小老板 (太安樓)

Open Now

Now Closed

西灣河太安樓小老板~~~各類 上海包點小食都應有盡有!!無論係餃子，水餃，擔擔面，酸辣湯，生煎包小籠包都有食係門口睇住姐姐搓皮包餡，再用大平底鐵鑊 煎香生煎包, 香味對面街都聞到!!生煎包底脆皮薄，湯汁不漏，食落肉鮮爽嫩~~小籠包即叫即蒸，皮薄餡多又Juicy^^仲有煎餃，摺紋靚之餘，外皮厚薄適中, 食落唔會得啖粉。最重要係價格更是親民到不行~~生煎包十蚊三粒無可匹敵吧~無論是正餐加餸定放學下午茶，都係好選擇啊～

西灣河太安樓出名好多嘢食，次次經過「小老板」排哂長龍。適逢今日早放工，就諗住睇下多唔多人，結果條人龍未出現就即刻買外賣試下。小店只供外賣，食物價廉物美，全部即叫即做，當中生煎包同鍋貼都係人氣之選。今次買咗雲吞擔擔麵（$32）、生煎包（$10/3隻）、生煎鍋貼（$10/3隻）同埋紅油抄手（$25/8隻）🥢🥢***雲吞擔擔麵 🍜 入面嘅雲吞大大粒，個皮又薄又滑，菜同肉嘅比例啱啱好，配充滿花生香嘅擔擔麵簡直一流👍🏻生煎鍋貼 🥟 同生煎包兩款食物都的的骰骰，底部煎得硬身脆口，餡料豐富，湯濃肉香集合於一身。一口一粒，非常富有層次感。兩樣食物麵田充滿上海風格，非常好味😋紅油抄手🥟皮簿肉彈，內餡飽滿🍲十分推介！總括而言，呢間小店性價比非常高，下次一定會試埋其他食物🍴🥢🥡

西灣河太安樓出名多野食，好似台灣啲夜市，可以掃幾條巷既野食，好有feel。今日經過呢度，就專登過黎掃下街。臨走問下屋企人想食乜，外賣比佢食，佢一講就講要試呢間小老板，乜原來咁出名。原來佢食過炮台山嗰邊間總店話好食，知佢係太安樓開左分店就話要試下。佢係太安樓出面啲地鋪，好似就搵到。平平實實既門面😂，入面有幾個人係度不斷包不斷包，都好忙下。睇睇有乜食，呢度啲價錢好親民，叫多啲都無妨，呢野流轉得快，全部野都係煎完即出。呢度最出名係生煎包一定要嗌，10蚊3隻，豬肉餡、包面沾左啲芝麻，而個包底幾香脆。鍋貼 6/$20，鍋貼皮底香脆，饀肉鮮甜。小籠包 5/$25，抵食呀，皮薄，食落多湯汁。红油抄手$25， 抄手細細粒，個汁好香唔太辣。始終拎返到屋企都無咁熱，即場食應該仲正。

小老板 (太安樓) (西灣河)西灣河筲箕灣道57-87號太安樓地下A72A號舖行太安樓，完全古老味道，5、60年代嘅感覺。經過見到好多人排隊，原來係生煎包同埋鍋貼，一邊整俾你睇入邊賣一定好新鮮，於是就要左我最鍾意食嘅鍋貼同埋生煎包，外賣俾屋企人試吓。10蚊3隻勁抵，街坊生意價錢真係好親民😊😊😊勁平又好味呀‼️生煎鍋貼 熱辣辣，外皮脆卜卜，有少少🤏🏻焦焦地嘅感覺好好食😋肉質鮮甜，食完一啖又一啖生煎包圓轆轆外型好得意😎細細粒唔會太膩，兩啖就食晒一隻㗎啦，啲肉汁噴出嚟😆😆😆口感豐富超爽，屋企人一陣間就清晒枱啦🥳🥳🥳走出社區真係開眼界😯😯😯將來都要帶學生周圍去仲有好多美食等住我去嘗試

朋友話好耐無食小籠包，而且疫情都不太敢出去堂食，所以我地今日就去左小老板買外賣，順便當晚餐。鍋貼和生煎包，價錢一樣都係$10有3隻，煎得香口，但又不會太油膩。小籠包$25有5隻，個皮都不會太厚，都有湯汁。菜肉雲吞$18有6隻，大大粒，餡料多。雲吞擔擔麵$32碗，份量都算多，而且有好濃郁既花生醬味。豆漿$5一杯，不會太甜。我地買左好多野食，仲要加埋都係一百蚊到，真係好抵食，而且味道都不錯，性價比高。

