和味日本料理

Open Now

Now Closed

最近黎新蒲崗番工，日日都出街搵野食，打工仔梗係最好又平又好食啦！黎到見到拉麵都好吸引，但今日想食魚生，我最愛三文魚，就試一試佢咩質素啦！黎到無諗過45蚊有咁厚，開頭以為只係薄切，呢個份量係足夠每一啖飯都有三文魚，性價比好高！味噌湯就一般般啦，下次可以試埋啲拉麵

上次工作去左新新蒲崗食左和味，今次又再去食，但宜家情況，唯有叫外賣。今次食左炸雞拉面，同樣地所有餐都跟麵豉湯，不過驚喜的佢所有野都有分開，變左一個外賣餐，有四個碗。炸雞唔錯，食到都脆，都有四件咁多，另跟上沙津醬，味道更好。不過拉面情覺一般，亦唔夠濃，不過都理解，始唔係傳統拉面店，不能比較

壽司位置那師傅，要求我們盡快離開，因為佢有另一枱客，但我們當時已差不多打算走，我覺得需然有客人等緊，但間間餐廳都要等架啦，更何況我們食了不足45分鐘，只是想飲埋杯茶就走，重點係佢無話限時食飯架麻，我坐左幾個鐘就話啫，唔明乜有餐廳要趕客走，有點過份。

岩今日行去開新蒲崗食飯，一個人唔知食咩，見到有魚生飯食就入左去，餐廳本身唔大，只有大約八張枱，lunch都多選擇，拉面，咖喱飯，刺身飯都有，價錢大約40-60，都算抵食！今次食左角切魚生飯，先黎碗面使湯，正正常常，不過都好熱，好怕凍湯，跑住刺身飯，睇到都足料，而且飯都合適，近賞有D芝麻，令到飯更香，下次再食！

疫情肆虐，唔知去邊度食好，唔敢去人多嘅地方，有朋友介紹呢間係新蒲崗開左好耐嘅小店，有得book位同留食材(唔留可能會賣晒冇得食，因為每日新鮮空運到港)，亦可以同老闆講想食咩，乜價位，睇下有冇得運嚟香港，真心超好嘅服務。一入舖頭，門口有酒精搓手液提供比客人口，所有員工戴口罩及手套，會用消毒物品抹枱，做足防疫操施。有食物要用手食，員工仲會提供濕紙巾比客人抹手，真係超細心超sweet亦比到人安心嘅感覺！唔知食乜好，就叫左omakase，廚師發板。超多食物，有凍有熱有鍋，食材超新鮮，個海膽唔係講笑，超好食，好少係香港食到咁鮮味嘅海膽！食到勁飽食唔落都未完，唯有叫老闆減少菜式，老闆都非常樂意。係超滿意嘅一餐飯！

最近都係岩一個人食飯多d, 所以小妹去左自私食。呢間野係Mikki 後面，一睇就知係我心宜既日本菜。價錢都幾平民抵食雜錦壽司盛（11件） $40 都幾新鮮 味道唔錯打卡又得

從未試過係街店食完魚生唔肚痛，超正，而家只食它既刺身，價錢超低，又可買魚頭煲湯，正正正。但它唔開星期日，唯有平日或星期六早點去食，以免太多人。三文魚44蚊有6大塊，刺身亦好足料，低食。

下午3點黎到同我地講休場，不過好幸運地話做埋我地🤤見到個午市餐牌丼飯最貴都只係$50幾，正常期望都唔會太高。最後叫左個角切魚生飯$40和壽司拼盤$40，埋單都只係$80好抵食。一黎到見到啲壽司個樣已經覺得好靚，油脂分佈好好🤤第一次覺得咁平既三文魚壽司可以咁好食👍🏼角切魚生飯都好大碗，唔止飯多魚生都好多，值得推薦。

4年前經好友介紹，開始光顧這家小店，食物非常新鮮美味，每次光顧都不會讓我失望，店舖從三張枱開始，到今年搬到對面街，擴張了舖面，更加舒適，唯一美中不足是沒有洗手間，要到附近的酒或公厠，但是為了美味可口的食物，還是可以容忍的！不能錯過，值得推薦!

從以前的細舖就一直有吃的一間日式料理，老闆和老闆娘二人努力打理，發展成一間中型店舖，真的不容易。第一次去的時間才知道午餐晚餐都是平價的和日式快餐，看起來不太起眼，但意外地多人光顧，當時它還沒有登陸openrice,想必然是一間有口碑的食店吧。我每次來都是吃omakase,老闆很細心介紹每樣菜式，主要都是刺身多，非常新鮮，連wasabi 都是親自磨的，非常有誠意特別推薦的是海膽魚子，非常鮮甜，平常我媽是不吃海膽，但每次來還是指定要吃另外試到了很少見的紅衫魚刺身，味道不太懂形容，但就是好吃大家可以來試一試

今日冇出外區咁就是但屋企樓下搵間嘢食，咁我成條街差唔多試晒，除咗呢一間日本野之外，平時晏晝都見到有啲人係出面排隊，所以我諗都可以試一試佢，咁呀都要等位，等咗大概15分鐘，入到去第一個感覺都係一啲平民嘅飯堂啊，不過入到去有一陣味，似係一啲酸酸叔叔嘅味，啲錯位偏窄，張枱真係好細我諗可以擺兩碟飯就冇其他位置，咁我哋帶咗兩個午餐一個就係角切魚生飯，另外一個就係牛肉烏冬，另外重點多個芝士年糕，魚生飯就好快上枱，味道就一般般啦，但係佢買$40嗰個性價比好高，所以我明點解咁多人排隊食飯，之後個牛肉拉麵，個拉麵就似係喺超市買返嚟嗰啲拉麵煮出嚟嗰啲味道，牛肉都係冇乜特別啦，叫做對得住個價錢囉，最後就係芝士年糕，個皮銀到爆炸，冇一份趣嘅口感，但係入邊啲芝士味道濃郁嘅，一食落去都只係嗰啲加工貨，個芝士年糕$30就冇咁抵啦，我諗呢間野俾啲返工嘅打工仔食晏晝就Perfect嘅