寶記粉麵牛什專家

Open Now

Now Closed

如果在筲箕灣附近想食牛腩，寶記可能是最佳選擇（我自己的意見），够香、好味、够淋。雖然無坑腩賣，但它賣的牛腩，不論肥瘦皆有水準，配粉麵够大碗，湯亦好味，$17 一碗，抵食！

男友住附近, 所以去親佢屋企食飯都會行過, 有一次放工終於忍唔住叫碗, 都算大碗, d牛什仲好好食, 我仲要多蔥.多辣椒油, 無得頂! 果陣牛什味, 聞到都流晒口水, 何況食埋仲........

食牛黎講...呢間店d牛真係好有水準..15蚊一碗....如果唔係大食既話,一碗就飽~油菜都幾靚~行過門口, 一陣陣牛香味已經引死人...牛丸,牛腩,牛肚,魚蛋都不錯~食河粉好飽肚~d牛既好味程度同安利有得揮!!同埋係我屋企樓下,做街坊生意既食店黎講..真係要俾隻"手指公"佢!!不過可惜眼見佢唔係好多人去咁...可能係因為街坊店..15蚊都可能算貴吧? 加上位置唔夠就腳~

7-9-2005 1845今日順利準時落閘放狗，放工後途經這裡，見好耐沒有幫襯，又諗起這裡的牛腩抵食，又入了閘。見不太肚餓，點了牛腩米，我叫了坑腩，不過老細話冇，問整半肥瘦好不好，我當然問題不大，上到檯後，一貫的都係有六件腩，其中三件係半肥瘦，米粉係比較粗既，太幼我自己不太喜歡，雖則冇九記及華南的級數及質素，但係近近地，加埋杯4蚊凍豆漿，唔駛廿蚊仲想點呢？