唐記粉麵小食

Open Now

Now Closed

琴日係媽媽節, 我媽媽特登入屯門搵我同我and老公, 仲有3個半月大既b女一齊食lunch, 因為周圍都好人多, 所以都係同左媽媽去食車仔面, 呢間我同老公一向都有幫襯, 因為又平又好食, 但係琴日真係令我十分憤怒!!!我叫左牛腩, 豬紅蘿蔔河粉, 之後佢黎左碗油面, 我一向都真係唔食油面既, 如果佢煮錯既係米粉or面我都冇所謂, 但油面真係太油所以我叫佢幫我轉, 個寫單既女人睇返佢都真係寫左我係要河粉的, 即係係個師傅煮錯啦, 點知佢放左係廚房出面張枱度, 同事頭婆講話煮錯左我係要河粉, 個事頭婆竟然好大聲咁講: 條muk咀真係麻鬼煩既, 冇辦法架喇, 慢慢俾心機等啦!!!我果刻真係好慶, 我唔係一個唔講道理既人, 如果係我自己叫錯我冇辦法, 但明明唔係我錯仲要俾佢話我真係好唔gur!!!幾好食都係假, 我以後都唔再幫襯!!!

可能細細個食到大既關係..事實係貴左d野14蚊加到16蚊..無可口非~~但d野確實係掂!!仲有16蚊包左3樣送€~唔似得邊樣計算方式..這樣平好多!野飲5蚊..抵到爛啦!!如果你食得辣..落多d唔怕!!!!開左25年...仲未摺,大家心內有數!!!因近馬路...方便開車人士..行行下肚餓都有地方落腳!!

今日朝早出左屯門,, 十一點幾去左食我既早餐,突然有d想食車仔麵於是就去左呢間食喇其實呢間都食過一兩次嚕~~$15 三餸一麵 都幾抵食既!!!嗌左生菜,豆卜,香腸,米粉佢d蠔油好正落左好多,再加埋辣椒油就更正不過唯一唔好既就係個碗好細-,-落完d蠔油同辣椒油想撈暈佢,好易整瀉d湯....如果個碗大返少少,就方便好多喇^0^

放假專程落TM食回憶由小學食到出社會工作 最少都有十三四年入座230PM 炒場中 大約10人等位中平時食開GE 都係雜錦河 懶得簡餸又可以食晒所有餸今日就簡返D 想食GE---蘿蔔 翼尖 豬皮結果味道 不等同 回憶 有出入了 蘿蔔有D渣 唔入味 食左2~3舊都係咁 放棄翼尖入味 OKAY豬皮 本人喜歡淋中帶爽 唐記不達我的標準河粉正常 潮式辣油夠辣~正老闆娘一貫作風 冇禮貌自從搬離TM後每年都會食3~4次 仲會介紹比朋友現在有所保留 期望下次有所改善

今日放工係咁落雨，想食壽司又依然咁多人等... 最後去咗一間街邊懷舊車仔麵。羅白、豆卜、魚丸，加上味精湯同大量腩汁，真係幾OK!臨走時，覺得支蠔油幾懷舊，就順便攞個新玩具去黎同佢影幅相。點知，比我發現咗：（1）支蠔油寫住： Imported Blue Girl Beer;（2）食物標簽好掂：用粟米油、蠔汁等製造，不過係「0% fat」的低卡健康食品。真係令人廢解。

十多年前蝸居屯門有一段日子,無飯開的時候,有一半是以車仔麵充饑.經歷咁耐,售價依然偏低,根本是抗通漲價,三'食送'連麵亦不過十五蚊,記憶所及,開門時間是比當年長得多,而人流是不絕.傍晚八點,店內尚有八九成客人,秈秈牆上水牌,食品種類亦沒多大變化,反正仲想掃街,四'食送'麵再另加一碟油菜及黑水剛剛好.豬紅豬腸魷魚蘿蔔粗麵 : 未食之前先澆上自家辣椒油,雖然不及粉嶺群記芳香冶味,但總算是有誠意之作.豬紅是交來貨色,自不然水準不高,而且一夾就散,有點死咸,豬腸就鹵得極之夠味,內部肥膏一早已清理好,而且不單入味,仲好淋身,膻味就少了點,魷魚是水魷,泡發得過份,咬落尚有少許鹼水味,至於蘿蔔就選得好好,可能是近月當造,不單炆得夠淋,而且本身帶有果味的清甜,不俗.灼韮菜 : 明顯地是有點失手,淥得過火之餘,菜本身亦較老,就算加上蠔油,都幫助不大,下次都是轉澆牛腩汁好了.多年不見,老板娘依然壯健,可能是薄利多銷吧,生意是有增無減,未知下次再來是幾時?

