四寶食堂 (華凱大廈)

Open Now

Now Closed

粉藍色港式茶餐廳，店舖好吸引💕選擇夠多，創意新鮮配搭! 平時諗唔到食咩就會去😆 試過幾次覺得食物質素唔錯，而且真係夠晒大份☺️有晚市套餐，亦有主菜: 好似牛排/意粉 係茶餐廳都食到😛晚市常餐蔥油豬扒配菠蘿油: 之前食過佢哋嘅蔥油豬扒 大件又抵食😆 豬扒入邊好多汁，而且肉質夠嫩 唔會有一大浸豬味!! 配蔥油夠晒滋味，菠蘿油烘熱之後外脆內軟 冰火交融😍 非常正宗嘅港式口味🤩凍柚子蜜: 大大杯柚子蜜 上面仲有一片檸檬，夠晒清爽解　膩🤭

說炮台山的人氣食堂，怎少得這現時位於電氣道街市對面，有茶餐食又有麵包賣的《四寶食堂》啦。相傳，這《四寶食堂》曾經在京華道一帶營業，那一帶現時有一間人龍好店叫 "半島冰室"，翻查飲食網站，《四寶食堂》也曾在 AIA Tower 營業，而那一個位置現時也有一間人龍好店叫 "茶東西".....原來這一間食店咁好腳頭，咁我又分了兩天來，排隊入去食個好午餐。其實，我早就被這間餐廳的水門雞飯吸引住了，只是因為門口經常有一條非常長的人龍，令我每一次經過門前，都會在心中說，下次下次。這一次，天有細雨，亦因為我搭正 12:30出公司門口，人龍仍未 build up，所以不用等太耐，可慢慢享受。因為我點水門雞飯，所以包了一個湯。這應該是煮雞的湯底，加入了冬瓜再滾起，就是這一個甜甜美美的跟雞飯才有的例湯。第一次來，就是為了這水門雞飯了。濃濃的甜豉醬汁，無論是點雞食，或是滴入米飯中吃，都能夠把原本雞或飯的味道加持。雞肉嫩滑，肉質結實。是不是走地雞我唔知，但我吃得出這應該是新鮮雞，份外有雞味。改日來，我就被午餐的瑞士汁炒牛河吸引住了。而炒出來的牛河，半點也沒有令人失望。用上那特製給瑞士雞翼用的極甜豉油汁去炒牛河

今晚與朋友在北角食的是炮台山電氣道的四寶食堂。餐廳裝修企理舒適。menu都頗多選擇。拔道腩水門雞半隻$98雞表面顏色與海南雞差不多，都是橙黃橙黃的，顏色好吸引，雞肉肉質嫩滑，醬汁是薑蓉少少甜帶咸，好惹味！馳名沙嗲黑毛豬菜遠炒河$88 豬肉的份量都頗多，切得很大件，薄薄的太厚，沙爹醬味道帶甜，河粉軟軟滑滑的，拌勻沙嗲醬是很有特式的沙嗲炒河！百合雲耳炒帆立貝$98套餐，配每天精選養生燉湯及熱飲。今晚例湯是蟲草花燉雪梨，裏面有蟲草花、雪梨、排骨……等等，湯底清甜滋潤。小菜有多款，有百合、雲耳、青紅椒，帆立貝很大隻，一整隻的還連有裙邊，很新鮮，都頗鮮甜，小炒都炒得清新惹味！巴拿馬火腿星洲炒米$98 星洲炒米炒得很有星加坡味道，特色的咖哩味頗濃，大約有小辣的味道，星加坡的味道~~也要了飲品杏霜及凍檸蜜~~~

