多寶樂茶餐廳

Open Now

Now Closed

哩日lunch 入左黎哩間, 見到d 午餐$28 一個都ok.睇左陣個餐牌, 覺得冇咩特別想食, 盅頭飯又驚好似酒樓o個d 咁細又少餸. 但最後都係叫左盅頭飯, 因為見到"窩蛋牛肉"就開眼了.睇個盅以為份量都ok, 但食到最尾真係食唔晒咁濟. 勁多飯, 加上塊牛肉勁大塊飯蒸得唔夠硬. 如果再硬d 更好. 豉油唔夠多, 中途要問佢拎. 但原來隔離台都有人想加. 證明唔係我自己問題塊牛肉真係好勁. 佔1/3個盅咁厚, 份量實在驚人味道亦唔差, 好爽口好彈牙, 唔會話好咸/冇味, 味道岩岩好.窩蛋係成隻生蛋打上去, 如果唔食生蛋就唔好叫啦. 我就勁鍾意食!由於盅飯太大盅既關係, 食食下會覺得得塊肉餅好寡, 所以後期會唔太想繼續食落去.奶茶唔夠滑, 但奶同茶份量岩岩好. 糖亦都落一包就夠甜.個湯係跟餐送既, 但係佢唔記得送過黎. 之後見隔離台個個都有先問佢拎個湯都幾夠料, 冇乜味精, 唔錯呀!$28 幾抵食, 有湯有野飲. 大大份味道又唔錯

送過弟弟，乘車到上環買船票準備下星期過澳門玩。完成任務後，便在上環附近找了間茶餐廳醫肚。叫了牛筋麵和凍檸荼，來到時卻看不見麵有牛筋，全是牛腩，喚了伙計一問是不是弄錯了，他說沒有，是牛筋麵，但我說真係一舊筋都冇喎，幸好他也願意幫我更換。換過後的牛筋麵，變咗沒有腩，真好。麵條彈牙有勁，沒有鹼水味，牛筋夠入味亦炆得好腍身；只是湯底濃了一點。這間茶餐廳的凍檸茶調校得不錯，茶味雖不算濃，不過檸蒙和紅茶兩者的味道十分均勻。

16/4 lunchhoney話想食蒸魚喎,不過响中環區1d都唔易囉.(問同事佢話呢度有,1於嚟試吓)佢呢度有d lunch set有9款揀.(連例湯同熱飲,好似全部都係$27)我要咗香茅朱扒飯(雖然得1塊朱扒,但size都幾大,朱扒唔會乾憎憎,可以接受.d飯淋咗d豉油,幾好)honey要咗梅菜蒸魚腩(梅菜唔多,得少少,但魚腩反而有3大舊喎,幾好)跟set既例湯(1細碗仔)係祛濕排骨湯,味道ok,飲咗唔覺口乾.另外order咗碟芥蘭($10)再轉咗2杯凍飲.service同環境1般快餐店囉,無乜意見.呢餐埋單都係$68,好抵,一定會返兜.

放工, 因為中午食得不多, 病情有點好轉, 食返少少野頂一頂肚.路過, 見到仲有下午茶餐賣, 就叫了一份雞翼沙律. 以前繁忙時間黎過, 食既野只是快餐店門面東東, 沒有特別可言. 小小茶餐廳, 有兩個靚仔在服務, 相信是老闆兩個仔, 放學後幫屋企手. 雞翼沙律其實冇乜特別, 不過雞翼炸得適中, 冇炸到乾柴咁(之前份工, order過灣仔D外賣試過乾柴雞翼).下午茶餐賣到八點, 都幾特別, 夜晚輕食少少野再出去浦, 找到地頭了

奶茶,香、濃、滑!是中上環一帶堪稱第一(但偶有失手...)豬扒,亦堪稱一絕.但比較孤寒,質量較少...地方有少許不潔.價錢中等.

lunch hour,方圓十里o既食肆都排長龍,淨係喱間仲有大把位,都知咩事,但工作繁忙,冇辦法.叫個肉醬雞扒飯,顧名思義,肉醬雞扒飯=肉醬飯+雞扒,肉醬唔知點解係非常之甜,完全不能接受,又無厘頭加草菇o係裡面,有陣"up"味,雞扒一塊,細塊過乜,姑且稱為雞粒,好心就唔好放落去喇,得啖笑!!!連D飯都有陣"行"(讀音為"hong"第二音)味,成碟飯完全徹底失敗.PS: 見到隔離位亞叔叫碟牛腩飯,可以想像o個隻牛係被虐待至死,所以攪到個腩散收收......PS2: 請將味道個評分改為負4分.