家樂軒小廚

Open Now

Now Closed

千祈千祈唔好叫外賣，至少都要等一個鐘！嚟到啲嘢都凍哂，食唔到熱辣辣！我只係叫咗兩個炒嘢，冇焗嘢，等咗一個鐘，到外賣嚟咗嘅時候，見到外賣員仲有幾袋外賣係手，每一袋至少都有2至3個外賣盒，都覺得佢辛苦，一個人要拎咁多袋咁重餐廳肯定係等齊好多外賣單先岀，所以點解要等咁耐，唔好指意食到熱辣辣嘅嘢食物：1）黑椒牛柳炒意粉啲意粉好似隔夜煮起咁，冇口感又鞋又霉，都唔知係咪係外賣盒入面焗得太耐，變曬質，同埋好似漏咗落鹽，冇咸味，只有黑椒味2) 西炒飯味道正常OK，多叉燒粒同蝦仁，份量算多3)凍檸茶x2杯1杯味道好怪，1杯正常啲啲，但都係唔好飲

話說2點幾有啲肚餓，咁咪睇吓邊度有宵夜食，見到附近有間叫家樂軒嘅宵夜24小時，咁就叫咗個雞翼薯條加入杯凍檸茶少甜，結果2:45order差唔多成四點先到😡乜真係咁好生意？咁夜都咁多人叫宵夜？？如果唔係點解會咁遲？嚟到啲薯條凍哂🤦‍♂️林啤啤，一啲都唔熱😡雞翼三隻，乾爭爭，好鬼硬，咁嘅食物叫人點食？？重點：都唔係太平，都要成$40其實條路好近，佢哋平時都係踩單車送，如果佢哋踩單車過嚟都係五至10分鐘左右就到啦！維持唔到食物嘅質素，下次都係唔幫襯啦了

請問想我修改什麼內容？食評都要審批，公信力有限啦 開飯啦！好恐怖嘅曱甴腳。。。。。。。。。。。。。。。。。。。。。。。。。。仲要我已經食完咁濟，隻腳就浮出來，個身都唔知我係咪食左，我頂，真係以後唔會再食，好恐怖，好嘔心

我係1:10PM叫左個公司三文治,2:24PM先至到都算數,杯嘢飲到倒瀉曬,成個三文治濕曬,再打返去叫佢送返個上黎,又等左成個鐘,3:23PM先到,本身都唔係有咩特別好食架啦,仲要等左咁耐,真心差

店舖細細，兩個女服務員以為好服務，我想多了。兩公婆叫一個鷄鍋，再加一個蠔餅，吾夠5分鐘鷄鍋來了，坦白講味道不錯，食咗15分鐘見其他枱食品都上菜，第一次問醒目服務員，佢頭也不回即是回應快來了，等多一陣。然後，又再過10分鐘，鷄鍋已食到見底，再追問一次，佢又係話你哋有下單，我哋知嘅蠔餅係要啲時間，再過10分鐘已食完，我們心諗算啦漏單咪走人囉。佢就問你哋個蠔餅未食喎！我話個蠔餅好似法國餐咁耐吾等啦埋單吧！結賬走人在門口計一計，發現佢竟然將蠔餅＋埋入張單度，我當然入返去問究竟，條醒目女服話我有問你是否外賣，你話吾使架！下，咁你就當我食咗嗎？咁吾老實點做街坊生意呀！同時間都聽到有客投訴食物但條醒目女服務員依然扮哂魚蝦蟹，今時今日生意難做大家都知，但仲請埋啲咁高質服務員，想掙扎求存難矣！

12:20分開始單落13:50分催佢 佢話就到14:20分打去問 竟然係叫我再等下+cut線打電話催完 都唔見影 無禮貌cut線白等左2個鐘叫個pizza都唔洗咁耐啦下話

叫個外賣都要等成個鐘，食個九菜餃米線，個皮又厚，啲湯又冇味，米線又要碎濕濕，要個中辣程度，，但啲辣係辣椒漿嘅辣，酸味又冇，仲之就難食！聽外賣電話個人又唔專業，完全係唔願做嗰隻

