小巷弄

Open Now

Now Closed

這家位於北角會的小店已經去過好多次食物水準都保持肉碎拌麵是水準之作我自己最喜歡的就是牛骨湯底的米粉鹽酥大雞扒肉嫩汁多炸花枝丸可口彈牙各類薄餅也非常好味值得一試再試芝士奶蓋的各類飲品也非常出色我尤其喜愛輕芝士奶蓋烏龍茶不過呢今次有少少投訴一向都知道服務是一般對於這類簡約經營的小店其實也沒有什麼要求話說前兩天外賣酥炸大雞扒配湯米粉加了青菜加了芝士奶蓋烏龍茶一個負責包裝的小女子我見到她對單很多次結果回到家發現沒有雞扒我打電話去投訴聽電話的那位只簡單說“你可以落嚟攞返”我行過去要15分鐘㗎所以揸車落去特登攞返其實我好嬲都忍唔住鬧咗佢哋點算呀咁以後仲落唔落去食

新界人很少到港島區，今天來到北角匯的小巷弄， 等人期間， 新到此店是另一個綜合仙草凍， 指明是下午時光只在平日的兩點半到六點供應。 之前在廣州西門吃了一兩間很好的，希望可以回味一下。 不過嚟到份量比我想像中少好多。綜合的有紅豆、珍珠、蘆薈、芋圓 及愛玉， 其實感覺不錯只是份量真的太少入口清甜健康之選糖份不高紅豆口感不錯，反而仙草與愛玉感覺較淡，水份較多。 芋圓有地瓜及其他的款式，但數量很少。雖然這個是冷食，但美中不足的是加了一些冰塊而不是用沙冰。 以48蚊一碗，在下午茶的時間實在太貴了。味道 份量 性價 環境 清潔 回頭 服務

之前喺北角嗰邊返工見到呢間新開嘅台灣餐廳，雖然佢開喺北角會匯商場入邊，但係啲嘢好似幾抵食，嗰日就同兩個friend去試吓。佢個餐牌雖然唔算話好多選擇，但係有好多經典嘅台灣菜都有得食。我哋叫咗個大腸蚵仔麵線，呢個餸都好耐冇食過，食嗰陣其實都令我諗翻起台灣食阿宗麵線嘅感覺，係好食嘅！之後我哋就嗌咗碗紅燒牛肉麵，啲牛肉一啲都唔會硬而且好夠味，個湯底都有喺台灣食嘅感覺。之後再叫咗個牛肚牛筋麵，都係相當唔錯好入味！跟住我哋就嗌左啲小食，叫咗個鹽酥雞粒，佢炸得好香口，但又唔會好油膩，而且價錢都仲係好平，減咗㗎只係20幾蚊。之後你再嗌左另外一個減價嘅小食，一份話梅豬手，呢個酸酸地好開胃，同埋手抓餅都好食！三個人去食埋單都只係250蚊真係超抵食，下次都會再嚟呢度食！

之前見開咗一段時間都未去食，今次終於試到。北角站A出口一出，過條馬路就係，勁方便。仲可以行埋北角匯海旁🤩食親台灣野都一定會嗌蚵仔麵線，呢度仲有得兩溝，有埋大腸，啱晒我！食落都幾正宗味都唔錯，落埋胡椒粉就更加好啦。見佢加$22有鹽酥雞粒，就梗係㗎啦！食落外脆內鬆軟，啲雞肉都幾嫩，啲孜然粉落得啱啱好，夠晒味。食台灣野又點少得蛋餅，叫咗個起司蛋手抓捲餅，外面煎得好脆，蛋同芝士永遠都係絕配，記得趁熱食。下次可以帶其他朋友嚟食🤩

放工順路去左北角匯間小巷弄食台灣野，餐廳行簡約撲素風，價錢亦都貼地，免加一不取巧嘅門面，有種家庭式嘅感覺。餐廳大概有十零張枱，weekday 6點幾呢段時間大約坐左一半人左右，坐得幾舒服野飲款式有好多，不過今次冇嗌到。淨係揀左款麵同小食😋紅燒牛肉湯米，湯底用上牛骨，食落唔會有味精味亦唔會過咸。牛肉有around 6-7舊，煮得夠冧同入味。米粉份量都好多下😳起司蛋手抓捲餅。呢個手抓餅要推介🤩因為以前食過啲好濕納納油淋淋嘅手抓餅有啲怕左，但呢間個餅係微脆架🤩而且食落都唔會有油膩感，完整嘅一層厚蛋邊，包住好多椰菜，仲有芝士，口感同味道都一流手抓餅雖然係最貴嘅一款小食，但都只係$39咋👍👍有成4大舊！😌

