夠彊美食

Open Now

Now Closed

小弟幫朋友慶祝生日, 佢又鍾意串燒, 所以先食意味, 再特登去呢間, 因為鍾意新疆孜然味, 去之前仲懷念北京, 上海, 蘇州既羊肉串. 充滿期待.點了7串, 但只來了6串, 明明2串雞軟骨, 只有1串, 無點翠瓜, 偏偏有1串. 少左串尤魚仔, 要我追問先有, 都唔明跟單做, 男師傅都係做錯......講番味道, 好同意樓下版主所講, 同北方既惹味仲差好遠, 聞2聞, 係幾香, 但唔夠味道, 一味問我地要唔要辣, 其實正宗新疆串燒, 唔係好辣, 係有濃烈既香料, 胡麻, 孜然味, 肉又唔見得好有肉汁, 仲有幾味係微溫.價錢平搭夠, 俾50分.

個老細成個新彊佬咁嘅款~門口又成曰寫埋ｄ好搞笑嘅語句~基本上大部嘅串燒都試過~今晚二等兵話未食飽所以帶佢來試下~食左雞翼,雞軟骨,羊,豬頸肉,魷鱼‧‧‧~同埋水煮牛肉米線!!!什麼雞湯米線~水煮系列米線~七里香~成日有ｄ你意想不到嘅野食~係香港來講佢嘅串燒算中上~但燒功略遜一籌~可能太多人食啦~最OK係豬頸肉同雞翼~過碗水煮牛肉米線就......港式中的港式!宵夜間中整翻串都可以嘅~

見到這裡有不少好評，於是便來試試，見到鋪頭真是好細，但食物又真系得喔。見到有水煮牛肉米線，因為我喜好川菜，立即就叫了，並注明加辣。女友叫了個少辣的水煮魚米線。米線辣度夠，也有一點麻，若再多一點花椒麻辣一點會更過癮，但即使這樣我都已經一邊食一邊出了一頭汗。牛肉不是薄切，韌了點。魚不錯，骨頭已起了，食得更舒服，也沒有腥味。米線最好的是下了大量蔥蒜、辣椒、西芹等，一時間濃烈的味道攻陷了我們，刺激非常。接下來追加了串燒，問要不要辣，自然是要啦。串燒下了辣粉和孜然粉，卻又搽上蜜汁，味道好像有點不夾。鰻魚，竟然是厚身的，喜出望外，和蜜汁夾，算肥美。豬頚肉也不錯，不干，肉質尚爽。冬菇，大大快，好食。羊肉不夠肥，食起來干干的，巴依的好多了。雞肉是胸肉，也是干干的，不推薦。食完了卻完全不覺得辣，可能是串燒哥哥忘記下了。其實可以吃更多串燒的，不過是日行程乃食完看戲看完再食，為免食太飽，唯有留番下次先食。

小小的大角咀到處都是食肆，而且總是給人驚喜由第一天發現這間店到現在，好幾個月，每個星期都至少來吃一次，因為總是常常掛念它的串燒的味道!!!有時特意路過吃一兩串，有時則兩人一起坐著吃一大堆串燒加米線當晚餐,　很滿足~~店內沒有坐位，要坐著吃的話老闆會在路邊開枱給你但不要有太高期望! 因為附近是馬路，不過開舖時間是五時以後人和車都比較少的串燒由老闆一人親自燒，看得出他很用心的燒!!!多款串燒可供選擇:羊肉, 禾花雀，大腸甘, 翠玉瓜, 墨魚圈，鰻魚串...都非常好吃~~~孜然粉的味道~~~正!!!售價是＄６﹣＄９左右，算合理~除了串燒外，真的不能不提他的魚片米線!! ＄２５大大碗又多料,老闆說這是經他改良過的雲南魚片米線，魚較少骨，湯較少油, 內裡的芹菜很香~米線也很彈牙!! 不吃辣的可選少辣或不辣, 再加上涼茶或啤酒，又是令人滿足的一餐了~~~

其實佢間舖好細, 有客既時候都係即刻開枱係門口, 老細熱情好招呼架..主打當然係D好多香草既串燒啦!!!我地要左豬, 牛, 羊, 翠玉瓜,仲有水煮牛肉,水煮魚片米線.全部即叫即燒..所以要左D啤酒飲住等喇.一上台...嘩...真係好香香草味!!!串串都燒得好架..唔會太乾身.不過真係要等下囉... 另外佢既米線都幾好食..無唸過係呢度食個水煮魚片米線D魚片會咁滑,雖然佢個湯唔係好麻(個人鐘意勁麻, 食開譚仔中辣) 不過我個FD就話夠晒辣喇!!!!食完跟手就行去加洲紅唱K...正!!

