富園冰室

Open Now

Now Closed

🍛舒適茶仔🍛推介指數 ❤️❤️❤️❣️🤍原來馬鞍山唔止叫美食沙漠，仲有人叫佢做劣食沙漠，搵食艱難！咁試下遠離沙漠中心嘅商場-We go mall，商場以民生生意為主，皆因附近沿海濱路都有8個屋苑同寵物公園。食肆亦唔少選擇，仲有好大個supermarket！去咗間港式冰室，食物種類好多，有煲仔菜、炒粉炒麵炒飯炒公仔麵、中式小菜、港式all day breakfast、早餐午餐常餐、特色小食都有。咁就同朋友一個飯一個粉麵，止唔同嘢。🍛咖喱汁雞扒、煎蛋、豬柳漢堡飯配凍飲 HKD63✨原本只係叫咖喱雞扒飯，店員話不如自選雙拼扒飯餐，可以揀多兩個餸，多啲嘢食。✨咖喱汁係出色，質地濃稠適中、鹹甜剛好仲有椰子味香濃。雞扒係香煎過再切件，雞蛋有雞汁，豬柳漢堡都有煎過，絕不馬虎。🍜五香牛什米配油菜 HKD48米粉熱辣辣、腩汁都唔少、牛什軟腍，加埋紅醋同辣椒渣，整體平穩。環境光猛，卡位位舒適，位置之間有一定距離。總結：-食物 ❤️❤️❤️❣️🤍環境 ❤️❤️❤️❤️❤️服務 ❤️❤️❤️❤️❤️.··餐廳：富園冰室 (馬鞍山)地址：馬鞍山保泰街16號We Go Mall地下G05舖

點餐時，給了一個下午茶的餐牌我，結賬時，又話沒有此下午茶餐，要比原價，我說這個餐牌是你們的同事給我的，應該照餐牌上的價錢付款，他說比錯餐牌我們，今日沒有這個餐，一句唔好意思都沒有，而且態度十分惡劣！只於食物方面，啲潮洲粉麺不夠熱，而且唔夠味，啲河粉又粗又不夠滑，啲牛腩又唔夠味道，唔會再來食

@kan.teen港女大愛港式茶記❤️我真係太鐘意食港式嘢啦😭茶餐廳嘅西多士、港式奶茶☕️、菠蘿油😍、甚至晚市嘅小炒......通通我都好鐘意食啊🤤🤤當然唔少得港式扒餐/常餐🍜呢啲啦‼️今次去嘅呢間茶記 繁忙時間都幾多人🤔算係區內好食少少嘅餐廳....👅歐陸早餐 $50 餐有：田園雞扒🐣雞肉嫩滑Juicy💦個邊好香脆 仲有啲燒汁味 有驚喜😋多士唔係用普通方包 反而用丹麥酥脆多士🥪特別啲😜我覺得仲正🤪牛油味濃 更邪惡！口感好酥（騷）淫賤丹麥酥🤤我再追加多個通粉 湯底連味精都唔比多你🥲無味架！但好彩佢地嘅辣椒油🌶️好岀色🔥刺激，香辣，嗆口。.👄總結住呢邊嘅街坊👀諗唔到食咩可以黎呢度喎🤤良心茶記要你哋嘅支持啊💛～但如果係港島嘅朋友 又唔洗專登過黎🤣食翻個邊啲良心餐廳就得🌼———📍富園冰室 (馬鞍山)馬鞍山保泰街16號We Go Mall地下G05舖#kanteen香港 #kanteen馬鞍山 #kanteen良心幫襯 #kanteen茶記

Wego Mall受地理位置影響，所以成個商場都冷冷清清，唯獨商場入面嘅富園冰室長期多人，午飯時間仲要排隊，原因都係呢到嘢食幾有水準，而且門外有位停車，望實就唔驚抄牌啦。今日嚟到已經2點幾，有下午茶，叫咗泰式金邊粉$40加凍檸茶（$3）。雖然係下午茶但份量都唔少，男士都夠食。金邊粉配上豆乾、韮菜、芽菜、蛋絲、蝦仁做配料，都幾有誠意唔會太單調。味道酸酸甜甜跟足泰式風味，又有少少魚露香味。可惜無泰式辣椒粉去配，唔係就真係perfect！檸檬茶有水準，夠茶味檸檬亦新鮮。我叫少甜有做到，我俾85分！

