布丁燒 @ HeA CoRneR

Open Now

Now Closed

前日（22-11-2024 Fri）男同事RW突然向同事們送上布丁燒，原來係佢將會結婚，恭喜晒。而我知道，石門只有一家有布丁燒賣，因為自從我2020年10月26日，喺廣涌廣場食過呦呦鹿鳴布丁燒後（食評係2020年10月28日刊登嘅呢篇：https://www.openrice.com/zh/hongkong/review/yeah-%E5%8A%A0%E6%B2%B9%E7%94%9C%E5%93%81-e3846398），就見到石門呢間有，而且一直都想試。我將個布丁燒反轉倒出嚟食，布丁好滑，下面有蛋糕，焦糖漿唔太多，成個食得舒服。

想當年剛興起時，這種傻事 不只我一人做過吧🙈🔹原味芝士布丁燒🔹$25布丁主體➡️芝士蛋糕底座➡️少量糖漿打倒了我對這類布丁燒的美好印象🥴，原先不怎麼喜歡布丁，除咗布丁燒。。。布丁味道好淡好淡，蛋味薄弱 奶味又冇，都唔確定佢定位係咩布甸。質地滑嘟嘟嘅，但冇記憶點可言🤷🏻‍♀️芝士元素🧀放在喺蛋糕體度，日式芝士蛋糕般嘅輕柔路線。質感略嫌粗糙，有冇都唔令件事更好糖漿太太太少，差啲唔記得咗佢嘅存在。本身🍮已經唔夠味，冇糖漿嘅加持 成舊布丁更無氣色價錢平係平 但寧願加多點$$食葵廣某塵鳴🦌，大舊啲層次豐富啲 滿足好多

非常好味 , 服務要看客人有多少但總算是一流 , 招呼得很好 , 對小朋友亦很細心 , 最重要是不太甜的甜品 , 多吃也無妨 . 店長亦很友善 , 如有時間亦會細心詳盡地逐一介紹令顧客可享用心儀的美食

四日前預訂，俾晒錢，約好時間，去到冇貨攞，理直氣壯話“幾個字”前賣咗比walk-in 客⋯⋯我準時搭正去到攞貨原來我係我問題⋯⋯咁⋯⋯請問我做乜嘢要預訂呢？個老板阿姐一啲歉意都無，只係賴個walk-in 客迫佢⋯⋯下删千字！如果唔係俾咗錢，真係唔想要，感覺真係好差。返轉頭再去攞貨，嘩⋯⋯晦氣到呢⋯⋯我認真思考咗我欠咗佢啲嘜呢？生意慘淡唔會冇原因囉！各位食神，我今次真係學到嘢。原來「預訂」「預約」加「預付」都會無貨攞，仲要受老板阿姐面色⋯⋯感覺真係好奇怪⋯⋯我唔夠膽話遇到 黑•店，但絶對唔係友善嘅店，係一次極不遇快嘅經歷。唔會再幫襯！介紹返，味道無特別。完。

喺附近做完瑜伽行過嚟京瑞廣場諗住買少少嘢食返屋企食😋見到呢間有布丁燒 賣，即刻買返一個黎試吓。佢哋有原味 綠茶 朱古力 同 咖啡，我最後揀咗原味嚟試。原本驚會太甜或者太苦 但比我有驚喜。唔太甜亦都冇苦味，食完一個仲想食🤣🤣下次都會再買返呢間 二十令蚊都算抵食。

琴晚既小驚喜滑溜甜品🥰芝士朱古力布丁燒 （$28）唔係話好食到芝士味，主要都係朱古力味，下次想試吓佢嘅原味。最底層嗰個蛋糕熟咗啲汁，有幾好味。布丁又夠滑。㊙️因為唔係我賣，好多都平唔到分🙃我只係負責食推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：不適用環境（10⭐️滿）：不適用賣相（10⭐️滿）：7⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：不適用地點（10⭐️滿）：不適用［布丁燒 @ HeA CoRneR (沙田)］地址：沙田安群街1號京瑞廣場二期1樓107號舖