係朋友介紹之下認識這間位於大角咀舊區的串燒店, 今日係第三次去了. 不論食物的質素和老闆的健談友善依舊. 講回食物, 這間小店主打串燒, 而串燒的調味料不是一般的沙爹, 而是香味獨特的北方人香料 (冇估錯應該係孜然粉). 而辣度你可跟老闆商量, 可先試少辣然後再慢慢加上去直至你接受的程度. 而多種串燒, 首要推介是羊肉串和鰻魚串. 羊肉跟孜然粉, 總是覺得它們是絶配, 而羊肉味道唔"蘇", 好味. 而鰻魚並不是一般日式鰻魚加熱, 而是新鮮的鰻魚 (or 鱔??) 燒好加調味, 鮮味十足. 另外, 牛肉, 雞翼 etc 都很不錯, 順帶一提這兒有和花雀串, 不過我試過一次後還是不能衝破心理關口再吃. 除此之外, 這兒的燒羊架和牛扒也很好味, 你可跟老闆商量要幾多成熟, 即燒即食, 好正呢!! 而燒扒類的食物會附上少量燒菠蘿, 甜甜的很開胃. 大家食咁多熱氣嘢時, 可以試吓老闆娘炮制的雞骨草涼茶下一下火呀.由於佢所有燒物是即叫即燒 (除了雞翼是預先燒熟外), 要食大家要俾少少耐性啦, 好嘢總是要等吓o既.

很多地方都有串燒吃, 但這間位於大角咀的小店很有特色, 只在黃昏後才開舖, 而這裏的 老板很用心機燒給客人吃, 味道不太鹹也 不太甜, 很好味. 有羊 /牛 /豬/ 雞/ 香腸/ 雞翼 / 墨魚圈等等, 每樣水準都很ok! 約$7-$9/串 飲品雞骨草不太 甜, 煲得很夠火喉. 晚上不想吃太多東西, 卻想吃宵夜,又 路經此地,都會來幾串買串燒, 但很多時都要排隊, 原來有不少人光顧.

成日見到唔少人排隊買嘢食,咁啱經過見無乜人,於是行埋去試吓,叫了一串牛,一串雞,一串羊,一串雞中翼,是即叫即燒的,老細還很好人地問要不要辣,等了不久,拿回家吃.雖然回到家時凍了點,但食得出串燒很惹味,特別喜歡雞中翼,有蜜糖味,有兩細隻,牛和羊都不靱,很好味.最緊要是惹味得來不咸,絕對值得幫襯.

天氣凍凍地過黎呢到整返幾串食先!叫左羊肉牛肉雞腎. . .etc要左多辣辣到我出汗冇諗過咁辣每串6蚊- 9蚊我覺得都ok , 但份量少但唔緊要少食多滋味!!!

以前岩岩開既時候,好遠都聞到香味,可能比人投訴多左,以家無乜lu..... D串燒燒得唔錯,最緊要係D調味粉...嘩..一個字.."正"我推薦各位試下"珍肝"(唔知係咪咁寫),好香好冶味,雞軟骨都好香好脆呀!!

即講即燒﹐好香口。如果唔食辣﹐千其唔好叫﹐因為真係好辣﹐但係辣得黎唔會無左D肉味。我見個有個客係到食燒牛排﹐我下次都要試下。

間舖好唔起眼,原來佢要下午才開舖‧星期六休息‧佢最好味是雞軟骨(六元一串, 有五粒), 加上新疆香草，好野味. 你可以要小辣‧佢有牛肉, 梅頭, 雞柳, 雞翼,腸,梅花雀....

朋友仔琴晚過黎探我時知我鍾意食呢間既串燒除左雞軟骨外今次終於買到雞翼之前食過唔辣唔夠野味但因為朋友仔怕辣所以只係要少辣雞軟骨一貫地有咬口雞翼一串係兩隻雞中翼皮燒得脆肉又剛剛熟好滑雖然我唔食皮但因為佢除左燒時會加香料外仲會一早醃定所以好入味加埋o個d少辣香料簡直正難怪佢只做夜晚都頂得住而且經常放晒d檯o係街邊

琴晚突然想食消夜之前經過成日聞到好香都未試過專登落黎買幾串試下羊肉,雞肉,雞軟骨同豬頸肉各一雖然只係用電爐燒但即叫即燒睇住佢由生變熟羊肉無乜蘇味亦有少少韌雞肉嫩滑唔韌雞軟骨最正,咬落"骨骨"聲好有口感豬頸肉唔太肥因為朋友仔唔食辣所以要唔辣但加左o個少少味粉好香好野味另外佢都有d特色食物如禾花雀下次可以再試下四串都係22蚊,好抵食阿叔一腳踢但仍然好客氣有禮只開晚市有心黎食要等夜晚喇!!