想吃牛腩，就想到唐記。不是因為有什麼好吃或特別之處，而是因為「就腳」。外賣淨牛腩回家作小菜，要加一元作盒費。「我想牛腩瘦ｄ。」「賣野俾你仲咁多野講。」唔通我黎買野講下自己的要求都唔得？好似係老闆娘你唔o岩多D喎！好憤怒囉！都唔明點解咁o既態度仲咁多人黎食。。。除左平之外，真係冇任何可取之處！環境污糟，服務又差。不出所料，牛腩果然好肥美，要咬掉肥大部位，好費時費力，吃得一點也不開懷！而且味精又多，很口乾！下次不會再光顧！

$14一碗牛腩粉麵牛腩算得上是同區數一數二的選擇了煮得又嫩又入味(類似旺角女人街通記的口感)可惜牛筋韌了一點不單止這個價廉物美而且還有差不多十個有八個客人都會叫立雜麵加汁下次一定會試現在百物騰貴吃一頓便宜的就是替荷包著想這次給了我$14的驚喜

和斌斌看戲前來這裡吃午餐。早前看見大家的食評,所以就選了這裡。喜歡吃車仔麵的我,當然選了豬腸,還有雞腎及魚片。因見送上的車仔麵好像沒有什麼汁,所以另加了腩汁一碗。老實說,外表平凡、味道也平凡。我想,沒有腩汁的話,應是沒有什麼味道的。不過奇怪是人流不息。想必是因價廉抵食吧~

乘車回校上課前到此店來個早餐，雖然只是７時多，但店內人已不少，要在角落位置坐下來。早餐，不想吃太多肉，要清淡一點，於是要了一大堆素食。豆卜，生菜，蘿蔔，魚片，加腩汁。豆卜簡直是人間極品，卜卜吸了腩汁，一咬落去，汁咇了出來！「好味！」生菜太油，而且份量夠多！煮得不過火！蘿蔔當然入味，煮得林，吸了汁，又是好味之作！魚片可算是敗筆，差，沒有魚味，雖有７片，但不好吃，多也沒有用。此店的腩汁可算是全店的靈魂，沒有腩汁，只有兩字形容，「失色」。

翌日,入屯門教班,只代一堂.沒有很多機會會入屯門,所以上OR找一找.新墟附近只這間分數頗高,於是就找到這裡.找到這店都已經2:30,但仍非常多人,可見的確受觀迎(附近食市在拍蒼蠅)坐下,見到三餸麵都只是十四元,平到笑.於是叫了豬腸,蘿蔔,牛腩.總覺得如果一間麵店連豬腸都做得好,其他也不會太差.當然這裡的腸,是歸類較好的一間.牛腩與蘿白都不錯,這間車仔麵是可以列為食堂的地方了.雖然湯裡偶爾出現了一隻類似小蚊的物體,但食物做得不錯,我這個粗人撥走了它便是.只是最後埋單才發覺原來牛腩要加六大元......噢~

待至媽媽下班才吃午飯要平靚正此店乃附近首選12時已經人頭湧湧找位子已經很難....要找二人座位就更難醞釀了近10分鐘才找到位子坐下3餸1麵=$14但想吃吃牛筋的我決定要一碗牛筋魚片豆卜米粉=$20加腩汁後的麵食實在美味米粉份量不會太多對女仔來說剛剛好豆卜吸了汁很惹味可惜魚片不夠彈牙....牛筋則十分味美!!!不會太淋而且入味!yummy!媽媽要了一碗魷魚栢菜雞尖時菜也是$14份量頗多的化算又抵食!

話說前日同朋友打波, 之後肚餓, 緊係食唐記La, 我食左碗什錦河, 乜都有小小, 加腩汁, 正, 又唔係貴. 佢d辣油我覺得幾香, 一定要落下. 雖然個士頭婆對d客唔算太好老皮, 有時會見到佢吹d客快d講食咩, 同埋個舖位唔大, 坐得可能會迫小小. 不過我食野唔太食服務, 而且一碗咁正ge麵都只不過係十幾蚊, 話之佢講粗口小你啊, 由佢la. 食左咁多年只鐘意食佢d豬皮, 蘿蔔同豆卜. 夠入味

見到有人察呢間食評....我都引唔住琅讚讚佢啦....我都係由細食到大...至愛佢既蘿蔔...暫時係我食過最好食既~~入味,非常甜而且次次食都無渣....好耐無食啦~~原來仲係咁平~~而媽媽愛食這裡的豬皮~咁多年啦~~撐~!

去完元朗之後, 我地就剷落去屯門. 當祖安去0左做0野時候, 我就自己走0左去<唐記粉麵小食>食0左碗比較傳統0既車仔麵. 以前食過幾次都覺得好味, 所以今次再去拜訪它, 呵呵!!! 1. 雜錦米($14) ~ 包括豬腸, 豬紅, 豬皮, 蘿白, 豆卜及通菜, 仲有我另加多$3 豬腸, 雖然加0左少少價, 不過其實都好正常, 而且暫時都算抵!!! 豬腸當然係我首選啦, 入味兼有咬口, 而且不覺Dirty. 豬皮同豆卜都幾爽, 而今次唔記得走蘿白, 不是因為唔好食, 係我本身對蘿白麻麻地.P.s. 記住食之前落多d蠔油同少許辣油, 效果更佳!!!整體評價：屯門的首選!!!