四國壽司爐端燒手打烏冬 (Closed)

今日lunch 經過佐敦，见到间日本饭店，lunch set 亦唔貴，便入去试下。是日我選了魚鯖魚套餐$63，魚質鮮美，又香口，又大条。以這個價錢來说，份量吾細。下次经过要试試其他套餐。

今晚，我突然好想食牛，所以，就走入咗公司隔離街的四國日本料理店，叫咗網燒牛扒+一碗白飯。 等咗18分鐘後，牛扒放在桌上。 件牛扒越来越薄身又细件，一點香氣都無 ; 放入口時，肉係凍嘅！D飯唔係珍珠米，煑得又爛又糊！ 一邊食一邊非常嬲自己！！ 點解？ 因為我對别人仁慈，相信呢間店會改進，但殊不知對自己殘忍，又再一次做水鱼，經歷極度失望！其實，两星期前，我才幫襯叫咗全條池鱼刺身！ 鱼嚟嘞，黃澄澄色很濁，一點都唔晶瑩通透！ 我一睇見，已經知道條鱼係死咗好耐了。 但由於我不想浪費食物，最後迫自己食哂條鱼！ 並且，即時向服務員反應，咁差嘅食物都夠胆當新鮮刺身俾客食！當客人係傻㗎！ 以為俾機會别人改進，點知自己貼錢買難受，比悲傷更悲傷！我以後唔會再幫襯呢間店了，入黑名單！

喺得佐敦食嘢唔駛問阿貴，都一定係同同事行出來食Lunch,本身想食對面第二間餐廳嘅，但因為要等位，我哋又趕時間，見四國冇人排隊就入去。佢個午餐定食都好多選擇，有唔同款式嘅飯、烏冬、拉麵，烏冬同拉麵會跟埋三件壽司，飽肚得嚟又可以滿足埋食壽司嘅慾望。我哋嗌咗牛肉烏冬+三件壽司，同事嗌咗吉列豬扒拉麵+三件壽司，章魚小丸子拉麵+三件壽司，壽司定食同鰻魚飯。牛肉烏冬份量唔算多，冇乜牛肉，但女仔來講都算飽，男仔或大食的話可能就差啲。牛肉嚟到未熟晒，要慢慢浸熟，雖然會滑啲但始終驚唔夠熟有啲牙煙。三件壽司梗腳有三文魚，加州卷，另外一件有時會係北寄貝或鱆紅魚，睇下有乜嘢新鮮。吉列豬扒都切到6舊，男仔食會飽肚啲。鰻魚飯唔算太大碗，男仔食應該未必會太夠飽。午餐定食價錢由$50-$70+, 都算合理，上餐速度都快，都係一個返工食lunch嘅好選擇。

午市來到這間小店 坐了10分鐘也沒有茶奉上叫了午餐...拉麵等了15-20分鐘才來 朋友那個更久...可能半小時以上趕時間絕對不建議最嬲的是 可能人客多 叫了兩次加茶聽到但不做 ...行黎行去也不加茶難到這個是趕客人離開的方式？？？？？

最近中午時段都跟同事在附近覓食，這條橫街隱藏了不少小店呢。這家日式餐廳於中午時段經常滿座，我們就一於來試試；餐牌有眾多選擇，有烏冬、拉麵、刺身飯等等。我點了一口雞烏冬。雞球外皮挺薄，炸得香脆，肉質則保持嫩滑，配上蛋黃醬則非常滋味。烏冬的湯底較清淡，麵條則挺彈牙，但整體來說算普通。另外還配了三件壽司，有三文魚、油甘魚及加州卷，味道一般。午餐來說價錢算是挺相宜的，也符合食物的質素。不用加一絕對是加分之處。

今日行過佐敦諗住食日本野，見到依個d價錢都ok就諗住入黎試下。我地今次叫左3樣野食:鐵板鵝肝、北海道帆立貝手打烏冬、三文魚頭湯首先黎既係鵝肝，價錢唔太貴，燒得有甘香，水準在中上，略嫌多士唔夠脆。之後黎既係北海道帆立貝手打烏冬，個湯好有海鮮甜味，但有太多蔥搞到d湯都有蔥味，帆立貝唔太夠味，但d烏冬幾好味，有咬口。最後上場既係三文魚頭湯，個魚頭夠哂份量，個湯本身都好清甜，唔會好多味精同食完好口乾。整體黎講可以再食，但係人手唔太夠，叫埋單都要一段時間先有人手處理，同埋上菜速度比較慢，略會扣分。評分:食物:7.5/10態度:6.5/10環境:6/10性價比:6.5/10總分: 26.5/40 (合格)