去到北角揾野食，入到內巷見到四寶食堂，人頭湧湧，就同朋友入去試吓啦！胡椒粉絲大蝦煲：這道菜以新鮮的大蝦為主材，加入了粉絲和胡椒粉，燉煮出來的味道十分鮮美。蝦肉鮮嫩彈牙，粉絲融入了湯汁的味道，胡椒粉則增添了微辣的風味，讓整道菜更具層次感。此外，菜品呈現的煲仔造型也增添了視覺上的享受。蜜椒金薯牛柳粒：這道菜以嫩滑的牛肉粒和金薯為主材，配以蜜椒醬汁，味道鮮美多汁。牛肉粒經過快速煮熟，口感十分嫩滑，搭配上金薯的甜味，再加上蜜椒醬汁的香辣味道，讓整道菜的口感豐富多樣。招牌熱狗：這道菜是食堂的招牌菜之一，以熱狗為主材，外層包裹了一層酥脆的麵皮，味道十分香脆可口。熱狗的內含兩條香腸，口感鮮嫩，再加上麵皮的酥脆口感。馬拉蘿炒通菜：這道菜以通菜和馬拉盞為主材，一起炒製而成，味道清爽可口。通菜的口感脆嫩，辣味和通菜相得益彰，整道菜的味道非常平衡。此外，菜品的色澤也非常鮮艷，讓人看了就有食慾。

相信大家對呢間都唔陌生，以tiffany blue為主調，提供多款中式料理，仲有新派特色嘅all day breakfast配菠蘿包添🫣 餐廳環境光猛，卡位闊落，店員服務態度有禮，令人感覺舒適～ 菠蘿咕嚕肉係呢度嘅signature，外皮帶點微脆，掛滿酸甜嘅醬汁，咬落去啖啖肉，而且有拔絲效果，雙重滋味絕對令你回味無窮呀，性價比甚高💕 台式三杯鮑魚雞煲同樣出色，香味四溢，感覺有啲似麻辣雞煲，雞肉嫩滑多汁，味道濃郁但唔會覺得好油膩，配飯一流😋私心推介孜然京蔥爆炒羊肉片，羊肉片份量十足，羶味啱啱好，感覺好有鑊氣，配上京蔥都幾match！韭重滑蛋炒蝦仁簡單又美味，蝦仁大大隻好足料，彈牙爽口而且唔雪味，炒蛋軟熟幼滑，加埋蔥花令到整體口感更加豐富，值得一讚嘅係呢度油唔多，感覺比起出面健康🍳菜心苗炒班球色澤鮮豔，菜心綠油油，新鮮帶咬口，班球滑溜，多肉，唔腥，搭配唔錯🤣 魚湯蠔仔肉鬆浸白菜仔都幾足料，魚湯鮮甜，蠔仔飽滿，白菜仔無苦澀味，兩款都係健康之選👍🏻

呢間餐廳係走平民路線，中等價錢但野食水準超高嘅茶餐廳👏🏻🎊佢每日都會有唔同嘅晚餐set, 仲要有埋燉湯😄燉湯亦都好足料，飲得出係用時間餚出嚟嘅老火靚湯🍵拔絲山渣汁菠蘿咕嚕西班牙黑豚肉（必試！）不單止賣相靚，仲要連啲咕嚕豬肉都真係靚貨，食得出肉質好嫰，個醬汁調得好，係高水準👍🏻星加坡黑醬油胡椒粉絲大蝦煲呢個係我第二個最愛🤭🩷 粉絲做到超乾身但十分入味，又唔太咸，而且大蝦真係名副其實好大隻，好鮮味🦐嘢食火候十足，分量十足有位男經理超級好態度，真係要讚一讚👏🏻👏🏻👍🏻👍🏻

今日黎到炮台山，人生路不熟以為無咩好食點知俾我搵到呢間四寶食堂，非常驚喜餐牌有好多選擇，多款小菜，豬雞牛海鮮都有拔絲山渣汁菠蘿咕嚕肉咕嚕肉做到好酥脆，表面佈滿山渣汁酸酸甜甜好開胃肉質軟淋，好重肉味係高質既水準菠蘿擺設好有心機必點粟米石斑球晚餐套餐會有養生燉湯同白飯好抵食湯好濃郁，絕不馬虎石斑球份量好大，已經去骨啖啖肉食得好過癮粟米汁濃得已經可以叫做粟米羹瑤柱鮑魚福建炒飯福建炒飯好足料竟然仲有鮑魚食得好惹味！