💭布丁燒@ HeA CORNER *芝士朱古力味布甸 🍮呢個布甸勁得意分開食上面布甸同下面蛋糕唔會食到中間咸咸地既一定一定要兩邊一齊食!!勁神奇！成個甜品嘅味道真係好正一定會再去食！

原味芝士布丁燒 $25源自北海道嘅布甸燒係近年香港熱門嘅甜品。食嘅時候要倒轉吸出嚟架🍮布甸入口幼滑順口，甜度適中唔會太膩，絕對係幸福嘅味道呀🥰軟綿綿嘅雞蛋糕底層鬆軟，滲出微微日式芝士蛋糕味🧀估唔到夾埋禁好食！如果蛋糕再佔多啲比例就好啦～面層嘅圖案得意又有意思，當散水餅送比人或者平平地買黎哄女朋友最啱💖-.-.-.-.-.-.-.-.-.-.📍布丁燒 @ HEA CORNER沙田京瑞廣場2期107號店

今次去左石門買布丁燒試試❤️❤️一次過買左8隻同屋企人分享味道ok,甜度適中，質地順滑布丁燒都好考功夫，因為有2層的關係，有蛋糕同 蛋漿，呢間都做得唔錯❤️評分：4/5（5分滿分）

成日經過見到佢既布丁燒都好想試下，甘今日就去買一杯試下啦！我想問下店員廚櫃入面擺既係咩味道，點知後面我諗應該係老闆娘搶住問：「你想要咩味，我拎俾你」但其實我見到廚櫃有幾款就只想知是咩味，我就覺得都無回應到我問題，所以無奈地跟著佢黑板上寫果4款味講要朱古力味，我是堂食的，味道一般，無咩朱古力味哩，我諗這樣的服務和食物質素，我諗我唔會再光顧了⋯⋯

石門又一傑作—抹茶布丁燒又時諗吾丁食咩就會想去石門望下，因為每次去親麵會有新店，今次麵吾例外，又發現到新野抹茶布丁燒🍮（$28）-抹茶味適中-抹茶布丁質感香滑-芝士蛋糕🍰底香滑

石門既京瑞廣場愈開愈多食肆同小食店🏠無意中見到呢間布丁燒🍮幾款味道 都真係心大心細💕最後揀左抹茶芝士布丁燒布丁係偏向實淨厚身 非常滑略嫌抹茶味道不較濃🤭底層芝士蛋糕係鬆軟同好香芝士味既 加埋抹茶既味道 一啲遺和感都無加埋少少既焦糖漿令整體濕潤一啲 食落既口感好順滑🤤總統黎講第一次試都有唔錯既評分👍🏻.人均消費：$28推介指數：👅👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）

上網見到葵廣嘅布丁燒好出名，但一直未有機會嘗試。。。今次喺石門京瑞廣場居然比我搵到一間更加平嘅布丁燒小店😋布丁燒一共有四種口味, 包括原味、朱古力、咖啡、抹茶味😍而我就揀左抹茶芝士布丁燒 $28賣相細細件，層次分明👍🏻食得出唔係假既香精，不過對於抹茶控黎講，抹茶味可以更加重！🙈芝士層夠綿滑😎覺得整體可以再甜啲添～$28黎講性價比都高嫁😉店舖仲有賣其他食物，例如窩夫 烤餅，有機會會再試下😋👍🏻

之前係元朗食過一間布丁燒，念念不忘。竟然俾我發現沙田也開了布丁燒店而且有網上外賣平台外送足不出戶也可以歎美味布丁燒，太幸福！是次點了：甜點-原味芝士布丁燒朱古力味布丁燒兩款也甜度適中，又軟又滑！超級好味！食完都覺得唔夠喉，好想再食呀！咸甜-芝士煙肉窩夫：香脆好味，但送到來是凍的，究竟本身是凍食還是熱食呢？我估熱會好吃些，無論如何，味道真不錯雖然不是親身去鋪頭幫襯，還是要推介一下。今次叫網上外賣平台比原定遲了45分鐘才送到，等到頸到長。有機會要去鋪頭即叫即食另有一番味道