丁燒 💲38差唔多成年幾無黎葵廣，之前食過呢間布丁燒一次好似唔錯，但耐到連自己揀咩味都唔記得🤣今次見人地推薦焙茶，可惜一點半去到都已經無曬😭不過仲有好多口味，伯爵茶都夠吸引既🤪因為即刻食既關係，店員幫手倒出黎，無影到底部特色之一既Logo🧐布丁燒主要係有三層，面頭有甜絲絲既焦糖醬，中間既雞蛋布丁入口滑溜，而且佛手柑味幾香濃，最底係鬆軟既輕芝士蛋糕，索左流到底既焦糖會帶點濕潤😚全部都好夾無違和感，想試埋剩餘既所有茶味☕️🔎 整體評分（8/10）

‼️❤️ 記得CLICK我PROFILE關注我呀 ❤️‼️.🍮 M̆̈ă̈t̆̈c̆̈h̆̈ă̈ P̆̈ŭ̈d̆̈d̆̈ĭ̈n̆̈ğ̈ HKD 38 @ 🌟 呦呦鹿鳴布丁燒《👽食神大媽掃街記》.🤩 無人不識無人不曉嘅好味布丁燒 😋 大媽最推薦每一次都翻兜嘅絕對係綠茶味 😬 好似焦糖咁樣嘅外層，再配上軟林林濃郁嘅布甸心。更重要嘅係，唔會過甜，一定一定要試吓。.👽 各位支持大媽咁耐都知道大媽幾乎無咩貼過掃街嘅分享，今次就一連幾個帖黎同大家分享下人氣葵廣掃街經歷啦 😁.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.📍 葵芳葵富路7號葵涌廣場3樓TOP世界3069-T5-T6號舖☎️ +(852)9176-7426.

星期六特登入葵芳掃街，偶然見到呢間小店，好耐之前已經聽過佢但係因為太受歡迎太多人所以之前都冇買過，唔知係咪疫情關係，我果日1：30左右到，雖然好多人等緊但係唔洗排隊就買到，佢有好多口味選擇，有選擇困難嘅我最後買左個王牌既椰爺布丁燒，睇落細細個但係非常墜手，食落有啖啖椰糖香味同埋粒粒椰肉，一羹接一羹，可惜朋友未到，我又唔方便揸住行街，唯有一個人pak曬佢，食完超級超級飽😂奉勸想掃街既朋友一定要同朋友share呀😂

葵廣掃行尾站，買左個布丁燒返屋企嘆行去舖頭附近已經聞到好香好濃嘅布丁糖醬味🤤雖然全店專一只賣布丁燒，但有幾款唔同味道可以揀；當日見到有椰子、咖啡、抹茶、雲尼拿、朱古力同埋baileys味；我揀左雲尼拿味試$38價錢唔平，但包裝靚，又比埋碟仔你反轉食，間唔中食下當獎勵自己都ok👌🏻小店布丁燒上嘅圖案定期會轉，今次去就係印有香港加油💛布丁再配以下面軟棉棉嘅蛋糕，口感都幾豐富，亦唔會太甜如果佢價錢平d我諗我會間唔時就買黎食下

先後吃過幾次了 每次都覺得很美味！！有些暢銷的口味很快便會售罄想要指定口味的可能要事先預定▪️椰爺布丁燒 🍮🥥$38 招牌椰子口味相當出色布丁混入椰青水 味道清新之餘 粒粒椰肉又為滑溜口感增添層次底層的芝士蛋糕很輕盈蘸上焦糖汁後加香 最近聖誕還買了禮盒裝除了經典的椰子 雲呢拿 咖啡 朱古力味還有baileys口味！我自己最喜歡咖啡口味😝圖案也十分可愛特別很適合和家人朋友分享整體不算便宜的甜點 但如果來到葵廣 不妨支持一下小店♡

呦呦鹿鳴布丁燒🍮💛🔄🎅🏻Ho Ho Ho! 又到聖誕！係我最中意既節日係聖誕節，除左可以開聖誕party之外，🎁仲可以同一班朋友仔交換禮物添！就連呦呦鹿鳴布丁燒都有聖誕特別版啦！🙊可以去訂製聖誕特別版/到會/散水餅系列布丁燒，年尾都可以同公司同事開心say goodbye! 有D新意唔使下下買西餅咁悶嘛✌️🍮濃醇朱古力布丁燒（$38)👍🍮雲尼拿布丁燒（$38)👍"今次食呢兩隻味都係之前冇食過架 朱古力係熱食 尤其冬天食感覺超舒服 朱古力味好濃""雲尼拿味布丁燒口感都好幼滑 層次分明又唔會太甜"🦌依加呦呦鹿鳴仲推出左布丁燒到會同散水餅系列tim!