LUNCH突然好想食日本料理,唔想食大集團,所以揀左間小店試下。事日LUNCH叫左燒三文魚鮫、蝦天婦羅、同剌身先講三文灸鮫,肉質解味,表皮有少少脆口,入面既魚肉仍然多汁。蝦天婦羅少漿唔會太厚,蝦亦算大隻,食落爽口彈牙。刺身夠冰凍、新鮮,厚薄適中。

間中來四國食下 平日晚上人不多質素keep到 食物選擇樣樣都有d 煙肉肉蠔串係我既至愛鰻魚炒飯 份量適中 汁較甜 但炒得好味 鰻魚都唔少什錦魚生飯 不是碗上 是碟上壽司飯係唔錯 👍 唔會太淋 唔會太黏改善：服務生可主動添水就好了

三件壽司+汁燒雞扒烏冬/拉麵($56)：$56 仲有三件壽司，好抵。烏冬唔會覺得似上海粗麵；湯底普通，有啲海帶、粟米、日本豆苗；燒雞無燶，燒汁普通好味。壽司定食($76)：通常都會跟一細碗烏冬，呢度都有(無影)，壽司有八件，夠黏唔會一夾就散，魚生都算新鮮，整體唔錯。咖喱吉列豬扒飯定食($65)：跟個麵豉湯及中華沙律(無影)；塊吉列豬扒夠脆夠鬆化，普通好味；咖喱裡面有紅蘿蔔及洋蔥，但顏色及味道都唔係我心目中嘅日本咖哩，但聽聞日本咖喱都有百幾種。

佢個Menu 有很多選擇 午餐有壽司 丼 烏冬 飯想食咖哩不過唔夠抵食就咁叫左豬扒湯烏冬食跟餐仲有三件壽司$56 未上菜先試一試個綠茶雖然係茶包但味道幾濃三件壽司 大小正常 兩個加州卷 好足料 少少暖 蛋黃醬剛好我好少喜歡加州卷三文魚都算幾肥美 略嫌佢係比較薄切烏冬湯既係麪䜴湯 偏甜鳥冬都滑 唔係話好出色但係都算可以 配件豬扒豬扒做得好出色 熱辣辣薄薄的粉脆而不油 好食因為呢個豬扒 會嚟再食相對另一個雜錦刺身飯 $74碗飯十分細 男人唔會夠食跟前菜 份量只係一啖海帶刺身切成一粒粒份量一般仲以為咁既大細會跟烏冬女仔可能夠 但寧願係壽司

喺油麻地返工之後，因為呢頭好食嘅日本餐廳唔係好多，所以LUNCH都少左食日本嘢。今次同事就發掘左一間喺佐敦嘅日本餐廳，我身為一個魚生愛好者，當然舉腳贊成去試下！今次我同同事兩個去食，好彩同事醒目一早訂左位，坐左一陣就已經全場滿座。四國午餐嘅選擇有好多，無論係淨係食熟食嘅同事，定係淨係食刺身嘅我，都花多眼亂，心大心細。最後我揀左特盛什錦魚生飯（$108），同事就食夏日便丼（花）（$90）。前菜有中華沙律，味道正常。麵豉湯都係正常水準。可惜唔記得影個沙律，沙律嘅份量同味道都係唔錯嘅！至於個夏日便丼，鐘意胡麻醬加蕃茄嘅話真係不可錯過，有一大個蕃茄滿足你，淨係賣相都爆哂分。嗰日個便丼係跟牛肉薄燒，食肉獸就未必滿意三小塊嘅份量啦！雖然我無親口食，但我都訪問左同事架，同事覺得整體味道都好好！到我嘅摯愛刺身飯，見到個賣相就垂涎欲滴飯嘅份量剛剛好，帶有醋香。刺身種類都好啱我口味，不過食落鮮味就唔太突出啦，以呢個價錢黎講就唔算好抵啦。總括而言，四國嘅價錢喺同區而言較高，刺身味道未算十分突出，不過同事對熟食嘅評價甚高，而且勝在有好多選擇，值得再去試下佢其他嘢食

