大統領

Open Now

Now Closed

上次食過佢個外賣炒飯之後，味道比想像中好，雖然以地區黎講就好似貴左少少。今日咁岩黎聯和墟，又好肚餓想食d大大碟既飯，一於就入去食番個炒飯先。上次淨係食外賣，都冇留意佢menu既選擇原來都唔少。刺身壽司烏冬，牛豬雞魚全部都有。我都係叫番上次個炒飯。炒飯連set，有碗淡少少既味噌湯、小碟中華沙律同一舊西瓜。炒飯既份量對我黎講好夠，我兩點幾先黎食，食哂都夠去到晚餐先覺餓。炒飯既料唔少，除左有三文魚肉，仲有飛魚籽同一啖海膽。都唔好話得果一啖仔咁少，海膽的確係貴價野，而且果一啖仔係夠令你食得幾開心。海膽既鮮度同味道都唔錯，食到一半撈少少飯食，可以為成碟飯加分。唯一一個我覺得需要說明多d既地方係其實個炒飯本身係辣辣地，但menu完全冇提。我食得辣，當然冇問題，不過對於唔食得辣既人黎講，就會伏左，少辣都係有辣吧。

父親節一早打去訂左六點半，我地六點五就到，姐姐就話要等等，甘ok既我地自己早到左，到左六點八都未有位，咪再問姐姐，始終係條街等真係好熱，我話book 左六點半有位未？有位短髮既阿姐好有氣勢甘叫出黎，六點開唔通吉張枱半個鐘俾你啊！個態度係勁差，甘你就唔好接六點半訂位啦，之後有另一位姐姐先好聲好氣話有張枱埋緊單好快有位....終於成功坐低，叫左三個set dinner, 味道都可以，刺身唔算好新鮮，但都可以接受，係個燒青魚既味道差d，但份量都好夠。就係我阿媽食緊最後一舊既時候，兩位姐姐衝埋黎就收我地d野，我阿媽舊野咬左一半問佢你俾我食埋呢舊先收啦，個短髮阿姐就話好啊你食丫，但就繼續收走我阿媽前面既野，搞到我阿媽掉低筷子食唔落。外面係有客等，但至少收野前都問下個客食完未，我地差唔多六點九坐低，走既時候大概七點二，三度⋯⋯去快餐店都無甘快啦⋯⋯態度真係勁趕客

味道超好。食物質素超高。我相信大廚係有多年日本料理。食材配搭，味道調校，食物份量，都剛剛好。上菜速度快。但無分店就慘d. 要入粉嶺再轉小巴去聯和墟食。但真係值得。

叫左幾款壽司，嚟到一打開………嘩………3蚊件仲好過佢，魚唔新鮮，鰻魚壽司細到得手指尾大，叫左個豚肉海鮮湯，嚟左個泡菜海鮮味噌湯，仲要無味好似求其掉落去一鍋咁，永遠唔會有下次

食在粉嶺 日本菜菜式有,拉麵,烏冬,定食,季節限定口味定便當等等另有飯,刺身,咖哩,另有鍋物單價合理,份量足先上一客壽司定食 $78八件壽司選配冷或熱湯烏冬,麵豉湯,前菜,水果三件卷物,五件壽司,中華沙律,西瓜片一塊,伴薑片,芥末烏冬有芝麻醬,再灑上紫菜,另有蜆麵豉湯先講壽司,鮮度尚可,壽司飯不會過多,剛好可一口吃完魷魚片如果切紋再多少少會口感會更好 三文魚爭少少油香,但肉質夠嫩烏冬彈牙爽身,充當主食夠曬飽蜆湯味偏淡,可以再濃返少少就更加好,唔完美好可改善大統領 粉嶺聯和墟和隆街1號地舖

One of the pricier Japanese restaurants in this area but the quality is so worth it!EnvironmentThis is a beautiful corner restaurant that stands out with its wood and bricks exterior. The Japanese theme continues inside with a lot of little Japanese decorations, posters and paintings. It's a fairly small restaurant which sits around 20-30 people so be prepared to be sitting closely together. ServiceThey clearly care about their customers. From outside, they have seats so you can sit while waitin

去食黃店，好多時候都係一人行，二人行，好似呢餐咁湊夠四個齊齊食，實在好少可，所以食得特別開心。我哋兩個人一組，每組各自叫咗兩 set 晚餐，我呢組揀咗蟹膏軟殼蟹炒飯同甘海老三文魚親子丼，前者炒飯中規中矩，軟殼蟹份量則非常多，又脆又香口；後者海老大大隻，三文魚同魚子嘅份量都算多，所有魚生新鮮肥美，性價比非常高👍。對面組叫咗蒲燒鰻魚飯同吉列豬扒芝士蛋包飯，雖然我冇份食，但係齋憑肉眼觀察，鰻魚肥美，遍佈油光；吉列豬扒大件又厚身，蛋包飯入面啲芝士居然有得玩拉絲，水準都應該唔差得去邊，果然聽到妹妹仔一邊食，一邊讚不絕口，臉上盡露幸福滿足嘅表情😌。四 set 晚餐包埋前菜（中華沙律），麵豉湯（湯入面有蜆肉，好認真）同生果（哈蜜瓜），蛋包飯個餐仲有三文魚刺身😮，真係抵食到不得了🤗。