祝願大家復活節快樂😊近排天氣反常😫放假先黎落雨真係好唔掂😖屋企人都懶得煮之下😫搵間靚靚餐廳食個晚飯仲好🤩我地叫左兩個套餐😍豐富😝每個套餐均有養身燉湯➕家常料主理主食➕米飯養身燉湯🤓同米飯🍚 套餐$28呢款燉湯好滋補😁用心製造靚湯品🙂性價比高🙂鮮甜美味😘木瓜同瘦肉份量十足😍拔絲山渣汁菠蘿咕嚕西班牙黑豚肉 $108真係摩登小菜推介😃咕嚕肉每一舊都好大件🙂咬落香脆😝配合拉絲的醬汁😄青椒紅椒洋蔥作配菜😛還有鮮甜的菠蘿作最佳的伙伴☺️色彩繽紛在一起😊做到酸酸甜甜🥰啖啖滿足😋栗子鮑魚雞煲 $108呢款菜式都好暖落我的胃😉雞煲香噴噴😲上枱時滋滋聲🫢雞肉嫩滑同栗子炆得美味😬鮑魚仔有數粒😂超正🤗飲品方面😎我地叫左兩款🥳熱情果冷泡紅茶 $38味道清新又唔甜😙好特別的感覺😜凍咖啡 $21都係茶餐廳有的飲品🤪食飽飲埋杯嘢🤠滿足🤓📍 四寶食堂 (北角)🔍北角炮台山電氣道258號華凱大廈地下C及D號舖

每逢去炮台山都經過呢間Tiffany blue冰室 門口專售麵包櫥窗吸引到大家嘅視線我放假日係平日嚟 差唔多早上十點都要排隊可見呢間冰室響區內都幾有人氣 排左一陣約五分鐘 職員就安排入坐 都非常勤快 揀左板燒美式薄牛扒早餐牛扒好大塊 又唔會靭 點少少配嘅燒汁好滋味配栗米粒 火腿。本身配丹麥牛油厚多士 +$8可以轉脆脆豬 好耐冇食期待已久嘅菠蘿油加$8可以有得食香脆煎雞扒 炒蛋 栗米 火腿早餐香煎雞扒都唔細 炒蛋夠滑 又係+$8轉左菠蘿油 香脆外皮菠蘿油係熱熱地加冰凍鮮牛油一凍一熱囗感十足咸牛肉蛋三文治🥪好厚蛋牛 好大件夠傳統嘅味道蛋撻香脆可口嘅蛋撻忍唔住食佢熱奶茶港式香滑花奶配紅茶底有埋掛杯正熱咖啡港式咖啡夠回魂#四寶食堂#炮台山四寶食堂#北角美食#茶餐廳美食#香港探店#香港茶餐廳#香港茶記#茶記早餐#熱奶茶#炒滑蛋#菠蘿油#hkfoodsnap #hkfoodblog #hkfoodie #hkfoodshare #hkfoodblogger #hkfoodlover

四寶食堂今日喺北角做完嘢，見到有間茶餐廳，環境同埋裝修企理乾淨，當然要入去試吓啦喜哥蔥油豬扒太陽蛋飯見到佢嘅招牌菜當然要試吓啦，上台都見到佢哋嘅豬扒大大塊，一隻手掌咁大，豬扒仲要非常之厚嘅，食落豬扒有香味，師傅煎得啱啱好而且熱辣辣非常好味，配上蔥油更加係未到突出，另外太陽蛋，用上日本蛋食落口蛋味十足，成個File度性價比好高，依個價錢食到咁大嘅份量絕對難得#四寶食堂 #香港美食 #銅鑼灣美食 #北角美食 #茶餐廳美食 #香港美食 #香港茶餐廳 #香港茶記 #香港探店 #港式餐廳 #香港必食餐廳

