嘉湖吉吉燒

Open Now

Now Closed

🔺嘉湖吉吉燒仲幾日除夕約左三五知己去BBQ倒數🥳呢間吉吉燒比美孚個間闊落好多👍🏻而且風景宜人 有人造湖景仲有好多岩晒小朋友玩樂嘅設施🤟🏻人多仲可以包vip房添！.入場包基本用具 每人一支飲品 豬仔髀或者羊架二揀一💁🏻‍♀️其他食物就任燒 個人覺得雞翼醃得最好味有D口味都幾辣下👅 羊架都唔錯 唔會太羶😋😋朋友覺得牛扒咸得滯 其他食物不過不失吧👌🏻倒數個陣仲突然間放煙花🎆好有氣氛啊😚😚

第一次喺嘉湖吉吉燒嘢食，感覺良好，再加上我幫小朋友慶祝生日，包咗個vip room(雖然只係一個貨櫃，有冷氣)服務員態度真的好好，特別門口位小姐笑容可親丶態度親暱 食物方面又唔似網上講得咁差我哋20人都覺得太食物ok 最緊要係小朋友玩得開心 有额外小朋友嘢玩，可以提供雖然要加錢但咁嘅價錢作為香港人絕對可以接受 唯一希望可以環境乾淨啲

見到新開去試下，環境的確唔錯 夠大幾舒服，不過燒烤唔係食環境，主角係食物！野食方面絕對一般，太多肉都係超級辣！完全入唔到口。有黑椒既食物又有陣苦味！黑椒雞翼同牛扒都係。係雪櫃既食物大多未解凍，想叫人點吉黎燒呀🤷🏻‍♀️食物盤只俾得一個，但拎野食又遠，想將丸同扒分開兩個盤拎都唔得，我寧願要兩個細盤，好過一個大盤。飲品又只係包一樣，水或汽水，好多都係包水及汽水。紙巾冇提供，透明手套跟人頭斷隻俾，講得好聽就環保，實際就係小家。呢個位置又唔係方便，而且易左手幾次，如果食物質素再冇改善，下場都係一樣喇。唉，諗住近近地試下，都係冇下次

一班女仔諗住揾個地方hea下、輕鬆傾下計。見好耐都無燒野食，咁岩天氣又好，於是晚上相約去『嘉湖吉吉燒』7點左右入到去無乜人，只有三、四場枱開左～地方超大！好多燈飾！一入去左邊有隻牛、右邊有個欄養龜，下面個大池塘連鴨都有，場內仲有啲貓仔、狗仔四圍走😮感覺幾得意，好似去左農莊咁，好適合親子來探索喔！每張枱之間嘅空間都足夠，每枱包兩包炭、一罐汽水、一份豬仔脾/羊架其他食物任食，丸類、蔬菜款式都好多，肉類都有齊唔同嘅扒、雞腎、雞翼、牛柳粒、魷魚⋯⋯應有盡有！不過大部分肉都餣得偏辣。不吃辣的要小心揀！

天水圍正正BBQ場 朋友 聚會 最好係bbq場啦呢度環境夠大， 通常bbq場如果個場太細嘅話會好 焗， 相反呢度同格離位相隔距離 ok喎，又唔會太逼 仲帶埋狗仔 ， 又有得打麻雀環境仲好乾淨 bbq場 最緊要係拎生食物時嘅環境拎嘢食嘅時候一定要用指定嘅碟去拎 上次見到有個女人拎住自己食嘢嗰隻碟去拎 生ge 雞翼豬扒個職員即刻 截停佢 個女人仲大大聲 大條道理講 我都係拎幾隻雞翼昨個職員再次講 熟食碟係唔可以攞生食物之後個女人唔理佢再次拎起個夾想夾嘢食職員再次講同一番說話熟食碟係唔可以攞生食物所以其實食物嘅環境真係好緊要， 希望啲人會自動自覺啦

第一次去天水圍新開燒烤場_吉吉燒！原來同美孚個間一樣！但天水圍呢間就又平又抵食假日$l60\1位 仲有豬仔骨或羊架😋食物種類都好多，天水圍假日BBQ活動之選正呀

環境寬敞，食物美味，多款款式任揀，還有免費兒童設施給小朋友玩樂！以及擁有免費大量泊車位置，可選擇VIP房適合一家大細團體聚會，仲可以有釣魚，最鍾意食佢哋嘅雞翼，多款選擇！食完唔會有口乾嘅感覺，下次亦都會再次選擇這𥚃

　　今天，天氣晴空萬里，秋高氣爽，我的心情和天氣一樣，也是那樣晴朗。我們一行十五人，有老有嫩出發去嘉湖吉吉燒。　　一路上，我高興地一蹦三尺高，大家好像剛飛出籠子的小鳥，太高興了。　　六點左右，我們把車泊在燒烤大門出面，開車時已見到前往嘉湖吉吉燒指示標語，像在迎接八方來客。很快，我們直奔到了燒烤場。我們各自忙開了。自助形式挑選食物，配料，飲料放在烤爐旁邊，服務員幫我們生火，大家將燒烤料串起來，用肉眼看見食物已經感受到的美味，爐上的火漸漸的旺了起來香味撲鼻而來，大家都一邊品嚐美食，一邊欣賞優美環境，這兒地方寬躺，感覺很舒適，提供很多兒童設施，適合大顆派對，老少咸宜 ，值得再去👍👍👍