回味無窮

Open Now

Now Closed

今日嚟到葵芳，想平平地係tea time食個飯，又唔想走去大x樂等嘅快餐店，見到有間鋪有16蚊一碗飯賣，就試下佢嘅秘製雞扒飯配秘製咖喱汁。如果唔想食飯都有烏冬同面𢵧。由於店面太細，只可以門口立食/外賣找走。本身打算叫黑椒汁的，但係諗諗下叫茶記都唔係間間咁正嘅黑椒汁，點解唔試下打曬星嘅秘製咖哩汁呢！？呢度啲雞扒冇咩特別，唔係炸嘅，皮唔脆，肉都唔滑。啲飯唔硬，由於用嘅係珍珠米，所以比較吸汁。至於咖哩汁先係呢個飯嘅亮點。店面寫呢度嘅咖哩汁用24種香料整，我食落甜甜地，辣辣地，係幾特別，有啲似以前係西灣河個間魚旦嘅味。總括嚟講係飽到肚嘅平價飯。有機會會直接試下呢度啲咖喱魚旦。

「長期糧尾」的CK買了頹飯過月尾……葵涌廣場的「13蚊飯」。【回味無窮。粟米肉粒飯】相信是不少學生哥的福音。雖然營養價值可能不達標，但用來填肚子算是不錯的拉。飯底夠多，有2人的份量啊。有時懶煮飯懶洗碗，會索性買個飯，烚條青菜，再加點小食。餸的醬汁亦不吝嗇，完全蓋過飯面，不會出現食白飯無汁的情況。白汁的味道尚可，只是粟米及肉粒有時會略少。但將貨就價，尚可接受。

芝麻糕 ＆ 紅豆糕 各💲5 @ 葵芳回味無窮行過見到厚厚既芝麻糕、紅豆糕、桂花糕等，十分吸引，買左2舊試下。放出黎枱面賣既係5蚊，而係雪櫃既就收6蚊舊。😶 芝麻糕芝麻味尚算可以，質地會較粗糙，但可接受。紅豆糕有紅豆香，但紅豆份量不多。兩款糕點味道都偏甜。

每次走到2樓，都必定要來一串回味無窮的辣味魚蛋！（$6/7粒）今次黎到大約10pm，姐姐已經收拾緊，食物開始清空，好彩仲有魚蛋賣！ 「唔該～一串魚蛋，辣既唔該！」 魚蛋質地是我喜歡的質地，軟實且十分有「咬口」。細細粒既魚蛋配上秘製辣味咖哩汁，簡直係100% match！好夾呀！秘製醬汁甜甜地，又咸咸地，仲辣得好過癮添！無食開辣既朋友仔，怕辣既朋友仔，就食番原味、唔辣既啦haha！但好似我咁鐘意食辣既朋友仔，就一定一定要試下啦！

來到葵涌廣場，一定要來到這裡買串魚蛋，光看人龍就知道這裡的出名程度，足足排了五分鐘才到我。咖喱魚蛋$6有7粒，不要看它細細一粒，口感結實有彈性，魚蛋有魚味，咖喱汁比較辣，但是越吃越上癮，正！相對於魚蛋，雞扒就顯得遜色不少，肉質鬆散而且淡而無味，可以不試。

店名:回味無窮地址 : 葵芳葵富路7號葵涌廣場2樓C83號舖好味指數：8／10價錢：$18日式咖哩雞扒飯每次泥葵芳行街，我都一定會食呢間。貪佢又平又好味，十幾蚊一個飯食到飽飽，簡直係窮人恩物😄😄以前仲可以揀魚蛋個隻咖哩辣汁，但因為繁忙時間無得揀😢不過日式咖哩都唔錯呀, 食落甜甜地又唔辣, 飯粒是用了珍殊米, 粒粒通透！魚蛋$6串，彈牙又入味, 加埋落去岩岩夠飽。如果你咁岩一至五11:00-2:00仲可以加$6有一串魚蛋+一串腸仔，可惜我呢D打工仔一定無機會有呢D福利😂😂😂提提大家，由於附近好多學校，繁忙時間都要等幾耐下😊😊