今日去左WE GO MALL 睇下有咩食呢間好似好多人排 就排埋一份試下有咩好食午餐都係$50 幾包野飲 價錢好合理A. 香辣肉燥豬扒飯$54一上台嚇親 超級大盤超多肉燥係港式肉燥味道 好岩口味我個人就麻麻地台灣口味個D肉燥呢個真係好正 份量又多忍唔住都食哂D飯C.菠菜忌廉汁焗雞皇飯$54焗飯係新鮮出爐 好熱好熱菠菜忌廉汁都好多但好似無咩菠菜加埋有D芝士 都係好送得飯 好大碟熱奶茶都好有茶味 係好食的茶記水準

#43富園冰室 係美食沙漠中覓食，錦岩係We go mall見到間冰室就去左試下。富園金牌牛腩馬鞍山勁勁勁好食既牛腩，牛腩冇起渣，又烹煮見到剛剛好既火喉，有入口即溶既感覺，加埋個牛肉汁，火候岩岩好，真係估佢唔到。宮庭醬烤豬軟骨有菠蘿嘅酸味搭配豬軟骨既爽脆，超級match，又唔會太酸又甜味。芹菜腰果雞肉超級夠鑊氣，雞肉軟淋淋配爽脆腰骨，加埋菜，幾倍滋味。青椒甜酸排骨用砂鍋保持排骨既熱度，酸甜味同排骨既香味夾得非常好，令人想加多碗白飯！

突然夜晚想食個沙嗲通，第一時間諗起去茶記入到去d伙記都好好服務態度幫我地量體溫同埋語氣都好好。睇過佢地餐牌，夜晚都有西多薯條食真係唔錯入到去叫左份沙嗲通+煎雙蛋+烘多+檸水。友人就叫左生炒牛肉飯沙嗲通都唔錯，幾大份。牛又唔會話比得少，個湯都夠哂味。煎雙蛋兩隻蛋黃仲係流哂心，一點都不馬虎塊多士超超超鬆化，特別好食友人叫個牛肉生炒飯都略嫌太油，牛肉太少了檸水共有4片檸檬🍋 開心仔🥳埋單總共106大元

每次去We Go Mall既超級廣場入貨都會順便喺個度覓食😛今次閒日下午茶時間黎到富園冰室鋪位算大 而人流唔多 所以保持到適當既社交距離架~~母親大人點左常餐💁🏽‍♀️E. 蜜汁叉燒(米粉) 配 (自選兩款) 牛乳炒蛋+ 豬柳漢堡 及 丹麥脆香多士 + 飲品 ($48)叉燒偏乾身 唔係好蜜糖🍯媽媽覺得呢個價位 多選擇 仲有得揀豬柳漢堡 幾抵~~而我就覺得塊多士明明無搽牛油🧈係面 但係食到牛油既香 幾特別👍🏽我見粉麵套餐可以配油菜一碟 所以叫左👉🏼 金牌牛肚(米粉) 配(自選)芥蘭 ($46)牛肚爽口 份量都多湯底偏濃味 所以配米粉係個唔錯既選擇😛

小弟成日都要出街搞掂三餐，仲要成日食自己，多數都會搵啲方便又平又快捷嘅餐廳。依家富園就啱哂喇！唔止有中式，仲有西式，粉麵都有！呢日小弟就試咗佢嘅牛腩麵，大碗之餘仲好多牛腩！湯底亦唔會好鹹，牛腩唔會太un同太肥！而且店員仲好樂意幫我加多啲蔥。下次一於再嚟試吓其他嘢先！

住附近的常客首先對食物及招呼一向好收貨，但終於忍唔住，要表示對沒有八達通或其他電子收費之小小不滿。希望獲得關注，然後改善，方便客人，提升整體好感，而非借故加價。加油！