天恒之前有間打冷，好似執咗，上年已經去過呢間，佢係好似室內茶餐廳咁，但係又可以食到打冷嘅嘢食。有酒飲架！細佬好鬼鍾意呢間，有時出開元朗，都話要返天水圍去天恒食呢間琴晚父親節一家五口去，呢間冇得book定位，細佬5點幾去拎定位，我哋就6點半去到，去到已經全場滿座好旺場始終佢抵食，每個小菜都跟飯同飲品，我地人均消費可以平過HK$100上次嚟過，對豬紅有特別深刻嘅記憶，因為幾十蚊大大碗，又有韭菜，而且軟林林，好入味。海鮮係必不可少！呢度嘅豉椒蟶子都唔錯，都好入味、新鮮，不過我嫌佢唔夠長。老豆整傷左，唔識得海鮮同牛，我哋一齊帶咗個啫啫雞煲，唔辣嘅，好香仲有大大件豬膶，滑溜溜點都要叫過菜嘅，腐乳通菜唔跟飯，啫啫通菜跟個飯，好少叫依個炒法，有好多蝦乾做伴菜，鹹香味出！我覺得比上次咁，色香味俱全！跟餐有嘢飲就叫咗兩杯凍檸茶，一杯可樂冰底。呢間仲有酒飲，通宵營業，極近天恆輕鐵站。

今日唔想出街食早餐,林住叫個外賣。點知叫個牛扒西腸配炒蛋同個飽餐可以錯得咁離譜,你老未51蚊個餐變36蚊既沙嗲牛肉腸仔公仔麵仲要跟餐少左野冇蛋同飲品都錯。變魔術喎,我知錯不在個外籍外賣員身上,出單D人離譜。十幾蚊追究起黎麻煩又顯得自己小氣。,總知比佢惡心左一下,唔係比唔起呀。

2點05分叫外賣 3點40分先到來到時是一堆垃圾 收我50蚊肉燥茄子飯 打開既時候真系燥q左茄子得6小件，肉燥一大堆 另外白飯硬同凍垃圾！ 比乞丐食？ 叫湯又冇湯 迫人加錢轉飲品

每次經過家樂軒小廚都會見到有好多人系門口等外賣或者等位。今晚第一次唔係經過而係入去食，餐廳內基本上系坐滿人。我行到餐廳盡頭先搵到張二人台坐低，眼見唔少食客都叫左唔同嫁煲食，仲有幾張台嫁客人系度打邊爐同飲啤酒，是一間有風味同多人的小菜館坐低，好快會有職員招呼你，我點左餐廳嫁廚師推介：瑤柱蝦仁蛋白炒飯過左大約10分鐘，炒飯送上，份量很足，足夠一個成年人的份量。看上去和聞上去是有獲氣的，蛋白很滑，蝦仁份量足夠及彈牙，整體味道不錯總括而言，家樂軒小廚是一間有風味的小菜館，

9:45嗌外賣，1個早餐+1個雲南米線，等到11:15都唔見影⋯⋯打返落去舖頭問話啱啱先整好入緊袋？早餐等到變午餐，聽電話個個唔知老細定乜水，態度差到無人有，好似老馮嗌外賣要等佢2個鐘咁～

叫左個外賣咖喱吉列魚柳飯，加可樂，54蚊，之前都叫過，都正正常常，今次呢個，拒比勁小汁，最過份係得兩塊魚柳，兩塊加埋同一塊漢堡扒差唔多大，我打開之後O左嘴，盒飯食左三分之一我就無食到，因為食到得反白飯。😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡而家d茶餐廳越黎越差，又越黎越貴，叫人點食🤦🏻‍♂️🤦🏻‍♂️🤦🏻‍♂️

唔會再有下次叫外賣小菜三餸（古法蒸雞、椒鹽骨、清炒白菜）兩杯凍飲，居然要等兩個鐘先送到，已經不停打電話催，終於等到點知啲餸只算係暖，啲汁凝固晒，椒鹽骨唔脆，菜凍既，啲白飯變硬晒，連啲凍飲都無晒冰，即刻打電話投訴佢，只係不停話好多外賣，所以遲咗，仲淨係補返啲凍飲，其他都唔補，我哋唯有啞忍，食住等杯野，點知都要等多45分鐘先到，真係唔會再叫佢

薯條炸到黑晒乾晒 d沙律有陣雞味 炸脾完全炸到無晒水 硬晒 用差都吉唔入 送既時間亦都好長 真心覺得無理由咁都可以送過泥 擺落口又嘔出泥 完全用左90蚊叫左3個下午茶 得杯汽飲擺得落口 無下次 下午茶真係唔好制...