好滾得 (Closed)

約朋友聚會,當然又是打邊爐的日子,來到旺角就選擇了好滾得鍋底選擇了蟹煲,湯底帶著濃烈的蟹香蟹肉味道卻出奇地淡雅,份量也相當的多吃過蟹煲後,便點了火鍋食物,手打墨丸,響鈴,牛丸,牛肉全部也有牛肉不肥膩鮮嫩香滑,是喜歡花吃牛的朋友必點之選美國安格斯牛肉肉味濃郁,肉質紋理分明肥瘦相間手打肉丸肉質鮮嫩非常,肉味亦濃郁無比,一吃便分得出是上乘食材招牌芫茜丸果然是主打,濃濃的芫茜味令整體味道更有層次作為招牌菜並非浪得虛名紫菜響鈴沒有令人失望,脆口之餘口感亦相當豐富炸魚皮香口脆卜卜,放進湯底數秒後即可食用,炸魚皮永遠是火鍋的良伴飲飽吃碎就讓我們當一晚主角,前去埋單吧

有馬來西亞的朋友s黎香港, 上星期六晚同佢地洗塵, 諗食乜都小小頭痛ar, 要坐得舒服又好味, 仲要近佢地酒店所以最後黎左依間好滾得,依度既火焰卜卜蜆煲好似唔錯,加上朋友都係愛辣之人就arm晒啦, 一行6人 點四大名鍋聽講火鍋店老闆娘係澳門人所以佢地嘅辣係有小小澳門風味 湯底好正好香濃各款各有特式蜆肉粉放於麻辣湯中瞬間灼熟，蜆肉肉質很煙韌，入口麻辣味非常有勁。彈牙又富海鮮味道。豆製品方法不能錯過響玲，沒有多餘油份，外型像蛋卷，口感是胞身的腐皮，和坊間捲很多層的鬆化響玲不一樣。想要吃到豆味濃的，則可試試腐皮圈，煙韌有咬口。肥牛肉味濃又夠肥，麻辣湯則是不二配搭！推薦必點牛肉片，透薄得來又有牛味，正。

早前友人相約我吃晚飯一聚，揀咗旺角一間火鍋店，這兒看起來風味獨特，應該啱我胃口。友人咁知我心，又咁精打細算，真係值得一讚。頗踏進店，地方寬敞，環境清幽，細看四周，牆身配有字畫、，裝潢果然令人眼前一亮。入座後先拿起餐牌細閱，火鍋湯底種類勁多，至於火鍋配料方面，就有肉類/家禽、海鮮/河鮮、肉丸/餃子、蔬菜/菇菌、豆腐及粉麵等。我們先選了火焰卜卜蜆煲,火焰加上酒,燒起新鮮的花甲,花甲入口酒味頗濃,感覺不錯.個人覺得有兩種食法，可以先嘗原味，再將芫荽黃豆傾進鍋內，或舀起湯底放進碗內，與花甲一起品嘗。花甲分量極多，肉質滑溜，而且鮮甜得來更帶點油潤和甘香。湯底辣味溫和，非常適合我口味，再試試與芫荽黃豆同吃，果然多咗份清幽香氣！火鍋料方面，交由友人發辦，先來兩款肉食，有極品肥牛 和牛柳粒。先挾起肥牛細看，片片都切得厚薄一致，而且脂肪分佈平均。再將牛肉放入湯鍋內輕灼，肉質結實爽滑，肉味濃郁，有嚼口，加上肥瘦度適中，吃起來完全不覺油膩。牛柳粒也很有水準，色澤粉紅漂亮，肉質柔軟鮮嫩，入口鬆化油潤，亦值得一試。另外丸類的味道也不錯,皮的厚度適中,餡料也十分新鮮

讚 :- 有人示範, 即場煮蜆, 幾特別, 蜆算大大隻- 服務都比較主動幫手, 可能當晚只係一半滿彈 :- 整體黎講都係偏貴- 小食類都係細細碟, 幾啖無晒- 腐竹呢類疏菜真係超貴, 一個碟仔, 菜底仲要一堆椰菜 "朗" 起疏菜- 肉類比較好睇, 不過只係碟大 ... 算啦 ... 度度食都係咁- 叫左幾款牛, 得一款有牛肉味- 大部份肉類丸類都未解冰- 只收現金, 一班人食飯, 無得碌咭唔方便

