孖寶車仔麵 (Closed)

之前未轉手，食過前一間，嗰間質素真係非常唔掂，見到佢轉左手，變左另一間，就再俾多一次機會。裝修行懷舊風格，幾得意，入面有大圓枱，自閉面壁思過枱同4人枱自己喺位度點左餐去埋單先，店員會送餐去你個位度選擇都幾多，有人食腸粉，我地就要試下車仔麵掂唔掂喇。好快已經有得食，就咁飲一啖湯底，係清甜既，我另外加左個秘製汁（唔辣既，好多蒜味，幾好食）同沙嗲醬，料就叫左羅白，麻吉燒，魚肉春卷，牛肚，首先要讚下羅白，清甜入味夠冧，有4舊牛肚唔勒，有咬口，唔會痴牙，份量不小粉麵量足夠，女仔係會食唔哂既，因為都幾多，另外，個餐係包熱飲，依個價錢質素係ok既另一個叫左辣汁豬紅魚蛋豬油渣同豆腐，個人應為個陳皮魚蛋幾好食！依間我會再回頭光顧，不過店家可能要諗辦法整大個冷氣，因為有d熱

最近發現公司附近新開了一間車仔麵，今日就試它一試，未夠一點到已經差不多坐滿人，地方唔算好大，但都可以容納唔少人，內部裝修比我的感覺係新舊交替，新裝修但牆上掛滿一些60、70年代的照片，店舖係半自助形式，自己到櫃枱落單比錢，再由服務員送餐到你枱，服務員姐姐個個都好有禮貌，顧客有問題都即時幫忙處理。三餸一麵餐包熱飲都係$45，不過貪心又大食的我就叫左5個餸撈麵，個幼麵都唔錯，其他餸夠入味，口感亦控制得好好，牛腩、豬大腸夠淋，要一讚的就係豬紅，近年已經好難食到好味的豬紅，再加上秘制醬汁，真係好滿足。到我離開時，門口仲企滿人等位了。

荃灣有好多間車仔麵店，但就無一間近荃灣西鐵附近，今日食lunch經過呢間孖寶車仔麵新開，梗係叫埋同事嚟試下啦！原來呢間鋪頭係分店，仲入圍左OpenRice熱店，應該唔會伏嘅！喺order紙剔好食咩後，就拎去cashier落單俾錢。今次我揀左油麵、墨魚丸、齋、魚肉春卷，湯底係秘製醬。先講湯底，以前食開嘅秘製醬通常都會辣、惹味，但呢度嘅秘製醬唔會辣，反而有種唔識形容、鹹鹹地嘅味道，幾特別！呢度嘅齋唔係甜酸齋，係似咖哩齋戈款面根，但個人鍾意甜酸齋多d。最驚喜都係魚肉春卷，新鮮炸起，好似有d芋頭味，好香口！其實仲叫左腸粉，都好滑，有sir落喉嚨嘅感覺。同事們都對呢度有高度評價，肯定會再嚟食lunch！😊

噚日(6-4-2019 Sat)同老公睇早場前食少少嘢,由於驚唔夠時間,所以放棄食新東記魚蛋粉,然後見到有魚蛋食嘅呢間,於是入嚟食,坐低後睇menu,老公問有冇小食之類嘅嘢,個亞姐指住答11點後至有,之後有個可能係老闆娘嘅嚟了解,佢答有雙拼嘅早餐.啊,咁啱喇,我哋就係要呢啲.我哋就要咗$26.00嘅腸粉雙拼餐,魚肉燒賣,飲熱檸茶同$24.00嘅點心雙拼餐,我揀粉果同魚蛋,飲熱檸水.1. 最快到嚟嘅係粉果都算大個,食落,味道清清地,材料都幾脆口.2. 腸粉拼魚肉燒賣混醬有齊麻醬,甜醬,辣醬,豉油同芝麻.全部口感正常冇乜特別.3. -4.熱檸茶同熱檸水檸檸澀,但幸好加咗半包糖都救到,所以我可以飲晒成杯.5. 魚蛋我哋要唔辣,但俾咗辣(詳情請睇下面服務欄),好睇唔算太辣,但色素都入埋去,勁.味道係2.7分服務:自己出去俾錢落單,然後亞姐搵返客人飛嘅No.上餐,但可以將十位同個位數嘅No.對調.最後重欠魚蛋,我哋係咁等,老公話佢哋個個停晒手,魚蛋又一早整定,肯定係漏俾,於是我哋問嗰個可能係老闆娘嘅人,佢又好似唔明咁走嚟睇張單,我話雙拼餐只嚟咗粉果,魚蛋未到.之後問我辣唔辣?我答唔辣.但擺到上嚟

孖寶車仔麵，我細細個就食過。不過係葵芳果間。作為葵廣常客，呢個名真係充滿少女回憶，大個左已經好少食，結果前兩日晏就放lunch，無啦啦見到我地荃灣都開左間孖寶！本身我同同事都無留意呢間野，但佢門口每隔5米就擺一個易拉架，仲要搭左個好似青衣戲棚咁嘅棚架，我地真係嚇親，再睇真啲，嘩左出聲。19蚊一碗？！三餸？？？包埋野飲？！唔係呀嘛？？我地二話不說就入左去食，可能由於太平，小店入面都滿座，我地要等一陣先有得入去。趁等候時間睇睇個menu，都係啲車仔麵正路嘢。一間車仔麵好唔好食，就一定要食三樣嘢，豬紅、蘿蔔同埋佢個湯。整體黎講，豬紅有事先處理過，夠熟同夠味，蘿蔔始終唔算當造，有少少老，不過唔苦。個韮菜餃就普通左啲，皮太厚，啲餡又唔夠料。個秘製汁甜甜地辣辣地，湯底黎講就真係無文x果啲突出，不過都幾惹味，何況19蚊你仲想點？值得讚下係啲姐姐幾友善，我等位果陣佢仲主動叫我企入啲唔好曬親，雖然中午時間好繁忙，但佢地都無乜怠慢客人，我都食得幾開心，何況19蚊仲想點！同埋由於太平，我一星期食左兩次。第二次就試左咖哩魷魚、豬紅同滷水豆腐，豆腐都幾入味，不過咖喱魷魚另上同埋太凍，我個個唔太喜歡！Btw佢話原