臨搭巴士前，見到有間上海美食外賣店，價錢親民，又多人排隊買，搞到我都忍唔住嗌咗幾款小食，帶回家做晚餐嗌咗【生煎包 $10/3隻】一口咬落去熱辣辣，底部煎到金黃色夠香脆，啲汁爆哂出嚟，餡料夠哂足料。仲嗌咗【生煎鍋貼 $10/3隻】皮薄餡靚，咬落去肉汁唧哂出嚟，食落有咬口，肉質鮮甜好味上海美食當然要嗌埋【小籠包 $25/5隻】每隻小籠包都包住滿滿湯汁，皮薄多餡料，一口一隻小籠包，勁好食。仲有勁大塊嘅【蔥油餅 $8/塊】每日1點先有得買，好彩我早嚟先買到，蔥油餅係必叫嘅美食，厚厚嘅蔥油餅，蔥味超香最後當然要嗌番碗【酸辣湯(大碗) $20】大大碗，真係超足料，爽口木耳、香滑豆腐，坐車攞到返屋企都仲係熱辣辣，酸酸辣辣好好飲小老板 (太安樓) (西灣河)西灣河筲箕灣道57-87號太安樓地下A72A號舖

仲記得以前仲係北角讀緊書既時候我已經喺呢間小老板既常客😆當時零用錢唔多，放學肚餓就買生煎包或者餃子嗰啲食～平靚正😂係我哋讀書時期嘅恩物🥰-小籠包 $25/5隻小籠包通常都好驚拎到返屋企會好硬冇哂汁～但呢個真係最驚喜，首先佢既皮一啲都唔厚！仲要入邊啲肉係好軟多汁😋現場食仲正🥺-紅油抄手 $25/8隻辣辣地好惹味🌶啲皮都好滑🤣-生煎包、生煎鍋貼 $10/3隻雖然生煎返到屋企一定會硬小小，但佢啲包皮仲有少少煙韌嘅口感，加上我覺得佢呢度啲餡做得好好食😋完全唔會乾❤️-蔥油餅 $8呢個我會建議可能喺附近或者即場食～蔥油味好香🥰-韭菜鮮肉水餃🥟 $22/6隻呢個應該係新出嘅～佢個湯我飲晒😂湯餃再軟滑啲😍肉汁更加飽滿👍🏻👍🏻同埋呢度先$110👍🏻平靚正首選😚

餐廳位於太安樓是香港一個十分著名的小食地方，這間餐廳主打的就是上海美食，而我最喜歡就是這種小店經營的美食，食物方面，雖然簡單，但卻充滿人情味。第一樣就是生煎包，生煎包我最欣賞的就是他的底部，香脆可口，但絕對皮薄餡靚，內裏肉汁豐富，但完全不油膩，本身還擔心會不會充滿油膩的感覺，完全沒有，絕對是飽肚的選擇。第二樣就是鍋貼，同樣皮薄餡靚，內裏充滿肉汁，但這個令我最驚喜的就是他的餡料，吃起來口感十足，感覺吃起來不像肉末，充滿口感，真是一個不錯的選擇。

好耐無黎太安樓掃街，已經開始習慣左外賣既生活 🙈 黎親太安樓都必推呢間「小老板」，超平價既鍋貼小籠包😋.🍴生煎鍋貼$10/3隻 & 生煎飽$10/3隻鍋貼同生煎包睇著佢係玻璃窗裡面即煎即食😋鍋貼同生煎包個底都煎到脆卜卜，有少濃焦，但又唔會痴底，鍋貼同生煎包都係菜肉料，鮮甜好食。.🍴蔥油餅$8蔥油餅又係必點👍🏼但每日1300先開始有得食，要早黎先買到。.🍴小籠包$25/5隻小籠包直成係物超所值👍🏼👍🏼💯欣賞，拍得著鼎xx既質素，皮薄又爆汁，好少咁平靚正既小籠包。.🍴燒賣$10/7粒 除左上海野，仲有燒賣魚蛋賣🤣燒賣可以講得上係太安樓最好食既（食過太安樓其他燒賣就知咩料😅）仲有個辣汁好惹味。.真心推薦呢間上海式小店😍如果有埋堂食就正啦。

每次去太安樓掃街，最尾一站都一定會嚟呢間主打上海點心嘅「小老板」買外賣，今次當然亦唔例外。唔好睇佢鋪頭細細，但其實食物嘅選擇也不少，除咗招牌菜生煎包同鍋貼，另外仲有小籠包、酸辣湯、菜肉雲吞、擔擔麵等供應，而且定價亦十分相宜。揀咗生煎鍋貼、生煎包、小籠包、菜肉蒸餃同魚蛋。鍋貼同生煎包每份都係 $10/3隻。鍋貼外皮煙韌，厎部帶脆，食落肉餡很香口，鮮味多汁，吃起嚟口感十足。生煎包同樣屬傳統舊派，店內現包，再用大平底鐵鑊煎香。包仔細細隻，的的骰骰，底部咬落脆而不燶，肉餡鬆香粉嫩，包身濕潤不黏，美味。至於小籠包 ($25/5隻) 同 菜肉蒸餃 ($25/5隻)，兩款都係即叫即蒸，由於製作需時，所以要畀啲耐心等候，大約 5 至 10 分鐘。小籠包外皮厚薄適中，挾起可以依稀見到內裡嘅肉餡同湯汁，肉餡食落好鬆化，有咬口得嚟又有肉嘅鮮味。菜肉蒸餃味道亦唔錯，餃皮挺身有嚼勁，嚐起來爽口不膩，飽滿肉汁中散發著淡淡菜蔬嘅清甜。另外仲點咗魚蛋，$10 有 7 粒，非常抵食。啲魚蛋雖然唔算話好大粒，但食落質地不俗，外皮香口，肉心彈牙，而且魚味到位，感覺自然。