今早到寶馬山行山，回程在北角匯附近落車，在北角匯商場口見到一間台灣牛肉麵（小巷弄）門前排隊大既有七至八個人，等了十五分鐘終於輪到我哋，舖裡並不大間，屬於小舖，坐位有點狹窄，我哋點了如下食物。1.酥炸豬大腸。2.話梅豬手。3小巷弄半筋半牛肉湯麵。4.酥炸大豬排湯麵。5.台式凍奶茶。6鳯梨凍乳酸。話咁快食物上枱喇！酥炸豬大腸出式，一份有10塊，味道非常，有點像街舖吃的一樣，豬腸裡有小部份肥膏，超值小食衹需＄20元，街舖都唔得話梅豬手，豬手好入味好腍，豬皮好像啫喱，一份有4舊，祗需＄22元小巷弄半筋半牛肉湯麵，碗內有一舊蘿蔔，蘿蔔好腍，食落無揸，牛筋好腍，牛肉好入味，湯底好濃。酥炸大豬排湯麵，豬排需大塊，有點乾硬，蘿蔔好腍無揸，豬排味道還可以。台式凍奶茶及鳳梨乳酸，好飲味濃！

呢一間台灣嘢食真係十分之舒服地方好闊落，好光猛，餐單用嘅係台灣好傳統過咗膠嘅餐單落單，好有回到台灣嘅感覺！第一印象十分唔錯！因為叫外賣去野餐，所以今日就唔考慮湯麵，自己鐘意食麻辣，就叫左一個紅燒牛牛麻辣乾拌麵（$70），好鐘意呢一間餐廳有好多款麵選擇，有牛骨湯麵、湯米粉、滷肉便當🍱⋯⋯自己鐘意比較彈牙有口感嘅麵質，唔鐘意麵線太軟嘅質感，呢一個真係完全係我口味，我叫外賣遲左食都超級彈牙！比較厚身有質感，麻辣醬超香掛曬上面，辣得來唔會太辛苦，麻醬感好溫和，再辣啲就更好🙈 唔洗飲野都得，雖然個醬有少少重口味，但佢配搭左勁多爽脆青瓜絲，仲有醃黃蘿白、紅薑，口感爽脆，好好味😋 未食牛肉都正個麵！紅燒牛肉都有驚喜，唔乾唔柴，超級量多大舊，全部都係半筋半肉，筋帶勁道口感，牛肉部分入口即化又入味，呢個價錢真係好高質！因為開頭怕太辣，叫左一杯輕芝士岩鹽奶蓋綠茶（$19），雖然我外賣拎完行左一陣都未飲，但行到東岸公園個陣竟然仲未融光光，仲有明顯漸層，輕芝士奶蓋真係口感醇厚，微微嘅岩鹽中和左奶蓋的膩，芝士奶蓋好香滑，比奶蓋更似芝士蓋🤣🤣🤣 綠茶清香，19蚊一杯十分唔錯！因為打算去東岸公園野餐，所以叫埋甜品，

今日同朋友去咗北角匯揾食，朋友揀咗呢間台式小店，我哋點咗......😋🐮紅燒牛肉麵$68❤️湯頭帶有濃郁牛骨味，牛肉腍滑，白蘿蔔清甜、好入味，麵條有咬口👍🏻🧋黑糖珍珠鮮奶$25🤎黑糖味濃，珍珠彈牙，微糖👍🏻🍜豬軟骨滷肉拌麵$65🧡豬軟骨炆到好腍、好入味👍🏻🧋香芋珍珠奶茶$17💜甜度適中，珍珠彈牙，淡淡香芋味👍🏻

