味皇茶餐廳 (Closed)

今日同屋企人黎哩頭, 食左哩間講真哩度除左哩間野之外都冇其他餐廳.4個人叫左3 樣野蕃茄湯米線+多士+野飲我冇食, 評價唔到, 對蕃茄既東西不嬲冇乜好感雞扒蟹餅大碗飯+野飲大碗飯同跟小菜既o個碗白飯一樣咁大, 都唔明點大碗法.d 汁唔夠多, 唔夠濃, 尚可接受蟹餅冇乜特別, 雞扒塊皮仲脆脆地, 唔錯炸魚柳鐵板+湯+野飲唔知點解個鐵板會可以跟飯意粉薯菜叫左意粉, 但係鐵板下面好多薯條, 咁如果叫薯菜既話d 薯條係咪成座山咁高.奶茶幾滑, 都算係招牌黎普通家常便飯, 唔叫好好, 但平過大快樂, 又多選擇, 有粉麵小菜炒野撈麵都有, 夾埋有成5張餐牌

首先入到去零招待，我們見到有位就坐，個卡位嚴重高危，我們幾驚坐爆張鄧呀，衛生情況一頂好，中間飯粒多到...叫人係冇用的。服務態度極度差。環境亦見得差.......我們一組開始質疑簫簫的決定啦。我們睇睇餐牌後叫嘢食，跟住我問：「呢個同個個有咩分別ge﹖」個個經理：「你識唔識字ge，自己睇餐牌啦！」餐牌有寫都唔使問你啦。跟住林生想落order個時 (講緊)佢就話：「你們自己睇下先唔好煩我呀！」!!!! 咁都得!!!!!!!!!!!嗌完後，等咗好一排，送咗2碗魚蛋麵來，但我們冇人嗌魚蛋麵 =.=隨後送錯單的情況愈加嚴重。送錯2杯飲品 + 3碟炒嘢俾我們.........而我們嗌個d反而就冇送來............而且我們想要隻spoon都冇.......佢地把folk put in beaker??!食物質數就見人見智啦。林生杯「香滑奶茶」竟然係咸ge!!!!我杯檸蜜都係咸ge!!!!其後我們的所有嘢都係嚴重過咸ge!!!走之時再次送錯嘢來，佢問：「呢度唔係32號咩??!」「呢度係13號桌呀...」..................價格亦唔見得特別便宜，比起同型屋村茶餐廳還要昂貴。大分

我日日都落去食飯既.d野真係幾好食架..我成日落去食下午茶..又平,d份量又唔係話少..但係呢..有幾日就係個經理落單..佢對客既態度好呼呼喝喝我企係到等埋單啦..咁佢就好大聲喝我..叫我行開..希望可以改善下囉

我住係曉麗苑大大話話都十年都見證過唔少食肆的出現e間味皇冇錯食物味道ok但係d服務質素真係好唔得如果佢唔改善下e個係佢致命傷好似今日咁我叫我個朋友幫我買外賣我叫佢幫我買下午茶ge白汁雞飯明明講左話買下午茶26蚊點知佢比左個午餐我地收貴左我地,貨不對辦落去同佢講又話我地冇叫下午茶仲大條道理話佢地啱我地真係明明有講叫下午茶好唔掂囉今次不愉快的遭遇下次去果度食都係諗下先

今日年初一, 又想去曉麗苑既味王魚旦食野, 幫襯左佢地都好耐啦,今日只係想睇下附近仲有咩野好食..其實味皇真係我既既救星,附近新開個間(即金飯碗舊輔)勉得都吾想幫襯佢地,唉好像只做大茶飯生意咁, 我呢d成日單拖既好像找不到位置食野咁, 味皇係有三個經理, 但關鬼我事咩, d阿姐係好懵, 菜芯同芥蘭都吾識分, 我親眼見過, 但我地呢d屋村可以有這樣水準的茶餐聽又有何求呢? 凍咖啡..good, 蕃茄湯底餐都吾錯, 仲有芝士焗肉張意粉都好好味, 服務佢地不算差的了,相比另一間來說,只是其中有一兩新來阿姐無咩禮貌又懵...呢間味皇d水準算係咁架啦...

呢度d野食其實都幾okay 有幾次踢完波黎試過都覺得唔錯所以亦都肯黎食多幾次不過今日個沙嗲豬頸肉炒公仔麵真係唔得勁咸真係咸過碧咸唔係講笑好咸...個麵未食到1半已經飲完杯餐飲好辛苦先食得晒成碟野之後仲要去買野飲呢個都只係個別例子姐呢度d野食真係幾ok希望下次再去食既時候會有所改善啦PS. 個經理服務態度真係唔得有次未諗好飲咩特飲佢唔sell下有咩好飲都不特止仲走左去出餐搞到我地要叫第2個人幫我地落我覺得佢好唔尊重我地囉免得過都唔好搵佢落order 廢事受氣

下午五時半，主人與奴隸獸的工作還是沒完沒了，晚飯可能要延遲至深夜，所以在附近的食店吃下午茶，頂住一下：1. 皇牌鮮茄焗豬扒飯+ 紅豆冰（HK$25）：焗飯變成焗意粉，店員落錯單。鮮茄汁不會太酸，豬扒味道不錯，至於紅豆冰，紅豆不夠腍。2. 扎肉牛腩湯米線（HK$24）：牛腩入味、夠腍，扎肉只是行貨，整體來說味道是OK的。雖然兩款茶餐份量足夠，味道亦還可以，但店員服務欠佳（主人覺得她們在夢遊。），出錯連連，落錯單，埋單計錯數等等。使主人與奴隸獸再光顧的興趣大減。

以前叫外賣好地地,而家唔知乜鬼,例如:大碗飯冇左雞串燒,唔係就冇左刀刀叉叉.筷子,叫左5個餐,漏左個炒飯冇黎到.一係就冇羅宋湯.我已經比左好多次機會你地喇.都仲係冇改善.唔知其他人有冇咁既問題.定係我咁唔好彩呢.我要發火啦!!最衰城中米冇外賣叫.如果唔係我一定幫襯城中米.唔會幫襯你味皇啦

這間餐廳非常好。食物很新鮮!