咖哩魚蛋(7粒) $6黎到葵涌廣場梗系掃街啦見到呢個檔口面前企咗好多人又見到啲魚蛋只不過係$6有7粒就打算買黎試下一開始睇落覺得好細粒點知食落覺得好彈牙 同埋係好辣架如果唔食得辣嘅話 就最好嗌唔辣嘅但正因為佢份量唔算大所以當小食咁 填下少少肚都幾好勝在價錢平 同埋夠辣夠彈牙

曾有不少報章雜誌介紹過一間位於葵芳廣場內的廉價小店「回味無窮」,當中有讚有彈，讚的是由於價格便宜，十多元就能有一個麵/飯。而彈的就是他們的創意魚蛋飯、燒賣飯，其實除了這兩款創意款式外，還有很多不同款式的，就跟大家分享一下除了飯類，還有意粉、撈麵、烏冬及拉麵供選擇，而配料方面，較特別的有雞翼、豬扒、雞扒、肉醬，魚蛋、燒擇、肉粒、海鮮及牛肉等～種類繁多雞扒拉麵 $17［評分：6.5/10］雖然似是一碗小撈麵，但原來也有一包拉麵的份量，再配上約4份1件鹵水雞扒，切成4件，原以為可再選配醬汁，但原來拉麵是蒜香的，就是用了印尼撈麵的醬汁，質感較乾。拉麵入口尚算軟滑，粗幼適中，富少許口感。而雞扒肉身頗厚，但鹵水味不算濃郁，而且不算嫩滑，份量當然也不太足夠，吃完一個後不算太飽，看來還是飯類比較抵吃，比拉麵平一點之餘又比較撐肚，但當晚9時後白飯已沽清，只餘下意粉、拉麵及撈麵，所以想試就要早一點了～回味無窮 (葵芳)葵芳葵富路7號葵涌廣場2樓C83號舖～～～～～～～～～～～～～～～總消費：$ 17味道：6.5/10環境：6/10服務：6/10衛生 : 6/10抵食 : 8/10

為左俾大家知道佢地差劣嘅生意手法同態度, 我專登開個account順便發洩下! 太激氣啦! ------------------------------夜晚9點幾買蜜糖雞翼, 我俾完錢擰轉頭就咬落去, 嘩! 硬到好似石頭咁, 仲難過牛肉乾, 完全食唔到! 唔知係擺得太耐定係番煮番叮, 總之正常人都無可能食得落! 我就轉番身原隻俾佢睇, 然後好有禮貌同個阿姐講:"姐姐, 你d雞翼好硬, 我食唔到, 換過第二d得唔得?"佢竟然話係:"凍左啫"我話:"唔關凍唔凍事, 係d雞翼有問題, 硬到咬都咬唔到!"佢仲好意思講:"你咬過無得換啦!"嘩, 即刻火都黎 , 我唔咬過點知有問題呀? 我再講:"你賣剩成盤都唔要得唔賣得俾人啦, 叫人點食呀大佬!" 我咁好態度同你講番, 又唔係要退錢, 叫你換第二d啫, 就黎收舖都唔係賣呢d俾客人呀嘛! 其實你求其換第二樣俾我都得啦, 真係唔肯換嘅就態度好d講句唔好意思我都接受丫, 但宜家係死雞撐飯蓋唔肯認錯唔肯負責囉!! 呢刻已經唔係錢問題, 係佢地經營手法同態度都好有問題, 我好嬲咁掟番d雞翼喺枱上面, 同佢地講:"硬到咯咯聲嫁, 你食丫! 都唔