今晚唔想煮又唔想出街食，所以一於買外賣番屋企食。餐廳位置非常方便，地鐵站一出行1分鐘就到，我開頭入左北角匯搵，原來可以唔駛入去，因為門口向出面。餐廳用左木枱櫈，枱同枱都有透明隔板隔住。地方亦乾淨舒適。招牌紅燒牛肉牛骨湯麵 $68 (外賣另加$2) 醬油豬軟骨牛骨湯麵 $65 (外賣另加$2) 湯底濃郁又夠熱，兩款麵都有1舊好大舊ge蘿蔔，其中一舊清甜無渣，另一舊就有少少渣不過影響唔大。除左蘿蔔，每碗麵都有2條生菜。牛肉麵有唔少牛肉。豬軟骨麵都有好多豬軟骨，忟得都幾淋。兩碗麵都唔錯，食完又唔會好口渴，幾arm我地口味。總括黎講，以台灣麵黎講價錢合理，食物質素又唔錯，地點又好方便，就算唔係住係附近都可以一試。

今日去咗北角匯shopping，行到餓餓地，就响附近食!呢間台式小店，店員服務都唔錯，皆因我叫咗「滷水切大腸麻辣醬乾拌麵」覺得d麻辣醬到喉唔到肺😅😅😅，店員知道咗好快加醬俾我!👍👍👍豬大腸滷得夠淋，如果再多d就正啦!🤭🤭🤭

台灣菜係我其中一個喜歡嘅地方菜... 見到呢間位於北角匯外圍嘅台灣食店望落企企理理... 所以即刻試試!外賣咗【鹽酥大雞扒滷肉便當】... 同埋【鹵水切大腸麻辣乾拌麵】!【鹽酥大雞扒滷肉便當】雖然冇預期嘅大塊... 但都不過不失... 雞扒算係香脆... 配埋滷肉飯一齊食都幾滿足!😋😋😋【鹵水切大腸麻辣乾拌麵】就爭少少... 大腸都夠腍嘅... 但麻辣醬就只得少少... 完全都唔夠撈... 結果要出動私伙麻辣醬!😅😅😅不過overall都ok嘅!👌👌👌

好少出城嘅我今日嚟到港島食午餐。由於唔係好肚餓，所以淨係叫咗一碗綜合肉丸湯，同一杯輕芝士岩鹽烏龍茶。兩樣野都好啱我口味，碗綜合肉丸湯湯底清甜，似足蘿蔔湯，啲丸都好有口感，咬落唔會覺得粉。而杯野飲就好似平時飲開嘅奶蓋烏龍茶，芝士唔會太厚身，啜完一啖芝士，再飲一啖烏龍茶，簡直冇得彈。

吃野有時也講緣份！去北角滙一田購物，行下行下，好餓！行經該店，入咗去，睇完餐單，才知主菜是牛，自己不吃牛，好彩仍有炸雞扒及猪軟骨，大腸面線，蚵仔煎等。太餓又拎住好多野，決定不改，叫了蚵仔煎，猪軟骨（清湯底）面，配青瓜及叫了一杯蜂蜜蘆薈多多。好意外，个清湯底好鮮甜，用白籮卜久煲成湯底，配以台灣面及香滑猪軟骨，味道不錯！蚵仔煎是台式濕炒，內有椰菜絲，地瓜粉，蛋及肥美蠔仔，幾 ok！如果喜歡潮州港式蠔餅，則建議考慮其他小食，例如話梅猪手及大腸。環境可能因租金貴，比較小，但見店員 keep到乾淨，好快清檯，勤力！服務態度也殷勤及有禮！如下次再去，試下話梅猪手及試甜品！吃完，成个人太飽，吃不了甜品，有些可惜！要再去

中午飯實在不知道吃什麼，因為觀塘牛頭角九龍灣已經被我發掘一空，於是今天就搭地鐵到北角買一頓午餐，之前週末到北角被這家奶茶吸引，我好喜歡香芋奶茶！點了一份豬排飯和一個香芋奶茶，價格84💰，豬排飯無功無過，芋香奶茶基本滿意！

好少過黎北角, 咁啱係附近staycation所以有機會過黎行下北角匯, 附近都幾多野食！ 因為未到晚餐時間但又有少少肚餓, 所以想搵間有小食既食店, 小巷弄就係商場門口地鋪, 十分易搵！係門口見到有餐牌又唔係貴就入去坐低!蚵仔煎 $46 - D醬同餡就好好味, 不過敗北左係個皮度, 太厚同太多粉! 炸花枝丸(5粒)$28 - 香口惹味又彈牙, 食完想再食!珍珠芋圓仙草凍$38 - 不過不失! 如果可以再凍D就好喇!埋單$112, 算係幾貼地幾抵食! 食完行下北角匯幫助消化!