味皇以前比我嘅感覺係好有歸屬感,好似去咗朋友屋企咁...好親切!!!食品又好味,員工雖然轉晒,都冇以前咁有嗰種感覺..宜家唔算太差,只係有幾位亞姐唔係咁有禮貌囉..叫佢又唔認人,有次仲話番我轉頭添..真係好過份.唯一一個亞姐好好,就算係咩情況之下,佢都幫我哋D客人攪番掂,又好有禮貌!味皇冇咗之前嗰幾個員工真係好可惜..唯一一個好好嘅亞姐,我印象有粒大嘅墨,皮膚黑黑嘅...呢位亞姐真係值得去一談,GOOD GOOD!!!!但已經冇咗嗰份歸屬感啦,永遠記得呢班"開方牛"只有佢哋先可以做到有"歸屬嘅感覺",唔只我講,好多街坊好多客人都係咁講!冇佢哋呢班人點會有味皇攪到禁好呀!真係..係佢哋嘅工勞....

我覺得味皇改左好多.有好有唔好啦,以前覺得入到去好似係入到朋友屋企食野.而定入到去就好似真係去左快餐廳食飯.食完就走人.冇d想留低既想法.食品幾好.種類有好多.我見到網上d人話員工好差.我都覺得唔係丫.星期日我地成家人叫左4個早餐.黎左3個已經食完既時候.第4個都仲未黎.直情冇人理我.唯一問左個舊既員工.佢就好快咁幫我跟進左.仲講左好多聲對唔住.好有禮貌.我淨係記得佢額頭好特出有粒墨.

前幾日去味皇食嘢發覺冇咗黑衫亞姐,但竟然見到多一個經理,TOTAL有三個經理?嘩!!!!!!!!唔係呀?要禁多個?真係令人覺得奇怪...都唔知味皇想要D咩,要服務呀?定係要食品好呀?佢種種都唔係囉!比客人覺得佢哋想做咩囉....有兩個內地員工服務態度好差...大聲夾惡嘅態度,嚟食嘢仲要受佢D咁嘅態度,真係令我好嬲,但我唔會好似佢哋咁,(一般見識).唔會同佢哋D人咁錯咗唔認,仲要大聲夾惡咁話D客人,真係"登"味皇頭痛,會請埋呢D員工,味皇真係令人又愛又恨呀!!!!!~~~~~~~~~~~~~~

我黃太希望味皇一一改善,食品方面要KEEP番水準,唔好時咸時淡...呢方面唔算係咩問題,唔會有好大嘅影響!服務方面太過高級,唔適合喺屋苑裡面,而係適合喺外面嘅地方,令到我哋D客人唔係太習慣!員工方面希望會揾番味皇第一手嘅員工返嚟,點解?因為本人FEEL味皇到呢一刻,員工方面比以前相差有點兒差,唔合乎樓面應有嘅態度,以前比較......第一手做得幾好,服務&態度&樓面應做嘅嘢都做到,控制各方面都做得好好,唔會好似宜家咁.....得個"亂"字....如果可以嘅話..回復番以前咁就好啦...........................................

我見到呢期有好幾位綱友發言,關於味皇,有好有唔好,但我會FEEL到有部份綱友係曉麗街坊,同我有同一評語對味皇,服務唔好,實在太好唔掂,唔會諗吓味皇員工實在好唔PRO..又好似攪到好PRO咁,唔去改善唔好講,仲揾D自己員工上綱話自己冇問題?實在唔要得.....我本人都係曉麗住客,仲要睇住味皇開,邊個做得嘢邊個唔做得嘢我好清楚...我好希望上呢個綱嘅人唔好亂禁講嘢,令到其他綱友誤以為真.....好嗎?味皇食品好好,KEEP住呢個水準就O.K啦!員工方面真係有幾位唔係禁好,特別係黑色衫嗰個,錯又唔應,仲要話我哋D客人唔喘?真係太離譜,唔只我講,好多曉麗嘅居民都係咁講......

我唔可以話味皇完全唔好..有好亦有唔好,食品或員工都總算可以,只不過其中有幾位員工唔係太好,服務太差啦,完全唔附合做樓面嘅態度,咁呢D係唔係唔好呢?尢其係嗰D內地員工同嗰位黑色衫嘅主任呀!都唔明味皇仲請呢D咁嘅員工,太差啦...比之前嗰位人士話冇咩嘢,佢仲未遇到呀,唔可以話冇呢件嘢發生呀!味皇最好食嘅嘢係佢嘅石塘咀炒飯...炒粉麵都好好,蕃茄湯又好好,不過有時係淡咗D啦..KEEP住食品嘅質素咁就O.K啦!員工方面就真係要攪攪佢啦..唔係完全所有味皇員工唔掂嘅..希望味皇睇吓食飯嘅綱睇吓其他人嘅意見啦......