趕及下午茶時間，就點了：1）照燒鰻魚玉子熱狗併炸薯條，跟熱飲品~ 賣相也不錯，熱狗真的很大，雞蛋也滿滿。 不過，可惜的是：鰻魚在哪裡？ 找了很久鰻魚粒或鰻魚碎也不見。 於是再看看餐牌，查究一下是否我們看錯~ 本身是沒有鰻魚的。 但看清後，無錯喔！ 是照燒鰻魚玉子不是鰻魚汁窩！於是，問店員，他解說，只是用了鰻魚的汁，但我們反駁：如果是這樣，就不能寫鰻魚去誤導客人，有違廣告不符合商品窩。 於是，店員說： 如果不想食，可以換過另一款熱狗給我們。 但我們已食過，而且我們的不滿，只是想告訴不可以這樣做生意，既然沒有鰻魚就不要寫有咯！@ 後來，不死心地尋找很久，終於被我們發現了 ~ 一片很小的鰻魚皮~ 🤣 @ 2）瑞士汁雞髀併菠蘿油，跟熱飲 ~ 雞髀算大，味道正常； 但菠蘿包很大，可能是空氣包，所以，牛油顯得非常小，但都算OK。 ~ 總括：食物的質素一般，但份量收這個價錢算是平了 ~

人來人往之《四寶食堂》今早出完妝，梗係要對自己好d，所以同拍檔都要食好d，去左茶記既《四寶食堂》，早餐都要排隊就知食野真係唔差得去邊，都唔係等左好耐位，等左5mins左右就入得，早餐都幾多野揀，我同拍檔叫左：雞扒炒蛋配出前一丁、美式薄牛扒配出前一丁(加左塊午餐肉)、墨西哥包雞扒同牛扒份量算大塊，雞扒幾滑，牛扒出色一d都唔韌，炒蛋非常滑，公仔黎講出前一丁一向無得輸，面質爽，午餐肉係厚切，墨西哥包內有奶黃餡料，口感同味道豐富。

四寶食堂越開越多，今次去咗炮台山分店食晏，晏晝一樣要排隊，不過好快就入到去喇。呢間分店仲有麵包賣，估唔到連麻糬包都有喎！午餐都好多元化，價錢都合理。喜哥蔥油豬扒太陽蛋飯（$65）- 呢係個係招牌菜，所以一定要嗌。煎豬扒勁厚身，仲係即叫即煎食落有口感得嚟仲唔覺硬同鞋。加埋隻太陽蛋，蛋汁撈飯無得頂。皇室咖哩牛肋肉飯（$68）- 咖哩好香好惹味，牛腩又腍又入味，份量都唔少，就連薯仔都畀咗好多，餸飯食一流。

星期日3點幾到，排咗15分鐘隊到就可以入去。下午茶餐又平又多選擇：1. 瑞士汁黑毛豬扒炒公仔麵（$52）88/100居然唔係用平時一般嘅啲豬，係用黑毛豬，材料比一般茶餐廳靚，但係價錢都係52蚊，超值！個瑞士汁好好味，有八角花椒嘅香味，唔係死咸，豬扒同啲麵入曬味，推介！2. 香煎香草豚肉眼配炒蛋及沙律 （$45）92/100豚肉眼特別淋，但唔係嗱到鬆晒嗰隻，都好香豬味，炒蛋好滑，正！3. 瑞士汁雞脾配菠蘿油（$42）95/100見到差唔多枱枱都有叫菠蘿包或者菠蘿油，所以試下個下午茶餐搭隻瑞士雞髀，菠蘿油真係好出色，菠蘿層皮好脆，個包好軟熟，夾咗一大塊牛油真係超超超好食，必食推介！4. 蛋撻（$9）95/100層皮鬆脆，蛋漿好香蛋味，好好食！

嚟到炮台山四寶食堂食lunch, 呢間餐廳非常受歡迎，排隊排咗10幾分鐘先入到！門口有好多款包買，個個都好大件，我嗌咗菠蘿油同埋麻糬波波（紫薯同綠茶味），菠蘿油同麻糬波波都非常大個，個皮好脆！我嗌咗個黑蒜叉燒滑蛋飯（走蔥），碟飯一嚟就聞到好香，特別係黑蒜油嘅香味四溢，一般叉燒滑蛋飯都配豉油，原來同黑蒜油都好夾味。蛋同叉燒嘅份量好多，啲蛋好滑，食唔晒成個飯！如圖所見，豬扒飯塊豬扒非常大塊，煎得好香！ 整體嚟講，呢間餐廳大件夾抵食，坐得都舒服👍🏼