夏天熱烘烘，心血來潮想吃冰涼又好吃的東西，日本菜就最好不過了!當時人在佐敦發現選擇不算很多，走到橫街之中發現這間餐廳，決定一試。環境方面餐廳的面積不算大，大概有十多張桌子，同一時間可容納二十多人，而店舖內也掛著一些日本的風景畫，增加了和風的味道。我們當日的時間尚早，所以不用排隊，但離開的時候都發現餐廳已差不多滿座，建議人多又或是繁忙時間去的話，先訂座會比較好。服務方面店員的服務十分親切，由於我們想吃的東西餐牌上沒有提供，詢問店員後，他們有主動為我們問大廚能否提供呢，而且他們有主動為客人加水，十分貼心!!食物方面菜式的選擇跟普通的日本餐廳差不多，不算特別。除了餐牌上的菜式，餐廳每日都有不同推介寫到牆上的黑板上，要留意哦!因為夏天總是胃口欠佳，所以前菜我們點了蟹籽沙律和三文魚腩刺身。(這兩個菜式都不在餐牌上，我們是另外詢問的。)沙律份量不算多，但很足料，蟹籽的份量也不少哦!一份有六大片的三文魚腩刺身，非常非常厚身，啖啖肉同油香，食完真心大滿足!至於主食方面，我們點了牛油果軟殼蟹卷，燒油甘魚魚頭及大蝦天婦羅配冷蕎麥麵。牛油果軟殼蟹卷，味道ok，但有點鹹。燒油甘魚魚頭，份量亦算多，熱騰騰的魚肉

復活節假期最後一天🐣🐣，去完shopping就打算食個日本菜dinner😋🤤😋🤤, 喺佐敦，一唸就唸起呢間「四國」， 已經係第三次來食了，頭兩次都係食lunch set, lunch set 果然係抵食啲😅😅今次食晚飯，見到價錢係徧貴的。不過係有d 質素！😌😎今晚叫咗：蟹子沙律＄50，散叫的呢個沙律跟set 嗰兜size 一樣, 唔係好抵食😢😵牛油果軟殼蟹卷$58，好味，多肉。雜錦魚生飯$98，係魚生碎，不過不失。免治雞肉串棒，$40，呢個係最好食的，肉棒多汁美味。總括都係食物不錯，但價格偏高。

港女其中一項特徵，就係三不五時就需要進食魚生補一補。當然，好少人會認自己係港女，但同時亦都好少人拒絕食魚生。今日，我和我的港女朋友就係漫無目的之下，撞下撞下撞左入去有刺身食既既手打烏冬店。店內主打既係壽司同烏冬。我地去既時候正值中午，有set lunch同烏冬套餐。set lunch主要係定食，價格大約70-100左右。而烏冬套餐約50-80左右，附加三件壽司。我地揀左兩個麵餐，一個係吉列炸蠔拉麵($56); 一個係餃子烏冬($60)。麵餐每份附送三件壽司，三件味道賣相都很好，特別係三文魚，充滿肥厚圓渾既肉感，而飯量只佔魚生既1/5，食落剛剛好; 加州卷則不過不失，始終反卷以飯為主，好難整得有驚喜; 另一件名稱不詳，都算好吃，不過怕腥的我對腥比較敏感，我覺得佢有的腥，朋友就完全唔覺腥。首次試新店，我當然要試下主打既餃子同烏冬。2款主打果然無令人失望。餃子皮薄煙靭，雖然係煎但都唔算油，肉菜比例為5:3, 咬落有少少肉汁，稱不上juicy 但好味唔膩。湯烏冬為清湯底，味道清淡，同餃子香濃既味道啱啱相反，一濃一淡剛剛好。烏冬煙靭，唔會斷到一截截。整體而言非常滿意。朋友與我評價就剛剛相反，佢點

瞓到好晏嘅星期六，進入秋天，本應出街感到一陣涼意🍂，但係今日天氣好悶熱☀️☀️，所以喺佐敦行左幾個圈....最後都係想食啲凍嘅嘢過往經過四國好多次，每次都見到客人坐都密密麻麻，所以我從來都未食過呢間餐廳，呢日下午兩點半終於見到唔使等位，就入去時一時感受下點解呢間餐廳成日都咁多人🤔呢間小店大約坐到40人左右，枱面細細亦設有bar位。店員嘅服務態度親切，好快就有店員安排座位同落單。小店除咗提供恆常嘅午餐定食，適逢天氣熱出咗夏日特色午餐，幾乎全部都係凍嘅食物。你個＄88嘅午餐有七件壽司、一個手卷同一碗稻庭冷烏冬。首先我認為份量啱啱好，星期六用＄88食到呢個午餐算係超值之選～雖然日本人係唔會做三文魚壽司，不過呢度都有港人口味嘅三文魚手卷。三文魚新鮮，紫菜隔左幾分鐘先食仍然脆，飯嘅軟硬度適中，飯醋嘅份量亦平衡得到七件壽司包括有三文魚、劍魚腩、甜蝦、帶子、芥辣八爪魚、海膽、蟹棒壽司，魚刺身厚度適中，淡味、濃味的壽司都有。相信很多人會關心海膽的味道，雖然不至於鮮甜，但沒有苦味，可以接受的。廚師沒有在飯上加入Wasabi，客人自己根據個人喜好加入Wasabi和醬油。整體來說分量剛剛好，質素不俗。冷烏冬反而