大滿足 (Moved) New Location

收到識食朋友消息，葵涌廣場3/F開了很多好味小食店，其中大滿足甚有人氣，即衝去試食！剛進小食區已擠得水洩不通，好不容易到店前，得排小長龍。叫號碼後，從笑容滿面的店員接過牡丹蝦海膽黑松露手捲手捲賣相精緻，蝦肉嫩滑略有鮮味，但比起蝦頭，肉的份量顯得細小；海膽多而濃味，值得一讚；黑松露則小得可憐，肉眼也幾乎看不到；紫菜略脆不稔企食區細小，人來人往，倒醬油也怕撞到朋友，十分擠迫。由於垃圾桶被人遮檔，很多進食後發泡膠盤層層疊的放在桌上，很不衛生。價錢而言，食物質素不過不失，但衛生仍有很大很大的進步空間！

成日都見好多人食海膽手卷，不過一直都未有個衝動去試。今日經過決定這試下去到已經大排長龍，叫左$30半板海膽手卷，等左5分鐘左右，個飯係暖既，紫菜唔是太脆，海膽普通冇乜特別，試過就算

沿途見到好多人羅住海膽手卷, 但見到張POSTER 寫大推介就決定試下 〝牡丹蝦海膽併黑松露手卷〞跟圖片有90%相符, 鋪滿面…賣相吸引!牡丹蝦挺大隻 , 蝦頭好有氣勢..XD 紫菜保持脆度, 蝦肉配上黑松露的香, 一整個搭!卷內是滿滿的飯 , 食完都幾飽~

呢日 lunch 同同事仔玩 "立食", 一次過食晒想試果幾間!食到黎呢度雖然已經飽咗, 但係都要一試人氣最旺既『大滿足』海膽!!! 我要食海膽!!! 我最愛就係海膽!!! 一於試佢個加拿大海膽手卷!!買完飛仔, 等咗 10 分鐘就有得拎...手卷大小正常, 不過一拎上手, 就已經摸到塊紫菜唔得~先試一啖海膽, 鮮味唔算得上, 不過都幾甘甜, 起碼見到同食落都好新鮮, 賣相就比較樣衰, 好似是但掉幾舊海膽響面咁, 同佢個圖片堅係好大分別!!!!至於紫菜, 果然!! 淋到無朋友, 要一啖咬斷基本上係無可能!!其次就係D飯, 竟然...差得出奇!! 完全零黏力, 亦零醋味, 散修修既一堆飯...就係因為飯身零黏力, 所以豉油吸力都係零, 結果落少少...個尾就不斷滴...未咬都還好, 一咬開之後, 因為有咗缺口, 飯就極速散開, 真係食到好呢 hea!!如果賣點只係平, 其實佢又唔係真係特別平, 呢個商埸裡面仲有好多其他選擇, 而且人地平均質素都比較好~撇開塊紫菜同堆飯, 佢既刺身係唔錯既, 但係佢 sell 既係手卷唔係 sell 刺身喎, 咁呢個質素.....就有點兒.........

呢間野出名個個都知所以每日都好多人排隊今次已經第二次黎食了叫左個牡丹蝦海膽手卷識食一定要加錢食呢個個蝦既size同海膽既份量都好多係鋪滿個面！第一下咬落去個感覺真係冇得頂如店面一樣大滿足呀對比尖沙咀旺角既 真係又大又好味。

食完馬卡龍之後仲去咗試試另一間手卷店 大滿足旁邊有少量桌椅可以坐低食，不過一個手卷邊行邊食都可以的，洗版的是海膽手卷，20蚊半版海膽，所以人潮都幾多，員工快手快腳，基本上十分鐘內都有得食。至於海膽是選用韓國海膽，流量大所以應該新鮮，只是味道不會太鮮味，過過口癮ok。我叫咗牡丹蝦海膽拼黑松露手卷，咁多樣野加埋都係三十蚊，好抵食，只是牡丹蝦個殼裝飾味很濃，影相是靚的，但邊行邊食仲要處理就有點多餘，海膽新鮮無腥味，只是沒有入口即溶的感覺， 其他的配套例好紫菜夠脆飯是冷的，整體來說我覺得都ok的，但不需要專程來試了。我是8月尾去的，隔離仲有幾間未Ready 的，希望組隊再去行一轉～下回再報告食左D咩啦～

是日9月4日星期日，完成投票任務後，一身輕鬆，相約家人到葵芳廣場暢遊，一來達成先前預訂的購物願望，亦因為得知近來葵芳廣場2樓開設了新的食街，網上看見林林總總的報導，實在太吸引太有新鮮感了，趁這機會當然要"湊熱鬧"一番啦!下一站就是前往2樓探索新食店，網上飲食雜誌頻道經常介紹這兒的海膽手卷啊。 黑松露牡丹蝦海膽手卷 @大滿足 (HK$30)繼龍蝦後，近來輪到海膽熱爆潮，全港流行著的海膽手卷，這兒多家食店有供應，是次揀了"食街"最深處的大滿足，抬頭望望menu良久，花多眼亂，皆因有太多不同配搭了，除手卷外，還有前菜、刺身、壽司和丼等基本食物供應，價錢也與坊間日式食物小店相若。今次試了黑松露牡丹蝦海膽手卷，原隻大型牡丹蝦超級誘人呀! 蝦肉彈滑爽甜，還有黏黏質感，蝦腦都好甘鮮啊，反而海膽的份量未有想像的豐滿，青瓜絲好少，暖暖微酸飯粒，薄薄一層加上脆口紫菜，點點黑松露香氣濃郁，已有畫龍點睛的效果，不錯啊~ 下次可試吃其他款式吧。與家人開開心心地逛街，邊行邊吃，平民之樂，我們絕對享受，只要是與喜愛的人在一起，去那裡也感到無限歡樂! ^^提提大家，平日已夠多人，加上行人通道太窄，店舖稠密，週末二樓更