今日和老婆往We Go Mall富園冰室食晚餐,冰鎮咕嚕肉, 脆皮鹹朱手、蒜蓉炒菜心和凍lemon tea。冰鎮咕嚕肉賣相吸引, 大大碟,色彩繽紛, 咕嚕肉食落香脆有肉味, 配上咕嚕肉汁食落開胃, 配菜有沙律菜, 蜜桃、藍莓、珍珠、波羅、紅椒和青椒, 沙律菜,紅椒和青椒食落新鮮爽口；蜜桃、藍莓和波羅食落甜度適中醒胃；而珍珠食落香甜, 整份冰鎮咕嚕肉賣相吸引, 份量十足, 食落開胃；脆皮鹹朱手食落香脆惹味, 朱手食落有油花、肥而不膩, 配上甜酸醬食落醒胃惹味, 個人認為如果朱手切得細件一點和去走筋位, 口感更佳；蒜蓉炒菜心新鮮爽口, 配上蒜蓉食落美味；最後凍Lemon Tea茶味香濃,Lemon 甜酸度適中；冰室食物美味, 賣相吸引, 有鑊氣,份量十足, 適合情侶和三五知己聚會好地方。

喺馬鞍山搵一間好味又抵食嘅茶餐廳好難，估唔到喺wegomall 度搵到,呢度啲小菜好有特色而且份量大，價錢又合理，賣相都好精美。最有特色嘅係冰鎮咕嚕肉，大大碟，大大件的咕嚕肉係冰堆上，伴著色彩繽紛的雜果及彩椒、還有一粒一粒有果汁味的透明珠子，好特別。金牌牛腩亦很好味，牛腩可以配飯或麵或獨立一個例牌，全日供應。雞煲有三款，我地叫左胡椒豬肚雞煲，胡椒唔太跨張，雞煲更可以當火鍋一樣，另加其他配料落去。晚市還有二人餐，兩個餸加兩碗飯，還有湯或飲品，都是$百多元（忘記了實際價錢）。餐廳內的員工上菜效率迅速，有問必答，服務態度良好。

自從馬鞍山呢個商場開幕左之後，搵嘢食都多咗好多選擇，呢個商場已食肆為主，今日就試吓地下呢間茶餐廳，平時晚市好多人排隊，試吓究竟龍與鳳餐牌今日想食小菜，小菜嘅價錢並不包括白飯同飲品，白飯每碗$8，飲品半價。小菜選擇都唔少，雞豬牛海鮮同煲仔小菜，各適其適蜜桃咕嚕肉$62今晚叫咕嚕肉，冇叫生炒骨，貪佢啖啖肉，同埋鍾意蜜桃配搭。每件咕嚕肉都經油炸，外層超脆，更能夠鎖死肉汁。值得一讚嘅係，這一碟咕嚕肉，分量絕對唔少，似乎夠份量係呢一間餐廳嘅賣點沙嗲通菜炒牛肉通菜炒完仍然青綠，咬入口爽脆，第一次食配上沙嗲醬，味道原來可以好夾，牛肉煮得夠林，入口唔會死死實實，沙嗲配牛肉，係絕配價錢唔貴，服務正正常常，食物味道好，份量足

本人住附近，食過呢間好幾次，都覺得高質！食過牛腩牛肚河，嗌餸食飯都好好食可能我食過好多難食嘅茶餐廳好多茶餐廳煲嘅飯通常都一pat pat爛哂，一係就感覺擺咗好耐，但呢一間嘅飯到粒粒分明，Feel到飯香出哂名美食沙漠嘅馬鞍山終於多一間正野～係屋企肚餓如果想食茶記第一時間諗起呢間！

有新嘢! 你試下啦 。我覺得佢嘅醉雞鍋唔錯，仲 可以加餸菜 ，好似打邊爐咁。羊腩煲，麻辣雞煲又係好似打邊爐咁;赞!環境又乾淨企理，服務又快，畀錢又快乜都快。 有一點唔鍾意嘅就係， 佢哋用埋啲 膠杯，膠碗 嚟裝熱嘢，真係唔係咁好囉。膠杯，膠碗 又唔係BPA Free