先食左卜卜蜆煲，一開始個熊仔(?)定熊貓影黎打卡係唔錯既食落汁其實太咸，蜆食落無鮮味，食到底全部都係泥同沙係啲蜆洗唔乾淨，煮到成煲都係另有啲蜆應該死左，煮左好耐都無開因為啲泥太多關係，煲野根本打唔到邊爐叫多左個雞煲同時同店員反映完全漠不關心淨係話幫你收走佢喇雞煲好快上枱第一起菜A店員話食得，啲雞熟哂正想起筷B店員話啲雞未熟廚房煮到7-8成再拎出黎再係個爐加熱先食得再好好地幫我地搞下佢B店員行開左，C店員再上前話其實熟哂喇，食得架，都唔知點解佢話未熟咪由佢囉，你地咪煮下媽～我好亂呀，到底食得定唔食得？結果煮左5分鐘，夾左舊雞中間係粉紅色果然都係B店員經驗老到雞煲正常，但唔可以用好食形容最好食係配菜，條菇幾好食唔驚中伏可以一試叫佢加湯，結果加左小小連粒丸都浸唔過，點打邊爐姐結果叫加湯變左加水，加完水成煲野清過清湯完全無味配料叫左牛肉拼盤，芝士和牛丸，兩款餃，豆腐同竹笙牛肉：覺得任食啲肥牛較出色和牛丸：似茶樓牛肉球，只係無山竹味餃：我會覺得唔好食既灣仔碼頭水餃仲好食，皮厚，韭菜餃啲菜小到見唔到食後感：我到底食左啲乜？係咪我食唔慣好野？

今晚好友安排來好滾得！ 好友為我們安排蟹鍋和火鍋兩個環節！大石砸死蟹煲夠晒入味、夠麻夠辣、好似為我而點、正到無朋友！我係冇飯不歡既「飯婦人」、如此好餸唔客氣叫咗碗白飯自己歎！ 火鍋環節前我已經飽咗八成！成枱好友話今晚辣到出煙、分別以啤酒、青瓜解辣！我覺得.....還可以微加辣度！大石砸死蟹 ,個蟹煲睇落已經好吸引份量十足，膏蟹肉質鮮甜超多膏，湯底加左少少辣非常惹味，再加上大量花甲令湯底更加鮮甜大家爭先恐後去搶蟹膏,因為真係好甜好肥美,雖然食太多對健康唔好,都要試一次嫁啦配料方面亦都唔錯，手打芫茜墨魚丸爽口彈牙，黑松露鮮蝦餃子味道道濃，但我最喜歡的都是鮮炸紫菜響鈴，響鈴吸收晒湯底嘅鮮味，令人非常回味。其實一班人食火鍋,最緊要開心

返工返得咁攰點都要放鬆下，嘆下，慰勞吓自己。今次朋友介紹，係旺角既火鍋店。依度既係功夫火鍋,真係大開眼界。依度叫做好滾得 ,一大班人十下十下 不知幾開心我哋揀咗較早時段入座,免得越夜越多人 事先已經訂好位,好滾得特色小食  試咗幾款唔同嘅 款款都好好味 不過我覺得最值得推介畀大家嘅系大石砸死蟹煲大石砸死蟹 原來係香辣花甲膏蟹煲 隻膏蟹好大隻  有好多蟹膏 D膏食極都食唔完花甲都好多隻下 好足料 湯底有少少辣 . 新鮮手切封門柳原來是牛的橫隔膜 配合埋清甜嘅牙菜一齊食 可以去除油膩感靚煲方面有20種咁多 花多眼亂 款款都好似好正咁,約堆一大班人去打邊爐真係好開心

最近晚上天氣有一點涼,但又不會太凍,所以出外吃飯感覺一流今次來到好滾得火鍋餐廳，餐廳環境雖然不太大，但用膳環境不錯。我們先選擇了一個火鍋煲，這個是火焰卜卜蜆煲,火鍋配料很豐富，蜆肉很新鮮.湯底好特別 食得出有酒味同藥材味 辣辣地 好惹味 夾薯粉食超好味, 食咗個蜆先打邊爐的! 火焰卜卜蜆份量超多!! 特級牛肩胛  好靚 ,個芝士和牛丸  食落好似漢堡火鍋食物種類林林總總，有各式各樣嘅選擇。海鮮價錢不太貴，份糧令人滿意。我和朋友選了還有霜降牛肉粒和手切肥牛。牛肉看落很新鮮，脂肪紋分配平均。食下感覺爽