講起手卷點可以唔提葵廣嘅大滿足呀？不論幾時喺呢度都係人山人海，迫滿好多黎尋鮮嘅市民大滿足係潮流廊入面，見到最多人企度嗰間舖就係佢啦！店舖側邊有幾張枱同凳，不過就唔見有人清潔枱面嘅污跡，多數嘅人都會就咁拎住食店舖有沙律醬、魚生豉油、芥辣豉油等等多款嘅醬汁供應最近HIT到爆曬燈嘅海膽手卷，相信大家都好鍾意食！大家睇相就知道佢有幾足料啦！我order嘅呢個係加拿大海膽手卷，因為即刻order即刻整所以食落啲紫菜仲係好脆！啲加拿大海膽冇平時見到嘅咁大舊，但食落依然鮮味十足！！海膽下面仲有啲青瓜絲，手卷舊飯好大舊，如果細食嘅女生，可能就要男伴幫你食咗個飯啦

葵涌廣場多了好多新店！今次同A小姐又到這裡搵好野食！見到這店大排長龍，又人頭湧湧！一於試一試到底如果！海膽三文魚手卷 HKD 28.00以28蚊來說，算是好抵了。三文魚顏色有點暗沉，但食落口都OK，算得上是新鮮的口感。不過海膽就好一般啦！我見到的時候，看到一邊深色，一邊淺色。食落一邊OK，一邊有味……但整體都不俗。不過食到一半的時候，已經食晒上面，只剩下一大嚿的飯。但是過下口癮都不錯的。

海膽手卷 (全板海膽) $68視覺效果係超強睇見都覺得飽左但好可惜雖然食落去無苦味 但係佢一d海膽既鮮甜都食唔到食完唔會覺得滿足一路食一唔覺得唔係好食掉左佢又覺得好浪費

既然來到葵涌廣場覓食尋找美味的海膽手卷自然要貨比三家被別人拿著的極多份量海膽手卷所吸引而且店外購買食物的人流亦很多決定一試點了半板海膽手卷($30)手卷一到手,,果然是有滿滿的海膽!!惜整體味道較遜色海膽味未算十分鮮甜飯的份量很多這確實營造很抵吃的感覺但較失色的地方是飯的溫度略高令紫菜都不爽脆,,變得稔了!!紫菜也是很重要的一項啊!!不過這手卷的價格算是相宜啊!!

第二次食大滿足既手卷，今次叫左牡丹蝦黑松露海膽手卷，雖然蝦好似好大隻，但只有蝦頭大，內裡冇咩蝦肉，有啲虛有其表。海膽味道一般，唔算話好新鮮，至於黑松露只有幾小點黑點，所以係冇黑松露既味道，連少少點綴都冇。另外上次既問題冇改善到，啲飯依然鬆散，今次仲要食到周圍跌飯😯紫菜包唔實，一倒豉油就係咁滴滴滴，食之前真係要拎定張紙巾抹手。帶子過於冰凍，未完全解凍，蝦亦冇咩鮮味。仲有今次衛生情況比較差，好多食完既蝦殼同垃圾都放係食物枱上，非常污糟，雖然係食完既人責任，但最少應該加多2個垃圾桶比食客掉垃圾。

今次同細佬來葵涌廣場食手卷，睇下係咪同網上短片講的咁好食。叫了三文魚加洲手卷同海膽三文魚手卷，等了十分鐘左右就有，人多算快。的確是足料手卷，飯就微暖，但可惜不如短片所講紫菜脆。店旁有芥末豉油和沙律醬，我們只落了芥末豉油，但無乜芥末味，而且豉油會漏穿底，要小心。環境同衛生就麻麻，但商場內，地方窄，都無辦法。但以食物質素來講是ok的。算平靚正。

之前睇FB 介紹話葵廣好多野食於是放左工飯都唔食就黎朝聖條片入面最吸引就係半板海膽手卷 仲要30蚊有交易但好可惜店員姐姐話今日停售海膽手卷得返加拿大海膽我本住不吃海膽心不死就決定左試下而男朋友揀左個海膽併帶子右手邊就係加拿大海膽分量都好大 真係啖啖海膽而且海膽好鮮味 入口即溶 10粒星溫馨提示千其要小心落wasabi 醬油既分量因為真係好辣

我在香港中伏的日子 - 海膽手卷 上集話說 你地會諗 香港是咪真喺咁多好嘢食 我地日日都介紹到好嘢俾你地其實 好嘢食喺多 不過中嘅伏仲多-之前見Instagram 好多人衝左去葵廣食海膽手卷 仲要成板海膽倒落去 啲人又講到好好食咁於是我地又八卦去睇下咩事-海膽手卷 (全板海膽) $68睇落視覺效果喺贏哂的 淨喺望住啲海膽就已經好滿足 但食落又喺咪真喺咁滿足？um 可以答你其實唔喺 食落無苦味 但無海膽嘅鮮甜 海水味又無乜新鮮又唔喺真喺話好新鮮食完個感覺喺食之無味 棄之可惜