入門口前店員先為顧客量度體溫一坐低店員提供紙巾包住口罩係枱面上會有一支清潔雙手消毒液叫飯會附上醬汁+麵豉湯+中華沙律+西瓜個人認為都足料鰻魚肥美+大份蔥吞拿魚腩都新鮮😋炸雞就普普通通

剛剛去咗大統領午飯，個吧枱師傅全程無帶口罩，一路整外賣。個樓面不停將個口罩放下拉高，手又唔洗咁俾食物客人，只係表面衛生無用。叫咗嘢食先見到，一早見到會掉頭走，食到一半真係頂唔順走左。

無黎一陣多左新餐牌喎，之前有冬季限定，今次呢張“蠔”係咪春季呢？哈哈。等左好一陣先有枱，一早係門口睇定餐牌，好肚餓呀，一入去即刻落單。第一次坐門口位，原來貼左咁多揮春，支持支持。同事叫的吉列蠔餅咖哩飯，以為係放題啲炸蠔啦，原來唔係喎，口感有啲似薯仔可樂餅，但入面有碎左嘅蠔肉混入蠔汁，超有蠔味，鮮味但唔腥。自己都試左新野辣味豬頸肉配冷烏冬，豬頸肉份量很多，個汁少少辣幾惹味，如果嘗辣者肯定覺得不夠辣，初哥辣度而已。冷烏冬彈牙口感不錯，麻醬也下得夠多，正啊。本來餐牌寫係附溫泉蛋的，但在疫情影響下換了水煮蛋，可能熟食安心啲？都ok啦，無所謂。對面同事點了壽司定食，無認真問，佢話好食囉。平均$68個餐，我覺得抵食喎，聯和墟老字號，哈哈，附近越開越多日本餐館，都比不上大統領！

又黎到日本野既時候，間店舖好似幾年前開舖，比起街上面其他店，所有野都好新淨咁😆泡菜海鮮豆腐鍋好味道😋😋😋😋.5賞心悅目，好鐘意呢一種擺盤，感覺簡單得黎又有好多好多小菜塞滿哂成個畫面😍睇到個人已經好開心！海鮮有好多，泡菜味唔是好濃，湯底飲落好舒服順口，蔬菜非常足夠🤤健康得黎有少少辣味，正😋唔記得左咩定食😢好味道😋😋😋.5鰻魚真係好好味，配埋滑蛋同菇，成個口感好豐富，但整體食落有啲膩💕所以配茶/湯會食落舒服啲！仲有小食魚生配埋一齊😋一嘗幾種滋味🥴

定食晚餐價錢約$100左右，聯和墟來說算是高檔次。吃過幾次，質素保持沒失手，而且份量特大，是一分錢一分貨之選。刺身飯高質，新鮮，刺身大份，很滿足。燒鰻魚定食，燒汁好味，鰻魚沒腥味，不錯不錯。牛肉鍋超級大份！內裡非常多牛肉之餘，還有大量娃娃菜和粗粉絲，生雞蛋等等，湯頭是甜豉油，有點像牛鍋。在不能打邊爐的日子，一個人自私食是不錯的選擇。吉列豬扒芝士蛋包飯，豬扒厚切，賣相很精美！豬扒肉嫰，真是很美味啊！芝士在蛋的下面，有拉絲效果。作為大胃王我竟然吃不下全份！定食另付麵豉湯（內裡還有蜆肉呢！）中華沙律、哈密瓜和三文魚刺身兩片，完滿的一頓～值得一去再去的有heart餐廳。小店挺擠迫，建議訂座，walk in未必有位啊。

粉嶺聯和墟有很多美食，可說是轉個彎就有一間有人推薦過的食店。而這間大統領於粉嶺人口中也是有點名氣的，所以今天特意於中午去品嚐！就算是午巿，店外都有不少人在等位。店面比較細，桌枱之間比較擠迫。點了一個壽司定食，有8件前菜、味噌湯、壽司和一碗湯烏冬，$78未加一。定食上桌時，我被擺盤吸引，看得出有用心，壽司新鮮，刺生吃下去仍有鮮味！後來送上的烏冬就失色多了，不滑溜，入口就斷，完全沒有口感，不知是用料問題，還是店主喜歡這種口感的烏冬！總括來說，其他菜式不清楚，但此定食性價比不高，不值這個價格。

晚餐時間到達，先係等左20分鐘就入座，跟住催命符式落單，由坐低到食完用左30分鐘，然後就極速埋黎收你餐具，跟住送埋張單比你(我並無叫埋單)，老土又討厭嘅手法，事實生意係可以咁做，但請先睇清楚自己個餐牌收費先，如果要食光速餐就唔係呢個價錢啦。討厭討厭好討厭，以後唔會再去

本身訂左檯 19:00入座 無遲到一坐低就有個年紀比較大既店員催你快d叫野食話出面好多人等 要快d叫然後食物好快就送上黎食物食完5秒就收左你隻碟食餐飯都好大壓力茶都未飲完已經抹枱然後19:30已經離開左間餐廳店員話好多人等緊 其實門口只係得5個人而我地又係5個人食食物質素唔講 你收個咁既價錢然後比個快餐既服務態度 會唔會太差以後都唔會再食