上個星期我同幾個朋友睇完戲之後 大家都覺得肚餓 而且又想一齊圍著傾下計 於是就打算搵個地方食宵夜 ,我地經過旺角既好滾得 ,見到唔少人喺度打邊爐 就決定入去食個暖笠笠既宵夜 我地入到去 咁岩坐喺正中央 點菜、各樣都非常方便 我地見到有各式各樣既小食我地每人都點左幾道小菜 仲有重頭戲蜆煲 相信呢道菜幾受大眾歡迎 ,未打開蓋已經聞到陣陣幽香 令我地流曬口水,湯香味四溢 入面除左有份量十足既蜆之外 仲有好多食材,可以先開一開胃口 不但口感十足 味道香鮮甜 又唔會好濟, 我地都食唔停口我一開始唔打算食太多 但最後竟然食左三、四十塊,我個人都好中意點大量辣湯,會惹味D 開始打諙爐之後,食左新鮮牛肉,朋友食完後 不斷大讚好味  咁我就即刻一試真偽,口感類似筋肉 食落非常之爽口 我愛上左呢種口感 😍 之後仲食左其他食物,味道都唔錯再加上自己調配既醬油 味道一流！推薦大家一定要試下

係咁的，今晚兩個人上去試下個卜卜蜆。上到去d冷氣好凍，我自問成190磅，脂肪嘅保温功能應該唔太差，但我都頂唔順，忍左陣都要問待應可唔可熄細少少。其實問至前我都唔抱咩希望，因為相信大家都有經驗，係香港地你要間餐廳熄細或開大少少個冷氣就好似收數咁，總會遇到幾種近乎standard嘅回答，但結果簡單講都係嘥氣。不出所料，待應姐姐用左0.2秒啟動反射式回應: 個鍋未到啫，到左就唔覺凍家啦(請用譚仔音)。因為無期望，所以我都唔想糾纏落去，唯有忍。點完菜隔左一陣，待應過黎同我地講:唔好意思無封門柳，牛爽肉都無，不如你叫個牛拼盤，就樣樣都有。之後又過黎話無脆鯇腩都無。其實我地兩個人食唔係叫左好多樣，但已經三樣無，好難想像係點做生意。之後個牛拼盤到左係有牛爽肉同封門柳......我地只能夠O嘴。到個卜卜蜆鍋黎左，有個經理過黎幫我地煮。其實佢好認真，試左好多次想點火d酒但都唔成功，包括換支火槍，再換多酌酒，但都唔成功。跟住佢話d酒有問題，點唔著，成鍋換過俾我地。呢個時候，我望住個煲半熟嘅花甲，覺得佢地咁就去左垃圾桶投胎真係好可憐，我就同經理講，不如算啦，我地照食都ok，唔好嘥。但經理堅持品質好重要，一定

3月開始朋友們又一起出動吃火鍋,今次我地黎到被安排在較入的位置,更有風味 先來一個蜆煲開場禮,味道相當惹味,覜肉多而且新鮮.湯底是暖胃之選 材料超多湯底濃厚不沾豉油也ok 二人點小份手切牛肉已足夠,牛肉比較瘦削但肉味濃厚,極上黑豚肉豬味超濃 半肥瘦雖邪惡但非常美味,鮮蝦雲吞大大粒 扇貝一客共有四顆,鮮甜好味肉質爽口,手打芝心墨丸是心思之作 一口咬下去芝士湧出,又是另一邪惡之作 獨有的味道令人吃上癮,響鈴新鮮炸起燙口,泡在湯頭裡五秒就可以食用,二人滔滔不絕的重溫中學舊事,邊吃香邊喝辣樂趣無窮

之前睇過一段訪問係關於好滾得既大廚聽到佢講完呢句我就有個理由試下呢間啦9點半後...我地2個女仔Walk in去都唔係等左好耐坐低左無耐見到有牌寫住可以用WeChat自助落單,牌面簡單易用其實心知過左9點半蟹煲無得平都疊埋心水叫卜卜蜆點知卜卜蜆煲o個欄係顯示售罄,反而蟹煲就仲有得叫...(兩者都講緊特別o個個)大家無Book位就要碰下運氣🤔飲左一啖湯先開始食,好味既,個膏🦀的確好多膏，食到個口好攰 (P.S.手套係自備架)🤗至於卜卜蜆方面：無咩沙都算鮮甜我真係好無聊咁有逐隻數有幾多隻😂結果成煲係有77隻除咗個煲之外仲叫左炸魚皮係堅脆,但係分量略為少左DD黑松露鮮蝦水餃係即刻包；味道不過不失至於呢個特級牛肩胛就基於試食心態所以叫左個小對於我呢D牛魔王黎講佢係中下評,薄如紙唔係問題問題係我食比較生所以粉紅色經已擺落口,然後個樣係😑咁...D牛肉係'鞋'🙄 所以你地試其他牛叫,唔想再講鹹檸７：真係好大個鹹檸總結如果唔係個蟹煲足料我真係只會比OK佢

