和府撈麵

Open Now

Now Closed

食物環境ok，但係服務👎不了～去元朗yoho幫襯，食物行先當時📸20:57，碗湯味道濃所以飲多兩啖，10分鐘內食咗1/3 D麵開始索曬湯，覺得湯太少唔好食，問可否加湯，員工一答唔可以但原因不明，員工二應該係經理，答冇得加原因一個麵就係固定一碗湯，可以加水(但碗麵已經冇湯，加水會冇曬味)佢：你話濃呀嘛。我：其實你地可以免費加個麵 都會有湯，點解唔可以直接加湯呢？佢：其實都係俾個麵你唔會有湯。我：咁索曬湯好難食倒喔。佢：其實碗麵唔預你食咁耐。我：本身po相想讚，宜家收返。佢：好呀！講完呢堆廢話影返張冇湯相係21:08.你預我10分鐘內食完埋單走？但凡你過嚟解釋唔可以加湯嘅原因加多一句“唔好意思，我地個湯固定真係加唔倒。”我就唔會咁多廢話！食物好固然重要，但服務唔好請都唔會再去。#元朗yoho #元朗 #服務比一般更一般 #沒有再光顧的魅力 #和府撈麵

響元朗YOHO MIX開左間和中式麵店和府撈麵主打養生湯麵成個環境一望就知係黎自國內品牌價錢屬於平價幾親民款式就不算多今次我就試左個養生當歸豚骨麵我仲叫左個粗糧麵養生到底朋友就試左個菇菌湯麵個麵一出成個賣相都係好住家feel似媽咪出品咁聞落，個湯好香食落，好淡味菇果個更淡以呢個價錢都收貨對我黎講只係填飽肚之選因為仲有免費續麵但一碗都夠曬份量後加在個牛肉串$32 有5串的確性價比勁高但實物就一啖肉一啖肥膏睇下大家接唔接受到

和府撈面，湯底味道偏淡，欠缺層次感，麵條口感偏軟，不夠爽彈。配料方面，肉片略顯乾柴，蔬菜種類單一，整體缺乏亮點。雖然份量不少，但味道平平，令人失望。2/5分，建議改善湯底和麵條口感，提升配料的豐富度。

當歸豬軟骨麵，有三嚿豬軟骨，湯底都有一股當歸味，喜歡藥材味嘅話應該會幾鍾意。假日12點幾去唔洗等位。有啲似中式拉麵嘅感覺🤔仲可以免費添麵，唔驚依唔飽。環境尚算坐得舒服😌

呢間麵店係新開嘅，今日試下佢嗰個蕃茄豬軟骨蕎麥湯麵，個湯味都好濃，賣相唔錯，另外試埋佢蕃茄肥牛湯麵，啲湯底都有幾款，好足料。個面個質地比較煙韌，個味道就足，整體可以。

想食呢個面好耐喇、元朗終於開左。今次試左蕃茄湯同當歸湯，香濃好味，面既硬度都好好有位又快又可以加麵 一定夠食湯麵味道好 又濃味當歸味好鬼香 香港其他地方都冇 仲有野飲送 正

元點開了多間餐廳，每次經過都會看看各餐廳的環境和食物特色今日經過和府撈麵，就入內光顧，因不是繁忙時段，我們2人坐4人位，感覺舒服。簡單地叫了一個湯麵和半隻燒雞🍜香草蕃茄湯肥牛麵$68，先喝一口蕃茄湯，絕對不鹹，也不是濃蕃茄湯，可能有些人覺得偏淡；麵條不錯，份量多；菜片好吃；唯獨肥牛有點嚡🐓爆汁脆皮燒雞(半隻)$48，半隻小型燒雞，皮都算脆，但質感有點乾，旁邊附有一碟綠色的辣醬下次有機會再試其他的食品

在Yoho Mix的一個角落，唔算難搵，間嘢標榜草本湯底，有湯麵有撈麵，上枱賣相唔錯，價錢正常，味精都不錯，可以再幫襯嘅鋪頭，唯一不足係店舖較細間，如果繁忙時間，等位可能要等得耐D。

在大陸吃過 現在香港開分店 開業來試試有冇唔同 當歸湯底必試 好味不過同枱叫左兩碗同款面 但兩碗面的湯底唔同顏色（一碗偏黃，一碗偏白）職員即刻幫手將湯底偏白的那碗換過新 服務態度很好 抵讚

🥰難怪成日都咁多人碗面看起來色香味俱全，濃郁的醬汁均勻地裹在每根麵條上，散髮出誘人的香氣。蔥花和木耳的點綴增加了色彩和口感的層次。麵條顯得非常筋道有嚼勁。旁邊的小碗中似乎是配菜或湯，可以起到解膩的作用。整體搭配合理，既有主食的飽腹感，又有蔬菜的清爽，給人一種非常滿足的用餐體驗。適合喜歡重口味和豐富口感的食客。

無意中去yoho見到有和府撈面就想試下yoho比較多食大餐嘅餐廳，見到有面店就等開張就過黎試下主打都係食當歸湯同粗糧面底 eg 蕎麥面同衣藻麵小食價錢就冇咁抵，其他食物都唔錯有時想普通食個麵嘅話唔係米線或者拉麵，呢間都係唔錯唔錯嘅選擇

今日行吓新商場Yoho Mix，見到有間環境整潔嘅餐廳。 呢間餐廳喺角落頭的。外型好似日本拉麵餐廳，入面都好多人，但因為早嚟，所以唔使等位。爆汁脆皮燒雞半隻，雞非常香，有驚喜，同酒樓嘅炸雞有唔同，佢好多肉，同埋雞肉唔肥膩，仲有手套供應，兩個人食都夠晒，仲有一個翠綠惹味辣醬可以點，好好食🤤當歸豬骨湯梅肉麵(衣藻麵加一蚊），湯底有當歸味，有啲中藥嘅味道係幾好食。又唔會好濃味，適中。北海道風味肉醬拌飯，好食！五指毛桃椰漿，好飲開業全場主食88折，好平！

尋日行過，見佢新開咗，即刻走入去試吓，餐廳環境唔算好大，但又落地玻璃望出窗外，二人座位係最多。小蘇肉：即係炸嘅豬肉條，肉質都幾嫩，一咬就開，有個酥脆嘅外皮包住，鍾意食辣嘅可以點埋嗰啲辣椒面，我都食到。牛肉串：可以揀唔辣嘅，一份有五串，一串大約有兩彈，有啲孜然味，鹹鹹地，牛肉都係易咬嘅，我仔七歲都咬得開。當歸豬軟骨麵（粗糧麵）：湯底有浸當歸加花奶嘅味道，豬軟骨大概有四粒，超入味同好腍，面底有三款㗎，我記得有粗糧麵、同埋澳洲小麥粉嘅面，另外一款係通心麵，我應該會分幾次試吓。粗糧面面質係比較幼嘅，初頭咬落去都有少少口感，而最令我意外就係佢碗麵入邊嘅菜，佢個味好特別，連口感都好特別，個味道有少少似茼蒿，但冇咁大陣味，質地有啲似菜膽咁。陳皮檸檬茶：唔係好夠凍，建議加多啲冰，同埋味道偏甜，不過飲落真係有浸淡淡嘅陳皮味，唔苦嘅，幾特別。食評總結：望上去每樣嘢都CP值好高，但其實嗌落又唔係話真係好平，商場嚟講算係正常嘅價錢。本身我嘅口味係鍾意食當歸湯麵，以前啲台灣即食麵有得揀當歸麵，我都會買返屋企食嘅，餐廳味道係唔差嘅。