地道館車仔麵 (Closed)

聖誕節假期約咗朋友去旺角行街超多人，行到攰晒想揾個地方食嘢坐下休息下啦，處處都係人群！原登打士街行到砵蘭街，見到有間車仔麵少D人，立刻走入去坐下叫凍可樂解下渴先。然後慢慢睇下有咩啱食先，32蚊3個餸OK喎，咁我要咗油麵加5個餸，雞中翼好入味又唔鞋，蘿蔔無渣又清甜，魚蛋食落原來有果皮味， 好味酸齋和水魷魚，再加秘制醬汁要少辣，成碗麵都好好味。食完埋單再行街街，同行的朋友之後話呢間D車仔麵食完唔口渴喎，下次可再幫襯！

我都幾鍾意食粉麵架～ 今日午餐同朋友仔叫左兩碗4餸車仔麵整體唔錯。。。 仲有少少菜送tim麵份量很足🈵鹵水雞翼大大隻, 豬腸, 麻辣豬肚夠哂入味, 正呀! 蝦條😋清湯底 + 秘制辣汁👍😋, 食完不會太口渴最後職員阿姐推介。。。豆漿, 好飲, 不會太甜, 最啱我✌✌✌店舖不太大, 坐得舒適嘅, 環境衛生👌, 職員熱情有禮👍

麵:我今次食幼麵, 麵質唔錯, 食落幾爽, 我覺得佢尐幼麵好柔軟，唔會硬果隻，又入到味湯:有4種湯底, 我選擇左咖哩汁, 聞起上黎好香 有少少鹹, 但可以接受，個人覺得OK！我覺得如果個湯淡會唔好，因為我喜歡食蘿蔔, 豆卜之類 d汁索晒入去先夠入味，鍾意鹹鹹地既湯底就岩晒蘿蔔夠晒熟同林，又吸到d汁豆卜:入哂味雞翼:鹵水汁煮得好入味, 雞翼係我至愛，所以食車仔麵我都會叫埋豬大腸：乾淨，最重要爽口最後我覺得食車仔麵30幾蚊仲有埋野飲都算抵 , 味道都唔錯, 店員都有禮貌。 只係地方細左少少, 店內有電視播放 仲要係電影台 唔係CCTVB