食小籠包唔一定要去酒樓嘅，今日同朋友經過太安樓，俾我地搵到$25有5隻即蒸小籠包，價錢十分之貼地。買左一份 拎到返屋企仲係熱辣辣，夾起皮薄但唔易穿，一啖入口仲有湯汁流出，相當抵食。生煎鍋貼$10/3隻，生煎包$10/3隻，兩款都煎得十分香口， 底部金黃焦香，肉餡足料，質素都有保證。蔥油餅$8/塊 厚厚一塊，咬落蔥香撲鼻，美味得嚟仲夠曬飽肚。紅油抄手$25/8隻抄手滑一滑，餡料飽滿，配上惹味紅油，辣得過癮。

無晚市之後又要周圍搵抵食外賣，今日就嚟到西灣河呢間位於太安樓嘅小老板，雖然成日大排長龍，但呀姐好快手，都唔洗等好耐。水餃麵($28)水餃麵份量不少，水餃都大大粒，餡料肉同菜嘅比例剛剛好，外賣拎到返屋企麵條都唔會太腍，仲有蔥花點綴添。雲吞擔擔麵 ($32) 擔擔醬中嘅花生味十分香濃，濃郁醬料非常掛麵，雲吞軟滑，啖啖惹味。酸辣湯 ($20) 木耳絲夠爽口， 配料仲有豆腐，蛋花...等等，拎到返嚟仲係熱辣辣，濃稠度剛好，要襯熱食啦！

9/10 蔥油餅 $8/塊餅十分厚身 外層唔油膩 食落口感酥軟 內裏軟糯 多層次又實在 唔會過份空氣感 而且味道充滿蔥油香 個人認為係呢度招牌菜🤩 8蚊一塊比出面更平😤 8.5/10 紅油抄手 $25/ 8隻 抄手上面灑有大量蒜蓉 蒜味超香濃‼️ 紅油唔算多 唔會食到成口油 抄手成隻雲吞咁大隻 皮薄餡靚 高質💪🏻 必試😉8/10 生煎鍋貼 $10/ 3 隻皮厚肉嫩 外皮煎到脆邊 菜肉餡料味道唔錯 肉汁特別多 讚👍🏻7.5/10 酸辣湯 $20/ 碗 食材有筍、冬菇、肉絲、木耳、豬紅、豆腐等 係香港難得一見咁足料🔥 味道酸甜度岩岩好 質感上再杰身啲就一流😁

入到西灣河，來到太安樓，想食中式包點又因爲疫情唔想堂食。見到小老板包點雲吞，方便外賣🥡一於試下。紅油抄手（$24/8隻）係order之後，師傅即刻煮，所以都等左5-8分鐘，真係勁熱辣辣。抄手嘅辣油麻得過癮！係好特別嘅麻辣，令你係咁分泌口水，但又唔會辣得好辛苦。真係麻而不辣！生煎包（$3/粒）細細粒，但竟然有鮮肉蔥花餡，有湯汁滴出黎！價錢親民🥰口味也較家常，個包底煎到脆卜卜。以3蚊黎講，仲想點？性價比算高啦！

太安樓多野食就出哂名～上海野就唔多選擇呢間小老板喺正西灣河地鐵站對面～唔洗入去太安樓呢個迷宮搵🤣雖然店鋪只做外賣 細細間 但食物種類都算多有上海小食 雲吞餃子 湯呀 麵呀 仲有d魚蛋燒賣小籠包💖即叫即蒸！皮唔算好厚～有少少肉汁 肉唔算好大舊 但肉同皮嘅比例做得唔錯鍋貼 & 生煎包煎野出色！個底煎得岩岩好 有層焦 但唔會食到燶味！少少脆底加埋d肉汁 幾juicy☺️擔擔麵✨非常香濃嘅花生湯底！但食哂成碗都唔會太油膩！愈食花生味愈出 麵條質地帶點煙韌 幾掛湯😛正酸辣湯雲吞呢碗好抵食😂超大碗 料好足酸辣湯底大量木耳絲、豆腐、豬紅、肉絲、豬皮 辣度可接受～係開胃嘅辣雲吞有6大粒 皮薄餡實 勁飽肚😌！