一行7人 全男班 訂左1900，去到唔洗等 可能時間仲早嘅關係，一開波 叫左個大石砸死蟹煲價錢268左右 真係有一隻大蟹嘅 但蜆就唔算多 根本唔夠食，唸住叫卜卜蜆，點知要2100之後先至係98蚊，正價198蚊 個人認為唔低 唯左轉其他，見到有雞煲，唸住有肉會飽啲啦，加上叫埋啲雲呑，水餃，牛肉，生蠔，點知到上菜，個雞煲入面啲雞！4分1隻都無！收我140蚊！之後唸叫其他野應該都中伏嫁拉，果然不出所料，40幾蚊得4粒雲呑都夠膽死 生蠔就有5隻咁多，牛肉就....真係考刀功，幾簿下嫁。味道主打無味精，係幾好，幾野味嘅，可能師傅怕無乜味，會有距煮過嘅豉油同xo醬，幾好食下。如果大食嘅上去要有心理準備，因為份量真係唔多，要有心理準備。

我係真係好喜歡海鮮，追求試新野。呢日朋友帶我去食好滾得。上到去 好多都兩人 同好多情侶。睇黎都係拍拖聖地一上到去已經聞到好香，個個人都食到好專注，係咁損.....幾時到我 友上早前已經黎食過一次，大力推介，我就試下有幾巴閉。見隔望枱幾乎每枱都係食佢馳名大石砸死蟹（蟹煲）是日收工已經好累，想輕輕鬆食d冇咁難進食既野我地叫左個龍蝦煲，同其他火料（炸豆腐、炸午餐肉、蝦滑、安格司肥牛同蟶子）一黎到，真係好開心。好足份料滿滿一大煲，龍蝦兩隻，每隻一開二。而且見到都好新鮮....流晒口水。差唔多既時候，有服務員黎收起個蓋同提你可以食喇。梗係唔好客氣，夾住個龍蝦慢慢吹水啦。用筷子輕輕鬆一吉一扯，起晒成舊龍蝦肉。真係好滿足。最緊要係，肉質好彈，真係好新鮮。煲下面係滿滿既蛤，我諗都有一斤/斤半？總之就食極未完。好抵食！蛤無咩沙（間唔時一兩粒有），粒粒有肉唔呃人。食緊蛤同時已經忍唔至落配料，其實呢個時候已經有小小飽肚感，所以唔好好似我咁，一開始就叫好多款，食到中間唔夠先再加。值得大讚既係：炸午餐肉，听落好普通野，但吸晒d海鮮既鮮汁，而又外脆內軟，如果唔係叫左多野食，真係想encore呢個！菜都係好吸鮮味，

個女係條街收到宣傳單張，撞啱老公生日咪約埋一家人去試吓。坐底時候，叫伙記開茶及比幾隻杯，話水喉壞左喎冇茶水供應，如要飲料只可以叫點菜紙飲品，仲聲明冇收茶錢。心諗未食嘢攞啖茶飲都話冇，已經吾多對路。點知，低處未算低，湯底當然試糕蟹花甲煱啦，嚟到係幾靚嘅，但食花甲就知中伏，死左幾耐呢？毫無味道，話晒主打湯底，係得隻爆膏蟹和花甲，特價都要三百元一鍋（連加一），吾係咁離譜嘛!姑仔叫左幾款牛肉，名就好好聽，有牛頸脊，雪花肥牛，見實物之後O晒咀，張枱已經細啦！又整色整水，用塊半灣窄身石板放約二十塊麻雀咁大面積，記住係平面，真係少得可憐!最火重係邊款牛都冇味，去吉野家食火鍋重好過。其他材料如雲吞，水餃都吾知邊度交貨，啲料好似比碎肉機攪到梅晒，毫無口感!係得黑松露餃子，菜，公仔麵和烏冬似番啲樣。但特色湯底冇乜鮮味重怪怪地，淥乜都冇用!另外，有一位女侍應，招呼真係有問題，我個女遲啲嚟啫，佢大大聲問，"呢個人係咪吾嚟呀!" 又揾左佢去追飲品時，又係大大聲講"你叫左烏龍茶嘛，嚟緊啦!"總括以上，我起呢個標題係啱嘅!