係呢頭ge寫字樓返工, 成日都幫親呢間, 主要因為平同夠飽.味道就唔可以話好好, 但係一分錢一分貨我明白.平時鐘意食佢既粟米汁 同魚旦 飯好多 好飽 不過唔夠汁 有時會唔小時候心重手左 好咸一星期都起碼食佢3餐, 但係呢次令我好失望買飯要去右邊同個懷疑係老闆娘ge太太落單.某日想試下新野, 其實都唔係錢ge問題, 想make sure佢唔好比錯野我點知問完,佢意為我係因為價錢貴5蚊而問.好冇禮貌咁大聲同我講 "小姐啊, 呢塊雞大塊d更係貴d 架啦"我就免得同佢嘈落去, 就話算數.等飯其間, 老闆娘不停係自言自語 咁大塊d更係貴d ga la, 其實要加價lor, 冇錢賺啊, 我真係諗緊加價".直到飯攞完, 行左去附近睇野, 再經過返黎, 都仲係到講緊.

葵涌廣場二樓有一條短短的食街, 其中這間回味無窮亦由小鋪裝修至大舖, 所售賣的十元碗飯是平絕葵涌廣場, 難怪放工放學時間都會令那條小食街逼得水洩不通。除了魚蛋燒賣、碗仔飯, 自家製糕點亦是回味無窮的暢銷品, 所賣款式有: 芝麻糕、紅豆糕、馬蹄糕、桂花糕。簡單來說除了桂花糕及馬蹄糕外, 其餘糕點都是吃得出滿口粘米粉的粉味, 糕質亦較粉腍, 是比「糊」好一點；芝麻糕的芝麻味道並沒有預期般濃味, 而紅豆糕的紅豆粒是夠硬, 也帶咬囗；桂花糕的甜度頗低, 質地散散, 桂花味是不大散出。

如果不熟路不怕找不到, 因為有魚蛋香味帶領著你到這裏排長龍~永遠都有龍在是真的.蜜糖黑椒腸仔 - 黑椒味不夠多~蜜糖雞翼 - 剛剛加了蜜糖實在太甜了辣魚蛋 - 不覺辣但香味足夠, 可能是與蜜糖混在一起吧比較失色了, 但有飯有意粉賣的頗特別~

仔女到葵芳探班，咖喱魚旦是不能缺少的小食。每次光顧也必定過了8點，因為不用排隊。已前吃過生腸、燒賣，真的很一般，魚旦則是值得推介。所以每次10元咖喱辣魚旦，用紙杯裝，有少許汁，很方便咖喱香味就.....不用多講，其本由新都會天橋進入葵芳廣場，必定聞到，我女兒一步入葵芳廣場就話"好香咖喱味"。魚旦也彈口，但比較地下車仔麵啲魚旦，我則較喜歡，如果兩者合一(車仔麵魚旦加回味無窮咖喱汁)，深信味道會再上一層樓。Yummy Yummy10元12粒魚旦 - ok

約了中同行街，中同介紹呢度既魚蛋要了一串魚蛋 一串燒賣而中同就要了兩串魚蛋魚蛋是細細粒實淨的那一種食咖哩魚蛋，用呢款好過較大兼彈牙果款咖哩，鋪前有張紙好似話係用廿幾種香料整事實係點唔知啦不過隔2.3個鋪位都聞到陣味係真既燒賣唔係落豉油，而係同魚蛋一樣撈咖哩汁個人較好蒸到稔曬而呢度既燒賣對一般人黎講就應該剛剛好人流很多，所以食物都算新鮮，唔似其他鋪頭整完就咁擺係度幾個鐘

又再食砵仔糕啦, 這次試了人氣店, 真的要排5mins隊.砵仔糕不是店舖即做的, 是已製好交貨在此店賣的, 但是, 砵仔糕是微暖的, 有一層膠鋪面, 衛生可接受.味道方面, 紅豆幾多, 夠林, 而黃糖砵仔糕軟硬適中, 口感好好, 值得推介.